Morgunblaðið - 21.09.1980, Blaðsíða 5
MORGUNBLAÐIÐ, SUNNUDAGUR 21. SEPTEMBER 1980
5
Margmret Thatcher
Sjónvarp kl. 22.40:
Hrun
Bretaveldis
Á dagskrá sjónvarps kl. 22.40
á mánudagskvöld er bresk
heimildamynd, Hrun Bretaveld-
is (Decline and Fall).
Stefna sú, sem ríkisstjórn
Margaret Thatcher fylgir, er
mjög í anda Nóbelsverðlauna-
hafans Miltons Friedmans. Ýms-
ir hagfræðingar telja nú, að
stefna þessi muni leiða Breta út
í ■ miklar ógöngur og jafnvel
efnahagslegt hrun. Þýðandi
texta er Sonja Diego.
— Þetta er nýleg fréttamynd
um ástandið i efnahagsmálum
Breta, sagði Sonja, — þar sem
gerð er grein fyrir framtíðarspá
starfshóps breskra hagfraeðinga,
svonefnds Cambridge-hóps, en
þeir gefa út slíkar spár árlega,
rétt áður en efnahagsmálafrum-
varp stjórnarinnar sér dagsins
ljós.
í mynd þessari kemur fram
óhugnanleg spá fyrir brezkt
efnahagslíf, þar sem því er spáð
að með þeirri stefnu í efna-
hagsmálum, sem ríkisstjórn
Margaret Thatcher fylgir, fari
ástandið hraðversnandi í land-
inu; atvinnuleysi fari vaxandi og
Bretar færist æ fjær því að vera
samkeppnishæfir á erlendum
mörkuðum.
í myndinni er og rætt við þá
sem styðja ríkisstjórnina á
þeirri braut sem hún hefur
markað, og segja þeir forsendur
spárinnar hæpnar og niðurstöð-
urnar ýktar, enn sé allt of
snemmt að leggja dóm á árang-
urinn, batinn skili sér þó að
síðar verði og það sé um að gera
að þrauka af þetta erfiðleika-
tímabil.
Hamrahliðarkórinn
Sjónvarp í kvöld kl. 20.35:
„Við skulum til
gleðinnar gá“
í kvöld kl. 20.35 flytur
Hamrahlíðarkórinn
söngdagskrá í sjónvarpi
og nefnist hún „Við skul-
um til gleðinnar gá“.
Stjórnandi er Þorgerður
Ingólfsdóttir. Stjórn upp-
töku Andrés Indriðason.
Á dagskránni eru ein-
göngu íslenzk tónverk eft-
ir núlifandi höfunda, flest
samin fyrir kórinn. Eftir-
talin verk verða flutt:
Þættir úr Kiljanskviðu,
eftir Gunnar Reyni
Sveinsson við ljóð Hall-
dórs Laxness; Trölla-
slagur, eftir Þorkel Sigur-
björnsson; Stemmur, eftir
Jón Ásgeirsson, textarnir
byggðir á þjóðkvæðum;
smávinir fagrir, eftir Jón
Nordal við kvæði Jónasar
Hallgrímssonar.
Hljóðvarp í dag kl. 10.25:
Markús A. Einarsson flytur erindi
í nýjum erindaflokki um veðurfræði
Á dagskrá hljóðvarps í dag
kl. 10.25 er erindi. Markús A.
Einarsson taiar um veður-
spár.
Þetta er fyrsta af sjö erind-
um um veðurfræði sem flutt
verða næstu sunnudaga. Það
eru veðurstofustjóri og veð-
urfræðingar Veðurstofu ís-
lands sem flytja erindin.
Sunnudaginn 21. sept. talar
Borgþór Jónsson um háloft-
in, 28. sept. talar Hlynur
Sigtryggsson um alþjóðleg
veðurmál, 5. okt. talar Þór
Jakobsson um haf og loft, 12.
okt. talar Trausti Jónsson
um ofviðri, 19. okt. talar
Adda Bára Sigfúsdóttir um
veðráttuna og 26. okt. talar
Flosi Hrafn Sigurðsson um
Markús Á. Einarsson.
loftmengun.
Eins og áður segir ríður
Markús Á. Einarsson veður-
fræðingur á vaðið með erindi
sínu um veðurspár.
— Ég fjalla fyrst um þróun
veðurspámennsku, sagði
Markús, — flyt örstutt sögu-
legt yfirlit, en held mig að
öðru leyti aðallega við veð-
urspár hér á Iandi. Ég reyni
að gera grein fyrir því, á
hverju þær byggja í aðalatrið-
um og ræði nokkuð um þau
vandkvæði sem eru á gerð
veðurspáa. Loks spjalla ég um
túlkun þessara spáa. Það má
segja að í þessu erindi leitist
ég við að gefa yfirlit yfir
þennan þátt veðurþjónust-
unnar.
Við hefjum vetrarferðirnar til London
með fyrstu brottför
Útvegum miða á vinsælustu söngleikina,
Evitu, Talk of the Town, Jesus Christ
Superstar o.fl. Miðar einnig fáanlegir á
stórleikinn Arsenal - Nottingham Forest.
Verð frá
kr. 219.000 kr
Innifalið er flug, flutningur til og frá flug
velli, gisting með morgunverði og ís-
lensk fararstjórn
Vetrarferðirnar til
London hafa löngum
slegið í gegn.
Helgarferðir, 5 daga
ferðir eða vikuferðir.
1RLAND