Morgunblaðið - 01.10.1981, Blaðsíða 10

58
MORGUNBLAÐIÐ, SUNNUDAGUR 4. OKTÓBER 1981
Þessi mynd er tekin augnabliki eftir aö sprengjuflugvélin fórst vió Þjórsárgötu 5 og eldtungur upp úr húsinu og reykur
stígur til himins.
„Við höfðum ætlað okkur lengi að koma
hingað og kíkja eftir leiði bróður okkar, en
það er loksins nú, að tækifæri gefst til
þess. Við fundum fljótt leiðið í Fossvogs-
kirkjugarði, því kona ein sá strax af ljós-
myndum, sem brezki herinn tók við útför-
ina, hvar leiðið var að finna. Það gladdi
okkur að sjá hvað því hefur verið vel við
haldið í þessi hartnær 40 ár,“ sögðu bræð-
urnir.
Þeir létu vel af gestrisni Islendinga og
báðu fyrir kveðjur til allra sem þeir höfðu
hitt hér. Þeir sögðust fara héðan með
meiri vitneskju og upplýsingar um afdrif
bróður síns en þá hafði órað fyrir, sér-
stakiega voru þeir ánægðir með að ná tali
af sjónarvotti að slysinu.
Urbain og Rodrigue Long höfðu í fórum
sínum bréf frá yfirmanni brezku hersveit-
anna á íslandi þar sem skýrt var frá láti
bróður þeirra, og einnig ljósmyndir, sem
ljósmyndari hersins tók við útförina.
„Við vorum ellefu systkinin og eftir lifa
sex. Það eina sem við vissum um afdrif
bróður okkar er það sem í bréfinu stendur,
en nú höfum við myndir af leiðinu, frá
slysstað og lýsingar á slysinu, þannig að
við vitum miklu meira og höfum frá mörgu
að segja, þegar við snúum heim,“ bættu
bræðurnir við.
I bréfi C.P. Gabriels til Long-hjónanna i
Clair í New Brunswick í Kanada, segir, að
sonur þeirra hafi farist er flugvél lians
hafi hlekkst á í lendingu. Segir í bréfinu,
að þegar flugvélin hafi átt eftir 30 mín-
útna flug til Reykjavíkur frá Gander, hafi
annar hreyfill hennar stöðvast. Ekkert
hefði þó verið að hinum hreyflinum og vél-
in því komist klakklaust inn yfir Reykja-
vík. Lending á öðrum hreyfli væri hins
vegar vandaverk og trúlega hefði það
tvennt, að vindur var byljóttur og flug-
maðurinn þreyttur eftir langt flug, leitt til
Frá Þjórsárgötu, séö til vesturs. Hægra megin á myndinni er Þjórsárgata 5,
en þar hafnaði flugvélin upp vió vegg. Þjórsárgata 4 er handan götunnar, en
þar varð vinstri vængur flugvéiarinnar eftir og sat fastur. Flugvélin rakst fyrst
í þak hússins að Þjórsárgötu 2 en það er á bak við húsiö númer fjögur.
Ljósm. ÓI.K.M.
Sprengjuvélin
hafnaði
í húsagarði
Ingibjörg Vilhjálmsdóttir og Sigurjón Andrésson skýra út fyrir bræðrunum hvað gerðist þegar Lockheed Hudson-
sprengjuflugvélin fórst við Reykjavíkurflugvöll. Ingibjörg var sjónarvottur að slysinu og Sigurjón, þá sex mánaða gamall,
var í hópi þeirra er sluppu naumlega úr eldsvoðanum að Þjórsárgötu 5. Ljósm. Mbl. ÓI.K M
þess að lendingin mistókst. Segir í bréfinu,
að annar vængur flugvélarinnar hafi rek-
ist í húsþak rétt við flugvöllinn með þeim
afleiðingum að flugvélin sveigði af leið og
hrapaði niður á annað hús. Hefði hún rek-
ist á húsið af miklu afli og orðið alelda.
Læknar hefðu skýrt sér frá því, að sonur
þeirra hefði látist samstundis og því ekki
þurft að líða neinar þjáningar. Segir að
lokum, að ekkert fólk hafi verið í húsunum
tveimur og hafi það forðað enn meira
manntjóni.
Urbain Long kvaðst hafa hitt flugmann
flugvélarinnar, Paul Zimmer, að máli og
hefði sá sagt sér, að bróðir hans hefði
klemmst illa inni í flugvélinni og hefðu
þeir tveir, sem komust lífs af, reynt allt
hvað þeir gátu til að losa hann úr flakinu,
sem varð fljótt alelda. Hefði þeim tekist að
losa hann, en hann hafi verið látinn þegar
á sjúkrahús kom. Flugmaðurinn og sigl-
ingafræðingurinn slösuðust talsvert.
„Bróðir vor lifði brotlendinguna, en lézt
á leið í sjúkrahús. Hann slasaðist það illa,
sagði flugmaðurinn mér, en í bréfi yfir-
manns hersveitanna segir, að hann hafi
látizt samstundis," sagði Urbain.
Ljóst er þó, samkvæmt frásögnum sjón-
arvotta, að hvorki flugmaðurinn né yfir-
maðurinn fara með alveg rétt mál.
Léonide-Bart Long loftskeytamaður lifði
brotlendinguna af, en klemmdist fastur
inni í flakinu og til að lina þjáningar hans
í eldhafinu skutu hermenn að honum skot-
um, þar sem ljóst var að hann mundi ekki
lifa slysið af. Lík hans var síðan fjarlægt
eftir að tekist hafði að ráða niðurlögum
eldsins.
Eins og áður segir, höfðu Morgunblaðs-
menn upp á konu, sem sá flugvélina koma
inn til lendingar og rekast síðan á húsin
við Þjórsárgötu. Ingibjörg Hjálmarsdóttir
heitir konan, en hún var 15 ára gömul
þegar atburðurinn átti sér stað. Hún sagði,
að blíðskaparveður hefði verið þetta
sunnudagskvöld, en yfirmaður hersins tek-
ur öðruvísi til orða í bréfi sínu. Staðfesta
ljósmyndir, sem blaðamaður hefur séð af
brunanum, að blíðskaparveður hefur verið,
því reykur stígur beint til lofts. Er því
ljóst, að frásögn yfirmannsins er í ýmsum
atriðum röng.
Þegar Ingibjörg kom til fundar við Ur-
bain og Rodrigue Long, var einnig við-
staddur Sigurjón Andrésson, sonur And-
résar heitins klæðskera, en Sigurjón var í
húsinu ásamt foreldrum sínum, ömmu og
bróður, þegar slysið varð. Hann var þá
aðeins sex mánaða gamall og mundi að
sjálfsögðu ekki eftir atburðinum, en oft
var um slysið talað á heimili hans síðar og
honum því allir málavextir kunnir. Eins og
áður segir, sakaði engan sem í húsinu var,
en engum fjármunum tókst að bjarga, því
eldurinn blossaði skyndilega upp. En gef-
um annars Ingibjörgu orðið:
„Ég stóð við stofugluggann á heimili
mínu að Þjórsárgötu 6. Glugginn snýr til
suðvesturs og ég sé flugvélina koma inn til
lendingar. En þegar hún á skammt ófarið
niður á flugbrautina tekur flugvélin allt í
einu að vagga til hliðanna, fyrst til vinstri,
þá til hægri, og svo loks til vinstri og
stefnir á húsin við Þjórsárgötuna. Ég hélt,
að flugvélin mundi rekast á húsið okkar og
varð þrumu lostin, en allt gerðist þetta
frekar hratt.
En svo gerist það, að flugvélin rekur
vinstri vænginn í húsið að Þjórsárgötu 2
og verða á því talsverðar skemmdir.
Vængurinn rifnar hálfpartinn af flugvél-
inni og verður alveg viðskila við hana er
hún rekst í burst hússins að Þjórsárgötu 4.
Hékk vængurinn fastur í húsinu. Við þann
árekstur steyptist flugvélin niður á olíubíl,
sem stóð fyrir framan húsið að Þjórsár-
götu 5 og hafnaði þar upp við húsvegg. Tók
flugvélin olíubílinn með sér, en það var til
happs, að lítil olía mun hafa verið í tank
bílsins. Kom strax upp mikill eldur og
fljótlega dreif að hermenn og slökkvilið."
Húsið að Þjórsárgötu 5 brann til kaldra
kola, en það var tvílyft timburhús. Var
annað tvílyft hús reist á grunni þess. Nán-
ast allar eigur íbúanna glötuðust í eldsvoð-
anum.
Ekkert er vitað um hvað raunverulega
olli slysinu og um það til engar skýrslur,
eftir því sem bezt er vitað, en ein tilgáta
er, að flugmaðurinn hafi um stundarsakir
misst stjórn á vélinni við að reyna lend-
ingu á einum hreyfli og ekki tekist að ná
henni undir sitt vald aftur. Flugvélin átti
skammt ófarið niður á flugbrautina þegar
óhappið varð, og svigrúm flugmannsins
því nánast ekkert. Flugmennirnir voru
búnir að leggja að baki langt og erfitt flug,
fljúga í um 10 klukkustundir, en um 1800
mílur eru milli Gander og Reykjavíkur.
— ágás.