Morgunblaðið - 05.09.1980, Blaðsíða 31
MORGUNBLAÐIÐ, FÖSTUDAGUR 5. SEPTEMBER 1980
31
w,
• Pétur Ormslev gripur um andlit sér eítir að hafa misnotað gott
marktækifæri á móti Val fyrr í sumar. Pétur hefur sjálfsagt líka
gripið um andlit sitt þegar ljóst varð að hann verður ekki meira með í
sumar.
Pétur Ormslev
ekki meira með
í sumar
Knattspyrnumaðurinn snjalli
Pétur Ormslev i Fram hlaut það
slæm meiðsli i landsleiknum á
móti Rússum í fyrrakvöld. að
hann mun ekki leika meira með i
sumar. Pétur sleit liðbond í hné
og mun verða langan tíma að ná
sér. Pétur mun þvi missa af
Evrópuleikjunum með liði sinu
Fram en þeir leika fyrri leik sinn
á móti Hvidovre þann 17. sept.
ytra. l>á hefði Pétur væntanlega
verið i landsliðshópnum sem fer
til Rússlands og Tyrklands i
haust. og missir þar af landsleiki-
um. — þr.
Sumarleikarnir
1988 til Japan?
MARGT bendir nú til þess. að
sumarólympíuleikarnir 1988 fari
fram i japönsku borginni Nago-
ya, ekki beinlínis þekkt nafn það.
en engu að siður fjórða stærsta
borg Japans, með 2 milljónir
íbúa. Menn virtu Nagoya vart
viðlits er talsmenn borgarinnar
lýstu yfir áhuga sinum að halda
leikana. Sérstaklega eftir að Mel-
bourne, Brussel, London. Sao
Paulo, Helsinki og Seoul höfðu
leitt kapphlaupið um útnefning-
una.
En að athuguðu máli kemur i
ljós að Nagoya og Melbourne
"irðast geta staðið við stóru orðin
fjárhagslega. Það gæti komið
Nagoya í koll, að Ólympíuleikarnir
hafa tvívegis áður verið haldnir í
Japan, í Sapporo 1972, vetrarleik-
ar, og í Tokíó árið 1964, þá
sumarleikar. Hins vegar hafa leik-
arnir aldrei verið haldnir í Ástr-
alíu.
Hinn mikli fjöldi borga sem
vilja halda sumarleikana kemur
nokkuð á óvart og bendir til þess
að fólk vilji ríghalda í leikana, en
þeir komust næst glötun í Moskvu
í sumar. Fjöldinn kemur einnig á
óvart vegna þess, að Los Angeles í
Bandaríkjunum var eina borgin
sem sótti um að halda leikana
1984 og óvíst er hvað verður um
það tilboð Los Angeles, eftir
yfirlýsta stefnu Bandaríkjanna í
sumar, er Rússar héldu leikana.
Alþjóða olympíunefndin kemur
saman til fundar eftir mánuð og
verður þá tekin ákvörðun um
hvaða borg hreppir hnossið.
Golf á
Nesinu
UM NÆSTU helgi fer fram Ros-
enthal keppni i golfi á Nesvellin-
um. Þetta er kvennakeppni og
keppt er í þremur flokkum.
Keppnin hefst á Nesvelli kl. 13.00
á laugardag. Keppt verður með
forgjöf 16 til 23. svo og 24 til 36.
Þá verður keppt í hyrjendaflokki
án forgjafar. Glæsileg verðlaun
verða gefin af Rosenthal umboð-
inu hér á landi.
Forkeppninni
er að Ijúka
Forkeppni í knattspyrnu
fyrir Landsmót UMFÍ næsta
sumar er að verða iokið.
Sextán lið tilkynntu þátttöku
og var j>eim skipt í 4 riðia.
Úrslit leika í A-riðli urðu
þessi: UDN UMSK 1:5
UMSB IISH 3K)
UDN HSH 0:7
UMSK UMSB 1:2
UMSB UDN 9:0
HSH UMSK 4:1
UMSB hlaut alls 6 stig,
HSH 4, UMSK 2 og UDN
ekkert stig. Það verða því lið
UMSB og HSH sem komast í
úrslitakeppni Landsmótsins.
Keppni í A-riðli fór fram í
Borgarnesi.
Úrslit leika í B-riðli:
UMSS :UMSE 4:1
UMSS : UÍÓ 2:1
UMSS : USVH 5:1
UMSE : UÍÓ 0:1
UMSE : USVH 8:1
USVH : UÍÓ 3:8
UMSS fékk alls 6 stig í
keppninni, UÍÓ 4, UMSE 2 og
USVH ekkert stig. Lið UMSS
og UÍÓ taka því þátt í
úrslitakeppni Landsmótsins.
Keppni í B-riðli fór fram á
Sauðárkróki.
í C-riðli hættu lið frá UNÞ
og USVS við þátttöku og fara
bví lið HSÞ og UÍA beint í
ýalkeppnina.
I D-riðli er keppni hafin og
er ráðgert að henni ljúki
fyrir miðjan september.
Stuðmenn
Vals ætla að
fjölmenna
STIJÐMENN Vals ætla að
fara i fánum skrýddri bíla-
lest einka- og hópferðabfla á
leik Vals og Keflavikur
laugardaginn 6. sept.
Lagt verður af stað frá
Valsheimilinu kl. 12.45. Far-
ið með hópferðabil kostar
aðeins kr. 2.500.-
Forsala aðgongumiða á
leikinn verður við Valsheim-
ilið frákl. 11.30.
Stór dagur hjá Þór Ak
SUNNUDAGURINN 13. júlí s.l.
var stór dagur í sögu iþrótta-
félagsins Þórs á Akureyri en
þann dag var lokið við að þekja
nýjan grasvöll félagsins og af þvi
tilefni var efnt til mikillar grill-
veislu á svæði félagsins, þar sem
um 90 manns komu og gæddu sér
á ýmsum krásum.
Fyr ;ta skóflustungan að vellin-
um var tekin 29. nóvember 1975 og
síðan hefur verið unnið á hverju
sumri að gerð vallarins. Á þessum
tíma hafa alls verið flutt til um
30.000 tonn af jarðvegi og frá-
rennslisrörin sem tengjast vellin-
um eru um 1,5 km á lengd. í þessi
fjögur sumur hafa ófá handtök
verið unnin og er sú vinna ómæld.
Þann 3. júlí s.l. hófst svo
þökulagningin. Hún stóð yfir í 11
daga og var þá búið að þekja
hvorki meira né minna en 14.400
m2 svæði en það samsvarar tveim-
ur grasvöllum í fullri stærð. Þöku-
lagningin var öll unnin í sjálf-
boðavinnu og alls tóku 220 manns
þátt í henni og lögðu af mörkum
2500 vinnustundir. Við skurð á
þökunum unnu hinsvegar 50
manns í 600 klukkustundir. Þessi
mikli fjöldi er u.þ.b. fimmti hluti
af félagsmönnum og er það mjög
athyglisvert hversu margir lögðu
þarna hönd á plóg í ekki stærra
félagi en Þór er. 13. september er
svo fyrirhugaður vígsluleikur á
vellinum en áætlað er að byrjað
verði að æfa og leika á vellinum á
fullu að vori og mun það bæta
aðstöðu félagsins til leikja og
æfinga til muna.
Samhliða þökulagningunni voru
gerðir áhorfendastallar vestan
hins nýja vallar og stór svæði
sunnan og austan malarvallar
snyrt. Nú er búið að sá í þessi
svæði og þau þegar orðin iðja-
græn. Þessa dagana er svo verið
að snyrta u.þ.b. 3 ha svæði norðan
vallanna og er ætlunin að sá í það
í haust. í haust er einnig ætlunin
að setja upp girðingu til verndar
nýja grasvellinum og einnig er
fyrirhugað að setja upp flóðljós
við malarvöllinn.
Nú er í undirbúningi að hefjast
handa við heildarskipulagningu á
félagssvæðinu. Á þessum upp-
drætti verður m.a. sýnd lega
malbikaðs svæðis fyrir tennis og
handknattleik, nýs malarvallar
sem er ætlaður fyrir skautasvell á
vetrum og einnig er fyrirhugaður
nýr grasvöllur. Á uppdrættinum
verður svo síðast en ekki síst sýnd
lega félagsheimilis en næsta stór-
verkefni félagsins er að ráðast í
byggingu þess.
- SOR
Ásgeir í bann?
ÁSGEIR Sigurvinsson á i dag að
mæta á fund aganefndar bclgíska
knattspyrnusambandsins vegna
atviks, sem varð í leik Standard
Liege og holienska liðsins Roda í
fjögurra liða móti i Hollandi í
haust.
Þá lenti þeim saman Ásgeiri og
einum leikmanna hollenska liðsins
og varð endirinn sá að Ásgeir gaf
þeim hollenska einn á kjaftinn og
var rekinn af velli fyrir vikið.
Asgeir kvaðst í gær vonast til að
sleppa við keppnisbann vegna
þessa atviks.
VALSSTUDARAR
fylgjum
okkar
mönnum
alla leið
Stuömenn efna til fánum skrýddrar
bílalestar einkabíla og hópferðabíla á
leik Vals og ÍBK í Keflavík laugardag-
inn 6. sept.
Safnast veröur saman milli kl. 11.30 og
12.45 viö Valsheimiliö og lagt af staö
kl. 12.45 eftir örstutta upphitun.
Fariö meö hópferöabíl kostar aöeins
kr. 2.500.-
Forsala aðgöngumiða á leikinn verö-
ur viö Valsheimiliö milli kl. 11.30 og
12.45. Mætum galvaskir 0. _
Stuðmenn Vals