Morgunblaðið - 01.10.1981, Blaðsíða 16
64
MORGUNBLAÐIÐ, SUNNUDAGUR 4. OKTÓBER 1981
Pottarím
Umsjón: SIGRÚN
DAVÍDSDÓTTIR
llór komur síðbúinn soinni
hluti haustveizlunnar frá því
fyrir hálfum mánuði. Upp-
skriftirnar oru fyrir sex. Nú er
það kjötiA ok eftirrétturinn og
KÓða skemmtun!
Kjötrétturinn er innbakað
kindafilé. Ég hef áður minnzt á
að innan matargerðarlistarinnar
eru uppi ýmsar tízkustefnur rétt
eins og innan annarra list-
greina. Eitt af því sem stertiróf-
ur matargerðarinnar flagga nú
mjög eru ýmsrr réttir bakaðir í
deigi, t.d. fisk- og kjötréttir.
Brauð-, pæa- og smjördeig er þá
gjarnan notað. Erlendis má víð-
ast fá fryst smjördeig. Þeirri
hugmynd er hér með komið á
framfæri til framtakssamra
bakara. En annars er hægt að
panta smjördeig víða í brauð-
búðum hér. Deigið i uppskrift-
inni hér er ekki eins matarmikið
og t.d. smjördeig. Það hefur auk
þess þann kost að halda vel inni
öllum kjötsafanum.
Galdurinn við svona kjötrétt
er að fyrst er kjötið steikt að
utan og þar með lokað, áður en
það er sett í deigið og þá með eða
án fyllingar. Stundum er fylling
sett inn í kjötið en stundum að-
eins utan um það. í fyllinguna
kemur margt til greina. Græn-
meti, kryddjurtir, kjöt og jafn-
vel hnetur, ailt gefur þetta kjöt-
inu gott bragð. Stundum eru egg
notuð til að binda fyllinguna, ef
hún er mjög laus í sér eða blaut.
Þið hafið því úr ýmsu að moða
ekki satt...
Deig:
200 gr hvoiti. gjarnan óhvíttað
4 msk. olía. gjarnan ólífuolía.
og svo viðb<)t þegar deigið er
flatt út
1—1V2 dl heitt vatn.
1. Blandið olíunni í hveitið.
Hellið 1 dl af heitu vatni yfir og
hnoðjð. Bætið í vatni þar til þið
hafið mjúkt deig, sem loðir vel
saman. Pakkið því í plast, ef það
þarf að bíða, og látið standa á
eldhúsborðinu, þ.e. ekki í kulda.
Deigið getið þið hæglega búið til
daginn áður. Um að gera að
létta undirbúninginn og dreifa
honum á sem lengstan tíma.
2. Þá er það kjötið. Nú fæst
loksins kindafilé, sem er af-
bragðsmatur. Þið getið einnig
notað bita úr innralæri, eða lær-
issneiðar. Ef þið náið í filé, er
nægilegt að nota um 1,2 kg eða 1
kg, ef þið eruð með margréttað.
Hafið jafnmikið af innralæris-
bitum. Af lærissneiðum reiknið
þið 1—1'A sneið á mann, eftir
því hvað annað er á borðum.
1 — 1,2 kg kindafilé (eða annað
lamba- eða kindakjöt)
Fylling:
1 litill laukur
1—2 hvítlauksrif
250 gr sveppir
200 gr kjúklingalifur eða önn-
ur lifur
1 steinseljuknippi
1 tsk rósmarin
50 gr gróft saxaðar heslihnetur
Haust-
veizla II
3. Saxið laukinn og hvítlaukinn
og látið hann malla á lágum hita
í ofurlitlu smjöri í um 15 mín.,
eða þar til hann er mjúkur í
gegn. A meðan hreinsið þið
sveppina og skerið þá í litla bita.
Bætið þeim á pönnuna og látið
þá malla með. Þegar sveppasaf-
inn hefur soðið niður, bætið þá
smátt saxaðri lifrinni út í og lát-
ið hana brúnast allt um kring.
Nú sakar ekki að bragðbæta með
ofurlitlu af þurru sérríi, þurru
hvítvíni eða þurru vermúti ef þið
búið vel. Látið allan safa á pönn-
unni sjóða vel niður. Dragið
pönnuna af hitanum, bætið
kryddi og hnetum í og blandið
vel. Látið fyllinguna kólna.
4. Skerið skurð eftir endilöng-
um filéstykkjunum, þannig að
þið gefið opnað þau eins og bók.
Setjið fyllingu þar í og leggið
þau aftur. Þá er að loka þeim
tryggilega. Stingið tannstöngl-
um þvert í gegnum brúnirnar,
þannig að opið lokist. Síðan
bregðið þið bandi í kross á
stönglana og bindið þannig opið
saman, rétt eins og þegar skór
með krókum eru reimaðir. (Ef
þið eruð með bita, sem þið setjið
ekki fyllingu inn í, þá er ekkert
annað en að smyrja fyllingunni
utan á þá og leggja bitana síðan
inn í deigið, eftir að hafa fyrst
steikt þá. Þið getið þá búið til
pakka jafn marga bitunum í stað
þess að búa til aðeins einn.
5. Víkjum aftur að filéstykkjun-
um. Eftir að hafa fyllt þau og
bundið aftur, steikið þið þau á
öllum hliðum, og látið kólna.
6. Setjið ofninn á 200°. Þegar
þau eru orðin köld, vefjið þið þau
inn í deigið. Það gerið þið með
því að skipta deiginu í 4 hluta.
Fletjið út 1. hlutann, smyrjið
hann olíu, helzt ólífuolíu, fletjið
svo út 2. hluta og leggið á þann
fyrsta, þannig að tvö deiglög
liggi saman. Setjið nú kjötrúll-
urnar þar á, tvær hlið við hlið og
setjið deigbarmana upp með
þeim. Ef eitthvað er eftir af
fyllingunni, getiö þið sett hana
ofan á kjötið. Fletjið nú hina
deighlutana eins út og leggið þá
saman með olíu á milli. Leggið
deigið ofan á kjötið og teygið
það niður með, þannig að það sé
tryggilega lokað inní deiginu.
7. Setjið nú kjötið á smurða
plötu og inn í fullhitaðan ofninn.
Þar á það nú að bakast í um 20
mín., eða þar til deigið er bakað
að utan og orðið stökkt og fal-
lega brúnt. Opnið ofninn til
hálfs og látið kjötið standa í
ofninum í um 10 mín. eftir að
hafa slökkt á honum. Berið kjöt-
ið fram og skerið það í sneiðar.
Með þessum rétti fer bezt á að
hafa hvorki kartöflur, pasta né
hrísgrjón, því deigið fer ekkert
sérlega vel með slíkum mat.
Glóðarsteiktir tómatar eru af-
bragð með kjötinu og einnig ým-
islegt annað léttsoðið grænmeti.
Þið munið, fáar tegundir og lítið
soðnar.
Púðapönnukökur
Ég ætlaði upphaflega að bjóða
upp á einhvern góðan eplarétt,
en ég datt niður á svo skemmti-
legan eftirrétt að ég breytti til.
Það eru pönnukökur með
souffléfyllingu, þ.e. léttPi og
froðukenndri, heitri fyllingu. Og
uppistaðan í fyllingunni er skyr.
Já, það hljómar kannski ótrú-
lega, en þetta er einkar '
skemmtilegur réttur og þið skul-
uð alls ekki láta ykkur detta í
hug að fyllingin sé súr. O nei, o
nei, hún er frískandi og góð. I
fyllinguna nota ég rifsber, en
það er hægt að nota ýmislegt
annað, t.d. bláber eða önnur ber,
og ávexti. Ef þið notið niðursoð-
in ber eða ávexti, er bezt að láta
safann renna vel af, svo hann
þynni ekki fyllinguna. Venjulega
er uppistaðan í soufflé uppbökuð
sósa, en hér er það skyrið.
Fyrst er að baka pönnukökur.
Ég birti ekki sérstaklega upp-
skrift af þeim. Ég reikna með að
þið komizt léttilega yfir slíka
uppskrift. Það eina sem skiptir
máli í sambandi við pönnukök-
urnar er að þær séu sæmilega
þunnar.
12 pönnukökur
200 gr skyr, aðeins óhrært
skyr, en ekki dósaskyr
2 eggjarauður
2 dl rjómi
V/z dl hrásykur. púðursykur
eða venjulegur sykur
2—3 dl ber eða ávextir
4 eggjahvítur
1. Utbúið pönnukökur. Það getið
þið gert daginn áður, eða jafnvel
fyrr og geymt, annaðhvort í
kæliskáp eða í frysti.
2. Hrærið saman skyri, rauðun-
um, rjómanum og helmingnum
af sykrinum, þannig að allir
kekkir í skyrinu leysist vel upp
og allt samlagist vel. Þetta getið
þið gert fyrr um daginn.
3. Setjið ofninn á 225°. Hrærið
berjunum saman við skyrblönd-
una.
4. Þessi réttur þarf um 20 mín. í
ofninum. Setjið hann því inn í
ofn áður en þið berið aðalréttinn
fram, nema þið viljið hafa hlé á
milli eftirréttarins og næsta
réttar á undan. Stífþeytið eggja-
hvíturnar. Þegar þær freyða vel
hellið þá sykrinum út í í mjórri
bunu. Blandið nú stífþeyttum
hvítunum saman við skyrblönd-
una, notið gjarnan sleikju. Látið
enn vera eftir hvítuhnoðra í
blöndunni, þannig að hvítan
hverfi ekki alveg í skyrblönduna.
Setjið nú um 2 kúfaðar msk. á
miðja hverja pönnuköku og
brjótið þær saman eins og
pakka. Setjið pönnukökurnar á
smurt fat, gjarnan fremur
þröngt, með samskeytin niður.
Nú eiga þær að bakast í um 20
mín., þar til þær eru orðnar vel
útblásnar og gullnar. Berið þær
strax fram. Með pönnukökunum
er gott að bera fram rjóma-
bland, ískalt, en þær þurfa
reyndar enga fylgd, ef ykkur
sýnist svo.
Góð reynsla af Sparkrite
rafeindakveikjubúnaði
Sparkrite, rafeindakveikjubún-
aðurinn hefur á skömmum tíma
náð festu á íslenskum bílamark-
aði.
Samdóma álit notenda er m.a.;
örugg gangsetning, jafnarí gang-
ur, minni bensínnotkun, aukinn
kraftur.
Við spurðum bræðuma Jón og
Ómar um þeirra reynslu af
Sparkrite:
„Við fengum góða prófun á
Sparkrite SX 2000 rafeindabún-
aðinum í hinu erfiða Ljómarallý.
Það reyndist okkur frábærlega
vel. Mjög örugg gangsetning bíls-
ins. frábær neisti og aukinn
kraftur.
Við mælum hiklaust með Spark-
rite.“
Útsölustaðir eru:
Bilanaust Síðumúla 7-9 R.
Citroén viðgerðirSúðarvogi 54 R.
Vélsmiðjan Þór ísafirði.
Höldur s.f. Fjölnisgötu I Akur-
eyri.
Vélaverkstæðið Foss Húsavík.
Kaupfélag Ámesinga Selfossi.
Bifreiðaverkstæðið Berg Kefla-
vík.
Kaupfélag Borgfirðinga, Borgar-
nesi.
Bílaverkstæði Guðjóns. Patreks-
firði.
Vélsmiðjan Sindri, Ólafsvík.
Kaupfélag Skagfirðinga, Sauðár-
króki.
Bifreiðaverkstæði Dalvíkur.
Verslunin Kjarni. Vestmannaeyj-
um.
Kaupfélag Skaftfellinga, Vík í
Mýrdal.
Bifreiðaverkstæðið Múlatindur,
Ólafsfirði.