Morgunblaðið - 01.10.1981, Blaðsíða 35
MORGUNBLAÐIÐ, SUNNUDAGUR 4. OKTÓBER 1981
83
Þrjár léttar
Laugarásbíó:
Nakta sprengjan
Leikstjóri: Clive Donner.
Kvikmyndataka: Harry I.
Wolf. Handrit: Arne Sukt-
an o.fl. Tónlist: Lalo Schifr-
in. Aðalhlutverk: Dan
Adams, Sylvia Kristel,
Rhonda Fleming. Banda-
rísk frá Universal.
Á upphafsárum sjón-
varpsins voru þættirnir um
Smart spaejara með vinsæl-
asta efni þess. Síðan hefur
mikið vatn runnið til sjáv-
ar, kröfur áhorfandans
gjörbreyst.
Að þessu sinni er Smart
karlinn að fást við að
bjarga heiminum frá afleið-
ingum „nektarsprengju",
sem fataefnaframleiðandi
nokkur hyggst ausa yfir
jarðríki. En áður en til alls-
herjarstripls kemur, tekst
Maxwell að grípa í taum-
ana, (því miður), eftir ólík-
legustu hrakfarir. Hug-
mynd sem lúnkinn klám-
myndaframleiðandi hefði
örugglega getað gert sér
mun meiri mat úr!
Nakta sprengjan höfðar
fyrst og fremst til aðdáenda
Smart spæjara frá því á ár-
um áður og hér geta þeir
stytt sér stundir yfir einum
þættinum í viðbót. Eini
munurinn á þessum og
þeim gömlu er að Nakta
sprengjan er hálfur annar
tími á lengd og er sýndur á
breiðtjaldi.
lláskólabíó:
Svikamylla
(„Rough Cut“)
Leikstjóri: Don Siegel.
Handrit e. Francis Burns,
byggt á sögunni Touch the
Lion's Paw e. Deker Lam-
bert. Aðalhlutverk: Burt
Reynolds, Lesley-Ann
Down, David Niven, Tim-
othy West, Patrick Magee.
Bresk/bandarísk frá Par-
amount. 112 mín.
Burt Reynolds reyndi
mikið til að breyta ímynd
sinni, úr harðjaxlinum í
myndum eins og Gator,
Smokey and the Bandit og
Hooper, í yfirborðsfágaðan
David Niven og Lesley-Ann Down prýða myndina Svika-
mylla i Iláskólabiói.
Gamla sjónvarpsstjarnan Maxwell Smart og félagar i
Nektarsprengjunni.
skúrk og glæsimann — a la
Cary Grant — í Starting
Over og Rough Cut. Þetta
gekk ekki, því þessar mynd-
ir gerðu ekki líkt eins mikla
lukku og fyrri myndir hins
vinsæla hjartaknúsara. Er
hann nú farinn að halda sig
við gamla heygarðshornið á
ný, sbr. Cannonball Run.
Svikamyllan segir frá
síðustu tilraun rauna-
mædds aðalvarðstjóra hjá
Scotland Yard, (David Niv-
en), til að hafa hendur í
hári snjallasta demanta-
ræningja veraldar, Burt
Reynolds. Sér til aðstoðar
beitir varðstjórinn ægifag-
urri, stelsjúkri ráðherra-
dóttur (Lesley-Ann Down.)
Burt bítur á agnið, enda
kvenhollur í meira lagi. Og
nú skal hremma þjófinn og
upp er sett illsnúin gildra,
en enginn sér við Ásláki ...
Það er laglegur stíll yfir
Svikamyllunni, enda gerð
af Don Siegel. Stendur hún
þó all langt að baki næstu
myndar hans á undan, Esc-
ape From Alcatraz. Nokk-
uð eru persónur myndar-
innar grunnt dregnar og
efnisþráður hnökróttur, full
mikið látið reyna á trúgirni
og einfaldleika áhorfand-
ans. Svo virðist sem ætlun-
in hafi verið að gera fágaða
gamanmynd í anda To
Catch a Thief, en þolir illa
þann samanburð. Það vant-
ar glæsibraginn og virðing-
una sem einkenndi þessa
gerð mynda og mikillar
hylli nutu á árunum í
kringum 1960.
Reynolds er ekki í essinu
sínu, það er eins og smók-
ingurinn sé að rifna utan af
honum. Lesley-Ann Down
hefur af litlu að státa öðru
en snoppufríðleika, verður
sjálfsagt flestum gleymd í
lok þessa áratugs. Gamli
Niven (hver einasti kvik-
myndaunnandi ætti að lesa
hinar bráðskemmtilegu
æviminningar hans, The
Moon is a Balloon og Bring
on the Empty Horses —
hvort tveggja til að kynnast
þessum eldhressa og gam-
ansama heimsborgara nán-
ar og fá fyndna, fróðlega og
vel skrifaða innsýn í marg-
slungna veröld kvikmynd-
anna) reynir að moða sem
best hann kann úr glomp-
óttum efnivið.
Það sem gerir Svika-
myllu þess virði að berja
hana augun, er laglegt
handbragð Siegels, áheyri-
leg notkun lagasmíða Duke
Ellingtons og all nokkur
hnyttin tilsvör.
Regnboginn:
The Cannonball Run
Leikstjóri: Hal Needham.
Handrit: Breck Yates.
Kvikmyndataka: Michael
Butler. Tónlist: Snuff Garr-
ett. Aðalhlutverk: Burt
Reynolds, Dom Delouise,
Roger Moore, Farrah Faw-
cett. Bandarísk frá 20th
Century Fox/Golden Har-
vest (Hong Kong.)
Óneitanlega ergði það
undirr. og aðra kvikmynda-
Roger Moore spaugar að
sjálfum sér í The Cannon-
ball Run.
unnendur mikið, að um það
leyti sem hann hóf að skrifa
um kvikmyndir í blaðið,
fyrir hartnær fjórtán árum,
þá voru þær næstum
undantekningarlaust
tveggja til þriggja ára
gamlar er þær voru frum-
sýndar hérlendis, og oft
eldri. En tímarnir breytast
og með nýjum mönnum
koma nýir siðir. Samkeppn-
in við sjónvarpið hefur haft
mjög jákvæð áhrif í þá átt
að yngja meðalaldur mynd-
anna, þá hefur og fjölgað
sýningarsölum og minnk-
andi aðsókn krefst fleiri og
betri mynda.
Nú er svo blessunarlega
komið að okkur er oftlega
boðið upp á glænýjar mynd-
ir. Á þessu ári höfum við
t.d. fengið tækifæri til að
sjá all margar bandarískar
myndir, fyrstir Evrópu-
þjóða. Enn er verið að sýna
í Regnboganum Upp á líf
og dauða. með þeim kemp-
um Lee Marwin og Charles
Bronson. Þá má nefna Eye-
witness í Nýja Bíó, en sú
yngsta er The Cannonball
Run, ein vinsælasta mynd-
in vestan hafs í ár.
Hér er Burt Reynolds
kominn á gamalkunnar
slóðir; í kappakstri á
hraðbrautunum og virðist
honum líka það vel sem að-
dáendum hans. Cannonball
Run er all óvenjulegur
kappakstur. Hann snýst um
það hver verður fyrstur á
milli vestur- og austur-
strandar Bandaríkjanna.
Keppt er á ólíklegustu far-
kostum og keppendurnir
hið litskrúðugasta saman-
safn. Beitt er öllum hugsan-
legum bellibrögðum og allt
í trássi við lögguna.
Vel flestir kvikmynda-
húsgestir kannast við þessa
formúlu, enda gamalkunn-
ug. Tæplega verður sagt að
leikstjórinn, Hal Needham,
(Hooper, Smokey and the
Bandit), brjóti hér upp á
nýjungum, útkoman er ein
af þessum stjörnufans-
myndum sem eiga að vera
drepfyndnar endanna á
milli en eru það bara alls
ekki.
Ekki svo að skilja að
T.C.R. eigi ekki góða
punkta. Japanirnir eru
glúrnir og þeir harla ógæfu-
legu guðs útvöldu þjónar,
Sammy Davis jr. og Dean
Martin. Roger Moore gerir
laglega góðlátlegt grín að
sjálfum sér og Burt Reyn-
olds er Burt Reynolds. En
það er samt Jack gamli
Elam sem stelur senunni í
hlutverki læknis sem jafn-
vel engum dauðvona manni
fýsi að leita til!
Og á meðan ökutækin
þeysa stranda á milli lenda
þátttakendur í furðulegustu
uppákomum og fyrir augun
bregður ólíklegustu persón-
um eins og Peter Fonda,
Biöncu Jagger, kántrí-
söngvaranum Mel Tillis o.fl.
Meinlaust rútínugaman.
DÚNDURLÖG
Við vorum að taka upp geysilegt úrval af litlum
plötum og allt eru þetta bresk topplög. Viö
erum númer 1.
Simple Minds — Love Song
Adam & the Ants — Prince Charm-
ing. Þetta lag er i toppnum í dag.
ALVIN
STARDUST
PRETEND
Alvin Stardust — Pretend
nwer ninuw
Huma League — Love Action
Auk þess eigum við til topplögin Souvenir
með Orchestral Manouvres In the Dark, So
This is Romance með Lynx, Thin Wall með
Ultravox, Green Door með Shakin’ Stev-
ens og ýmis fleiri lög. Kannadu úrvalid.
Heildsöludreifing
StaifMfhf
Símar 85742 og 85055.