Morgunblaðið - 30.12.1981, Blaðsíða 19

MORGUNBLAÐIÐ, MIÐVIKUDAGUR 30. DESEMBER 1981
19
oft langt, við dauðann, sem sigrar
þó alltaf að lokum. Og þótt fagn-
aðarhátíð jólanna hafi nú breytt
verulega um svip í hugum okkar,
ættingja og vina Bjarna, þá boðar
þó einmitt fæðing Krists hina
miklu og huggunarríku von upp-
risu og nýs og bjartara lífs.
Bjarni Albertsson var fæddur
hinn 28. marz 1922 og hefði því
orðið sextíu ára á næsta afmæl-
isdegi sínum. Hann var fæddur í
Keflavík, þar ólst hann upp, og
þar starfaði hann öll sín ár, að
undanskyldum námsárum í Verzl-
unarskóla Islands og námsdvöl í
Bandaríkjunum. Hann var kom-
inn af harðgerðum sjósóknurum
af Suðurnesjum í báðar ættir, og
fyrstu starfsár hans voru helguð
sjávarútveginum, en þá starfaði
hann við útgerð og frystihús föður
síns.
En hann var enn mjög ungur
maður, er hann réðist til starfa
hjá Keflavíkurbæ, og um árabil,
og allt til hinstu stundar var hann
aðalbókari bæjarins. Þau vanda-
sömu störf vann Bjarni af hinni
mestu samvizkusemi, lipurð og
vandvirkni.
Bjarni var mjög félagslyndur
maður og tók ávallt virkan þátt í
starfi þeirra félaga, sem hann var
í. Auk margs annars nefni ég hér
aðeins, að hann var einn af frum-
kvöðlum að stofnun Lionsklúbbs
hér í Keflavík fyrir 25 árum og
aftur, en miklu seinna, var hann
einn af hvatamönnum þess að
Oddfellowstúka var stofnuð hér í
bænum. A þessum vettvangi
þekkti ég mæta vel til félagslegs
áhuga Bjarna, hversu annt honum
var um vöxt og viðgang beggja
þessara félaga, og hversu vel hinar
mannúðarlegu og menningarlegu
hugsjónir þeirra féllu að skapgerð
hans. Hér var hann þátttakandi,
heill og óskiptur, og ávallt reiðu-
búinn til allra þeirra starfa, sem
hann var kallaður til á þeirra veg-
um.
Bjarni lét einnig þjóðmál veru-
lega til sín taka, og var ávallt mik-
ill og dyggur stuðningsmaður
Sjálfstæðisflokksins, og á yngri
árum sínum mikilvirkur í starfi á
vegum flokksfélaga hér, einkum í
starfi við kosningar, en þar naut
hann sín einkar vel, eins lipur og
þægilegur og hann var í viðmóti
við alla. Hann var um skeið í
hreppsnefnd fyrir flokk sinn, og
var m.a. fulltrúi hans í fyrstu bæj-
arstjórn, eftir að Keflavík öðlaðist
kaupstaðarréttindi. A síðari árum
dró hann sig heldur til baka á
þessum vettvangi, taldi það enda
ekki rétt að taka virkan þátt í
pólitík, eftir að hann gerðist aðal-
bókari bæjarins.
Bjarni var maður fróðleiksfús
og hafði sérstaklega mikið dálæti
á þjóðlegum fróðleik og ættfræði,
og varð því eins og slíkum
mönnum er tamt mjög fróður um
menn og margvísleg málefni, og
öll umræða á þessu sviði var hon-
um einkar hugleikin.
Bjarni var einstaklega hugljúf-
ur maður og háttvís, og án þess
maður gerði sér nánar grein fyrir
því, leið manni alltaf einkar nota-
lega í návist hans. Það var eins og
honum sárliði illa, ef illdeilur voru
uppi, og hann virtist hliðra sér hjá
að standa í útistöðum við menn.
Hann vildi einungis eiga gott eitt
við menn, bæði í orði og verki.
Bjarni var kvæntur Ingibjörgu
Gísladóttur, hinni mestu ágætis-
konu, og höfðu þau búið sér hið
glæsilegasta heimili hér í bæ. Þau
eiga einn son uppkominn, Þor-
stein, sem var og er enn mikill
íþróttagarpur, og dró það vita-
skuld ekki úr þeim mikla áhuga,
sem Bjarni hafði ávallt á íþrótt-
um, enda sjálfur liðtækur vel á
slíkum vettvangi sem ungur mað-
ur.
Eg og fjölskylda mín vottum
þeim Ingu og Þorsteini innilegustu
samúð okkar á stund sorgarinnar.
Megi birta og ylur hækkandi sólar
færa þeim blessun með nýju ári,
og huggun hins almáttka í harmi.
T.T.'
Vinningsnúmerin í símnúmerahappdrættinu
Á Þorláksmessu var dregið hjá
borgarfógeta í símnúmera-
happdrætti Styrktarfélags lam-
adra og fatlaðra. Eftirtalin núm-
cr hlutu vinning.
91-28287 Toyota-bifreið, 91-
81461 Toyota-bifreið, 96-25961
Toyota-bifreið,. 91-73126 Toy-
ota-bifreið.
Á eftirtalin númer komu
reiðhjól að eigin vali:
91-13579, 99-1730, 91-41586, 91-
50045, 91-10717, 91-28504, 91-
13435, 92-8494, 99-8160, 91-
Bin án ábyrgðar.