Morgunblaðið - 09.09.1980, Blaðsíða 44

24
MORGUNBLAÐIÐ, ÞRIÐJUDAGUR 9. SEPTEMBER 1980
MORGUNBLAÐIÐ, ÞRIÐJUDAGUR 9. SEPTEMBER 1980
25
• MagnÚK Berjfs kominn í geKn ok skorar fyrsa mark Vals.
Ljósm. Rax.
uómundur fyrirliói Vals ok Þorsteinn markvörður ÍBK

• Valsmenn faKna í leikslok. Titillinn í óruKKri höfn ok bikarinn fer enn eina ferðina á Hliðarenda. Á
myndinni má sjá SÍKurð markvörð, MaKnús, Guðmund, ok Dýra (no 5).
Ljósm. Rax.
íslandsmeistarar Vals í knattspyrnu árið 1980.
Valur íslandsmeistari
MEÐ SIGRI sinum yfir liði ÍBK siðastliðinn lauKardaK tryKKði Valur
sér íslandsmeistaratitilinn i knattspyrnu árið 1980. Lið Vals sÍKraði
ÍBK með tveimur mörkum KeKn einu í miklum baráttuleik þar sem
mikið var í húfi fyrir bæði liðin. Lið Keflavikur er í mikilli fallhættu
ok hvert stÍK þeim þvi dýrmætt ok með sÍKri i leiknum átti liðið
möKuleika á að hjarKa sér úr fallhættunni. íslandsmótið var
hinsveKar í húfi hjá Val þvi að með sÍKri í leiknum var titillinn i höfn.
Leikur liðanna bar þess merki hversu mikilvæKur hann var ok voru
leikmenn beKKja liða KreinileKa nokkuð tauKatrekktir lengst af. Hart
var barist á báða bÓKa ok bæði liðin áttu ágæt marktækifæri. Oftast í
leiknum var haráttan i fyrirrúmi fyrir KÓðri knattspyrnu. en þó brá á
köflum fyrir skemmtileKum leik.
Magnús kom Val á bragðiö
Strax í upphafi leiksins var
mikill kraftur í leikmönnum og
sýnt var að bæði liðin ætluðu að
selja sig dýrt og ekkert að gefa
eftir. Leikmenn beggja liða voru
fastir fyrir í návígum og gáfu
ekkert eftir. Aðeins 12 mínútur
voru liðnar af leiktímanum þegar
Valsmenn naðu forystunni í leikn-
um. Hinn eitilharði baráttujaxl
Magnús Bergs braust í gegn um
vörn IBK af miklu harðfylgi og
tókst að skora laglega í bláhorn
marksins framhjá Þorsteini
markverði ÍBK. Vörn ÍBK kom
engum vörnum við. Þetta var því
sannkölluð óskabyrjun fyrir Val.
Keflvíkingar elfdust ef eitthvað
var við mark þeirra en gekk afar
illa að komast í gegnum sterka
vörn Valsmanna. Jafnframt því
sem Sigurður Haraldsson mark-
vörður Vals greip ávallt vel inn í
leikinn og átti svo til allar fyrir-
gjafir sem komu á mark Vals.
Draumamark Magna
Péturssonar Val
Á 24. mínútu leiksins bættu
Valsmenn öðru marki við. Eftir
góða sóknarlotu renndi Magnús
Bergs boltanum laglega út úr
vítateignum á Magna Pétursson
sem kom á fullri ferð og hitti
boltann mjög vel og þrumuskot
hans hafnaði alveg efst í vinkil-
horni marksins. Overjandi skot,
og sennilega glæsilegasta mark
sumarsins. Svo fast var skotið að
boltinn festist í horni marksins á
milli járnstangarinnar og mark-
netsins. Það var ekki amalegt að
sigra í leiknum á sliku marki.
Þetta er fyrsta og eina mark sem
hinn mjög svo vaxandi leikmaður
Magni Pétursson befur skorað
með meistaraflokki Vals en þau
eiga eflaust eftir að verða mörg í
viðbót í framtíðinni.
ÍBK minnkar muninn
Leikmenn Vals voru sjálfsagt
enn í sæluvímu og að hugsa um
mark Magna þegar ÍBK náði að
skora á sömu mínútu. Þeir hófu
skyndisókn og fengu innkast á
vallarhelmingi Vals.
Boltinn barst inn í markteig og
þar mistókst vörn Vals að hreinsa
frá markinu og Ragnar Margeirs-
son náði til boltans og það var
ekki að sökum að spyrja að hann
vippaði honum laglega í markið
yfir Sigurð og í netið. Mikill
kraftur kom nú í lið IBK og þeir
sóttu nú mjög svo í sig veðrið en
tókst ekki að skapa sér nein
verulega góð tækifæri.
Það sem eftir lifði hálfleiksins
var jafnræði með liðunum, fátt
markvert gerðist.
ÍBK nálægt því að jafna
I byrjun síðari hálfleiksins átti
lið Vals nokkur ágæt upphlaup,
Hermann Gunnarsson sem átti
mjög góðan leik með liði Vals að
ÍBK —
Valur
þessu sinni lék laglega í gegn um
vörn ÍBK með Albert Guðmunds-
syni en náði ekki gíðu skoti og
Þorseinn varði. Á 59. mínútu á
Hermann svo skalla rétt framhjá,
eftir góða fyrirgjöf frá Grími.
Þegar um 10 mínútur voru liðnar
af síðari hálfleiknum tók lið ÍBK
völdin á miðju vllarins og sótti
mjög stíft á mark Vals. Á 61.
mínútu fékk ÍBK aukaspyrnu rétt
utan vítateigs Vals, en ekkert varð
úr spyrnunni. Síðan fékk ÍBK
tvær hornspyrnur og varnarmenn
Vals höfðu í mörg horn að líta. Á
65. mínútu er Ragnar Margeirsson
nálægt því að jafna. Ragnar náði
að skjóta góðu skoti af stuttu færi
eftir að vera kominn í gegn.
Sigurður markvörður Vals var
kominn úr jafnvægi en heppnin
var ekki með Ragnari, Magnús
Bergs bjargaði á línu.
Á 75. mínútu varði Sigurður vel
skot af löngu færi, og á 85. mínútu
aftur er Ragnar komst einn í gegn.
Sigurður hljóp út á móti og varði
skot Ragnars meistaralega vel.
Vörn Vals varðist mjög vel öllum
sóknarlotum IBK og Sigurður
markvörður var vel með á nótun-
um.
Lið Vals vel að íslands-
meistaratitlinum komið
Lið Vals hefur oft leikið betur í
sumar en á móti IBK í þessum
leik. Liðið var jafnt að getu og
leikmenn börðust vel. Sigurður
var öruggur í markinu, og vörnin
var mjög traust með Dýra og
Grím sem bestu menn. Magnús
Bergs og Magni léku báðir vel og
vinna ávallt mjög vel. Hermann
Gunnarsson lék mjög vel og átti
margar fallegar sendingar.
Lið Vals er mjög vel að ís-
landsmeistaratitlinum komið, það
hefur átt góða leiki í sumar og
verið jafnt. Markatala liðsins tal-
ar sínu máli um getu liðsins. Liðið
hefur skorað hvorki meira né
minna en 40 mörk en aðeins fengið
á sig 15 mörk.
Það er líka afrek að vera búnir
að sigra í mótinu og eiga einn leik
eftir. Lið Vals hefur leikið 17 leiki,
sigrað í 12, tapað þremur og gert
tvö jafntefli. Styrkleiki Valsliðs-
ins er hversu jafnir að getu
leikmennirnir eru. Varla er veikur
hlekkur í liðinu, og margir góðir
leikmenn hafa þurft að gera sér að
góðu að verma varamannabekk-
ina. Þá hefur mikil barátta og
stemmning fylgt liðinu í mótinu í
allflestum leikjum liðsins. Til
hamingju með titilinn.
Lið IBK lék allvel á móti Val,
þrátt fyrir að þeim hafi ekki tekist
að ná sér í stig. Með örlítilli
heppni hefði leikurinn vel getað
endað með jafntefli. Ragnar
Margeirsson var besti maðurinn i
liði ÍBK, mjög harðskeyttur og
snjall knattspyrnumaður sem ger-
ir ávallt mikinn usla í vörn
mótherjanna. IBK á nú aðeins
einn leik eftir í mótinu á móti ÍA
og þurfa þeir að ná sér í stig ef
þeir ætla sér að halda sæti sínu í
í. deild. Lið FH á leik á móti
Þrótti og því má sjá að hart
verður barist á botninum en þessi
tvö lið eru jöfn að stigum þegar
ein umferð er eftir. Bæði liðin eru
með 13 stig.
í STUTTU MÁLI:
Islandsmótið 1. deild. Keflavík-
urvöllur.
ÍBK - Valur 1-2 (1-2)
MARK ÍBK: Ragnar Margeirsson
á 24. mínútu.
MORK VALS: Magnús Bergs á 12.
mínútu og Magni Pétursson á 24.
mínútu.
GULT SPJALD: Enginn.
ÁHORFENDUR: 1320. - ÞR.
Lið Vals er best
- segir þjálfari liðsins
„ÞESSI leikur ásamt leiknum á
móti Akranesi voru erfiðustu
leikir Vals í íslandsmótinu að
mínu mati,“ sagði þjálfari Vals,
Wolker eftir leikinn í Keflavík.
— Leikmenn Vals börðust vel i
þessum leik og sýndu að þeir eru
í góðri þjálfun. Allir léku vel og
gáfu allt sitt i leiknum. Það var
erfitt að eiga við Keflvíkingana.
Þeir börðust mjög vel allan tím-
ann og gáfu ekkert eftir. Við
skoruðum tvö falleg mörk. og
siðara mark okkar var gull af
marki. Ék er glaður yfir þvi að
það skyldi vera Magni Pétursson
sem skoraði það mark. Hann
hefur sýnt miklar framfarir i
sumar og átti svo sannarlega
skilið að skora.
Lið Vals er að mínu mati besta
liðið á þessu keppnistimabili.
Liðið hefur jöfnum og sterkum
leikmönnum á að skipa og góðir
leikmenn hafa þurft að sætta sig
við að vera varamenn. Valsmenn
þurfa ekki að kvíða framtiðinni
þeir eiga 16 — 18 leikmenn sem
allir myndu sóma sér vel i hvaða
1. deildar liði sem væri. Lið Vals
hefur þvi alla burði til að vera
áfram gott nasta árið. Þá hafa
leikmenn la-rt að berjast vel í
leikjum sinum.
— Það er alveg óvist hvort éK
kem til með að vera áfram hjá
Val. Mér hefur líkað mjög vel hér
á landi. og samstarf mitt við
leikmenn og stjórn Vals hefur
verið afskaplega gott. Þvi hef ég
fullan hug á að koma hingað
aftur sé vilji fyrir því hjá Vals-
mönnum. En tíminn verður að
skera úr um hvort svo verður.
Erfiðustu liðin i deildinni i ár
voru Fram og ÍA. Fram er með
gott lið sem ætti að geta fengið
enn meira út úr leik sínum. Þá vil
ég að það komi fram. að mér
finnst að nota eigi leikmenn sem
leika hér heima i landsliðið.
Máske að fá 2 til 3 sem leika sem
atvinnumenn. Það myndi skapa
samkeppni á milli leikmanna hér
heima. Liðið sem lek gegn Rúss-
landi komst vel frá leiknum.
sagði þessi geðþekki þjálfari að
lokum i spjalli okkar.
— ÞR.
Sigrinum fagnað í búningsklefunum eftir leikinn.
Ljósm. Ragnar A.
Sigur okkar í
íslandsmótinu
var verðskuldaður
- sagði fyrirliði Vals
ÞAÐ RÍKTI mikil gleði í bún-
inKsherbergjum Valsmanna eftir
leikinn i Keflavik er íslands-
meistaratitillinn var i höfn.
Stuðningsmenn Vals streymdu
inn i klefann og föðmuðu leik-
mennina og óskuðu þeim til
hamingju og ekki leið á löngu
þar til kampavinsflöskur sáust á
lofti og menn skáluðu i tilefni
sigursins. það tókst þó að króa
Guðmund Þorbjörnsson fyrirliða
af út i horni og spjalla við hann.
„Þetta er einn erfiðasti leikur
sem ég hef leikið“ sagði Guðmund-
ur og hélt áfram. „Við vorum mjög
taugaspenntir fyrir leikinn og líka
í leiknum sjálfum, okkur gekk
frekar illa að ná góðum samleik
fyrir vikið enda var Islandsmótið í
húfi. Við höfum sýnt jafna og
nokkuð góða leiki í mótinu og mér
finnst sigur okkar vera verðskuld-
aður. Sem dæmi get ég nefnt að
við höfum sigrað í þremur erfiðum
útileikjum, á móti í ÍA, ÍBV, og nú
ÍBK. Þá talar marktalan sýnu
máli.“ Að lokum sagðist Guðmund-
ur fastlega reikna með að leika
með Valsliðinu eitt keppnistímabil
í víðbót, en uppúr því fara að
hugsa sig um að fara jafnvel
utan eftir að hann hefur lokið
námi. En Guðmundur útskrifast
sem verkfræðingur frá Háskóla
íslands næsta vor.
„Það var skiljanlegt að við
værum taugaspenntir í þessum
leik“ sagði baráttujaxlinn Magnús
Bergs. Þetta var erfiður leikur, og
í honum var mikil barátta. Ég
held að við höfum átt sigur skilinn
í mótinu, við sýndum jafna og
góða leiki oftast nær. Mér fannst
Fram liðið vera erfiðast viður-
eignar í mótinu. Þeir eru með gott
lið og ég vil nota tækifærið og
óska þeim til hamingju með bik-
armeistaratitilinn.
„Þetta er ljúfasti íslandsmeist-
aratitill sem ég hef unnið til“
sagði Hermann Gunnarsson eftir
að leik Vals og ÍBK lauk. — Þetta
er í fjórða skipti sem ég verð
meistari. Fyrst varð ég meistari
fyrir 14 árum, ég neyðist til að
halda áfram vegna Evrópukeppn-
innar sem er á næsta ári, sagði
Hermann sem sýndi og sannaði í
leiknum að hann hefur engu
gleymt af snilli sinni í knattspyrn-
unni nema síður sé.
- ÞR.
Sigurður Haraldsson
Einkunnagjöfin
Lið ÍBK
Þorsteinn Bjarnason
Guðjón Guðjónsson
óskar Færseth
Gisli Eyjólfsson
Björn Ingólfsson
ómar Ingvarsson
Skúli Rósantsson
ólafur Júliusson
Ragnar Margeirsson
Steinar Jóhannsson
Gísli Torfason
Lið Vals.
Sigurður Haraldsson
Grímur Sæmundssen
Dýri Guðmundsson
Magnús Bergs
óttar Sveinsson
Þorgrímur Þráinsson
Guðmundur Þorbjörnsson
Albert Guðmundsson
Magni Pétursson
Matthias Hallgrimsson
Hermann Gunnarsson
Jón Einarsson (vm)
DÓMARI: I>orvarður Björnsson
»■*»
a> a> a> a> a> a^ a^