Morgunblaðið - 29.02.1980, Side 20

20
MORGUNBLAÐIÐ, FÖSTUDAGUR 29. FEBRÚAR 1980
Frekar kulsamt að
synda í höfninni
- segir Haraldur Þórðarson lögreglumaður
ÉG ER búinn að starfa í lögreglunni í ein 15 ár og kann bara vei við
þetta starf, annars hefði ég varla enzt svo lengi. sagði Haraldur
Þórðarson lögreglumaður er Mbl. ræddi stuttlega við hann á
dögunum, en hann hefur m.a. oft átt þátt i björgun fólks úr höfninni
í Reykjavík. Var hann spurður nánar um það og hvort lögreglumenn
þyrftu ekki að vera viðbúnir hvers kyns verkefnum:
—Jú, við þurfum að búast við
ýmsu og raunar vitum við aldrei
þegar við förum á vakt hvað hún
kann að hafa í för með sér. Á það
kannski helzt við um næturvaktir
um helgar þegar ölvun er með
mesta móti, en stór þáttur af
starfi okkar þá er að sinna kvört-
unum undan ölvuðu fólki. En
varðandi björgun fólks þá kemur
það fyrir að við erum kvaddir
niður að höfn og hef ég víst í ein 5
skipti komið við sögu við að ná
fólki úr höfninni. Það er nú heldur
kalsamt verkefni og við gerum það
ekki að frjálsum vilja að fá okkur
sundsprett í höfninni, enda sjór-
inn geypilega kaldur, en það góða
við hann núna er að höfnin er
nokkuð hrein í bili.
— Þarna um daginn vorum við
fyrstir á staðinn tveir lögreglu-
menn frá miðborgarstöðinni, kom-
um hlaupandi að og síðan fleiri
lögreglumenn á bílum og við
reyndum að ná konu upp úr
höfninni og það gékk sem betur
fer nokkuð greiðlega. Eg synti
nokkur sundtök og náði henni og
síðan hjálpuðumst við að við að
koma henni upp.
En varla eru lögreglufötin þægi-
legur sundbúningur?
—Nei, reyndar ekki, við förum
þó yfirleitt úr jökkunum, en ég hef
haft fyrir venju að fara ekki úr
skónum. Það gerir manni bara
erfitt fyrir þegar verið er að klifra
upp aftur og komast á land, þá er
erfitt að fóta sig á bryggjunum sé
maður ekki í skóm.
Haraldur var eitt sumar starf-
andi lögreglumaður á Djúpavogi
og var hann spurður hvort mikill
munur væri á störfum lögreglu
þar og í Reykjavík:
— Munurinn er nokkuð mikill,
því á þessum litlu stöðum er oftast
aðeins einn lögregluþjónn og hann
verður að treysta mest á sjálfan
sig. En mér var vel tekið á
Djúpavogi og þótt segja megi að
lögreglan sé því miður oft litin
hornauga á þessum minni stöðum,
þá fannst mér ég ekki verða var
við það þarna. Hins vegar eru
lögreglumenn úti á landi í hærri
launaflokki og þeir hafa yfirleitt
tækifæri á mun fleiri aukavöktum
en við í Reykjavík og þar sem
flestir lifa á aukavinnu er það
kannski betra að starfa úti á landi,
enda nokkuð sótt í það.
Lögreglunni er skipt í 3 deildir,
almenna deild, umferðardeild og
rannsóknadeild og er Haraldur
starfandi í almennu deildinni.
Kvað hann starfið mjög mikið
fólgið í hvers kyns aðstoð við fólk
og ekki sízt þegar um ölvun væri
að ræða. Þá kvörtuðu kannski
heimilismenn, eða bærust kvart-
anir frá veitingahúsum um ófrið
og kæmi þá lögreglan jafnan á
vettvang og reyndi að stilla til
friðar og tala um fyrir óróaseggj-
—Við reynum að tala um fyrir
fólki þegar þannig stendur á og fá
menn með góðu til að stillast og
Ljósm.: Gmilla.
Haraldur Þórðarson lögregluþjónn ásamt konu sinni Málfríði
Haraldsdóttur.
lendum yfirleitt ekki í neinum
útistöðum, en þó má kannski segja
að t.d. eiginmenn taki okkur ekk-
ert alltof vel þegar fjölskyldan
hefur kallað okkur til. Þá kemur
líka fyrir að þessi atvik sitja í
manni og við veltum fyrir okkur
hvort við höfum gert rétt, hvort
hægt hefði verið að leysa tiltekið
mál á annan máta, en þá er gott að
dreifa huganum og fást við önnur
verkefni. Eg er t.d. lærður vélvirki
og hefi gott af að grípa í smíðar.
Að lokum er hann spurður um
jákvæðari hliðar starfsins:
—Þær eru auðvitað margar og
ekki færri en það neikvæða, sem
oft snýr að okkur. Væri sjálfsagt
hægt að nefna margt, en mér
dettur helzt í hug gott samstarf
sem við höfum oft átt við fatlað
fólk, við höfum lengi vel flutt það
milli borgarhluta einhverra er-
inda og hefur það alltaf verið vel
þegin þjónusta og þegin þakklát-
um huga.
Esjuberg bryddar upp á ýms-
um nýjungum — Tiskusýning-
ar á Skálafelli orðnar 100
SKÁLAFELL og Esjuberg á
Hótel Esju hafa verið starfrækt
nokkur undanfarin ár. Fyrir
helgina var haldinn blaða-
mannafundur þar sem þessir
tveir staðir voru kynntir, hvern-
ig þeir hefðu reynst og ýmsar
nýjungar í staríseminni.
Þegar Skálafell, á niundu hæð
á Hótel Esju, var opnað í núver-
andi mynd var því lýst yfir að
þar myndi verða aðstaða til
blaðamannafunda, tiskusýninga
og minni samkvæma. Einn þess-
ara þátta hefur orðið sérlega
vinsæll, en það eru tískusýn-
ingar sem haldnar eru hvert
fimmtudagskvöld. Þessar sýn-
ingar, sem eru í höndum Módel-
samtakanna undir stjórn Unnar
Arngrímsdóttur eru nú orðnar
rúmlega 100 að tölu. Þarna er
sýndur fatnaður frá ýmsum er-
lendum og innlendum fyrirtækj-
um.
Veitingastaðurinn Esjuberg á
fystu hæð Hótel Esju var opnaður
15. október 1975. A blaðamanna-
fundinum kom það fram að rekst-
ur Esjubergs hefur gengið betur
en við var búist. í fyrstu bjuggust
Stutta tiskan er að ryðja sér
rúms erlendis og fyrir nokkru
voru sýndir á Skálafelli kjólar
sem boða þessa nýju tísku hér á
landi. Nú mega hnén sjást og ætti
það að gleðja augu karlmanna.
menn við því að hér myndi
aðallega verða um hádegisverðar-
stað að ræða en svo hefur ekki
orðið raunun á og er Esjuberg ekki
síður vinsæll staður á kvöldin og
um helgar.
Þjóðardagar, salad-
bar og barnahorn
í Esjubergi hefur verið tekin
upp sú nýjung að gefa gestum kost
á svokölluðum amerískum salad-
bar sem er ókeypis viðbót við
hádegisverðinn. Að sögn hefur
salad-barinn reynst vinsæll meðal
þeirra sem vilja grennast og er
boðinn þeim á sérstökum kjörum.
Þá var nýlega komið fyrir
barnahorni á Esjubergi. Þar geta
börnin leikið sér og látið sér líða
vel meðan foreldrarnir njóta ró-
legheita annars staðar. Auk þess
að í barnahorninu eru ýmis leik-
tæki gefst börnunum kostur á að
teikna og eru bestu teikningarnar
hengdar upp til sýnis.
Jass-kvöld
Myndir Kristján.
Tískusýningarnar á Skálafelli eru i umsjá Módelsamtakanna.
Stjórnandi þeirra er Unnur Arngrímsdóttir.
Nú á næstunni verður tekin upp
sú nýjung á Esjubergi að efna til
jass-kvölds á hverjum fimmtu-
degi. Tvær hljómsveitir munu
koma fram og spila Dixie-land- og
jass-hljómlist. A sama tíma verð-
ur gestum boðið síldarhlaðborð
ásamt heitum pottrétti. Að öðru
leyti sér Jónas Þórir um tónlistina
á Esjubergi. Hann Ieikur þar á
föstudags-, laugardags- og sunnu-
dagskvöldum og á sunnudögum í
hádegi.
INNLENT
William Katt og Tom Berenger í hlutverkum Sundance Kid og Butch
Cassidy.
Butch Cassidy og Sund
Kid í Nýja bíói
NÝJA bíó hóí í gær sýningar á
kvikmyndinni ..Butch og Sun-
dance. Yngri árin“. Eins og
nafnið bendir til er myndin um
þjóðsagnapersónurnar Butch
Cassidy og Sundance-Kid.
Fyrir nokkrum árum var sýnd
önnur mynd um þá félaga með
Robert Redford og Paul Newman
í aðalhlutverkum en í þessari
mynd eru aðalhlutverkin í hönd-
um William Katt og Tom Bereng-
er. Leikstjóri cr Richard Leister.
framleiðendur eru Gabriol
Katzka og Steven Bach en hand-
ritið er eftir Allan Burns, byggt
á persónusköpun William Gold-
mans.
Söguþráður myndarinnar er í
stuttu máli sá, að Robert Leroy
Parker, öðru nafni Butch Cassidy,
hefur setið um tíma í fangelsi í
Wyoming þegar hann fær tilboð
um frelsi gegn því að hann haldi
sig réttum megin laganna í fram-
tíðinni. Butch er ekkert of hrifinn
af þessu tilboði og segist geta
samþykkt það að brjóta aldrei af
sér í Wyoming-fylki í framtíðinni
og fellst fylkisstjórinn á þá mála-
miðlun.
Stuttu eftir að Butch er orðinn
frjáls hittir hann ISundance og
kemst að því að þeir geti unnið
saman með miklum ágætum.
Vilja vegastæði yfir
Eyjafjarðarleirur
272 ÍBÚAR Svaibarðsstrandar- og
Grýtubakkahrepps hafa sent þing-
mönnum Norðurlandskjördæmis
eystra og samgöngumálaráðhcrra
eftirfarandi áskorun:
Við undirritaðir íbúar í Sval-
barðsstrandar- og Grýtubakka-
hreppi skorum á þingmenn Norður-
landskjördæmis eystra og sam-
göngumálaráðherra að hvika hvergi
frá upphaflegri áætlun um vegar-
stæði yfir Eyjafjarðarleirur, norðan
Akureyrarflugvallar. Ennfremur
væntum við þess, að lagningu vegar-
ins verði hraðað eftir fremsta megni.