Morgunblaðið - 25.02.1981, Blaðsíða 1
32 SÍÐUR
46. tbl. 69. árg.
MIÐVIKUDAGUR 25. FEBRÚAR 1981 Prentsmiðja Morgunblaðsins.
Karl prins
trúlofaður
London, 24. febrúar. — AP.
RÍKISARFI Breta. Karl prins,
KenRur að ciga latði Diana
Spencer, 19 ára dóttur jarls og
milljónamærings, i sumar, að
því er tilkynnt var í Bucking-
ham-höll i dag. Þar með er lokið
margra mánaða vangaveltum
um ástamál prinsins.
Karl prins bar upp bónorðið í
einkaibúð sinni í höllinni 6.
febrúar, áður en hún fór í leyfi til
Ástralíu. Þau komu í fyrsta
skipti fram opinberlega eftir til-
kynninguna þegar þau leyfðu að
teknar væru af þeim ljósmyndir í
hallargarðinum.
Lafði Diana hefur látið af
starfi sínu sem kennari og flutzt í
Clarence House, heimili drottn-
ingarmóðurinnar í London. í
kvöld var „rólegur fjölskyldu-
kvöldverður" í Buckingham-höll.
Brúðkaupið fer sennilega fram
seint í júlí og hjónavígslan fer
fram í Westminster Abbey. Lafði
Diana verður prinsessa af Wales.
Stór hópur velunnara safnaðist
saman í dag fyrir utan hallar-
hliðin. Lafði Diana hefur fengið
sérstaka lögregluvernd. Hún hef-
ur verið hundelt af blaðamönnum
og ljósmyndurum.
Sjá nánar bls. 17
Karl Bretaprins og lafði Di-
ana Spencer eftir tilkynning-
una um trúlofun þeirra.
Eldflaug
springur
HeidelbrrR. 24. febrúar. — AP.
ELDFLAUG af Pershing-gerð.
sem getur borið kjarnaodd.
sprakk í loft upp i dag. þegar
eldur hafði komið upp i her-
flutningahí). sem eldflaugin var
á. Eldflaugin var ekki búin
kjarnaoddi þegar hún sprakk og
engan sakaði.
Slysið varð í smábænum Al-
thutte í Baden Wúrtemberg, um
32 km norðaustur af Stuttgart.
Ibúar nokkurra nálægra húsa
voru fluttir á brott og götunni,
þar sem sprengingin varð, var
lokað.
Eldurinn virðist hafa komið
upp í vélinni í bílnum.
Jarðskjálfti
Aþenu. 24. febrúar. — AP.
SNÁRPUR jarðskjálfti varð í Aþenu
í kvöld og olli ofsahræðslu en engu
manntjóni eða eignatjóni samkvæmt
fyrstu fréttum. Fólk hljóp út á götur
í náttklæðum með börn og dýr í
fanginu. Jarðskjálftinn var 6,8 stig
samkvæmt bandarískum mælingum.
Spænskir þingmenn koma út úr þinghúsinu eftir að umsátrinu lauk. beir eru (frá vinstri): José Maria de
Areilza úr Miðflokkasambandinu, Garcia Lopez, vinstrisinnaður, Juan Maria Bandres, leiðtogi vinstri
samsteypunnar „Euskadisco Eskerra“, og óþekktur þingmaður.
18 teknir f astir ef tir
uppreisnina á Spáni
^ Madrid, 24. febrúar. — AP.
ÁTJÁN liðsforingjar voru handteknir og yfirmaður hersins í Valencia
var kvaddur til Madrid til yfirheyrslu í dag eftir misheppnaða tilraun
hægrisinnaðra uppreisnarmanna til að kollvarpa hinu nýja lýðræð-
isskipulagi á Spáni.
Uppreisnarmenn úr bjóðvarðliðinu gáfust upp þegar þeir höfðu
haldið öllum ráðherrum ríkisstjórnarinnar og þingmönnum i gislingu
i 18 tima, þar sem Juan Carlos konungur og flestir yfirmenn hersins
fordæmdu þá.
Ronald Reagan Bandaríkjaforseti
hringdi í konunginn til að óska
honum til hamingju fyrir þá hörðu
afstöðu, sem hann tók gegn bylt-
ingartilrauninni, samkvæmt heim-
ildum í Zarzuela-höll.
Antonio Tejero Molina, undirof-
ursti úr Þjóðvarðliðinu, hætti við
byltingartilraunina á hádegi eftir
samningaþóf í alla nótt. Margir
hinna 200 þjóðvarðliða, sem réðust
með honum inn í þinghúsið, sneru
við honum baki og hann samþykkti
að lokum að gefast formlega upp í
hinni gömlu skrifstofu Francisco
Franco, hins látna einræðisherra.
Engan sakaði, þótt Tejero Molina
skyti sex sinnum úr skammbyssu
sinni upp í loftið og aðrir uppreisn-
armenn létu kúlum rigna úr vél-
byssum á veggi þingsalarins þannig
að múrsteinsbrotum rigndi yfir
þingmenn, sem hlupu í skjól.
Sextán þeirra liðsforingja, sem
voru handteknir, voru úr Þjóðvarð-
liðinu, en hinir voru sjóliðsforingi
og majór úr landhernum. Hann
gekk að eigin frumkvæði í lið með
uppreisnarmönnum þegar á um-
sátrinu stóð, og virðist hafa verið í
broddi fylkingar herlögreglusveit-
ar, sem var send á vettvang.
Tejero Molina hafnaði boði, sem
hann fékk í löngum samningavið-
ræðum, um að fá að fara óhultur úr
landi, en hann krafðist þess að allir
undirforingjar og óbreyttir menn,
sem voru viðriðnir byltingartil-
raunina, slyppu við málsókn.
Yfirmaður hersins í Valencia,
Jaime Milans del Bosch hershöfð-
ingi, var kallaður til Madrid, þar
sem hann lýsti yfir neyðarástandi í
umdæmi sínu og sendi skriðdreka
út á göturnar skömmu eftir árásina
á þinghúsið.
Þegar ráðherrar og 350 þingmenn
Spánar gengu fylktu liði út úr
byggingunni hrópuðu þúsundir fagn-
andi Spánverja: „Lýðræði, lýðræði."
„Við vorum rólegir, því að rósemi er
grundvallarþáttur stofnana sem
þessarar," sagði Pedro Bofill, þing-
maður sósíalista, sem var illa til
reika.
Byltingartilrauninni lauk raun-
verulega kl. 1.15 í nótt þegar Juan
Carlos konungur kom fram í sjón-
varpi og skipaði öllum yfirmönnum
hersins að „gera allar nauðsynlegar
ráðstafanir til þess að tryggja að
stjórnarskráin yrði haldin".
Nánar um hyltingartilraunina,
sjá bls. 14 og 15.
Leiðtogi Pólverja
biður um gott veður
_ Moskvu. 24. febrúar. AP.
ÁSTANDIÐ í Póllandi varpaði
skugga á 26. þing sovézka komm-
únistaflokksins i dag, þegar pólski
kommúnistalciðtoginn Stanislaw
Kania lýsti því yfir að Pólverjar
gætu leyst vandamál sin sjálfir.
Þar með virtist hann biðja handa-
menn sina að auðsýna þolinmæði.
Annar aðalræðumaðurinn í dag,
Fidel Castro frá Kúbu, fordæmdi
„bandaríska heimsvaldastefnu" og
neitaði því að Kúba stæði fyrir
útflutningi á byltingu.
„Við erum gæddir viljastyrk og
mætti til að koma í veg fyrir
gagnbyltingu," sagði Kania. Honum
var klappað lof í lófa. „Pólland er og
verður sósíalistaríki, dyggur banda-
maður Sovétríkjanna, órjúfandi
hlekkur í samfélagi sósíalistaríkja,"
sagði hann.
En hann viðurkenndi, að brot
gegn lögum sósíalisma, líklega af
völdum pólskra valdamanna, hefðu
leitt til vandamála landsins og
meints samsæris „andsósíalískra
afla“. Þessi öf! reyndu að laumast til
áhrifa í hinum nýju, óháðu verka-
lýðsfélögum, mynduðu mótvægi
gegn flokknum, og reyndu að auka
spennu og stjórnleysi og koma af
stað ólgu.
Hann tók undir þau varnaðarorð
Leonid Brezhnevs forseta, að „und-
irstöður sósíalistaríkisins væru í
hættu" og sagði að hlusta yrði á
fjöldann og móta vel ígrundaða
félagsmálastefnu.
Castro kom einnig inn á Pól-
landsmálið og sagði að heimsvalda-
sinnar reyndu að kalla fram ólgu í
Póllandi til að skilja það frá samfé-
lagi sósíalistaríkja.
I Bonn sagði Otto Lambsdorff,
efnahagsmálaráðherra Vestur-
Þjóðverja, að Bonn-stjórnin væri
fús til að íhuga gjaldfrest handa
Pólverjum, en ekki án samráðs við
aðra vestræna lánadrottna. Lambs-
dorff ræddi í dag við Henry Kisiel,
aðstoðarforsætisráðherra Póllands.
Óháð samtök stúdenta í Varsjá
undirbúa hátíðahöld til að minnast
13. ára afmælis stúdentaóeirða 8.
Reagan kannar
tillögur Rússa
WashinKton, 24. febrúar. AP.
RONALD REAGAN forseti
sagði í dag. að tillögur Rússa
um leiðtogafund væru „mjög
athyglisverðar“. en gaf í skyn
að framtíð slíkra viðræðna gæti
farið eftir þátttöku þeirra í
vopnasendingum til skæruliða í
E1 Salvador.
Forsetinn sagði á óundirbún-
um blaðamannafundi að þetta
hlutverk Rússa væri eitt þeirra
atriða sem yrði að fá úr skorið
áður en leiðtogafundur gæti far-
ið fram. Þetta eru fyrstu opin-
beru viðbrögð Bandaríkjastjórn-
ar við tiliögu Leonid Brezhnevs
forseta frá í gær um slíkan fund.
Reagan sagði að hann yrði að
hafa samráð við samherja
Bandarikjanna áður en ákvörð-
un yrði tekin um svar til Brezhn-
evs. Talsmaður bandaríska utan-
ríkisráðuneytisins sagði seinna
að þetta samráð væri þegar
hafið og benti á viðræður við
brezka og franska ráðamenn.
Howard Baker, leiðtogi repú-
blikana í öldungadeildinni, kvað
tillögu Brezhnevs fyrsta árang-
urinn í friðarþágu síðan Reagan
tók við og sýna að ákveðin og
einörð stefna eins og forsetinn
fylgdi borgaði sig.
Reagan sagði einnig að Banda-
ríkin ætluðu alls ekki að dragast
inn í átök í líkingu við stríðið í
Vietnam í E1 Salvador. Hann
kvaðst styðja stjórn landsins
gegn tilraunum til að steypa
henni og kvað sannað að Rússar
styddu skæruliða.
í Vestur-Evrópu töldu emb-
ættismenn og höfundar rit-
stjórnargreina sumt athyglis-
vert og hugsanlega jákvætt í
ræðu Brezhnevs, en voru yfir-
leitt mjög varkárir. Sumir töldu
að hinn nýi, „hófsami" tónn
Brezhnevs sýndi, að hin harða
stefna Reagans hefði borgað sig.