Morgunblaðið - 04.11.1980, Blaðsíða 21

MORGUNBLAÐIÐ, ÞRIÐJUDAGUR 4. NÓVEMBER 1980
21
SKÚLI ÓSKARSSON SETTI HEIMSMET í RÉTTSTÖÐULYFTU

„Skúli, þú ert sterkastur,
reyndu að taka á drengur“
„JÆJA þá erum við búnir að
eignast heimsmet i íþróttum. þó
i kraftlvftingum sé,“ sagði
Skúli Oskarsson kraftlyft-
ingakappi og heimsmethafi við
forseta ISÍ Svein Björnsson er
hann kom inn i búningsklefa
Laugardalshallarinnar til
Skúla eftir að hann setti heims-
metið til að óska honum til
hamingju.
Já i fyrsta skipti hefur ís-
lendingur sett heimsmet i
iþróttagrein, og það á heima-
velli. Skúli Oskarsson setti nýtt
heimsmet í 72 kilóa flokki i
réttstöðulyftu i LaugardalshöII
siðastliðinn laugardag. Lyfti
315,5 kg. Fyrra metið var 315
kg. Skúli sem keppti sem gestur
i hléi á Norðurlandameistara-
móti unglinga i lyftingum kom
sá og sigraði og setti met. Hann
byrjaði á þvi að taka réttstöðu-
lyftu með 65 kg og siðan
bekkpressu með sömu þyngd.
Litlu munaði þó að bekkpress-
an væri ógild. Það var ekki fyrr
en i þriðju tilraun sem Skúli
gerði lyftu sina gilda. Sjálfsagt
verið spenna i kappanum fyrir
aðalátökin, réttstöðulyftuna.
Skúli byrjaði á að lyfta 300 kg.
Ákveðinn gekk hann að stöng-
inni og fór létt upp með þá
þyngd. Næst var tilkynnt að
Skúli myndi reyna við 317,5 kg.
En á síðustu stundu var þyngd-
inni breytt í 315,5 kg. Hálfu kílói
meira en gildandi heimsmet. Það
tók tvo fíleflda karlmenn að
spenna lyftingabelti á Skúla
áður en hann fór í lyftuna.
Einbeitnin skein út úr andlitinu
þar sem hann undirbjó lyftuna.
Skúli beygði sig rólega niður,
handfjatlaði stöngina rólega til
þess að fá sem best grip. Andaði
djúpt og rólega. Það mátti heyra
saumnál detta í höllinni svo
mikil var spennan. Allt í einu
kom átakið, og upp fóru lóðin
hægt og sígandi. Skúli varð eins
og eldhnöttur í framan af átök-
unum, en alla leið fóru. lóðin.
Dómarinn gaf merki niður með
járnin. Skúli og allir í höllinni
sem hvatt höfðu Skúla hrópuðu
af hrifningu þegar allir dómar-
arnir þrír gáfu merki um að
lyftan væri lögleg. Nýtt hafði
verið sett á sviðinu í Laugardals-
hðll.
Skúli hoppaði upp af hrifningu
og var umkringdur á sviðinu
faðmaður og kysstur og loks
„tolleraður" þrívegis. Síðan gekk
Skúli að lóðunum og kyssti þau.
Það var mikil stemmning þegar
lyftan hófst meðal áhorfenda. Þá
heyrðist hrópað. „Upp með járn-
in, þú hefur það,“ „Skúli þú er
sterkastur, taktu á drengur," og
margir af hinum fílefldu karl-
mönnum sem fylgdust með lyft-
unni krepptu hnefann og tóku á
með Skúla. Loks kom að því að
Islendingur setti heimsmet og
það á vel við að það var sett í
kraftlyftingum því að löngum
hefur þótt kraftur í íslensku
þjóðinni til lands og sjávar. Og
marga fíleflda karlmenn hefur
þjóðin alið og átt. — ÞR.
„Sá orðið rautt í lok
lyftunnar“
„ÉG ER búinn að æfa mjög vel
að undanförnu og þá svo til
eingöngu réttstöðulyftuna, með
það fyrir augum að setja nýtt
heimsmet. Á einni æfingunni i
vikunni lyfti ég til dæmis sam-
tals niu tonnum,“ sagði heims-
methafinn Skúii óskarsson þeg-
ar undirritaður ræddi við hann
eftir að Skúli hafði sett nýtt
heimsmet.
„Ég átti von á því að setja met.
Ég fann það á mér að það myndi
takast. Að vísu ætlaði ég mér of
mikið þegar ég bað um 317,5 kg á
stöngina. Þá þyngd hefði ég
sennilega ekki ráðið við. En
Ólafur Sigurgeirsson formaður
lyftingasambands íslands lét
breyta þyngdinni á síðustu
stundu niður í 315,5 kg. Það
ræður alltaf miklu hvernig byrj-
unin tekst í svona lyftu. Ég fann
það að ég fór létt af stað, og þá
vissi ég að lyftan myndi heppn-
ast. Þegar ég var kominn alla
leið upp með lóðin og stöðvaði
var ég alveg að missa gripið, og
varð að taka á öllu sem ég átti
til. Þannig tókst mér að halda
þyngdinni tilskilinn tíma á lofti.
Ég get trúað þér fyrir því að
þetta tekur í. Fólkið í salnum
hjálpaði mér mikið með því að
hvetja mig eins hraustlega og
það gerði.
Ég hafði mest lyft áður 310 kg
á æfingu og fannst nóg um þá
þyngd. Ég varð að létta mig
töluvert til þess að komast í 72
kg flokkinn, en nú ætla ég að
borða heilt naut og þyngja mig
aftur og keppa í 82 kg flokki. Ég
missti kraft við að létta mig og
fann fyrir krampa í fótunum við
lyftuna, þegar ég setti metið.
Það er stórkostlegt að þetta
skyldi takast, ég sá orðið allt
rautt í lok lyftunnar svo mikið
tók ég á. Loks tókst okkur að
eignast heimsmet. Tími til kom-
inn sagði," Skúli og brosti af
ánægju.
„Það var nokkur taugaspenna
í mér fyrir keppnina. Ég svaf
ekki alveg nægilega vel síðustu
nóttina. En er nær dró keppn-
inni og eftir að ég var búinn að
hita vel upp, var allur skjálfti
farinn úr mér,“ sagði heimsmet-
hafinn. Og það var ekki rétt að
vera að trufla heimsmethafann
meira en búið var að. Hann var
umkringdur af vinum og að-
dáendum sem þurftu að komast
að honum til þess að óska honum
til hamingju.
- ÞR.
Kraftlvftingakappinn
Skúli Oskarsson.