Morgunblaðið - 20.02.1980, Blaðsíða 23
MORGUNBLAÐIÐ, MIÐVIKUDAGUR 20. FEBRÚAR 1980
23
Hver og hvernig á að
annast uppeldi barna?
Sólveig Ólafsdóttir formaður KRFÍ (t.v.) og Jónína Guðnadóttir formaður þeirrar nefndar er
skipuleggur ráðstefnuna. / Ljósm. Kristján.
r
Kvenréttindafélag Islands gengst fyrir
ráðstefnu um „jafna foreldraábyrgð“
KVENRÉTTINDAFÉLAG
íslands — KRFÍ — hefur
ákveðið að efna tii ráðstefnu
undir heitinu „Jöfn foreldra-
ábyrgð“ að Ilótel Borg 23.
febrúar næst komandi kl. 13
— 18. Alþjóðasamband kven-
réttindafélaga, sem KRFI á
aðild að, valdi þetta viðfangs-
efni vegna alþjóðaárs barns-
ins 1979 og beindi því til
aðildarfélaga að þau gengjust
fyrir umræðufundum um það.
Ráðstefnan hefst með setn-
ingu formanns KRFÍ, Sólveig-
ar Ólafsdóttur, en síðan verður
flutt framsöguerindi. Fyrst
talar Guðrún Erlendsdóttir
dósent um löggjöf er snertir
börn og ábyrgð foreldra fyrr
og nú. Mun hún og gera grein
fyrir frumvarpi til barnalaga
sem legið hefur fyrir Alþingi
nokkur undanfarin ár. Þá
verður fjallað um heimili og
fjölskyldu og mun Björg Ein-
arsdóttir skrifstofumaður
hafa framsögu um verkaskipt-
ingu foreldra innan veggja
heimilisins sem mótandi afl í
að skapa ímynd foreldra í
augum barna. Um hlutverk
foreldra utan heimilis við
tekjuöflun, félagsstörf og tóm-
stundir o.fl. talar Þórir S.
Guðbergsson félagsráðgjafi.
Þriðji efnisþáttur ráðstefn-
unnar verður um foreldra-
ábyrgð annars vegar og ábyrgð
hins opinbera hins vegar. Guð-
finna Eydal sálfræðingur talar
um það hvar mörkin milli
þessara tveggja aðila séu eða
eiga að vera en síðar mun
Bessí Jóhannsdóttir fjalla um
það hvernig opinberir aðilar
geta komið til móts við það
sjónarmið að ábyrgð á börnum
jafnist á foreldrana meir en nú
er. Kári Arnórsson skólastjóri
þessum þætti um innra starf í
skólum og fræðslu sem getur
stuðlað að því að gera einstakl-
inga af báðum kynjum ábyrga
fyrir eigin framfærslu.
mun hafa síðustu framsögu í
Fjórði og síðasti þáttur um-
ræðnanna fjallar um vinnu-
markaðinn. Framsögu um
þennan þátt hafa Bergþóra
Sigmundsdóttir þjóðfélags-
fræðingur og Haukur Björns-
son framkvæmdastjóri.
Að framsöguerindunum
loknum munu hópar fjalla um
þau efni sem að ofan greinir en
niðurstöður þeirra verða síðan
ræddar eftir því sem tími
vinnst til. Sólveig Ólafsdóttir
mun síðan slíta ráðstefnunni
kl. 18.
Breytingar fyrirhugaðar
á starfsemi og lögum
KRFÍ
Á fundi sem KRFÍ hélt með
blaðamönnum kom það fram
að starfssvið félagsins hefur
breyst mikið á síðustu árum. í
fyrstu var það markmið fé-
lagsins að fá aukin réttindi til
handa konum. Nú hafa konur
hins vegar fengið flest lagaleg
réttindi til jafns við karlmenn.
Starfsemi félagsins hefur því
mótast af því að breyta við-
horfum fólks til jafnréttis-
mála.
„Þótt stundum hafi verið
allerfitt að fá lögunum breytt
þá má búast við því að enn
erfiðara verði að breyta hug-
arfari fólks," sagði Sólveig
Ólafsdóttir formaður KRFÍ.
Þá kom það fram á fundin-
um að á landsfundi KRFÍ í
haust verður rætt um gagn-
gera breytingu á störfum og
lögum félagsins. í tengslum
við fundinn er einnig ráðgert
að halda fund með konum sem
sitja í sveitarstjórnum víðs
vegar um landið í því augna-
miði að kanna þátttöku
kvenna í sveitarstjórnarmal-
um.
Mildur vetur í
Stykkishólmi
Stykki.shólmi. 14. íebr. 1980.
ÞAÐ sem af er vetri hefir hann
verið mildur. Ekki hefir verið um
mikinn ís að ræða á firðinum eins
og oft áður, þegar jafnvel höfnin
í Stykkishólmi hefir lokast um
lengri tíma og valdið vandræð-
um. Áætlunarferðir bifreiða milli
Stykkishólms og Reykjavíkur
hafa ekki stöðvast og lítið hefir
verið um snjó bæði á jörð og í
fjöllum. Skelfiskveiðar hófust
rétt eftir áramót og hafa verið
eðlilegar allan timann. Flestir
batar hér stunda þær veiðar.
Þórsnes II hefir verið á þorsk-
veiðum en bilun varð í olíukerfi
fyrir nokkru og gat báturinn
ekki stundað veiðar á meðan. ÖII
stöðvun hefir mikil áhrif á
greiðslugetu og kom þetta sér því
mjög bagalega.
Stykkishólmskirkju eru oft
færðar veglegar gjafir og nýlega
sendi frú Lovísa Olafsdóttir kirkj-
unni 200 þúsund krónur að gjöf
sem hún óskaði eftir að yrði varið
kirkjunni til gagns. Frú Lovísa bjó
hér allan sinn búskap. Hún var
gift Einari Jóhannessyni skip-
stjóra en hann er látinn fyrir
nokkru. Einar lét kirkjunnar mál-
efni sig miklu skipta og var um
skeið formaður sóknarnefndar.
Þau hjón settu svip á bæinn um
langt skeið og minnist þeirra
margur.
Hjónafagnaður er hér árviss.
Hann var nú haldinn í febrúar-
byrjun. Nefnd 10 hjóna sér að öllu
leyti um fagnaðinn, borðhald og
annað og er hún tilnefnd í lok
hvers fagnaðar. Er jafnan mikil
aðsókn og kemur fólk úr sveitinni
til þessa hófs. Öll skemmtiatriðin
eru heimatilbúin og takast yfir-
leitt mjög vel svo að ekki þarf að
sækja annað dýra skemmtikrafta.
Þessi fagnaður varð öllum til
ánægju og sóma.
Þá er nýlátin hér í Hólminum
frú Jóhanna Ólafsdóttir, eigin-
kona Kristjáns Gíslasonar tré-
smiðameistara frá Skógarnesi. Jó-
hanna var 83 ára er hún lést og
höfðu þau hjón búið hér í Hólmin-
um yfir 40 ár þar sem Kristján
hafði þar til fyrir nokkrum árum
stundað húsa- og bátasmíðar. Þau
hjón voru vel metnir borgarar hér.
Fréttaritari.
EFÞAÐERFRÉTT-
NÆMTÞÁERÞAÐÍ
MORGUNBLAÐINU
AÚGLYSINGA-
SÍMINN ER:
22480
mazoa
VARAHLUTAMIÐSTÖÐ
Í BELGÍU
Aður en þið festið kaup á japönskum bilum, þá spyrjið
um varahlutamiðstöð fýrir Island, því leiðin frá Japan
er löng og ströng ef þið _ ^ ^ _ _ _
lendið í óhöppum. B/LABOfíG HR
SMIDSHÖFDA 23 simar: 81264 og 81299