Morgunblaðið - 24.09.1980, Blaðsíða 29

MORGUNBLAÐIÐ, MIÐVIKUDAGUR 24. SEPTEMBER 1980
29
ísku ríkjunum. Það er þetta, sem
sósíalisminn býður fólkinu, og
þetta er ekki misskilningur, Ung-
verjalands-Hjalti og fóstbróðir
Ólafs Ragnars Grímssonar, heldur
staðreynd.
• Ekkert nema stríð get-
ur bjargað þessu fólki
Þjóðfrelsisöflin í Austur-
Evrópu, sem svo eru kölluð i
fjölmiðlum okkar í dag, og ganga
líka undir öðrum nöfnum, t.d.
Víet-Cong og hvað þau svo heita í
Angóla, Eþíöpíu, Kúbu o.s.frv.,
leiða svona lagaða blessun yfir
löndin sem þau ráða. Það fer líka
vel á því að halda popptónleika
hér í Laugardalshöllinni gegn her,
því að það vita allir, að ekkert
nema stríð við Rússa getur bjarg-
að þessu fólki, sem núna lifir við
þessar hörmungar, og getur líka
bjargað öllum hinum frá þessum
ósköpum. Það fer engin þjóð núna
í árásarstríð nema Rússar."
• Höfum við efni á
miskunnarleysi?
Þ. Kr. skrifar:
„Mig langar til að segja frá
neyð gamallar konu, sem ég þekki,
og veit að á betra skilið í ellinni en
einveru og afskiptaleysi. Þessi
vinkona mín er komin á níræðis-
aldur og hefur allan sinn starfs-
aldur lagt drjúgan skerf til þjóð-
arbúsins, með högum höndum og
hollustu. Nú er svo komið fyrir
henni, að sjónin er að mestu farin
og sambandið við líðandi stund er
ekki alltaf sem skýrast. Hún hefur
yfir að ráða lítilli íbúð við Austur-
brún og nýtur heimilishjálpar frá
þjónustudeild Reykjavíkurborgar.
En þetta dugir bara ekki lengur.
Konan þarf að njóta stöðugrar
umönnunar og eftirlits. Það hefur
komið fyrir þrásinnis, að hún
hefur fundist á morgnana á göng-
um eða i lyftu, og hefur þá jafnvel
legið þar ósjálfbjarga tímum sam-
an. Ég hef tvisvar átt þátt í að
koma henni í sjúkrahús, en hún
hefur í hvorugt skiptið fengið að
vera þar nema í viku til tíu daga.
Þá hefur hún verið sögð vera nógu
hress til að fara heim, og verið
útskrifuð. Mér finnst þetta hreint
miskunnarleysi. Á gamla fólkið
enga þrýstihópa að baki sér sem
geta komið málum þess áleiðis?
Það er ömurleg staðreynd fyrir
okkur sem þjóð, ef við látum
viðgangast að þetta séu verklaun-
in sem við réttum gömlu og slitnu
fólki, þegar hallar undan fæti hjá
því í lífinu. Og ég bara spyr:
Höfum við efni á sliku miskunn-
arleysi, svo fámenn sem við er-
um?“
Innilegustu þakkir til allra þeirra sem glöddu mig
á 75 ára afmæli mínu 18. september sL Guð blessi
ykkur ffli
SOFFÍA ÁRNADÓTTIR
FURUGERDI1.
Alltaf sól
• Þarf landið að
fara á hausinn?
R.K. hringdi og hafði þetta
að segja: — Mér finnst það fyrir
neðan allar hellur að afgreiðslu-
fólk í matvöruverslunum skuli
ekki vera skyldað til að bera
höfuðbúnað. Ég hef oft orðið vitni
að því, að þetta fólk hefur þurft að
strjúka hárið frá enninu og aug-
unum, bara til þess eins að sjá
almennilega, þar sem það hefur
staðið við afgreiðslu á viðkvæmum
matvörum. Þetta er sóðaskapur á
háu stigi.
Ég held, að þetta hafi nú lagast
i seinni tíð í frystihúsum landsins,
en þar var ástandið mjög slæmt að
þessu leyti. Það er varla einleikið
hvað okkur ætlar að ganga stirð-
lega að temja okkur hreinlæti eins
og til þarf í matvælaframleiðslu.
Þarf landið að fara á hausinn til
þess að við áttum okkur?
SKÁK
Umsjón: Margeir Pétursson
í landskeppni Sovétríkjanna og
Júgóslavíu kom upp þessi staða í
skák A. Korelovs og D. Marjans.
Svörtu frípeðin drottningarmegin
eru ógnvekjandi en hvítur lumaði
á óvæntum „glaðningi“:
23. Hxa4í! - Rxa4, 24. Dxe4 -
Dd7, 25. Re7+ - Kh8, 26. Dxh7+!
— Kxh7, 27. Hh7+ mát! Sannar-
lega svipleg endalok!
hjá okkur...
Höfum sett upp hina vinsælu sóiarlampa
Leitið nánari upplýsinga og pantið tíma
hjá sundlaugarvörðum í síma 22322.
HÓTEL LOFTLEIÐIR
I 52^ S\G6A V/QGA g \UNtHAIH