Morgunblaðið - 09.09.1980, Blaðsíða 12

MORGUNBLAÐIÐ, ÞRIÐJUDAGUR 9. SEPTEMBER 1980
12
„Heklugos,
séð úr
háloftum“
Veðurtunglamyndir fyrir
og eftir gos í Heklu
Seint verður víst um
Heklugos sagt að þau
láti lítið yfir sér. Jafn-
vel þó að í þá órafjar-
lægð, sem veðurtungl
og gervihnettir sveima
í, sé komið, má greina
bæði gosmökkinn og af-
leiðingar gossins, þ.e.
öskufallið, eins og veð-
urtunglamyndirnar, er
hér birtast sýna. Mynd-
irnar tók veðurtunglið
Noa A6, frá Tromsö í
Noregi og er ein þeirra
tekin áður en gosið
hófst, en tvær eftir.
Þór Jakobsson, veð-
urfræðingur, Veður-
stofu Islands, lét mynd-
irnar í té, ásamt skýr-
ingum.
Þessi mynd er frá því fyrir ííos, tekin 28. júli 1980. Þarna er
yfirborð jöklanna skínandi hvítt. miðað við myndina. sem sýnir
öskufallið.
Þessa mynd tók veðurtunglið 18. áKÚst, eða daginn eftir að Heklu>?osið hófst, kl. 9.30 f.h. Lesendum til
KlögKvunar hafa útlinur landsins verið dregnar upp. en þær hverfa að nokkru í skýjaþykkni.
Gosmökkinn má nreina, sem hvítan geira austur af Heklu. Hann er lítill miðað við skýjabreiðu
læKðarinnar, sem sjá má, en tíreinilegur samt.
Fimm dögum eftir upphaf gossins, eða 22. ágúst, gafst skýr mynd af landinu. Sé borið saman við næstu
mynd. fá 28. júlí, m.ö.o. fyrir Heklugos, má sjá að mikið af jöklunum umhverfis eru þaktir ösku. Á
þessari mynd gefur einnig að líta önnur skemmtileg náttúrufyrirbæri. Suður af Jan Mayen. alla leið
suður að 63. gráðu norðlægrar breiddar, er bylgjuband í andrúmsloftinu, sem myndar eins konar
keðju með greinilegum hlekkjum. Bylgjur þessar myndast þegar loftið lendir á háum fjöllum Jan
Mayen. Nefnast þær von Karman bylgjur í hreyfiaflsfræði. Ennfremur má sjá hvar hafísinn er við
Grænland fyrir nurðan Scoresbysund (70° N).
Ný bók um svæða-
meðferð komin út
Örn og Örlygur:
BÓKAÚTGÁFAN Örn og Ör-
lygur hf. hefur gefið út nýja
b<)k um svæðameðferð eftir
Hanne Marquardt í þýðingu
Jóns Á. Gissurarsonar. For-
mála bókarinnar rita þeir Geir
Viðar Vilhjálmsson og Dr.
med. Erich Iíauch. en yfirlest-
ur handrits önnuðust Geir
Viðar Vilhjálmsson og Ólafur
Frederiksen.
Bókin skiptist í þrjá hluta.
Fyrsti hluti skiptist í 21 kafla
sem bera þessi heiti: Saga
svæðameðferðarinnar, Randa-
skipting svæðanna, Hugmynda-
fræði viðbragðssvæðanna, Yfir-
lit yfir viðbragðssvæðin á fæt-
inum, Hagræðing sjúklingsins,
Gripið sem starfsgrundvöllur,
Framkvæmd meðhöndlunar,
Viðbrögðin, Algengar orsakir
fótameina, Sérstakar athuganir
á fætinum, Upplifun svæða-
meðferðar, Merking óeðlilegra
viðbragðssvæða á fætinum,
F’jöldi viðbragðssvæðá-með-
ferða á fæti, Samverkana-
möguleikar, Smyrsl og hjálp-
argögn, Svæðameðferð skorður
settar, Meðhöndlun eigin fóta,
„Rétti aldurinn" gagnvart við-
bragðssvæðameðhöndlun, Fót-
ur og hendi, Viðbragðssvæði
taugakerfisins, orsakavið-
bragðssvæði.
í öðrum hluta bókarinnar eru
sjúkrasögur en í þeim þriðja
meðhöndlunarráðleggingar.
Bókinni fylgir sérprentað
kort í sjö litum er sýnir öll
viðbragðssvæði á fótum. Þá eru
og öll svæðakort í sjálfri bók-
inni prentuð í mörgum litum.
Svo sem að framan segir
ritar Geir V. Vilhjálmsson
formála bókarinnar og þar seg-
ir hann m.a.: „Eftir því sem
meiri reynsla hefur fengist af
áhrifamætti svæðameðferðar
hefur fengist skýrari mynd af
því hvenær svæðameðferð á
ekki við, svo og nauðsyn þess að
fara nógu hægt af stað og
kanna viðbrögð við mjög léttri
og mildri meðhöndlun í fyrstu
þrjú skiptin eða svo, áður en
lengra er haldið. Einnig þurfa
allir sem áhuga hafa á svæða-
meðferð að hafa í huga að
lækningar eru starfssvið heil-
brigðisstétta og gæta þess að
teygja ekki svæðameðferð sem
heilsuræktarstarfsemi út fyrir
sitt rétta svið.“
Vetraráætlun
á Selfossleið
VETRARÁÆTLUN Sérleyfisbíla
Selfoss hf. hefst natkomandi
mánudag, 8. september. í vetur
verða áfram 60 ferðir á viku milli
Selfoss-Hveragerðis-Reykjavíkur,
en hins vegar verður fyrsta ferð
frá Selfossi í vetur klukkan 6.50
og frá Hveragerði klukkan 7.05.
Með tilkomu vetraráætlunar
hefst sala á afsláttarkortum á
þessum leiðum líkt og hjá Strætis-
vögnum Reykjavíkur, en með
þessum kortum gefst farþegum
kostur á 10% afslætti. Á sunnu-
dögum og föstudögum eru auka-
ferðir úr Reykjavík klukkan 20.
Vetraráætlun fyrir leiðina
Reykjavík — Biskupstungur er
einnig byrjuð, en hún er óbreytt
frá því sem verið hefur undan-
farna vetur.