Morgunblaðið - 12.09.1980, Blaðsíða 14

14
MORGUNBLAÐIÐ, FÖSTUDAGUR 12. SEPTEMBER 1980
Frávísunar-
tillagan
MORGUNBLAÐINU barst í «ær
svofelld fréttatilkynninK frá Al-
þýðusamhandi fslands:
Af marggefnu tilefni telur Al-
þýðusambandið rétt að birta opin-
berlega frávísunartillögu þá, sem
samþykkt var á fundi 43 manna
samninganefndar ASI þriðjudag-
inn 9. þ.m. Fer hún hér á eftir:
„Jafnframt því, sem samninga-
nefnd ASÍ leggur áherslu á að 14
manna viðræðunefndin knýi fram
svör af hálfu ríkisvaldsins um
skattalækkun lágtekjufólks, úr-
bætur í lífeyrismálum og öðrum
félagslegum atriðum í kröfugerð
samtakanna, samþykkir hún að
vísa framlagðri tillögu Karls
Steinars o. fl. til 14 manna nefnd-
ar til meðferðar."
A.
JSKIPAUTGCRB Rl K I SI N S
m/s Coaster
Emmy
fer frá Reykjavík 16. september
vestur um land til Húsavíkur og
snýr þar við.
m/s Baldur
fer frá Reykjavík 16. september
til Patreksfjaröar, Þingeyrar og
Breiöafjaröarhafna.
m/s Esja
fer frá Reykjavík 18. september
austur um land í hringferö.
Viðkomur samkvæmt áætlun.
GLÆSILEGIR - STERKIR - HAGKVÆMIR
Lítum bara á hurðina: Færanleg fyrir
hægri eða vinstri opnun, frauðfyllt og
níðsterk - og í stað fastra hillna og
hólfa, brothættra stoða og loka eru
færanlegar fernu- og flöskuhillur úr
málmi og laus box fyrir smjör, ost, egg,
álegg og afganga, sem bera mó beint
dönsku neytendastofnunarinnar DVN
um rúmmál, einangrunargildi. kæli-
svið, frystigetu, orkunotkun og
aðra eiginleika.
Margar stærðir og lltir þeir sömu
og á VOSS eldavólum og viftum:
hvítt-gulbrúnt-grænt-brúnt.
Einnig hurðarammar fyrir llta- eða
viðarspjöld að eigin vali.
GRAM BÝDUR EINNIG 10 GERDIR AF
FRYSTISKÁPUM OG FRYSTIKISTUM
/FO nix
HÁTÚNI SA • SÍMI 24420
Stærsta atvinnufyrirtæki
Grenivikur er frystihúsið
Kaldbakur, sem stofnað var
fyrir rúmlega 12 árum af um 80
hluthöfum og eru flestir þeirra
innan Grýtubakkahrepps.
Frystihúsið hefur starfað
sleitulaust síðan og var eitt af
þeim húsum, sem ekki sendu
fólk alfarið i „sumarfrí“ i ár.
Framkvæmdastjóri frystihúss-
ins er Knútur Karlsson og
sagði hann hlaðamanni Mbl. frá
því sem helzt væri þar að
gerast.
16 tonna hámarks-
afköst á dag
„Frystihúsið fær aðallega hrá-
efni af dekkbátum héðan af
Grenivík, en einnig fáum við af
og til afla af einstaka togbátum
og einnig frá Útgerðarfélagi
Akureyringa. Eins og er, er
hámarksafkastagetan í fryst-
ingu 16 tonn á dag, sem tak-
markast af frystigetunni, en
hana erum við nú að auka og
Grenivik. frystihúsið Kaldhakur fremst á myndinni.
Aukning viðbótarlána ger-
ir aðeins kleift að halda
taprekstrinum áfram
mun þá afkastagetan tvöfaldast.
Við vinnum einnig nokkuð af
fiski í salt og skreið, en það er
mestmegnis umframfiskur, sem
við höfum ekki náð að frysta. Við
erum með vélflökun fyrir þorsk,
ufsa, ýsu og steinbít, enda mjög
lítið um aðrar fisktegundir.
Þetta gengur eins og er og það
er ekki mikið um birgðasöfnun,
en hægt hefur gengið að fá
greiðslu fyrir það, sem útskipað
hefur verið, en það er þó ekki
óeðlilegt. Undanfarin ár hefur
það hins vegar gengið mjög vel.
Hér er ekkert raunverulegt
„sumarfrí", en segja má að
vinnslan hafi verið í lágmarki í
júlí og fram í miðjan ágúst, við
sáum okkur ekki fært að loka,
því það hefði verið mjög slæmt
fyrir smábátaútgerðina.
Sami vítahring-
urinn framundan
Það virðast vera erfiðir tímar
framundan, kauphækkunin nú
um mánaðamótin eykur auðvit-
að kostnað fiskvinnslunnar og
svo er væntanlegt nýtt fiskverð
um næstu mánaðamót og varla
þarf að búast við því að það
lækki. Eg sé ekki fram á neina
allsherjarlausn á þessum vanda-
málum, og það er varla við öðru
að búast, en að sami vítahring-
urinn sé framundan.
Aukning á viðbótarlánum
bætir reksturinn ekki á nokkurn
hátt, heldur gerir bara kleift að
Knútur Karlsson,
framkvæmdastjóri.
halda taprekstrinum lengur
áfram.
Ýmislegt hefur að vísu verið
gert og má þar benda á niður-
fellingu aðflutningsgjalda og
söluskatts af fiskvinnsluvélum,
en ríkið tekur þó ennþá sitt. Ég
var að fá senda krana í frysti-
kerfið hjá okkur, en þeir koma
frá Noregi og ofan á verð þeirra
leggur ríkið 113%. Það myndi
einnig hjálpa okkur talsvert ef
launaskattur yrði felldur niður,
það myndi lækka launagjöld
okkar um 1% og það munar svo
sannarlega um hvert prósentið.
Rætt við Knút Karlsson framkvæmda-
stjóra frystihússins Kaldbaks á Grenivík
Ætlum ekki að
leggja árar í bát
Það er að sjálfsögðu ekki
ætlun okkar að leggja árar í bát,
heldur munum við berjast eins
og hægt er, þrátt fyrir þá
erfiðleika sem framundan eru.
Eins og er hefur eðlilegum
grundvelli verið kippt undan
rekstrinum. Það er eins konar
regla að hráefniskostnaður megi
vera allt að 50% framleiðslu-
kostnaðar, vinnulaun 25% og
það sem eftir er þá fari í annan
kostnað. En þessum hlutföllum
hefur nú verið verulega raskað
og því erfitt um vik. Auk þess
byggist allt nú á Bandaríkja-
markaðinum, aðrir markaðir
geta ekki borgað meira, Bret-
landsmarkaðurinn er oft góður,
en ekki nógu stöðugur. Eins og
nú er ástatt getum við ekki
framleitt vöruna á kynningar-
verði, sem nauðsynlegt er ef
reyna á að afla annarra mark-
aða. Við komumst heldur ekki
inn á almennan búðamarkað í
Bandaríkjunum vegna þess að þá
þyrfti að lækka verðið um 60
cent.
Það er orðið nær ómögulegt að
standa í nokkurri fjárfestingu
eða uppbyggingu, því enginn
fæst til að fjármagna slika hluti
fyrr en þeir eru orðnir starfhæf-
ir. Þetta stafar af fjármagns-
skorti viðskiptabankanna og
fyrir vikið verðum við að búa við
vísitölu- eða gengistryggð lán,
setn oftast eru einnig á hærri
vöxtum en önnur lán. Vaxtalið-
urinn hefur undanfarið hækkað
mest af útgjaldaliðum okkar og
finnst mér mjög óeðlilegt að
borga mikla vexti af verðtryggð-
um lánum.
Erum að taka fóð-
ureldhús í notkun
Við erum nú að byrja með
fóðureldhús þar sem ætlunin er
að framleiða tilbúið loðdýrafóð-
ur og einnig verða þar fryst bein
til útflutnings. Hér eru nú á
milli 60 til 70 manns á launaskrá
og lætur nærri að það sé helm-
ingur vinnukrafts þorpsins og
svo er útgerðin með helming
þess sem þá er eftir. Það má því
segja að þetta sé lífæð þorpsins
og því mjög brýnt að starfsemin
leggist ekki niður. Hér er einnig
verið að byrja á hafnarfram-
kvæmdum og þegar þeim verður
lokið munum við geta skipað hér
út fiskinum, en hingað til höfum
við orðið að keyra hann til
Akureyrar með nokkrum til-
kostnaði, en auk þess er mikið
óöryggi fylgjandi því, sérstak-
lega yfir vetrartímann," sagði
Knútur Karlsson að lokum. HG.
SKÓLAVÖRUR
áttttUskóUms!
BÓKAHÚSIÐ
Laugavcgi 178, s.86780.
Hætt við kolabrennslu
hjá SR á Siglufirði
FRÁ ÞVÍ var greint á sínum tima
að Sildarverksmiðjur ríkisins hefðu
í athugun að nota kol til orkunotk-
unar i verksmiðjunni á Siglufirði i
stað svartoliu. Frá þessari hug-
mynd var fljótlega horfið þar sem
kostnaður við nauðsynlegat breyt-
ingar var talinn meiri en svo að
þær borguðu sig.
„Miðað við svartolíunotkun er
notkun á kolum talin mjög hag-
kvæm, en hins vegar er kostnaður
við breytingu yfir í kolabrennslu
talinn nær óyfirstíganlegur miðað
við ekki lengri vinnslutíma en var
hjá verksmiðjunni á síðasta ári,“
sagði Jón Reynir Magnússon fram-
kvæmdastjóri SR í samtali vií
Morgunblaðið. „Við reiknuðum vext-
ina, sem hefðu orðið samfara þess-
um framkvæmdum og það var langl
í frá að mismunurinn á olíu- og
kolanotkun dygði fyrir vöxtuip a)
framkvæmdinni, hvað þá að borgé
hana niður. Við miðuðum við rekstui
verksmiðjunnar á síðasta ári og þ('
svo að sú verksmiðja væri starfrækt
í lengri tíma en aðrar slíkar þá vai
það ekki nema hálft árið. Þetta ei
heldur óviss iðnaður og því þótti ekk
rétt að fara út í fjárfestingu sen
þessa,“ sagði Jón Reynir Magnússon