Morgunblaðið - 19.06.1981, Blaðsíða 10

10
MORGUNBLAÐIÐ, FÖSTUDAGUR 19. JÚNÍ1981
Mjólkursamlag
Borgfirðinga
í nýtt húsnæði
BorKarnesi, 16. júní.
Mjólkursamlag Borg-
firðinga hefur flutt starf-
semi sína í nýtt hús sem
samlagið hefur látið
byggja fyrir ofan Borg-
arnes. Byggingin er ekki
fullgerð en fyrirhugað er
að ljúka henni í sumar og
vígja í haust.
Að sögn Indriða Albertsson-
ar mjólkurbússtjóra er nýja
mjólkursamlagið um fimm
þúsund fermetrar að stærð og
er það um það bil þrefalt meira
gólfrými en samlagið hafði í
gamla samlaginu við Skúlagötu
og víðar um kauptúnið, auk
þess sem aðstæður allar eru
betri, til dæmis nefndi hann að
gamla samlagið hefði verið á
þrettán gólfum.
Indriði sagði að Mjólkur-
samlagið væri ostagerðarbú og
væri framleiðslugeta þess nú
um 50 þúsund lítrar á dag í
osta, miðað við dagvinnutíma,
auk pökkunar á nýmjólk og
þess háttar neysluvöru fyrir
heimamarkaðinn. Til saman-
burðar mætti geta þess að í
osta hefði framleiðslan í gamla
samlaginu verið um 15 til 20
þúsund lítrar á dag.
Mjólk til samlagsins er um
17% minni nú en á sama tíma í
fyrra og heldur áfram að
minnka, öfugt við það sem er
að gerast hjá hinum stóru
samlögunum. Hjá þeim flest-
um er jafnvægi komið á í
mjólkurframleiðslunni á ný.
Hjá Mjólkursamlagi Borg-
firðinga er nú í undirbúningi
framleiðsla á nýjum tegundum
osta sem farið Verður að fram-
leiða þegar framleiðslan verður
komin í eðlilegt horf í nýja
húsinu, svo framarlega sem til
verður mjólk í slíka fram-
leiðslu.
- HBj.
Fræbblarnir og
Bara flokkurinn
á Akureyri
í KVÖLD verða haldnir hljómleik-
ar í samkomuhúsinu á Akureyri.
Fræbbblarnir munu leika auk
Bara flokksins. Báðar þessar
hljómsveitir hafa lokið við að
hljóðrita litlar plötur sem koma út
nnan skamms og munu lög af
þeim plötum verða kynnt á hljóm-
'eikunum.
Stúdentar frá MA að lokinni útskrift.
118 stúdentar frá MA
Akureyri, 17. júni.
MENNTASKÓLANUM á Akur-
eyri var slitið i Akureyrar-
kirkju í morgun að viðstöddu
eins miklu fjölmenni og kirkjan
framast rúmaði. Athöfnin hófst
með semhalleik Helgu Ingólfs-
dóttur. en siðan flutti Tryggvi
Gíslason, skólamcistari. yfirlit
um skólastarfið. Hann minntist
í upphafi Freysteins Guð-
mundssonar. nemenda i 1. bekk,
sem varð úti ásamt félaga
sínum milli jóia og nýárs, en
þakkaði síðan kennurum og
starfsfólki skólans vel unnin
störf á skólaárinu. Skólameist-
ari gat þess, að margs konar
nýjungar hefðu verið upp tekn-
ar i skólanum á siðustu árum,
þó að hann væri annars fast-
heidinn á fornar venjur. Á
þessu skólaári væri sú breyting
mest, að upp hefði verið tekin
ný námsskrá i 1. bekk, eins og
reyndar i öllum framhaldsskól-
um á Norðurlandi.
Nemendur skólans á liðnum
vetri voru 660, þar af 540 í
dagskóla, en 120 í öldungadeild.
— Á 1. ári voru 197, en prófi luku
141. Hæstu einkunn hlutu Jón
Stefán Pétursson og Rún Hall-
dórsdóttir, 9,2. í 4. bekk varð efst
Árný H. Reynisdóttir 8,6, — í 5.
bekk Selma Hauksdóttir, 9,6, —
og á stúdentsprófi Hjörtur
Steinbergsson, 9,6, og Alma Dag-
björt Möller, 9,3. Skólameistari
Hjörtur Steinbergsson frá
Spónsgerði
gat þess sérstaklega, að Hjörtur
hefði stundað nám í 3 ár í
framhaldsdeild (viðskiptasviði)
Gagnfræðaskóla Akureyrar, en
verið 4. og síðasta árið í MA. Um
Ölmu Dagbjörtu Möller tók
skólameistari fram, að hún væri
5. systirin, sem lyki stúdents-
prófi frá MA, og hefðu þær allar
verið í allra fremstu röð nem-
enda og námsgarpar miklir.
Af hálfu 50 ára stúdenta
Alma Dagbjört Möiler frá
Siglufirði
talaði dr. Sigurður Þórarinsson
og flutti skólanum þakkir og
árnaðaróskir. I þeim hópi voru
upphaflega 15 stúdentar, en af
þeim eru 9 á lífi og 6 staddir við
skólaslitin. Einn þeirra, Hörður
Bjarnason, húsameistari, gaf
skólanum fyrir fáum dögum
handrit af skólablaðinu Gátta-
þef, sem 6. bekkur 1930/1931 gaf
út. Ritstjórar voru þeir Hörður
og Einar Ásmundsson, og flutti
blaðið efni bæði í bundnu og
óbundnu máli, auk þess sem
Hörður myndskreytti það ræki-
lega. Þennan vetur var Páll
Hallgrímsson, sýslumaður, in-
spector scholae, og var hann í
morgun sæmdur æðsta virð-
ingartákni skólans, gulluglunni.
Fyrir hönd 40 ára stúdenta
talaði Guðmundur Ingvi Sig-
urðsson, hæstaréttarlögmaður,
og afhenti gjafabréf fyrir
Skarðsbók hinni litprentuðu,
sem er rétt ókomin út.
Sr. Bolli Gústavsson talaði af
hálfu 25 ára stúdenta og til-
kynnti peningagjöf frá þeim til
eflingar starfi Leikfélags MA í
minningu Árna Kristjánssonar,
kennara, sem lét sér alltaf mjög
annt um leiklistarstarfsemi í
skólanum.
Inga Jóna Þórðardóttir talaði
fyrir hönd 10 ára stúdenta, sem
gáfu fjárhæð til eflingar félags-
lífi í skólanum, sérstaklega með
kaup á hljómtækjum í huga.
Loks flutti einn nýstúdenta,
Gunnar Snælundur Ingimarsson
frá Egilsstöðum, ávarp. í stúd-
entahópnum voru að þessu sinni
118, þar af 6 úr öldungadeild.
Skólameistari ávarpaði ný-
stúdenta og sagði þá m.a.: „Lær-
ið að þekkja sjálf ykkur, og
verðið vitur." — Síðan sleit hann
skólanum.
Sv.P.
Akureyrarblaðið að
hef ja göngu sína
— fyrsta óháða fréttablaðið á Akureyri
igendur Akureyrarblaðsins. Geir S. Björnsson, prentsmiðjustjóri,
inar Pálmi Árnason, prentari, Ragnar Þorvaldsson, bókagerðarmað-
r og Guðbrandur Magnússon, blaðamaður. Á myndina vantar þá
unnar Þórsson mr Riarna Sisrurösson. l.íikmvnH Mhi nr.
INNAN skamms mun nýtt
blað á Akureyri, Akureyrar-
hlaðið, hefja göngu sína, eða
væntanlega 6. júlí næstkom-
andi. Það er sameignarfélag-
ið Blaðið sf. sem standa mun
að útgáfunni og mun blaðið
verða prentað í Prentverki
Odds Björnssonar á Akur-
eyri. Ætlunin er að blaðið
komi út á mánudögum og
verði 8 síður að stærð og
upplag til að byrja mcð verði
2.500 eintök. Ritstjóri og
ábyrgðarmaður verður Guð-
brandur Magnússon og
blaðamenn auk hans Einar
Pálmi Árnason og Ragnar
Þorvaldsson. sem allir eru
meðeigendur i blaðinu ásamt
þeim Geir S. Björnssyni,
Bjarna Sigurðssyni og Gunn-
ari Þórssyni. Blaðamaður
Mbl. leit við hjá þeim félögum
fyrir skömmu og ræddi við
þá:
„Þetta verður fyrsta óháða blað-
ið, sem gefið verður út á Akureyri
og einn megin tilgangur útgáfunn-
ar er að vega upp á móti flokks-
blöðunum, sem háð eru sínum
flokkum og keppast við að fegra
þá og ræða því oft aðeins aðra hlið
hvers máls. Við munum því leggja
áherzlu á að vera með óháðan
fréttaflutning og íþróttir munu
skipa veglegan sess í blaðinu. Þar
sem blaðið kemur út á mánudög-
um ættum við að vera fyrstir með
fréttirnar, sem jafnframt hlýtur
að styrkja stöðu okkar, en blaðið
mun einskorðað við fréttir frá
Akureyri og þá atburði, sem Akur-
eyringa snerta," sögðu þeir félagar
meðal annars.
Eruð þið bjartsýnir á að þetta
gangi?
„Við rennum nokkuð blint í
sjóinn hvað fjármögnun varðar,
en við höfum rætt við auglýsendur
og undirtektir þeirra lofa góðu og
við höfum þegar fengið auglýs-
ingar í fyrsta blaðið. Dæmið
verður svo gert upp eftir 4 fyrstu
tölublöðin og þá kemur í ljós hvort
það gengur upp. Blaðið verður
aðeins selt í lausasölu fyrst í stað
og þannig skilar fjármagnið sér
inn fyrr en með áskriftum. Svo við
erum bjartsýnir á að þetta gangi
og höfum þegar orðið varir við
mikinn áhuga fólks, en segja má
að þetta sé fyrst og fremst
skemmtileg og áhugaverð tilraun,
sem vonandi tekst. Við vonum að
fólk treysti betur fréttaflutningi
óháðs blaðs og veiti okkur það
brautargengi, sem við þurfum, en
hvort okkur tekst að gera eins vel
og við viljum yerður að koma í
Ijós, þegar blaðið kemur út,“ sögðu
þeir félagar að lokum.