Morgunblaðið - 25.02.1981, Blaðsíða 3

MORGUNBLAÐIÐ, MIÐVIKUDAGUR 25. FEBRÚAR 1981
3
Sæmdur stórkrossi Dannebrogsorðunnar
MorKunblartinu hefur bor-
izt eftirfarandi fréttatilkynn-
ing frá danska sendiráðinu:
I viðurkenningarskyni fyrir
hið mikla starf Henriks Sv.
Björnssonar, sendiherra, í
þágu samskipta Danmerkur
og íslands, hefir drottning
Danmerkur sæmt hann Stór-
krossi Dannebrogsorðunnar.
Sendiherra Dana afhenti
honum heiðursmerkið hinn 22.
febrúar 1981.
Flugleiðir:
„Seinkun ríkisábyrgðar
skapar fljótlega vanda“
„EF AFGREIÐSLA ríkissjóðs á
siðasta hluta rikisábyrgðarinnar
dregst eitthvað. mun það fljót-
lega skapa vanda fyrir Flugleið-
ir,“ sagði Sigurður Helgason,
forstjóri Flugleiða, i samtali við
Mbl. i gærkvöldi.
Bæði fjármálaráðherra og sam-
gönguráðherra lýstu því yfir í gær
að ríkisábyrgðin yrði ekki af-
greidd fyrr en aðild fulltrúa ríkis-
ins að stjórn Flugleiða hefði verið
afgreidd. Verður það væntanlega
ekki fyrr en á aðalfundi félagsins
sem þarf að boða með minnst
fjögurra vikna fyrirvara. Verður
stjórnarfundur um málið á næstu
dögum hjá Flugleiðum.
Flugleiðir:
Ríkissjóður óskar
aðalf undar strax
„Ég tel að stjórn Flugleiða eigi
næsta leik i þessu máli og ég geri
ráð fyrir að hún boði til aðalfund-
ar eins fljótt og unnt er til þess að
afgreiða þessi mál, en við viljum
sjá fyrir endann á þessu áður en
síðasti hluti rikisábyrgðarinnar
verður afgreiddur," sagði Ragnar
Arnalds fjármálaráðherra i sam-
tali við Mbl. í gær þegar hann var
spurður álits á þvi að aðild
fulltrúa rikisstjórnarinnar i
stjórn Flugleiða var felld á hlut-
hafafundi i fyrrakvöld með tæp-
lega einu prósenti.
Ragnar kvaðst reikna með að
önnur tilraun yrði gerð á aðalfundi
til þess að koma tillögu stjórnar-
innar fram, en hann kvað ríkissjóð
hins vegar ekkert hrifinn af því að
fjölga stjórnarmönnum í 11 úr 9,
helzt hefðu þeir viljað halda töl-
unni 9 eða fjölga aðeins um einn,
en ef þetta mál verður afgreitt með
kosningum, sagði Ragnar, fáum við
einn mann í vor og annan að ári og
það er út af fyrir sig allt í lagi.
Steingrímur Hermannsson sagði
í samtali við Mbl. að leggja yrði
áherslu á að halda aðalfund án
tafar svo unnt verði að ganga frá
ákveðnum atriðum í þessu máli, en
Steingrímur sagði lausa enda í
stöðunni gagnvart ríkissjóði og
væri þar um að ræöa að rikissjóður
vildi fá að tilnefna varamann fyrir
fulltrúa í stjórn, þeir væru ekki
hrifnir af því að fjölga stjórnar-
mönnum um tvo og vildu ræða
hugmynd um 10 menn í stjórn.
Fóstrudeilan á Akureyri:
Bæjarráð vill við-
ræður um málið
UM ÞAÐ leyti sem bæjarráðsfund-
ur hófst kl. 15 i dag i ráðhúsi
Akureyrar, kom um 100 manna
hópur í ráðhúsið, foreldrar og
börn. Fulltrúi bæjarráðs var kall-
aður fram og honum afhent áskor-
un foreldra barna á leikskólum
þess efnis, að gengið verði að
kröfum fóstranna. Hópnum var
lofað að máliö kæmi til umræðu á
bæjarráðsfundinum. en það var
ekki á dagskrá hins boðaða fund-
ar. Eftir nálega klukkustundar
dvöl á göngum ráðhússins, hélt
hópurinn brott. Óformleg samtök
foreldra hafa boðað til fundar
annað kvöld um málefni fóstr-
anna og verður hann i Alþýðuhús-
inu kl. 21.
Bæjarráð Akureyrar gerði bókun
í málinu á fundi sínum í dag, þar
sem það telur núverandi ástand í
dagvistunarmálum í bænum óvið-
unandi og bitna helst á þeim sem
síst skyldi. Þess vegna vill bæjar-
ráð fyrir sitt leyti bjóða Starfs-
mannafélagi Akureyrarkaupstað-
ar, STAK, til viðræðufundar um
málið. En fram að þessu hefur það
einkum verið rætt af samninga-
nefndarmönnum beggja aðila.
Ekki er talið ósennilegt, að til
þessa fundar verði efnt þegar í
kvöld. _ Sv.P
Þunglega horfir um
togara- og bátakjör
ÞUNGLEGA horfir nú i deilunni
um togara- og bátakjör og þá
einkum að þvi er varðar togara-
kjör. Verkfall á fiskiskipaflotan-
um á að koma tii framkvæmda
frá og með morgundeginum og
siglir hann þá i land, takist ekki
samningar fyrir þann tima.
Nokkuð gott hljóð var í samn-
ingamönnum þar til i fyrrakvöld.
Þá tóku menn það sér fyrir hendur
að yfirfara það sem samkomulag
hefði náðst um og tíunda þau
atriði, sem ekki hafði verið lokið
við. Kom þá í ljós, að útvegsmenn
höfnuðu öllum kröfum, sem menn
höfðu ekki rætt, en sjómenn halda
samt fast við. Var talsverð svart-
sýni meðal þeirra samninga-
manna, sem Morgunblaðið ræddi
við í gær.
Upphaflega höfðu Sjómanna-
samband íslands og Farmanna- og
fiskimannasamband íslands boöað
verkföll á togaraflotanum frá og
með 9. febrúar og á bátaflotanum
frá og með 16. febrúar. Þegar
fiskverðsákvörðun lá fyrir, var
það álit manna, að úr vegi væri
erfiðasti hnútur samningamála
fiskimanna og í trausti þess var
verkföllum frestað til miðnættis
25. febrúar.
Verkfallið á bátaflotanum nær
ekki til Vestfjarða, þar sem sjó-
menn eru með bundinn samning.
— Notaðu tvær sléttfullar matskeiðar af kaffí fyrir hvern stóran bolla.
Þvoðu kaffikönnuna úr heitu vatni áður en kaffið er lagað og
einnig eftir lögunina og þurrkaðu hana. — (Þvoðu og þurrkaðu
kaffipokann á sama hátt).
Láttu renna úr krananum andartak áður en þú tekur kaffivatnið
ferskt og rennandi.
Best er að laga það magn af kaffi sem kannan er gerð fyrir og helst
ekki minna en 3/4 af þvi magni. — Oft kemur það sér þess vegna
vel að eiga tvær stærðir af könnum. .
Áriðandi er að kaffi sjóði aldrei. — Þegar suðan er komin upp á
vatninu, er gott að taka ketilinn af áður en hellt er á könnuna. —
Mörgum finnst best að hella í bollana sem fyrst eftir að kaffið hef-
ur verið lagað, — en í lagi er að halda kaffinu heitu í nokkurn
tíma, en helst aldrei lengur en í klukkutíma. — Munið að kaffið
má aldrei sjóða. —
Vissara er að bjóða ekki upp á kaffi sem hefur náð að kólna og
hitað hefur verið upp að nýju, því að þá missir kaffið talsvert af
sínu góða bragði og ilmi. Ráðlegt er að kaupa ekki meira kaffi en
það sem notast á einni viku, nema að kaffið sé í lofttæmdum um-
búðum, þá er í lagi að kaupa 6 mánaða birgðir. —
Þegar kaffipakki hefur verið opnaður, reynið þá að verja kaffið
— fyrir súrefni andrúmsloftsins, t.d. með þvi að geyma kaffið i dós
með þéttu loki.
Það skaðar svo ekki að geta þess aö allt kaffi í neytendaumbúðum frá Kaffibrennslu
O. Johnson & Kaaber er pakkað í loftþéttar og lofttæmdar umbúðir, þannig að
skaðvaldurinn, súrefni andrúmsloftsins, nær ekki að hafa áhrif á bragð og ilm.
Kaffi úr lofttæmdum (hörðum) umbúðum er alltaf eins og malað ofan í könnuna.
KAFFIBRENNSLA O. JOHNSON & KAABER H.F