Morgunblaðið - 03.03.1982, Blaðsíða 6
38
MORGUNBLAÐIÐ, MIÐVIKUDAGUR 3. MARZ 1982
3 stjórnmálamenn
hafa verið
gestir í Knesset
Eftir dr. Frítz
Naschitz, adalrœðis-
mann íslands
í ísrael
MARGA þætti á ótal sviðum
eiga Islendingar og ísraelar
sameiginlega, og virðingin fyrir
lögum og rétti er þar einstaklega
skýr. Það sem felst í áletruninni
á minnispeningi þeim sem var
sleginn í tilefni hátíðahalda þeg-
ar minnst var þúsund ára af-
mælis Alþingis „Með lögum skal
land byggja" hefur og markað
sér svip í ísraelsku þjóðlífi. ís-
land getur státað af því að þar er
elzta þing í heimi, en ísraelar
verða að láta sér nægja þá vitn-
eskju, að þeir endurvöktu þing
sitt fyrir 34 árum — eftir 2000
ára hlé — er landið hlaut sjálf-
stæði. Það þarf engan að undra
að leiðtogar í sögu beggja þjóð-
anna hafa lagt mikla áherzlu á
hina þingræðislegu hlið í stjórn-
un landanna. Síðan ísrael fékk
sjálfstæði sitt árið 1948 hafa
þrír forystumenn íslenzkra
stjórnmála verið gestir ísraelska
þingsins Knesset, sem er tákn
um jafnræði þegnanna og byggir
á frelsi, jafnrétti og hugsjónum
friðarins.
Annar forseti íslenzka lýð-
veldisins Asgeir Ásgeirsson
(1896—1972) sótti ísrael heim í
marz 1966 og var fyrsti þjóð-
höfðingi Evrópu sem kom í
opinbera heimsókn. Honum var
tekið með miklum fögnuði og
sýndur allur sá heiður og sómi
sem heyrði til, bæði af hálfu
stjórnvalda og þegnanna. Grein-
arhöfundur, sem tók þátt í að
undirbúa komu forsetans, bar
fram þá tillögu við forsætis-
nefnd Knesset að hinum virðu-
lega gesti yrði boðið að ávarpa
það á sérstökum hátíðafundi.
Þessi tillaga var samþykkt í einu
hljóði og heiðursgesturinn varð
þannig fyrsti erlendi þjóðhöfð-
inginn sem talaði í Knesset og
með hlýlegum orðum sínum í
ræðustól átti hann sinn þátt í að
enn sterkari urðu þau tengsl,
sem milli þjóðanna eru, þótt
lönd og höf skilji. Ásgeir Ás-
geirsson forseti minntist rétti-
lega á þann sögulega atburð,
þegar Sameinuðu þjóðirnar féll-
ust á stofnun Ísraelsríkis 1947,
og annar íslendingur og fulltrúi
hjá SÞ, Thor Thors, greiddi þá
atkvæði með því fyrir íslands
hönd.
Sama ár, 1966, var ný þing-
húsbygging tekin í notkun og í
tilefni vígslu þinghússins — sem
var þann 30. ágúst — var forset-
um þjóðþinga — sem ísrael
hafði stjórnmálaskipti við, boðið
að koma til athafnarinnar. Smá-
ríkinu íslandi hlotnaðist sá heið-
ur að fulltrúa þess, Birgi Finns-
syni, var falið að halda hátíðar-
æðuna fyrir hönd gestanna sem
komu frá 41 landi. Forseti sam-
einaðs þings, Birgir Finnsson,
flutti fyrstu ávarpsorð sín á
hebresku og ræða hans öll hafði
djúp áhrif á alla þá mörgu gesti,
sem margir höfðu komið langt
að í tilefni þessa.
Og þriðji gestur frá eyju elds
og ísa varð núverandi forseti efri
deildar Alþingis, Þorvaldur
Garðar Kristjánsson, sem kom
nú í janúar 1982 í boði Knesset.
Sama máli gegndi um þá heim-
sókn sem hinar fyrri, að hún ein-
kenndist af vináttu og velvilja
sem milli þjóðanna er og auk
hreinskilnislegra viðræðna var
Þorvaldi Garðari Kristjánssyni
boðið í ferðir um landið þvert og
endilangt og hefur heimsókn
hans efalaust orðið til að inn-
sigla einu sinni enn þann ein-
læga vinskap sem er með þessum
tveimur þjóðum.
I þessum heimshluta, þar sem
mikil spenna ríkir, er það engin
fjarlæg framtíðarsýn að hægt sé
að lifa í friði, og að góðvilji geti
brúað fjarlægðir hvort sem er
um að ræða eiginlegar eða óeig-
inlegar. Schiller segir réttilega:
„Hinir ráðvöndustu geta ekki lif-
að í friði, ef illar nágrannar eru
því frábitnir."
Báðar þjóðirnar eru smáar, en
þær hafa í sér viljann til að lifa
af og með hugann við arfleifðina
og framtíðina í senn, hafa þessar
þjóðir báðar tengt saman nútið
og fortíð.
Strásykurinn í gulu pökkunum
sem þú notar...
í baksturinn,
í kaffið,
í teið,
í matinn,
á morgunmatinn,
út á grautinn,
út á skyrið.
er fyrsta flokks strásykur.
Xorðurlöndin:
Samvinna um hagnýt-
ingu olíu og jarðgass?
ORKUMÁLARÁÐHERRAR Norðurlanda hafa falið embætt-
ismannanefnd að semja greinargerð um leiðir til samstarfs
Norðurlandanna um orkumál, þ.á m. um samstarf varðandi
olíu og gas. Af íslands hálfu sátu fundinn Hjörleifur Gutt-
ormsson, ráðherra, og Páll Flygenring, ráðuneytisstjóri.
Á fundi ráðherranna í Helsinki
9. febrúar sl. var gengið frá nýjum
starfsáætlunum á sviði iðnaðar-
og orkumála og er þar m.a. gert
ráð fyrir eftirtöldum verkefnum:
orkusparnaði, skipulagi orkumála,
þróun nýrra og endurnýjanlegra
orkugjafa, nýjar tegundir elds-
neytis, einkum methanóls, marg-
háttaðar orkurannsóknir, sam-
vinnu um kolainnflutning til
Norðurlandanna og samstarf
varðandi olíu og gas.
Síðasti þátturinn hefur verið
nokkuð umdeildur, segir í frétt frá
iðnaðarráðuneytinu, en á fundi
orkuráðherranna nú var sam-
þykkt að fela viðkomandi embætt-
ismannanefnd að benda á leiðir til
að ryðja úr vegi hindrunum þann-
ig að unnt sé að hefja árangurs-
ríkt samstarf á þessu sviði, og á að
leggja fyrir greinargerð um þetta
efni innan árs.
Á sameiginlegum fundi iðnaðar-
og orkuráðherranna var kynnt
skýrsla um möguleika á samvinnu
um hagnýtingu olíu og jarðgass
frá vinnslusvæðum úti fyrir
Norður-Noregi.
í fréttatilkynningu iðnaðar:
ráðuneytisins segir einnig: „í
hinni nýju starfsáætlun á sviði ið-
naðar er ekki síst lögð áhersla á
það markmið að bæta samkeppn-
isstöðu iðnaðar á Norðurlöndum,
m.a. með því að greiða fyrir sam-
starfi á sviði iðnaðar og efla
„heimamarkað" fyrir iðnaðarvör-
ur innan Norðurlanda til að
styrkja stöðu iðnaðarins í sam-
keppni út á við. í áætluninni um
iðnaðarmál er m.a. fjallað um
samvinnu um tæknirannsóknir og
þróunarstarf, málefni iðngreina
og smærri fyrirtækja, athugun á
áhrifum fjölþjóðafyrirtækja, og
möguleika á að auðvelda samstarf
fyrirtækja landa á milli. Varðandi
síðasttalda atriðið hefur að und-
anförnu m.a. verið safnað upplýs-
ingum um löggjöf um leyfi til at-
vinnuréttinda og atvinnurekstrar,
svo og um gjaldeyris- og skatta-
mál á Norðurlöndum. Hins vegar
hafa hugmyndir iðnrekendasam-
taka um sameiginlegan hluta-
bréfamarkað á Norðurlöndum
hingað til hlotið takmarkaðan
stuðning á hinum pólitíska vett-
vangi.
Iðnaðarráðherrarnir tóku ein-
dregið undir að efla þurfi Nor-
ræna iðnaðarsjóðinn, sem gegnir
vaxandi hlutverki í að styðja við
rannsóknir og þróunarstarfsemi á
sviði iðnaðarmála er varða tvö eða
fleiri Norðurlandanna, en sjóð-
urinn veitir einnig stuðning til
orkurannsókna.
Ný götu- og
númeraskrá
INNAN skamms kemur á markað-
inn ný götu- og númeraskrá fyrir
höfuðborgarsvæðið og er hún nú í
prentun. Síðast kom slík skrá út
árið 1978. Skráin er í svipuðu broti
og hin eldri, en umfangsmeiri.
Póstnúmer er við götur. Þá er
reiknað með að ný símaskrá komi
út um mánaðamótin apríl-maí.
Eréí
úr sveitinni
Eftir Vigfús B.
Jónsson í Laxamýrí
Sæll og blessaður Siggi minn.
það er ekki of mikið, þó ég hripi
þér nokkrar línur fyrst þig langar
að heyra eitthvað frá mér, en það
verður ekki merkilegt frekar en
vant er. Héðan eru nú tíðindin
smá, en nógur er snjórinn. Samt
hefur okkur alltaf tekist að finna
bílana okkar á útvarpsstönginni
sem af er vetri. Snjórinn okkar er
þó ekki eins eftirsóttir og þarna í
Austurríki, a.m.k. streymir fólk
ekki hingað í hundruðum til að
renna sér á skíðum. Þetta finnst
okkur slæmt hér því við teljum
snjóinn alveg ekta og til þess fall-
inn að spara gjaldeyri frekar en
ekkert.
Samkvæmislífið er alveg í lág-
marki og fara menn lítið nema
helst að jarðarförum, sem ekki er
þó oft, því betur. Það er þó bót í
máli, að við höfun aldeilis öndveg-
is fréttaþjónustu úr Reykjavík og
nágrenni.
Við vitum t.d. æfinlega upp á
hár, ef einir 2—3 bílar festa sig í
snjó uppi í Breiðholti eða á Hafn-
arfjarðarvegi og ekki man ég bet-
ur en ég læsi það í einhverju blað-
inu, að gamalli konu í Kópavogi
hefði skrikað fótur á hálkubletti
og hruflað sig á hné. Hún hefur
sjálfsagt verið í bannsettri há-
hælatískunni en ekki á flatbotnum
eins og við hérna fyrir norðan.
Póstþjónustan
Aftur á móti eru við ekkert
hressir yfir póstþjónustunni
hérna. Okkur þykir Mogginn koma
heldur skrykkjótt því á mánudög-
um fáum við aldrei minna en
föstudags, laugardags og sunnu-
dagsblað og ósjaldan fimmtudags-
blaðið líka. Þótt Mogginn sé nú
spennandi þá er það aðeins á færi
heljarmenna að lesa hann svo vel
sé í þeim skömmtum, sem hér
tíðkast.
Við höfum nú ögn verið að
kynna okkur, hvort ekki væri
hægt að ráða bót á þessu, en það
horfir illa því þá þyrftu örfáir
starfsmenn póstþjónustunnar að
vinna smá stund á laugardögum
eða eftir kl. 5 á föstudögum. Það
yrði auðvitað óskaplega dýrt og
póstburðargjöldin færu upp úr
öllu valdi. Sennilega verður ekkert
úr umbótum hvað þetta snertir,
enda ekki vert að fikta neitt við
dýrtíðarmaskínuna meðan hún er
svona alsjálfvirk en nóg um það.
Hér var haustið alveg grábölvað
og veturinn eftir því og sem verst
var, þá kom hann aiveg á fullu 30.
september. Það er ósköp að sjá
lauftrén hérna því þau eru ekki
laus við laufið ennþá mörg hver og
sennilega meira og minna dauð,
enda ekki viðbúin vetrinum á svo
afbrigðilegum tíma. Þá er nú
fuglalífið heldur en ekki fábreytt
núna. Snjótittlingar sjást varla og
lítið um hrafn svo ekki sé nú
minnst á blessaðar friðardúfurn-
ar, sem enginn sér né heyrir. Ég
hélt endilega að þær létu nú held-
ur en ekki til sín taka, þegar
kjarnorkuvopnaði kafbáturinn
sigldi úr hafi friðarins upp í
landsteina hlutlauss ríkis, eða