Morgunblaðið - 27.02.1980, Blaðsíða 29
MORGUNBLAÐIÐ, MIÐVIKUDAGUR 27. FEBRÚAR 1980
29
VELVAKANDI
SVARAR í SÍMA 10100
KL. 13-14 FRÁ
MANUDEGI TIL
FOSTUDAGS
Brýrnar eru nefnilega sér á parti
og ég hef grun um að þar sé
óplægður akur. Akranesferjan
gegnir mikilvægu hlutverki og er
hin mesta samgöngubót. Hins
vegar má líka spyrja hvort hag-
kvæmara sé að brúa Hvalfjörðinn
einhvers staðar við Akrafjallið
eða Grundartanga og láta reikna
út hvort ódýrara sé að notast við
slíka brú eða ferjuna um aldur og
ævi. Nú hlýtur að þurfa að end-
urnýja ferjuna og stækka eftir
kröfum tímans o.s.frv., en endist
ekki brúin miklu lengur með
minni tilkostnaði þótt hún hafi
kannski kostað mikið í upphafi?
En kannski er of snemmt að tala
um Hvalfjarðarbrú svona strax á
eftir Borgarfjarðarbrúnni.
Þess vegna held ég að brú yfir
Ölfusárósa sé mun merkilegri og
meira aðkallandi framkvæmd,
enda sækja sveitarfélögin þar það
mál fast, eftir því sem ég kemst
næst. Sú brúargerð myndi spara
miklar fjárhæðir þegar fram í
sækti og held ég að við mættum
gera meira af því að velta vöngum
yfir hvers kyns framkvæmdum í
þessa átt. Hvað með t.d. ýmsa vegi
á Vestfjörðum? Mætti ekki hrein-
lega leggja vegi eða brýr yfir ýmsa
firði þar ? Þeir eru svo grunnir að
það geta vart verið svo fjárfrekar
framkvæmdir við slíka brúargerð.
Nóg um þetta í bili og ég vona
bara að menn vilji ræða þessi mál
og helzt þyrfti auðvitað að reikna
út á vísindalegan hátt hvað sé
þjóðhagslega hagkvæmast í þess-
um efnum. Bara svo við vitum að
hverju beri að stefna fyrst. Er það
ekki alltaf gert hjá okkur?
DÝRARÍKIÐ heitir skrautfiskaeldistöð, sem er til húsa i Borgartúni
2. MASH tók þessa mynd þar nýlega og sýnir hún mikinn fjölda
skrautfiska af tegundinni Kribba.
Þesslr hringdu . . .
• Góð þjónusta
G.M.:
Ég vil aðeins koma því á
framfæri hvað er misjafnt með
almennar upplýsingar og af-
greiðslu á vinnustöðum hjá því
opinbera. En hér vil ég þakka góða
og skjóta hjálp í minn garð, sem
var hjá lóðarskrárritara ekki alls
fyrir löngu. Ég var svo heppin að
hitta þar elskulega konu, sem
greiddi úr öllum mínum heimsku-
legu spurningin. Þökk sé henni —
fleiri konur í kerfið !
• Dr.Gunnar
og Ljósvetn-
ingagoðinn
Að gefnu tilefni óskaði próf.
Þórir Kr. Þórðarson eftir því að
þess yrði getið að hann væri ekki
höfundur að bréfi um ríkisstjórn
dr. Gunnars Thoroddsen, er birtist
hjá Velvakanda sl. fimmtudag, en
það var undirritað stöfunum
Þ.K.Þ.
EF ÞAÐ ER
FRÉTTNÆMT
ÞÁ ER ÞAÐ í
MORGUNBLAÐINU
• Fær einhleyp-
ingur frádrátt?
Skattgreiðandi:
Hingað til hafa útivinnandi
eiginkonur haft 50% frádrátt
launa þegar reiknaður er út skatt-
ur hjónanna, en hvernig er með
þær, sem ekki eru eiginkonur?
Hafa þær engan rétt á frádrætti?
Eða hafa þær einhvern annan
frádrátt? Mér finnst þessi atriði
eitthvað óljós og vona að upplýs-
ingar fáist um hvernig þessum
málum er hagað núna.
Lesendum til upplýsingar getur
Velvakandi aðeins sagt að alveg á
næstunni verða birtar leiðbein-
ingar frá skattstjóra um útfyll-
ingu framtalseyðublaða og verður
áreiðanlega komið inn á ofan-
greind atriði, en leiðbeiningar
þessar verða birtar mjög fljótlega,
enda skilafrestur 10. marz.
• Nýr símatími
Velvakandi vekur athygli á
nýjum símatíma, sem breytist frá
deginum í dag. Verður hann fram-
vegis kl. 13—14 mánudaga til
föstudaga.
HÖGNI HREKKVISI
/.f’ETTA El? 'l ó'iW>TA 6INN 6EM '66 Flí>*
'A 6imW6rrWóA6TA©.'"
82? SIGGA V/ÖGA £ 1/LVeRAN
Frá Búnaðarþingi:
Gefin verði út handbók
um búfjársjúkdóma
Á FUNDI Búnaðarþings i fyrra-
dag ræddi Skúli Johnsen um
laxeldi og kynnti m.a. félag er
nýlega hefur verið stofnað um
iaxeldi. Kvað hann áríðandi að
sem mest samstarf tækist við
bændur á þessu sviði og hvatti þá
til að gerast aðilar að laxeldi.
Sex mál hafa nú verið afgreidd
frá Búnaðarþingi. Samþykkt var
ályktun um nýtingu innlendra
orkugjafa til súgþurrkunar þar
sem m.a. er gert ráð fyrir að
notaður sé hverahiti þar sem hægt
sé að koma því við og áð umfram-
rafmagn fáist með hagstæðum
kjörum. Þá var samþykkt ályktun
um gerð hliðgrinda, samþykkt var
ályktun þar sem hvatt var til þess
að leitað verði jafnan að hag-
kvæmustu vinnubrögðum í land-
búnaði og skipaður starfshópur
um það mál. Einnig var samþykkt
ályktun um hrossamörk og bent á
að menn gætu hagnýtt frostmerki
og samþykkt að taka upp skipu-
lagt merkjakerfi.
Þá var samþykkt að stuðlað yrði
að því nú þegar að samin yrði
kennslubók og handbók um helztu
búfjársjúkdóma og varnir gegn
þeim.
Sumarhús hf.
opnar verzlun
NÝLEGA opnaði fyrirtækið
Sumarhús h.f. verslun á Háteigs-
vegi 20.
Verslunin ber sama nafn og
fyrirtækið en í henni eru seld
furu- og reyrhúsgögn auk fjöl-
breytts úrvals af smíðajárni. Hús-
gögnin eru flutt inn frá Noregi.
Sumarhús h.f. mun sem fyrr
annast innflutning og uppsetn-
ingu Romsdals-sumarhúsa.
Meðfylgjandi mynd var tekin í
nýju verzluninni.
Ljósm. Mbl. Kristján.
EF ÞAÐ ER FRETT-
NÆMTÞÁERÞAÐÍ
MORGUNBLAÐINU