Morgunblaðið - 27.02.1980, Blaðsíða 3
MORGUNBLAÐIÐ, MIÐVIKUDAGUR 27. FEBRÚAR 1980
3
Neyðarástandi var lýst yfir á Suðureyri:
Verstu hviðurnar voru
eins og sprengingar
Suðureyri. 26. fehrúar.
Suðureyri við Súgandafjörð.
EKKI er ofsögum sagt
að tjónið í ofsaveðrinu,
sem gekk hér yfir í gær,
nemi 10—20 milljónum
króna. Má sem dæmi
nefna, að hjallur með
nær fullstöðnum harð-
fiski fauk um koll og
allur harðfiskurinn á sjó
út, en hann var metinn á
5 milljónir króna. Þá
fuku skreiðarhjallar með
8 tonnum af nær fullstað-
inni skreið en tjón er
ókannað.
í birtingu í gærmorgun fóru
stærri línubátarnir af stað í
róður í sæmilegu veðri. Um
tíuleytið skall á suðvestan
stormur og sneru þeir þá við og
voru komnir í land um hádegi.
Um eittleytið lægði á meðan
vindurinn snerist í vestrið og
Iitlu seinna skall á vestan-ofsa-
veður, sem er í líkingu við veðrið
sem hér gerði 1974, er mikið tjón
varð hér á Súgandafirði. Þetta
veður var með aðfalli og fór ekki
að draga úr því fyrr en fór að
falla út aftur seinni part dags-
ins.
í verstu vindhviðunum fauk
járn af mörgum þökum sam-
tímis og sem dæmi má nefna tók
veðrið fiskhjall í heilu lagi á loft
upp og skellti honum síðan á
hliðina . skammt frá þar sem
og menn
fuku
eins og
fiður
vœri
hann stóð áður, en næsta hviða
tók allt lauslegt úr hjallinum og
þeytti því á sjó fram. Tjón varð
meira og minna hjá um 50
mönnum og er þar bæði átt við
tjón, sem varð á fasteignum og
lausafé. Járnplötur fuku af 12—
15 húsum, allt frá einni plötu
upp í 20—30 plötur af einstaka
húsi. A flestum sveitabæjunum í
hreppnum urðu meiri og minni
skemmdir er járn fauk af hús-
um. A Norðureyri, sem er eyði-
býli gegnt kauptúninu, fór þakið
af í heilu lagi og þeyttist á sjó
fram.
Það má teljast mildi, að ekki
varð slys á fólki í þessu fárviðri,
því að fullfrískir karlmenn fuku
í veðrinu eins og fiður væri.
Einungis er vitað um einn mann,
sem fauk og fékk gat á höfuð, er
hann skall á húsvegg. Síma-
samband við Súgandafjörð rofn-
aði um miðjan dag í gær og
komst ekki á aftur fyrr en
sólarhring seinna eða um kaffi-
leytið í dag. Að sögn símavið-
gerðarmanna voru 14 símastaur-
ar brotnir, allir í miðjum firðin-
um, rétt fyrir innan Laugar.
Hitaveita Suðureyrar fór úr
sambandi seinni partinn í gær
og kom í ljós að skemmdir höfðu
orðið á háspennulínu inn af
borholunni. Þeirri viðgerð lauk
um miðjan dag í dag og var heitt
vatn farið að streyma í hús
Súgfirðinga nú síðdegis.
Um miðjan dag í gær var lýst
yfir neyðarástandi í byggðarlag-
inu og var sett upp stjórnstöð
almannavarnanefndar vegna
hjálparaðgerða og björgunar-
sveit staðarins ásamt öllum
verkfærum öðrum var í því fram
eftir kvöldi að koma í veg fyrir
frekari skemmdir. Var vakt hjá
almannavarnanefndinni fram á
nótt til klukkan 4.
Erfitt er að lýsa með orðum
því óskaplega veðri sem hér gekk
yfir en sem dæmi um iveðurofs-
ann má segja, að verstu hviðurn-
ar hafi gengið yfir eins og um
sprengingu væri að ræða. Þak-
plötur sáust snúast í loft upp
eins og pappaspjöld og jafnvel fá
á sig hviður úr gagnstæðri átt og
fljúga til baka. - Ilalldór
Sveinbjörn Rafnsson
Sveinbjörn Rafns-
son skipaður
prófessor
MENNTAMÁLARÁÐHERRA
hefur ákveðið að leggja til við
forseta íslands að Sveinbjörn
Rafnsson verði skipaður prófess-
or í almennri sagnfraéði við
heimspekideild Háskóla íslands
og mun skipunin taka gildi 1.
marz n.k.
Þegar umsóknarfrestur um
stöðu prófessors í almennri sagn-
fræði við heimspekideild Háskól-
ans rann út höfðu borizt 5 um-
sóknir auk umsóknar Sveinbjörns,
en þær voru frá Inga Sigurðssyni,
Jóni R. Hjálmarssyni, Jóni Kr.
Margeirssyni, Lofti Guttormssyni
og Þór Whitehead. Samkvæmt
upplýsingum ráðuneytisstjóra
menntamálaráðuneytis var dóm-
nefnd skipuð og áleit meirihluti
hennar 3 umsækjendur hæfa, þá
Inga Sigurðsson, Sveinbjörn
Rafnsson og Þór Whitehead.
Björn Þorsteinsson formaður
dómnefndar skilaði séráliti og
taldi Sveinbjörn mjög vel hæfan,
en að Ingi og Þór hefðu ekki
sannað hæfni sína til starfsins og
við atkvæðagreiðslu í heimspeki-
deild hlaut Sveinbjörn 17 atkvæði,
Ingi 7 og Þór 3, en 1 seðill var
auður.
Viðskiptaráðherra ræð
ir við Seðlabankann
— um óbreytt afurðalán áfram
RÍKISSTJ ÓRNIN fól á fundi í
gærmorgun viðskiptaráðherra að
ræða við Seðlabankann um að bank-
inn hverfi frá fyrirhugaðri lækkun
afurðalána fiskvinnslu. eða þá að
viðskiptabankarnir auki sín lán.
þannig að heildarlán haldist
óbreytt.
„Ég gerði grein fyrir því á ríkis-
stjórnarfundinum í morgun, að ég
teldi þessa ákvörðun Seðlabankans
brot á þeim grundvelli, sem ákveðinn
var, þegar farið var yfir í gengis-
tryggð lán,“ sagði Steingrímur Her-
mannsson, sjávarútvegsráðherra, í
samtali við Mbl. í gærkvöldi. „Þessi
samdráttur í afurðalánunum er að
mínu mati mjög alvarlegur hlutur og
niðurstaðan varð sú, að viðskiptaráð-
herra myndi ræða við Seðlabank-
ann.“
Seðlabankinn hefur tilkynnt að
útlán hans út á afurðir í sjávarútvegi
skuli lækka úr 53,5% í 50% í tveimur
áföngum. Viðskiptabankarnir hafa
að auki lánað 40% ofan á útlánin, eða
21,5%, þannig að heildarafurðalánin
hafa verið 75% af áætluðu afurða-
verði. Viðskiptabankarnir ætluðu
ekki að auka hlutdeild sína á móti
lækkun Seðlabankans.
Þrír vioræðu-
fundir
TALSVERT verður um að vera á
sviði kjaramálanna í dag. Boðað-
ir eru tveir sáttafundir ög einn
viðræðufundur aðila ASÍ og VSÍ.
Sáttafundirnir eru á vegum
sáttasemjara ríkisins, en viðræð-
ur ASÍ og VSÍ eru enn á vegum
sambandanna sjálfra. Kjaradeil-
unni hefur enn ekki verið visað
til sáttasemjara ríkisins.
Guðlaugur Þorvaldsson, sátta-
semjari ríkisins hefur boðað við-
ræðuaðila í kjaradeilu ríkisins og
BSRB til fundar í dag klukkan
13,30. Er þetta annar fundurinn
nú í þessari kjaradeilu, en 3.
fundur frá því er samningar voru
lausir hinn 1. júlí síðastliðinn.
Kröfur BSRB eru um grunnkaups-
hækkanir á bilinu frá 18 og upp í
39%, auk annarra krafna.
Alþýðusamband íslands og
Vinnuveitendasamband íslands
hafa átt með sér allmarga
í dag
viðræðufundi að undanförnu óg
hafa þeir verið haldnir til skiptis í
húsakynnum sambandanna. Verð-
ur fundur í dag klukkan 10 í
húsakynnum VSI. ASÍ hefur lagt
fram kröfu um 5% grunnkaups-
hækkun, auk sérkrafna. Þá eru
sérkröfur landssambanda innan
ASÍ nú óðum að koma fram og
hækka þær kröfurnar allverulega
frá 5%-markinu.
Þá er boðaður þriðji fundurinn í
dag milli flugmanna og vinnuveit-
enda þeirra. Það er Gunnar G.
Schram, skipaður aðstoðarsátta-
semjari, sem boðar fundinn og er
þetta fyrsti fundurinn frá því er
hann tók að sér sáttastörf milli
aðilanna. í flugmannadeilunni
hafa verið lagðar fram kröfur
flugmanna og gagnkröfur Flug-
leiða. Sáttafundurinn í flug-
mannadeilunni er boðaður klukk-
an 16.