Morgunblaðið - 04.11.1980, Blaðsíða 47

MORGUNBLAÐIÐ, ÞRIÐJUDAGUR 4. NÓVEMBER 1980
47
Stuöningsmenn Reza Pahlavi, elzta sonar fyrrum keisara. er tók sér keisaratign í siðustu viku, i göngu á
götum Lundúna á sunnudag. Simamynd AP.
Fundur í París til
stuðnings Pahlavi
París. 2. nóvembor. AP.
UM 300 ÍRANIR komu saman í París til að lýsa yfir
stuðningi við Reza Pahlavi sem keisara í íran. Reza —
elsti sonur Reza Pahlavis heitins, lýsti sjálfan sig
keisara í Iran á föstudag. Að sögn var þátttakan í París
mun meiri en búist hafði verið við. „Ég held, að þessi
samkoma sýni áþreifanlega vaxandi andstöðu við stjórn
Khomeinis í íran,“ sagði einn fundargesta.
„Við verðum að standa saman
og berjast fyrir frelsun þjóðar
okkar. Hinn nýi keisari er samein-
ingartákn okkar," sagði einn
ræðumanna. „Við bjuggumst að-
eins við um 100 manns. I stað þess
komu þrefalt fleiri, þrátt fyrir
ótta um líf sitt fyrir að sýna
stjórn Khomeinis andstöðu," sagði
kona nokkur sem sótti fundinn.
Hún sagðist ekki vilja gefa upp
nafn sitt — og svo væri um marga
sem sóttu fundinn — af ótta við
hefnd Khomeinis og klerka hans.
Meðal þeirra, sem sóttu fundinn,
var Azadeh Shafik prinsessa, ná-
frænka keisarans, en hún hefur
verið virk í andstöðu við núver-
andi stjórnvöld í íran. Hún sagði
við fréttamann AP, að andstaða
væri nú vaxandi í íran gegn stjórn
Khomeinis. Heimildir meðal and-
stæðinga Khomeinis segja, að
bylting verði gerð í landinu — með
stuðningi hersins, fyrir árslok.
Hins vegar segja aðrar heimildir,
að slíkt sé óhugsandi á meðan
Khomeini sé á lífi.
Verkamannaflokkurinn brezki:
Úrslit í formannskjöri
ólíkleg í fyrstu atrennu
Lundúnum. 3. nóvember. AP.
ENDA þótt almennt sé búizt við því að Denis Healey
verði næsti formaður brezka Verkamannaflokksins er
allsendis óvíst að hann sigri í fyrstu atrennu for-
mannskosninganna, sem fram fer í dag. Michael Foot er
spáð verulegu fylgi, en auk þeirra tveggja eru í
framboði Peter Shore, málsvari flokksins í utanríkis-
málum, og John Silkin, fyrrum landbúnaðar- og
sjávarútvegsráðherra.
Vinstri öflunum í flokknum
hefur vaxið mjög ásmegin að
undanförnu, og hafa þau hvað
eftir annað borið sigurorð af þeim,
sem taldir eru nær miðju stjórn-
málanna, í átökum sem komið
hefur tií að undanförnu. Mikill
ágreiningur hefur verið um það
hvernig kjósa skuli flokksleiðtoga,
og er þetta í siðasta sinn sem
þingflokkurinn einn velur for-
manninn. í janúar verður efnt til
ráðstefnu, þar sem ákveðið verður
hvernig kjörmannasamkunda sú,
sem í framtíðinni kýs flokksleið-
toga, verður skipuð, en samkvæmt
reglum sem þar verða settar,
verður gengið til nýrra for-
mannskosninga síðar á árinu 1981.
Útlit er fyrir að af þeim 268
fulltrúum sem flokkurinn á á
þingi muni 110—120 styðja Healey
í fyrstu umferð, 90 eru líklegir til
að styðja Foot og þeir sem þá eru
eftir munu þá að líkindum skipt-
ast nokkurn veginn jafnt á milli
Shores og Silkins. í síðari umferð,
ef til kemur, verður leikurinn afar
tvísýnn, og kunna úrslitin að velta
á aðeins 15 atkvæðum, en þar
skiptir Healey mestu hvort honum
tekst að laða til sín stuðnings-
menn Peter Shores, sem talinn er
nær miðju en Silkin.
I>etta geröist
1520 — Kristján II af Dan-
mörku krýndur konungur Svía í
Stokkhólmi.
1530 — Enski kardinálinn Wois-
ey handtekinn fyrir landráð.
1576 — Spænskir sjóliðar gera
uppreisn og ræna Antwerpen.
1814 — Norðmenn fá sérstaka
stjórnarskrá og verða í konungs-
sambandi við Svía.
1898 — Frakkar hörfa frá Fas-
hoda í Súdan.
1921 — Forsætisráðherra Jap-
ans, Takashi Hara, ráðinn af
dögum.
1922 — Inngangur í grafhýsi
Tutankhamens konungs í
Egyptalandi finnst.
1931 — Þjóðabandalagið sakar
Japani um árás í Mansjúríu.
1942 - Orrustunni við E1 Ala-
mein lýkur.
1944 — Grikkland frelsað.
1956 — Ailsherjarþingið sam-
þykkir að senda gæzlulið til
Miðausturlanda — Sovézkur her
gerir árás á Búdapest og Imre
Nagy leitar hælis í sendiráði
Júgóslavíu.
1957 — Öðru gervitungli Rússa
skotið á braut.
1975 — Bandaríkin loka sendi-
ráði sínu í Angola vegna
borgarastríðs.
1979 — Bandaríska sendiráðið í
Teheran tekið ásamt gíslum og
framsals fv. Iranskeisara kraf-
izt.
Afmæli — Felix Mendelssohn-
Bartholdy, þýzkt tónskáld
(1809—1847) — Edmund Kean,
enskur leikari (1787—1833) —
Auguste Rodin, franskur mynd-
höggvari (1840-1917) - Will
Rogers, bandarískur húmoristi
(1879-1935).
1. nóvember
Andlát — 1856 Paui Deiaroche,
listmálari — 1924 Gabriel
Fauré, tónskáld.
Innlent — 1760 Bjarni land-
læknir Pálsson byrjar að kenna
fyrsta ísl. læknisefninu, Magnúsi
Guðmundssyni — 1918 Kötlu-
gosi lýkur — 1942 „Brúarfoss"
bjargar mönnum af brezku skipi
á leið til Ameríku — 1946
„Borgey“ frá Hornafirði ferst
með fimm mönnum — 1960
Ásgrímssafn opnað — 1862 f. dr.
Jón Stefánsson — 1871 f. Ottó N.
Þorláksson, fyrsti forseti ASÍ —
1899 f. Jóhannes úr Kötlum.
Orð dagsins — Eg vil alltaf trúa
því bezta um alla — það sparar
svo mikil vandræði — Rudyard
Kipling, enskur skáldsagnahöf-
undur (1865-1936).
Úrvalið aí
barnaúlpum
hefur
aldrei verið
meira