Morgunblaðið - 29.02.1980, Side 5

MORGUNBLAÐIÐ, FÖSTUDAGUR 29. FEBRÚAR 1980
5
Landkynning í
heimsborginni
Vígalegur vikingur, Hilmar
Jónsson nemur enska yngismær
á brott.
„ÞESSI ferð tókst ákaflega vel og
vakti mikla athygli." sagði Hilmar
Jónsson, veitingastjóri á Hótel
Loftleiðum. í samtali við blaða-
mann Mbl. en hann er nýkominn
heim úr landkynningarferð til
Frakklands og Englands. Ásamt
Flugleiðum stóðu Ferðamálaráð,
Sölustofnun lagmetis, SÍS, Út-
flutningsmiðstöð iðnaðarins. Ála-
foss og Hilda að þessari kynn-
ingarferð. „Markmiðið var að
kynna Ísland, selja islenzkar ull-
arafurðir. sjávarafurðir og að
ógleymdu lambakjötinu," sagði
Hilmar ennfremur.
í mánaðarbyrjun, var farin land-
kynningarferð á vegum þessara
Sendiherra íslands. Sigurður Bjarnason og kona hans, Ólöf
Pálsdóttir ræða við Magnús Magnússon.
Hilmar Jónsson. hinn vígalegi víkingur ásamt þátttakendum á
Hótel Gloucester, frá vinstri: Auður Guðmundsdóttir, Tom
Holton úr Hildu, Birgir Þorgilsson, Margrét Birgisdóttir, David
Bellamy, þekktur sjónvarpsmaður í Bretlandi. Hann mun í
sumar vinna að landkynningarmynd um ísland. Jóhann Sigurðs-
son, Hólmfríður GísladóttirT' Magnús Magnússon. Steinunn
Benediktsdóttir og Tony Crawford, framkvæmdastjóri hótelsins.
aðila til Frakklands og komið við í
þremur borgum, Strassbourg, París
og Lyon. I framhaldi af Frakk-
landsferðinni var svo haldið til
Lundúna í tengslum við ár víkings-
ins, 1980, í heimsborginni. Jóhann
Sigurðsson, forstjóri Flugleiða í
Lundúnum, stóð fyrir dvölinni þar í
borg. Á Gloucester-hótelinu í
Lundúnum var haldin mikil land-
kynningarhátíð á mánudag. Þar
var boðið upp á íslenzkan matseðil
en hótelið hefur um hálfs mánað-
arskeið haft íslenzkan mat á boð-
stólum. í hádeginu var haldinn
blaðamannafundur og voru boðs-
gestir m.a. úr röðum tízkublaða-
manna. Um kvöldið var síðan boðið
ferðaskrifstofufólki og blaða-
mönnum, sem sérhæfa sig í að
skrifa um mat. Tízkusýningar voru
haldnar og sýndu stúlkur úr Mód-
eisamtökunum. Sýndar myndir frá
íslandi. Meðal gesta var Sigurður
Bjarnason, sendiherra íslands í
Lundúnum, og kona hans, Ólöf
Pálsdóttir.
Þetta framtak hefur vakið mikla
athygli og hafa birst myndir í
brezkum blöðum. Þá verða viðtöl
við þátttakendur í BBC.
Páfi ávarpar
íslendinga í
Morgunpósti
í MORGUNPÓSTI Útvarpsins í dag
verður útvarpað ávarpi Jóhannesar
Páls páfa II, en þeir Páll Heiðar
Jónsson og Sigmar B. Hauksson,
stjórnendur þáttarins, skrifuðu
páfa bréf 15. mai í fyrra og var því
komið á framfæri í Páfagarði af dr.
Henrik Frehen, biskupi kaþólskra á
Íslandi.
Páll Heiðar sagði í gær, að bréf
þetta hefði verið sent án þess að þeir
hefðu gert sér nokkrar raunveru-
legar vonir um að svar bærist. — Við
Jóhannes Páll páfi II
urðum því undrandi og glaðir þegar
við fréttum fyrir þremur vikum að
segulbandsspóla með ávarpi páfa
væri komin til landsins, sagði Páll
Heiðar.
íframhaldi af þessu ávarpi páfa
þótti okkur við hæfi að helga einn
morgunpóst efninu kristni í nútíma
þjóðfélagi. Til að ræða þetta efni m.a.
höfum við fengið Sigurbjörn Ein-
arsson biskup og dr. Henrik Frehen,
þannig að þarna koma saman lút-
erski biskupinn og sá kaþólski og það
er í fyrsta skipti, sem slíkt gerist í
útvarpinu, sagði Páll Heiðar.
Umsókn Lofts
var ekki dæmd
VEGNA fréttar um skipan Svein-
björns Rafnssonar í stöðu prófess-
ors við Háskóla íslands, þar sem
getið var umsækjenda, skal það
tekið fram, að Loftur Guttorms-
son dró umsókn sína til baka áður
en dómnefnd hafði lokið störfum
og fjallaði hún því ekki um hans
umsókn.
vegna mikillar eftirspurnar
þrutu birgðir okkar af fermingarfatnaði
Nú eru þau komin aftur
Dragtir með pilsi eða/og buxum.
Föt eða stakur jakki og buxur.
Skyrtur — Blússur — Skór — Bindi —
Kápur o.m.fl.
1. flokks efni og 1. fl. ísl. framleiðsla.
MJÖG HAGSTÆTT VERÐ.

Afít ^ TlZKUVERZLUN UNGA FÓLKSINS
nTMOímist'tt
V Glæsibæ — Laugavegi 6b Simi fra skiptiboröi 85055 |
Austurstræti 22. Sími frá skiptiboröi 85055. 'Si'Sp'S'