Morgunblaðið - 27.02.1980, Blaðsíða 23

MORGUNBLAÐIÐ, MIÐVIKUDAGUR 27. FEBRÚAR 1980
23
Guðjón Ó. Magnússon endurkjörinn formaður ÍSALP:
Áhugi á fjallgöngum hefur
stóraukist á síðustu árum
AÐALFUNDURÍSALP, íslenzka
alpaklúbbsins, félags
áhugamanna um f jallgöngur, var
nýlega haldinn í húsnæði félags-
ins á Grensásvegi 5. Þar kom
fram að félagið vex stöðugt fisk-
ur um hrygg, félögum fjölgaði úr
120 í upphafi árs 1979 i um 200 í
lok ársins.
Formaður félagsins, Guðjón Ó.
Magnússon, var endurkjörinn og
með honum í stjórn þeir Björn
Vilhjálmsson, Einar Steingríms-
son, Ingvar Teitsson.Magnús Guð-
mundsson og Torfi Hjaltason, en
þeir Einar og Torfi koma inn sem
nýir stjórnarmenn í stað þeirra
Erlings Thoroddsens og Helga
Benediktssonar, sem ekki gáfu
kost á sér til endurkjörs.
í samtali sem Mbl. átti við
formann félagsins kom fram að
starfið var mjög blómlegt á s.l.
starfsári. A hverju miðvikudags-
kvöldi eru svokölluðu „opin hús“,
þar sem félagarnir hittast og ræða
málin, sýna myndir og haldnir eru
ýmiss konar fyrirlestrar um efni
tengd fjallgöngum. Á s.l. ári voru
farnar 15 ferðir á vegum félagsins,
þar af 4 námskeið í undirstöðu-
Félögum f jölgaði
um tæplega
70% á síðasta ári
Hér má sjá einn félaga ÍSALP
klífa snarbrattan ísvegg í
Gigjökli í Eyjafjallajökli.
atriðum fjallamennsku. Eitt nám-
skeið var í undirstöðuatriðum
snjóklifurs og var það haldið í
Hengli. Eitt námskeið var haldið í
undirstöðuatriðum bergklifurs og
var það haldið á Þingvöllum og
loks voru tvö ísklifurnámskeið
haldin á árinu í Gígjökli í Eyja-
fjallajökli. Þátttakendur í þessum
ferðum og námskeiðum voru tæp-
lega 200.
Sex félagsfundir voru haldnir á
starfsárinu og má þar sérstaklega
geta fundar þar sem gestur félags-
ins var hinn þekkti bandaríski
fjallgöngumaður William Q.
Sumner, en hann sýndi litskyggn-
ur frá ýmsum ferðum sínum um
heiminn.m.a.úr ferð þegar Band-
aríkjamenn klifu fjallið K2,
næsthæsta fjall heims, fyrir
tveimur árum. Að síðustu kom
fram hjá formanni félagsins, að
áhugi fólks á útivist væri að
aukast mikið hér á landi og áhugi
á fjallgöngum væri þar ekki und-
anskilinn. „Annars er aðalmark-
mið okkar hjá ÍSALP að auka
áhuga fólks á fjallamennsku,"
sagði Guðjón Ó. Magnússon for-
maður félagsins að síðustu.
Óðaverðbólga á íslandi
virðist fara vaxandi
WashinKton — 23. íehrúar — AP.
HAGVÖXTUR hélt áfram
á íslandi árið 1979, þrátt
fyrir áframhaldandi óða-
verðbólgu, sem virðist
vera að færast í aukana,
segir í greinargerð banda-
ríska viðskiptaráðuneytis-
ins, sem birtist í nýjasta
tölublaði tímaritsins
Business America. Þjóð-
arframleiðsla virðist hafa
aukizt um 3.7 af hundraði,
— segir
Business
America
en þar er um samdrátt að
ræða sé miðað við aukn-
ingu 1977 og 1978, en þá
var aukning þjóðarfram-
leiðslu í kringum 5 af
hundraði.
„Óðaverðbólgan, sem að
meðaltali var 54% á ár-
inu, á rætur sínar að
rekja til launahækkana á
árinu 1977, en olíuhækk-
anir á Rotterdammarkaði,
sem ræður verði á olíu,
sem Islendingar fá frá
Sovétríkjunum, urðu til
að auka verðbólguna,"
segir í grein ritsins, sem
gefið er út af viðskipta-
ráðuneytinu.
Spanskflugan
í Fannahlíð
LEIKFLOKKURINN Sunnan
Skarðsheiðar frumsýnir í kvöld
gamanleikritið Spanskfluguna
eftir Arnold og Bach í Félags-
heimilinu Fannahlíð Skilmanna-
hreppi klukkan 21.00.
Leikarar eru tólf og leikstjóri er
Evert Ingólfsson, sem þreytir sína
frumraun í leikhússtjórn.
Verkið er það sjöunda sem
leikflokkurinn tekur fyrir frá
stofnun hans. Hægt er að panta
miða í síma 2134 á Akranesi.
ilii^
'' "V .- ■ V 1
\ ITO I
l®'' l i * ■i JÉ , » A- «
ásgarður
m. *aa — m im — i. tolum.
*
Asgarður
í nýjum
búningi
ÁSGARÐUR, tímarit BSRB, er
nú komið út í nýjum búningi.
Það er offsetprentað með einum
aukalit. Blaðið hefur komið út
reglubundið í 28 ár og er sent
félagsmönnum í BSRB og því
eftirlaunafólki er þess óskar.
Upplagið er 16.500 eintök.
Útlitshönnun blaðsins er gerð
af prentstofu G. Benediktssonar.
Ritstjóri Ásgarðs er Haraldur
Steinþórsson.
Yerkíærum fyr-
ir hundruð
þúsunda stolið
UM HELGINA var brotizt inn í
fyrirtækið Bátanaust við Elliða-
vog. Þaðan var stolið miklu af
verkfærum og tækjum, alls að
verðmæti um 500 þúsund krónur.
Meðal annars hafði þjófurinn á'
brott með sér talstöðvar.
Þá var brotizt inn í Málningu
og járnvörur, Laugavegi 23, og
þaðan stolið miklu af vasahníf-
um af gerðinni Victorinox.
Víglundur
í stjórn
Verzlunar-
ráðsins
í FRÁSÖGN Mbl. af stjórnar-
kjöri Verzlunarráðs íslands á
aðalfundi þess í sl. viku féll
niður eitt nafn nýkjörins stjórn-
armanns, Víglunds Þorsteins-
sonar. Biður blaðið velvirðingar
á þessum mistökum.
Þá var sagt á einum stað í
ræðu formanns Verzlunarráðs-
ins, Hjalta Geirs Kristjánsson-
ar, að verðbólga myndi lækka úr
45% í 45%, en átti auðvitað að
vera 45% í 4,5%.
Flugleiða-
menn á fund
ríkisstjórn-
arinnar
SIGURÐUR Helgason forstjóri
og Örn O. Johnson stjórnarfor-
maður Flugleiða gengu í gærdag
á fund ríkisstjórnarinnar og
skýrðu frá stöðu mála hjá Flug-
leiðum um þessar mundir.
Örn sagði í samtali við Mbl. í
gærkvöldi, að það væri stefna
þeirra hjá Flugleiðum að skýra
ríkisstjórnum á hverjum tíma
frá stöðu mála, þetta væri því
ekki nein nýlunda. Að öðru leyti
vildi Örn ekki tjá sig um málið.
Tvívegis stol-
ið tóbaki
úr Nýgrilli
UM HELGINA var tvívegis
brotizt inn í Nýgrill í Breiðholti
og þaðan stolið tóbaksvörum
fyrir hundruð þúsunda króna.
Fyrst var stolið tóbaki þaðan um
miðjan dag á föstudag og var þá
tekið talsvert magn. Aðfaranótt
laugardagsins voru þjófar aftur
á ferð í Nýgrilli og þá stálu þeir
30 lengjum af sígarettum að
söluverðmæti 270 þúsund krón-
ur.
Framlög verði
aukin til
kynningar á
framhaldsnámi
Á FUNDI stjórnar Nemendafé-
lags Menntaskólans á Egils-
stöðum fyrir skömmu var sam-
þykkt að skora á menntamála-
ráðuneytið að auka fjárveitingar
til námskynningar í menntaskól-
unum á vegum Stúdentaráðs
Islands.
Bendir stjórnin á að henni
hafi borizt bréf frá S.H.Í. þess
efnis að verulega skorti á fjár-
framlög af ríkisins hálfu til
slíkra námskynninga.
Þá segir að stjórnin telji að
þær séu nauðsynlegar vegna
þess að þær séu eina tækifærið
sem nemendur mennta- og fjöl-
brautaskóla hafi til að kynna sér
framhaldsnám.
Safnahúsið í
Borgarnesi
FÖÐURNAFN Dagnýjar Helga-
dóttur arkitekts misritaðist því
miður, er sagt var frá úrslitum í
samkeppni um gerð nýs safna-
húss í Borgarnesi í blaðinu í gær.
Hlaut Dagný þar 2. verðlaun.
Allirþekkj
BRILLO
Brillo sápusvampurinn er þín daglega hjálp viö
ræstinguna í eldhúsinu.
Hann auöveldar hreinsun á pottum, pönnum, ofnum,
eldavélum og fleiru sem mikiö mæöir á og skilar
því skínandi hreinu og fáguöu.
BRILLO MN DAGLEGA HJÁLR...