Morgunblaðið - 11.09.1980, Page 40

' Síminn á afgreiöslunni er
83033
JtUrgnnblfibife

Núopnum
öllkvöld
kl.18.00 r
FIMMTUDAGUR 11. SEPTEMBER 1980
Gífurlegt tjón
varð í eldsvoða
á Árskógsströnd
GÍFURLEGT tjón varð í elds-
voða. þegar tvö bílaverkstæði
við bæinn Illíðaiand á Ár-
skógsströnd í Eyjafirði
hrunnu til kaldra kola í
gærdag, en það voru bílaverk-
stæði Hjalta Sigfússonar og
Þorsteins Marinóssonar.
Að sögn Sigurðar Jónsson-
ar, slökkviliðsstjóra á Dalvík,
sem fór á staðinn, stóð ekki
steinn yfir steini og má segja,
að aðeins grunnur hússins sé
heillegur eftir ósköpin.
Hann sagði að a.m.k. fjórir
bílar hefðu gjöreyðilagst í
eldsvoðanum, auk þess mikið
af tækjum og tilheyrandi.
Þegar slökkviliðið kom á
staðinn um 25 mínútum eftir
upptök eldsins var allt alelda
og ekki um annað að ræða en
að hemja frekari útbreiðslu
eldsins. — „Við enduðum svo á
því að slökkva í rústunum.
Annars verður að viðurkenn-
ast, að vatnsskortur háði
okkur nokkuð við slökkvistörf-
in. Við gátum ekki notað nema
2—3 slöngur, en erum með 8
slöngur til taks,“ sagði Sigurð-
ur ennfremur.
Húsavik:
Slátra mun
minna í ár
Húsavik. 10. septpmber.
SLÁTRUN hefst hjá Kaupfélagi
Þingeyinga nk. mánudag og er
áætlað að slátra 41 þúsund fjár,
sem er um 10 þúsund færra en á
síðasta ári.
Á síðasta ári var óvenjulega
miklu slátrað vegna mikilla harð-
inda sem gengu yfir. Menn vona,
að dilkar vegist vel í haust, en
þungi þeirra má verða mun meiri
heldur en í fyrra ef heildarinnlegg
á að verða svipað. Sauðfé reyndist
mjög lélegt til frálags á sl. ári.
Menn telja eina ástæðuna fyrir
þessari miklu fjölgun vera þá, að
sl. vor var mun minna um tví-
lembdar ær en oft áður. Þá verður
nokkru meira sett á í haust þar
sem menn hafa almennt heyjað
mjög vel.
— Fréttaritari.
Ríkisstjórnin f jallar
áfram um tillögur sam-
gönguráðherra í dag
Fundir með forráðamönnum Flugleiða
og fulltrúum þingflokkanna
RÍKISSTJÓRNIN mun í dag
fjalla áfram um tillögur Stein-
gríms Hermannssonar sam-
gönguráðherra varðandi stuðn-
ing við áframhaldandi Atlants-
hafsflug. Mbl. tókst ekki í gær að
ná tali af samgönguráðherra, en
Svavar Gestsson félagsmálaráð-
herra sagði i samtali við Mbl. í
gærkvöldi að áframhaldandi
fundahöld yrðu um málið næstu
daga, þar sem margt þyrfti at-
hugunar við áður en lengra yrði
haldið.
Forráðamenn Flugleiða áttu í
gærmorgun fund með forsætisráð-
herra, samgönguráðherra og fé-
lagsmálaráðherra og sagði Sigurð-
ur Helgason, forstjóri Flugleiða, í
samtali við Mbl. í gær, að þessi
fundur hefði staðið í um hálfa
klukkustund og hefðu þeir svarað
ýmsum fyrirspurnum ráðherra
varðandi skýrslu þá, sem Flugleið-
ir sendu samgönguráðherra. Sagði
Sigurður, að annar fundur hefði
verið ákveðinn á föstudaginn.
Þá ræddu samgönguráðherra og
félagsmálaráðherra í gær við full-
trúa þingflokkanna, sem fjölluðu
um ríkisábyrgðina fyrir Flugleiðir
í vetur, en þeir eru: Olafur Ragnar
Grímsson frá Alþýðubandalagi,
Eiður Guðnason frá Alþýðuflokki,
Guðmundur G. Þórarinsson frá
Framsóknarflokki og Matthías Á.
Mathiesen frá Sjálfstæðisflokki.
Annar fundur var ákveðinn á
föstudaginn.
ELDSVOÐI — Það brann hreinlega allt sem brunnið gat í
bílaverkstæðunum að Hlíðalandi á Árskógsströnd í Eyjafirði í gær,
eins og þessar myndir, sem ljósmyndari Mbl., Páll Pálsson á
Akureyri, tók í gær, sýna glögglega. Innfellda myndin er tekin inni í
öðru verkstæðinu.
Birgðavandi frysti-
húsanna úr sögunni
BIRGÐIR frystihúsa innan Sölu-
miðstöðvar hraðfrystihúsanna
voru um síðustu mánaðamót um 4
þúsund tonnum minni en á sama
tima í fyrra. Birgðavandamál
húsanna er þvi úr sögunni. en á
timabili í sumar þurftu nokkur
frystihúsanna að hætta rekstri,
m.a. af þeim sökum.
Hjalti Eínarsson, framkvæmda-
stjóri hjá SH, sagði í samtali við
Morgunblaðið í gær, að um síðustu
mánaðamót hefðu birgðir SH hér
á landi verið 20.600 tonn, en á
sama tíma í fyrra voru þær 24.600
tonn. Sagði Hjalti að þessar birgð-
ir samsvöruðu innan við 2% mán-
aða framleiðslu og það væru í
raun ekki miklar birgðir. Hann
sagði að samanburður sem þessi
væri ekki nákvæmur því inn í
reikninginn þyrfti að taka hvernig
hefði staðið á afskipunum, en þó
væri ljóst að birgðir frystihúsa
væru nú verulega minni en í fyrra
og birgðavandamálið væri úr sög-
unni. í Bandaríkjunum á SH
rúmlega 2 þúsund tonn af fiski.
Undanfarnar vikur hefur miklu
af fiski verið afskipað og einnig
dróst framleiðsla húsanna saman
í sumar vegna sumarleyfa og
rekstrarerfiðleika. Þá sagði
Hjalti, að sala á frystum fiski
hefði gengið vel í ágústmánuði og
allt hjálpaðist þetta að við að
leysa birgðavandamálið. Hins veg-
ar væri rekstrarvandinn enn
óleystur, 8,57% launahækkun
hefði orðið 1. september, nýtt
fiskverð ætti að koma 1. október,
kjarasamningar væru framundan
og daglega væru tilkynntar nýjar
hækkanir. Allt gerði þetta sitt til
að gera stöðuna erfiðari.
Kjaradeila ASÍ og VSÍ:
Yerður sáttatillaga
lögð fram á morgun?
ALLT útlit benti til þess í
gærkveldi, að sáttasemjari rikis-
ins og sáttanefnd myndi leggja
fyrir aðila vinnumarkaðarins,
Alþýðusamhand fslands og
Vinnuveitendasamhand íslands,
sáttatillögu eða svokallaða inn-
anhússtillögu á sáttafundi á
morgun. föstudag. Sáttatillagan
mun að öllum líkindum fjalla
um röðun i launaflokka, en á þvi
atriði og einkum að þvi cr
varðar Verkamannasamband ís-
lands, strönduðu viðræður aðila
rétt fyrir síðustu mánaðamót.
Ríkisstjórn Luxemburg:
Leggur ríka áherzlu á að Lux-
air leggi fram nýjan samning
„RÍKISSTJÓRN Luxemburg
litur ekki svo á, að viðræðum
flugfélaganna um áframhald
Atlantshafsflugsins sé endan-
lega lokið, heldur var forráða-
manni Luxair falið að koma
með tillögur að nýjum samningi
til að leggja fyrir Flugleiðir og
vegna fyrirhugaðra ráðherra-
viðra>ðna hefur verið óskað eft-
ir því, að gerð þessara nýju
samningsdraga verði hraðað,“
sagði André Claude, blaða-
fulltrúi ríkisstjórnarinnar i
Luxemburg, i samtali við Mbl. i
gær.
„Okkur er ljóst, að við eigum
Flugleiðum maigt að þakka og
jafnframt er okkur það kapps-
mál að halda í þá starfsemi og
þekkingu, sem fyrirtækið hefur.
Ríkisstjórnin er hikandi við
beina þátttöku í flugrekstrinum,
eða of mikil afskipti, en leggur
ríka áherzlu á að reynt sé til
þrautar að finna Atlantshafs-
fluginu nýjan grundvöll, sem
ríkisstjórnin er tilbúin til að
styrkja," sagði Claude. „Þess
vegna hefur Barthel samgöngu-
ráðherra falið Luxair að gera
tillögu að nýjum samningi, sem
gæti tryggt áframhaldandi þátt-
töku Flugleiða og sjálfstæðan
rekstur flugs milli Luxemburg
og Ameríku.
Innanhússtillaga, sem svo er
nefnd, því að sé hún sáttatillaga,
verður að leggja hana fyrir hvert
aðildarfélag fyrir sig, mun því
ekki leysa kjaradeiluna, heldur
aðeins þann ásteytingarstein,
sem viðræður strönduðu á. Eftir
er þá að ræða um grunnkaups-
hækkanir og annað er varðar
samningsgerðina, en vonir standa
til, samþykki aðilar innanhúss-
tillöguna, að viðræður geti hafizt
á ný. ~
Sáttanefndin átti í gær all-
marga fundi með hinum ýmsu
sérgreinasamböndum innan
heildarsamtaka aðila og var að
safna upplýsingum til þess að
geta mótað tillöguna. Er svo
búizt við því að hún verði lögð
fyrir aðila á morgun, eins og áður
sagði.