Morgunblaðið - 27.02.1980, Blaðsíða 32
Sími á ritstjórn HfHflfl
og skrifstofu: lv IUU
r
MIÐVIKUDAGUR 27. FEBRÚAR 1980
„Holskefla og 14-16 vindstig
lögðu bátinn á hliðina44
„HOLSKEFLA á bátinn og
vindurinn hjálpuðust að við að
leggja hann á hliðina, en
líklega heíur vindhraðinn verið
14 — Ifi vindstig þegar þetta
gerðist.“ sagði Konráð Egg-
ertsson á rækjubátnum Hall-
dóri Sigurðssyni, en þeir voru
hætt komnir í fárviðrinu á
mánudaginn. Náðu þeir að
keyra bátinn upp og rétta hann
við með því að setja vélina á
fullt og beygja á það borðið sem
hallaði á. Sjór var kominn í
Konráð Eggertsson.
— segir Konráð
Eggertsson sem
lenti i fárviðr-
inu í Djúpinu
stýrishús þar sem báðir menn-
irnir voru en holbárurnar sem
riðu yfir voru margra metra
háar.
„Við vorum á Ögurvíkinni að
toga um hádegisbilið þegar það
snöggbætti í suðaustan-kalda
áður en hann fór í suðvestan á
punktinum með þessum óskapn-
aði í vindhraða og byl. Maður
hugsaði nú ekki mikið á köflum
annað en það að reyna að halda
bátnum upp í veðrið og gera
enga vitleysu. Holbárurnar
hvelfast niður yfir og stundum
eru þær eins og stórir hnútar
sem hellast niður hver á eftir
öðrum. Við vorum báðir í stýr-
ishúsinu þegar skvettan reið yfir
og þegar við höfðum náð að
keyra bátinn upp frá því að
liggja á hliðinni urðum við að
keyra allt í botn til þess eins að
geta haldið upp í vindinn í
verstu hviðunum. Auðvitað átt-
um við að halda okkur í vari í
Ögurvíkinni, en eftir að við
höfðum lagt af stað heim varð
ekki snúið við aftur. Ég hef
aldrei lent í öðru eins veðri,
þetta var heldur verra en þegar
Svanur frá Hnífsdal fórst í
ofboðslegu veðri úti á hafi fyrir
nokkrum árum.
Síðasta spölinn heim höfðum
við samflot við þrjá aðra báta,
Pólstjörnuna, Gissur hvíta og
Engilráð."
Strax og Konráð var kominn í
land tók hann til starfa á
stjórnstöð fyrir björgunarstarf
og var þar ásamt öðrum hjálpar-
mönnum alla nóttina. Við spurð-
um Konráð hvernig stjórnun
leitar- og hjálparstarfs hefði
gengið fyrir sig og kom það fram
hjá honum sem öðrum, er við
ræddum við, að meiri samræm-
ingu vantaði í starf milli hjálp-
arsveitanna og fastari tök á
heildarstjórnun, sérstaklega í
upphafi.
Ljósmynd Kristján Örn Eliasson.
Rækjubáturinn Halldór Sigurðsson við bryggju á ísafirði í gær, en
hann lagðist flatur undan vindi og sjó í fárviðrinu á Vestfjörðum.
Brak úr 3 fundið
LEIT að bátunum sem saknað er á
Vestfjörðum var haldið áfram í
gær við góð leitarskilyrði og hafa
fundist hlutir úr bátunum þrem-
ur, en sjómannanna sex er saknað.
Um 30—40 skip, flugvélar og
leitarflokkar björgunarsveita leit-
uðu hvarvetna á Djúpinu, í Jök-
uif jörðum og Arnarfirði og fjörur
voru gengnar.
Allar líkur benda til að brak úr
Gullfaxa hafi fundist við Sandeyri,
gúmmíbjörgunarbátur úr Eiríki
Finnssyni fannst skammt frá
Ytra-Skarði miðja vegu milli Sand-
eyrar og Æðeyjar og einnig fannst
olíubrák á sjó. Þá varð vart við
áður ókunna lóðningu á hafsbotni
norður af Vigur og skammt þar frá
var olíubrák á sjónum. Á Arnar-
firði hefur fundist brak á svæðinu
frá Auðkúlu að Gljúfurá. Uppstill-
ingarborð af dekki og fleira hefur
verið sýnt mönnum sem segjast
hafa smíðað þessa hluti fyrir Vísi
BA. Þá hafa fundist 20—30 rækju-
kassar á þessum slóðum. Leit
verður haldið áfram í dag eins og
aðstæður leyfa, en í gær tókst að
ganga allar fjörur og kemba Djúpið
og önnur leitarsvæði þar sem
nokkur von var talin til leitar.
Stór og smá skip tóku þátt í
Ieitinni, allt frá trillum og upp í
skutttogara, flugvél Arna og leitar-
flokkar björgunarsveita tóku land
á Snæfjallaströnd og í Jökulfjörð-
um til þess að ganga fjörur. Hópur
leitarmanna komst á land við illan
leik þar sem bát þeirra hvolfdi.
Björgunarsveitir SVFÍ í Arnar-
firði, Hnífsdal, Bolungavík, Súða-
vík og ísafirði ásamt hjálparsveit
skáta á Isafirði tóku þátt í leitinni.
Sjá frásagnir
á miðopnu
Spáð vonskuveðri um land allt
VONSKUVEÐRI ER nú spáð
um land allt. Lægð stefndi í
gærkvöld að landinu og upp-
lýsti Veðurstofan Morgunblaðið
um að gert væri ráð fyrir
stormi um landið allt. víðast
norðanátt og kólnandi veðri.
Var búist við að lægðin færi að
hafa áhrif í nótt eða með
morgninum.
Veður í gær var skaplegt og
var t.d. innanlandsflug Flugleiða
að mestu eftir áætlun nema að
ekki var flogið til Vestfjarða. Þá
voru bátar að veiðum víða vestur
og suður af landinu, en í gær-
kvöld var veður tekið að versna
nokkuð syðst. Samkvæmt upp-
lýsingum lögreglunnar á Selfossi
var t.d. Hellisheiði orðin illfær
og fólki snúið frá heiðinni eftir
að það hafði lent í vandræðum.
Haukur Danid
Bóðvarsson Jóhannwton
Pétur Valgarð HJálmar
Jóhannsson Elnarsson
Ólafur S. Valdimar Þ.
Össurarson Össurarson
Þeirra er
saknað
FRÁ ísafirði er saknað fjögurra
manna. Tveggja af mb. Gullfaxa:
ólafs Össurarsonar, Fjarðar-
stræti 57, f. 5. jan. 1932, kvæntur
og á 2 börn, og Valdimars Össur-
arsonar, Sundstræti 30, f. 23.
febr. 1940, kvæntur og á fjóra
syni, og tveggja af Eíríki Finns-
syni, Hauks Böðvarssonar, Tún-
götu 20, f. 18. október 1949,
ókvæntur, og Daniels Jóhanns-
sonar, Grundargötu 2, f. 12.
ágúst 1955, kvæntur og á 2 börn.
Frá Bíldudal er saknað tveggja
skipverja á Vísi: Péturs Valgarðs
Jóhannssonar skipstjóra, Dal-
braut 18, f. 17. ágúst 1935, kvænt-
ur og fimm barna faðir, og
Hjálmars Einarssonar, Dalbraut
26, f. 3. nóvember 1943, kvæntur, á
fjögur börn og eitt stjúpbarn.
Brauð
hækka í
verði
STAÐFEST hefur verið
hækkun á brauðum og er
hækkunin 7,5% á flestum
brauðtegundum en 16% á
seyddum rúgbrauðum.
Franskbrauð, heilhveiti-
brauð, maltbrauð, sigti-
brauð og normalbrauð
hækka um 7,5% að meðal-
tali. Má sem dæmi nefna að
500 gramma franskbrauð
hækka úr 212 í 228 krónur
og 675 gramma maltbrauð
úr 210 í 226 krónur. Seydd
rúgbrauð, 750 gramma,
hækka úr 214 í 250 krónur.
Rúgbrauðin hafa hækkað
minna en önnur brauð á
undanförnum misserum og
ennfremur hefur sykur
hækkað mikið í verði að
undanförnu.