Morgunblaðið - 05.09.1980, Blaðsíða 19

MORGUNBLAÐIÐ, FÖSTUDAGUR 5. SEPTEMBER 1980
19
Haraldur Hannesson:
BSRB og
postularnir
Ekki hef ég gert það fyrr að skrifa
um félags- eða launamál í dagbiöð.
Fyrst og fremst er það vegna þess að
ég tel það ekki þjóna hagsmunum
einstakra stéttarfélaga að skrifast á
á þeim vettvangi. Þar fyrir utan eru
slík skrif lítill skemmtilestur ef frá
eru taldar nokkrar greinar hins nýja
postula vors Péturs Péturssonar
þuls; þó tel ég að skrif sampostula
hans væru betur geymd til trúboðs
síðari tíma eins og áður hefur
tíðkast.
Vil ég benda lærisveinum hans á
að vafalaust fengjust þessi skrif
gefin út í félagsblöðum okkar þ.e.
Fréttabréfi St.Rv. og Ásgarði, blaði
BSRB og yrði þar með bjargað frá
glötun, enda er það hinn rétti
vettvangur slíkra skrifa en þessi
blöð eru send heim til hvers einasta
félagsmanns.
Eina kröfu verður þó að gera til
slíkra skrifa að þar sé ekki vísvit-
andi hallað réttu máli. Sýnu minni
yrði þó skaðinn af slíkum skrifum ef
þau kæmu fram þar sem flestir
þekkja mark(leysu) höfunda.
Tilefni þess að ég sé mig tilneydd-
an að skrifa á þessum vettvangi er
það að tæpast er verjandi að sama
fólkið vaði um ritvöll dagblaðanna
með augnhlífar eins og námuhestar
höggvandi allt sem fyrir verður.
Einkum virðist þeim þó í mun að
leggja að velli mannorð þess fólks
sem staðið hefur í launastríði fyrir
þess hönd og mætir vígamótt, að
sjálfsögðu með mismunandi stóran
feng.
Ekki fer það á milli mála að við
væntum stærri fengs til skipta eftir
14 mánaða launastríð.
Sumir héldu vafalaust að núver-
andi ríkisstjórn og borgarstjórn
Reykjavíkur myndu ekki verjast svo
fast sem raun varð á, jafnvel skilja
virkin eftir opin og tóma kassann
með, þar sem einungis vinir myndu
ganga um garð.
Við opinberir starfsmenn verðum
að gera okkur grein fyrir því að aðrir
munu að sjálfsögðu fagna harðri
andstöðu þess opinbera við kröfum
okkar.
Hvort vinningur þeirra í þessari
orrustu nægir þeim til sigurs í stríði
sínu við launafólk í landinu verður
að koma í ljós síðar.
En töpuðum við þá orrustunni?
Vissulega létum við undan síga ef
miðað er við þá kröfugerð sem lagt
var upp með.
Reiknaði nokkurt okkar með því
að ná öllu því sem þar var farið fram
á?
Áreiðanlega ekki.
Árið 1977 voru gerðir samningar
sem gjarnan hafa verið kenndir við
Þórhall Halldórsson, þáverandi
formann Starfsmannafélags Reykja-
víkurborgar, sem braust út úr herkví
BSRB og samdi við Reykjavíkur-
borg. Þessir samningar eru taldir
þeir bestu sem náðst hafa fyrir
opinbera starfsmenn um langt ára-
bil.
Leiðrétting
HÖRÐUR Vilhjálmsson fjármála-
stjóri Ríkisútvarpsins hafði sam-
band við Mbl. vegna fréttar á bls.
25 í blaðinu í gær um innheimtu
afnotagjalda Ríkisútvarpsins.
Sagði hann að vegna misskilnings
væri rangt eftir sér haft, að
innheimta vanskilavaxta myndi
hefjast þremur vikum eftir gjald-
daga. Hið rétta væri, að innheimta
þeirra myndi hefjast fullum mán-
uði eftir gjalddaga.
Nýr yfírmaður f ar-
Skrár Flugleiða
ÞORSTEINN Thorlacius viðskiptafræðingur hefur nú
verið ráðinn yfirmaður farskrár Flugleiða, en því starfi
gegndi áður Islaug Aðalsteinsdóttir. Þorsteinn var áður
aðstoðarmaður Einars Helgasonar yfir innanlandsflug-
inu.
Elvar sigurvegar
unglingaskákmótsiiis
ELVAR Guðmundsson bar sigur úr býtum á ungl
ingaskákmótinu að Kjarvalsstöðum, en í síðustu umferð
mótsins í gær vann hann Jóhann Hjartarson, íslands
meistara, og fékk því 4,5 vinninga.
Jóhannes Gísli Jónsson Árnason fékk einn vinning.
varð annar með 3 vinninga,
Jóhann Hjartarson hlaut
2,5 vinninga, Björgvin
Jónsson og Yen Ronguang
hlutu 2 vinninga og Árni Þ.
í síðustu umferð vanr
Jóhannes Gísli kinverskí
gestinn, Ronguang, og Árn
vann Björgvin.

' * * v *|*AAA
V\AA \A
\v\\\\\\\
- *-<*--*
• * ’«*•>* %%%%%%
* >» ■% % % « ««
M*A
bRIÐJUDAGINN 2. september tapaðist 100 mm Canon-linsa í
Reykjavík. Finnandi er vinsamlega beðinn um að láta vita á
Morgunblaðinu s. 10100. Meðfylgjandi mynd er af linsunni sem
týndist.
Verkalýðsfélagið Rangæingur:
Fagnar árangri
pólskra verkamanna
STJÓRNARFUNDUR í Verkalýðsfélaginu Rangæingur,
sem haldinn var 2. september síðastliðinn fagnar þeim
árangri, sem pólskir verkamenn hafa náð í baráttu sinni
fyrir bættum kjörum og auknum mannréttindum.
Haraldur Hannesson
Því sama herbragði verður að
sjálfsögðu ekki beitt aftur.
En allur samanburður við þann
samning verður að teljast hæpinn í
dag.
En voru þá allir ánægðir með
þann samning?
Nei, síður en svo. Hvaða fólk ætli
það hafi verið sem var óánægt þá?
Tæplega þeir sömu.
Jú, það var einmitt sama fólkið
með sama sönginn enda forsöngvar-
inn sá sami. Meira að segja textinn
hefur lítið breyst.
Forystumenn samtaka okkar eru
rægðir.
Samningarnir éru gerðir tor-
tryggilegir. Hreinni lygi er beitt á
síðustu dögum fyrir atkvæðagreiðslu
í skjóli þess að ekki gefist tóm til að
leiðrétta það.
Dæmi: Á bls. 16 í Morgunblaðinu í
gær 4. september („Að kyssa prins-
inn“) er því haldið fram að samþykki
Starfsmannafélag Jteykjavíkurborg-
ar samninginn en BSRB felli hann,
sitji St.Rv. uppi með samninginn án
félagsmálapakkans.
Þessar ungu og fallegu stúlkur
sem skrifa undir þessa lygi ásamt
meðfylgjandi langloku vissu vel að
þetta er ekki rétt. En tilgangurinn
helgar víst meðalið.
Takið hinni postullegu kveðju.
Aftansöngurinn heldur áfram.
Hér gæti komið amen eftir efninu
eins og maðurinn sagði.
En við ykkur hin sem heldur viljið
hafa það sem sannara reynist vil ég
segja þetta:
Lesið samninginn með jákvæðu
hugarfari. í þessum samningi eru
mörg atriði sem eru mikils virði.
I þessum samningi er í raun staðið
við margt af því sem oft hefur verið
lofað en sjaldnar verið efnt.
Ég vil nefna að lægstu laun hækka
í raun mest. Aldraðir verða ekki
lengur sviknir um persónuuppbót
fyrir langan starfsaldur.
Öryggi þeirra sem eru svo óheppn-
ir að hafa ekki fastráðningu er að
nokkru tryggt með atvinnuleysisbót-
um.
Endurmenntunarsjóður á eftir, ef
vel er á haldið, að færa þeim, sem
verst eru settir aukið sjálfstraust og
hærri laun.
Fleira mætti nefna, en ef þið eruð
í vafa um túlkun samningsins, þá
hringið í skrifstofu samtaka ykkar
og fáið réttar upplýsingar.
Þessi samningur gildir í aðeins
eitt ár. Þá verður blásið í herlúðra á
ný.
Tilbúnar gerningaþokur og út-
burðarvæl heldur áfram.
Opinberir starfsmenn. Mætum öll
á kjörstað, sýnum styrk okkar og
samþykkjum samninginn.
Frá þessu er skýrt í fréttatil-
kynningu, sem Morgunblaðinu
barst í gær frá félaginu. Þar segir
jafnframt, að fundurinn lýsi furðu
sinni á þeirri andstöðu, sem fram
hefur komið á stofnun og rekstri
frjálsra verkalýðsfélaga, sem óháð
séu ríkisstjórnum og stjórnmála-
flokkum.
Að neita að segja
„mange tak“
Er ég las grein Péturs Péturs-
sonar í Morgunblaðinu hinn 3.
sept. sl., þar sem hann minnist á
viðskipti Dana og Grænlend-
inga, varð ég þess var, að þetta
var önnur útgáfa en ég hafði
heyrt í æsku. Fylgir hún hér:
Þegar Danir fóru að vinna
krýólit á Grænlandi vantaði þá
menn til þeirra starfa. Græn-
lendingar höfðu engan áhuga á
að bora holur í fjöllin og stunda
námagröft. Nú voru góð ráð dýr.
Datt þá Dönum í hug að bjóða
hverjum starfsmanni ákavítis-
snaps að afloknu dagsverki og
þannig fengust menn til starf-
ans. Gekk nú allt vel, þar til
Danir tóku eftir því að einn
hinna grænlensku verkamanna
var orðinn alldrukkinn að kvöldi.
Virtist vera eitthvert „system í
galskabet", því sami maður var
aldrei drukkinn tvö kvöld í röð.
Nú gerðu Danir fyrirsát og
lágu í leyni. Sá danskur njósnar-
maður, er leyndist þar sem
snapsarnir voru afgreiddir við
verzlunarhúsið, að Grænlend-
ingar gengu afsíðis og létu einn
njóta af skammti sínum.
En Danir fundu úrræði til
lausnar. Þeir slepptu engum
verkamanni úr augsýn, fyrr en
hver og einn hafði sagt: Mange
tak. —
Kannski er „félagsmálapakk-
inn“ nýi afgreiddur með sama
hugarfari og hjá þeim dönsku og
Pétur Pétursson þulur og þeir
aðrir er berjast gegn samningn-
um alls ekki tilbúnir til þess að
segja: Mange tak.
Gunnar Gestsson.
Nót frá Möskva í Grindvíking
Nótastöðin Möskvi í Grindavík. sem nýlega var byggð. afhenti fyrir
skömmu mjög fullkomna nót um borð í Grindvíking og mun hún vera
með stærstu nótum hérlendis. Nótastöðin er byggð mjög nærri
hafnarbakkanum og skapast við það möguleikar á að flytja nætur á
mjög hagkvæman hátt úr húsi í skipin. Myndina tók ljósmyndari Mbl.
Guðfinnur.
Ný gangbrautarljós
NÝ gangbrautarljós við Hring-
braut voru tekin í notkun í
morgun, að því er segir í frétt
frá gatnamálastjóra. Hin nýju
umferðarljós eru við gangbraut
á móts við Félagsstofnun stúd-
enta og Þjóðminjasafnið. Kost-
naður við ljósin er um 7 milljón-
ir króna.

SKÓLAVÖRUR
attt tíl skólans!
BÓKAHÚSIB
Laugavegi 178, &86780.