Morgunblaðið - 30.12.1981, Blaðsíða 14

14
MORGUNBLAÐIÐ, MIÐVIKUDAGUR 30. DESEMBER 1981
Afmæli á morgun:
Anna Þorláksdóttir
í Króki -
Það þykja ekki nú orðið nein
stórtíðindi þótt menn nái 100 ára
aldri. Um síðustu áramót munu 7
íslendingar hafa verið 100 ára og
eldri og álíka margir munu þeir
vera um þessi áramót. Nú á morg-
un bætist einn í hópinn — Anna
Þorláksdóttir, sem dvelur í
sjúkrahúsinu á Selfossi. Anna er
Vestur-Skaftfellingur í báðar ætt-
100 ára
ir og þar eystra dvaldi hún allan
sinn langa starfsaldur. Hún fædd-
ist í Þykkvabæ í Landbroti 31.
desember 1881. Foreldrar hennar
voru hjónin Þorlákur Sveinsson og
Steinunn Þorsteinsdóttir. Anna
var yngst sjö alsystkina sem öll
eru nú látin en náðu háum aldri,
þau voru: Sveinn símstjóri í Vík í
Mýrdal, d. 1963 — 91 árs, Agnes
eldri í Dalbæ, d. 1964 — 87 ára,
Agnes yngri í Arnardrangi, d.
1964 — 87 ára, Stefán bóndi í Arn-
ardrangi, d. 1967 — 90 ára, Þor-
björg í Winnipeg Canada, d. 1974
— 98 ára, Þórður bóndi í Hryggj-
um, d. 1968 — 88 ára.
Já, þau entust vei þessi systkini
þótt ekki væri mulið undir þau í
uppvexti — (eða kannski einmitt
vegna þess?).
Anna Þorláksdóttir missti föður
sinn í frumbernsku og ólst upp
með móður sinni við kröpp kjör.
Síðan var hún í vinnumennsku á
ýmsum bæjum í Landbroti og víð-
ar. Á árunum 1904—08 eignaðist
hún þrjár dætur með Ágústi
Jónssyni, þær eru: Steinunn, sem
dvelst á Grund í Reykjavík, Ág-
ústa, húsfreyja í Svínadal í Skaft-
ártungu og Þórdís húsfreyja í
Ytra-Hrauni í Landbroti.
Aðalstarf sitt vann Anna Þor-
láksdóttir sem bústýra í Króki í
Meðallandi hjá Hávarði Jónssyni
og sonum hans, þar var hún í rúm
40 ár. Meðan sveitin var fjölmenn
og margra leiðir lágu um Meðal-
land var oft gestkvæmt í Króki.
Var komumönnum vel fagnað og
veittur hinn besti beini, sem sýndi
að bústýran var vel verki farin og
hugsaði vel um heimilið. Þeir
Króksbræður hafa reynst henni
sem bestu synir.
Þegar árin færðust yfir og heils-
an tók að bila fluttist Anna til
dóttur sinnar og Eiríks Björnsson-
ar að Svínadal, þar sem hún dvaldi
i mörg ár við mjög góða aðhlynn-
ingu og aðbúnað þeirra beggja,
sem hún þakkar mjög. Þar sem
ekki var aðstaða til að búa eins vel
að Önnu á afskekktum sveitabæ
eins og þörf var fyrir, er árunum
tók að fjölga, fékkst vist fyrir
hana á sjúkrahúsinu á Selfossi
fyrir 8 árum.
Þrátt fyrir sinn háa aldur er
Anna hraust, verður sjaldan mis-
dægurt og heldur sæmilega sínum
líkamskröftum, hún sér nokkuð
vel en því miður hefur heyrnin
verið að hverfa með árunum og er
nú ekki mikil. Anna klæðist flesta
daga og situr i stól við rúmið sitt
og borðar án aðstoðar.
Anna segir okkur, sem heim-
sækjum hana, að hún hafi verið
heppin að ienda á þessu góða
heimili hjá þessu ágæta fólki og er
hún mjög þakklát því fyrir allt
sem það gerir fyrir hana og biður
því öllu Guðsblessunar fyrir alla
þá miklu umönnun og þjónustu,
sem það veitir henni.
Er hér tækifæri fyrir okkur
ættingja Önnu að þakka sérstak-
lega læknum, sjúkraliðum og
starfsfólki öllu •frábæra hjúkrun
og umönnun Önnu veitta í þessu
gamla og kannski óhentuga húsi.
Nú hefur hún ásamt öllum öðrum
sjúklingum verið flutt á nýja
sjúkrahúsið á Selfossi, óskum við
þeim til hamingju með það.
Fjölmennur hópur frænda og
vina svo og Vestur-Skaftfellingar
allir senda þessum háaldraða
sýslunga sínum bestu árnaðarósk-
ir á þessum tímamótum og biðja
henni heilla og blessunar Guðs.
Olafur J. Sveinsson
Róleg jól
á Húsavík
llúsavík, 28. desemlxT.
JOLIN hafa liðið hér með hefð-
bundnum hætti. Kftir erilsaman
undirbúning ríkti hér kyrrð og frið-
ur, bæði meðal manna og veður
guða. Menn fjölmenntu til aftan-
söngs á aðfangadagskvöld og jóla-
dag og vonandi hafa einhverjir fund-
ið til fagnaðar við það að ganga í
guðshús og láta nú kirkjubekkina á
nýþyrjuðu kirkjuári ekki auða
standa, þá til tíða er kallað við önn-
ur tækifæri en stórhátíðir.
Á aðfangadag færðu börn og
tengdabörn Benedikts heitins
Björnssonar skólastjóra Húsavík-
urkirkju að gjöf altariskross úr
silfri, gefinn til minningar um
móðir þeirra Margréti Ásmunds-
dóttur, sem fædd var 15. marz
1881, merk og mikilhæf kona.
Fréttaritari.
Leiðrétting
í frétt Mbl. um Fulbright-
styrkþega misritaðist nafn eins
þeirra. Hann heitir Guðleifur M.
Kristmundsson en ekki Guð-
laugur. Mbl. biðst velvirðingar á
þessum mistökum.