Morgunblaðið - 27.02.1980, Qupperneq 1
32 SÍÐUR
48. tbl. 67. árg. MIÐVIKUDAGUR 27. FEBRÚAR 1980 Prentsmiðja Morgunblaðsins.
Fullt
samband
Tel Aviv, 26. febrúar. AP.
ARABAR fóru í fjöldagöngur,
efndu til mótmælaverkfalla og
áttu í átökum við lögreglu þegar
Egyptar og ísraelsmenn skiptust á
sendiherrum í dag og tóku upp
fullt stjórnmálasamband.
Egypzki sendiherrann Saad
Murtada afhenti trúnaðarbréf sín í
embættisbústað forseta ísraels,
Yitzhak Navons. „Við getum gefið
gott fordæmi með því að lifa saman
í friði.“
Israelski sendiherrann Eliahu
Ben-Elissar afhenti jafnframt
Anwar Sadat forseta trúnaðarbréf
sín í Kaíró og sagði: „Ég er
algerlega viss um að friður er
óhj ákvæmilegur."
Yfirmaður
íransflota
handtekinn
Teheran, 26. febrúar. AP.
YFIRMAÐUR iranska sjóhers-
ins, Mahmoud Alavi flotaforingi,
hefur verið handtekinn, gefið að
sök að hafa staðið í nánu sam-
bandi við „bandaríska njósnara“
i sendiráði Bandaríkjanna í Te-
heran að sögn stjórnarmálgagns
í dag.
Þetta er í þriðja sinn sem skjöl
úr sendiráðinu leiða til þess að
íranskur embættismaður er hand-
tekinn.
Enn bendir ekkert til þess að
bandarísku gíslarnir verði látnir
lausir fyrr en í apríl.
Djúpið
kembt
Nær allur bátaflotinn við Djúp, 30-40 bátar og togarar, kembdu leitarsvæðið innan fjarða í gær við góð
leitarskilyrði, en þarna sjást þrír bátanna sigla með jöfnu millibili inn Djúpið. ,..
Sjá trásagnir í baksiðu og miðsíðu blaðsws. u-m-mmssx.
Tito er nær
dauða en lífi
Belgrad, 26. febrúar. AP.
DAUÐASTUND Josip Broz Tito
forseta færðist nær i dag er
læknar hans sögðu að þeir
hefðu ekki getað læknað hann
af lungnabólgu og hjartatrufl-
anirnar hefðu aukizt.
Alvarleg tónlist var á ný flutt
í Belgrad-útvarpinu og í fyrsta
skipti síðan Tito var fluttur í
sjúkrahús fyrir rúmum sex vik-
um var sýnd mynd af honum
með frétt sjónvarpsins í Belgrad
um veikindi hans.
Fjöldi manna tekinn
höndum í Af ganistan
Nýju Dolhi._2fi. fohrúar. AP.
YFIRVÖLD í Kabul handtóku í dag mikinn fjölda múhameðstrúarmanna af trúflokki
Shíta, sem eru grunaðir um að hafa staðið fyrir óeirðunum sem hafa kostað mörg
hundruð manna lífið að undanförnu. Útvarpið í Kabul skoraði jafnframt á kaupmenn
í höfuðborginni að hætta sex daga verkfalli og lofaði þeim vernd ef þeir yrðu við
áskoruninni. Samkvæmt flugmiða sem hefur verið dreift átti verkfallið að standa í
sex daga þótt það sé enn ekki ljóst.
Kosningar eftir sjö
ára stríð í Rhódesíu
Salisbury. 26. fehrúar. AP.
ÞJÓÐARATKVÆÐAGREIÐSLA méð þátttöku þriggja milljóna
blökkumanna hefst á morgun um sjálfstaeði Rhódesíu í kjölfar sjö ára
skærustyrjaldar sem batt enda á stjórn hvíta minnihlutans. Soames
lávarður, landstjóri siðustu nýlendu Breta í Afríku. sagði í
sjónvarpsávarpi til landsmanna: „Þrátt fyrir öll vandamál sem við
höfum staðið andspænis munu kosningarnar sem hefjast á morgun
fara fram með þeim hætti að þær ættu að tryggja Rhódesíumönnum þá
stjórn sem þeir vilja.“
Talsmaður Soames benti á, að
landstjórinn hefði ekki talið nauð-
synlegt að gera fleiri ráðstafanir
til að bæla niður pólitískt ofbeldi
þá þrjá daga sem kosningarnar
standa. Landstjórinn hefði getað
bannað stjórnmálaflokka sem
hann teldi reyna að kúga svarta
kjósendur, en slíkar ráðstafanir
hefðu líklega gert að engu mögu-
leika Breta á því að fá blökku-
menn til að sætta sig við úrslit
kosninganna.
Talsmaðurinn sagði einnig, að
Soames fyndist ánægjulegt að um
90 rhódesískir lögreglumenn og
hermenn hefðu sameinazt um
12.500 skæruliðum, óvinum þeirra
í sjö ár. Þorri um 550 hermanna
frá brezka samveldinu, sem hafa
haft eftirlit með 22.000 skærulið-
um í sérstökum búðum, mun fara
úr landi fyrir mánudag í næstu
viku.
Nokkrir brezkir eftirlitsmenn
verða eftir í búðunum og munu sjá
um samstarf milli skæruliða og
rhódesískra öryggissveita eða
starfa sem leiðbeinendur skæru-
liða sem bjóða sig fram sem
sjálfboðaliða í landher sem stofn-
aður verður eftir að landið fær
sjálfstæði.
Shíta-mennirnir sem voru hand-
teknir eru af Hazara-ættflokknum í
héraðinu Bamian í Mið-Afganistan.
Þeir hafa frá gamalli tíð verið
beittir misrétti af Pushtun-
ættflokknum og Paþönum sem til-
heyra Sunnita-trúflokknum. Hazar-
ar og aðrir shítar eru milli 10—20%
þjóðarinnar sem er 16 milljónir.
I Washington var sagt, að Jimmy
Carter forseti hefði boðizt til þess í
dag að styðja hlutlaust Afganist-
anríki ef Rússar færu fljótlega frá
landinu. Tilboð Carters kemur fram
í svari við bréfi frá Josip Broz Tito
Júgóslavíuforseta og fylgir í kjölfar
tilboðs sem Rússar virðast hafa sett
fram um að hverfa á braut um leið
og öllum utanaðkomandi afskiptum
af málum Afganistans verður hætt
að fullu.
Embættismenn neita því að bréf
forsetans sé svar við ræðu sem
Leonid Brezhnev, forseti Rússa,
flutti á föstudag. Þar sagði, að ef
Bandaríkin og nágrannaríki Afgan-
istans ábyrgðust að afskiptum yrði
hætt yrði ekki lengur þörf fyrir
sovézka hernaðaraðstoð.
Samkvæmt síðari fréttum frá
Afganistan eru fjölskyldur matar-
lausar vegna verkfalls kaupmanna.
Áreiðanlegar fréttir herma, að 85—
90% verzlana hafi verið lokaðar í
gær. Ríkisútvarpið skoraði á ríkis-
starfsmenn að snúa aftur til vinnu
og áskorunin fylgir í kjölfar frétta
um að þeir hafi flestir verið heima í
gær.
Kabul-útvarpið sagði í dag, að
Mahmud Baryalay, bróðir Babrak
Karmals forseta, væri á lífi, en
fréttir hermdu að hann hefði beðið
bana í skotbardaga í síðustu viku.
En útvarpið í Afganistan hefur ekki
minnzt á Karmal síðustu tvo daga
og hann hefur ekki sézt opinberlega
í þrjár vikur.
Kjarnorkuver
stöðvaðist
Atlanta. <ú'nriria. 2fi. íebrúar. Al’.
KJARNORKUVER við Chrysler
River, Florida, stöðvaðist af sjálfu
sér í dag og nokkrir starfsmenn
voru fluttir burtu eftir kælivatns-
leka, en ekkert geislavirkt efni
barst úr verinu að sögn kjarn-
orkueftirlitsnefndarinnar.