Morgunblaðið - 07.04.1982, Blaðsíða 15
MORGUNBLAÐIÐ, MIÐVIKUDAGUR 7. APRÍL 1982
Frá aðalfundi Iðnaðarbankans:
Innlán jukust um 66,1% á sl. ári
Afkoma bankans hlutfallslega svipuð og árið áður
Laugardaginn 27. mars sl. var að-
alfundur Iðnaðarbanka íslands hf.
haldinn í Súlnasal Hótel Sögu. Á
fundinum var gerð grein fyrir rekstri
og hag bankans árið 1981. Einnig
var gerð grein fyrir starfsemi
Iðnlánasjóðs. Skýrt var frá því að
Valur Valsson framkvæmdastjóri
Félags íslenskra iðnrekenda hefði
verið ráðinn bankastjóri við Iðnað-
arbankann. Gunnar J. Friðriksson,
sem verið hefur formaður bankaráðs
síðan 1974, gaf ekki kost á sér til
endurkjörs.
Aður en gengið var til dagskrár
minntist formaður bankaráðsins
Péturs Sæmundsen bankastjóra,
sem lést hinn 5. febrúar 1982 að-
eins tæpra 57 ára að aldri. Heiðr-
uðu fundarmenn minningu Péturs
með því að rísa úr sætum. Gunnar
J. Friðriksson formaður banka-
ráðsins flutti skýrslu bankaráðs.
Þróun peningamála
I upphafi máls síns rakti hann
þróun peningamála árið 1981, sem
hann taldi vera að ýmsu hagstæða
framan af árinu. Verðbólga fór
hjaðnandi, svo lítill munur var á
vöxtum og á verðbólgustigi. Hins
vegar hafi dæmið snúist við síð-
ustu mánuði ársins, því hinni
óraunhæfu gengisstefnu hafði þá
ekki lengur verið hægt að halda til
streitu. Hins vegar fylgdu vextir
ekki verðbólgustiginu eftir og
raskaðist þar með á ný það jafn-
vægi sem náðst hafði. Gunnar vék
að hinni sérstöku sveigjanlegu
bindiskyldu, sem lögð var á inn-
lánsstofnanir til viðbótar gömlu
almennu innlánsbindingunni, sem
um nokkurra ára bil hefur numið
28% af innlánum. Gunnar sagði
nafn hinnar svokölluðu sérstöku
sveigjanlegu innlánsbindingar
óneitanlega minna á hinn upp-
haflega yfirlýsta tilgang innláns-
bindingar, sem átti að vera sveigj-
anlegt hagstjórnartæki, en var
það ekki í raun. Sagðist hann vona
að sveigjanleiki yrði ekki bara
uppávið að þessu sinni.
Tollkrít
Gunnar sagði fróðlegt að fylgj-
ast með því, að á sama tíma og
ráett væri um þörf á aðhaldi í pen-
ingamálum, hafi fengið byr undir
báða vængi hugmyndir um svo-
kallaða tollkrít. Tollkrit væri hins
vegar jafngildi útlána, þenslu-
áhrifin væru hin sömu. Benti
hann á að með tollkrít yrðu áhrif
hinnar sérstöku sveigjanlegu
bindingar að engu gerð, auk þess
sem óeðlilegt yrði að teljast að
ríkið færi inn á verksvið við-
skiptabankanna með þessum
hætti. Með tollkrítinni myndi
fyrirtækjum verða mismunað eft-
ir stærð, því hún væri aðeins ætl-
uð stærri fyrirtækjum. Jafnframt
væri augljóst að tollkrít myndi
þýða skerta samkeppnisaðstööu
íslensks iðnaðar gagnvart inn-
flutningi. Hún myndi leiða til auk-
innar einkaneyslu, minni sparnað-
ar, aukinnar verðbólgu og verri
gjaldeyrisstöðu landsins. Gunnar
sagði það niðurstöðu sína að
tollkrít væri ósamrýmanleg efna-
hagslegum markmiðum ríkis-
stjórnarinnar.
Staöa bankans
Þrátt fyrir það, að nærri bönk-
um hafi verið gengið með aukinni
innlánsbindingu, þ. á m. Iðnaðar-
bankanum, sagði Gunnar J. Frið-
riksson að ekki hefði orðið veru-
legt afkomutjón hjá honum vegna
hinnar traustu lausafjárstöðu
bankans. Afkomu bankans sagði
hann hafa verið hlutfallslega svip-
aða og árið áður, en það ár var
talið einstaklega gott ár. Formað-
ur bankaráðsins sagðist þó vilja
benda fundarmönnum á, að af-
koma síðustu tveggja ára væri
einstök og miklu mun betri ef af-
koma fyrri ára. Sagðist hann vilja
biðja hluthafana að reikna ekki
með afkomu af þessu tagi eins og
sjálfsögðum hlut, fyrir henni
þyrfti að berjast stöðugt.
Þá sagði formaður bankaráðsins
að hin góða rekstrarafkoma síð-
ustu tveggja ára hafi gert bankan-
um kleift að ráðast í nokkrar
dýrmætar fjárfestingar, sem hafi
verið um árabil á óskalista bank-
ans. Þannig hafi nýlega verið tekið
í notkun nýtt húsnæði fyrir Laug-
arnesútibúið, að Dalbraut 1—3, en
gamla húsnæðið var aðeins 47m2.
Utibúið fluttist um set í sama húsi
og lætur nærri að gólfflöturinn
hafi þrefaldast, því hann er nú 143
m*. Hafi þessi stækkun löngu verið
orðin tímabær. Á árinu hafi einn-
ig verið fest kaup á jarðhæð og
kjallara í Hafnarfirði í sama húsi
og útibúið er. Næmi möguleg
stækkun á afgreiðslusal útibúsins
eftir þetta 210 mz og kjallarinn
næði 123 m2. Loks skýrði hann frá
því að Grensásútibúinu við Háa-
leitisbraut hefði nú verið tryggð
stækkun um 76m2, eða úr 92 mz i
169 m2. Nú stæðu vonir til að rætt-
ist úr þeim þrengslum og þeirri
örtröð sem oft myndast í þessu
stærsta útibúi bankans og væri
ánægjulegt að geta skýrt frá því
að framkvæmdir væru þegar
hafnar.
Síðast en ekki síst sagði formað-
ur bankaráðsins þær fréttir af
vettvangi útibúanna, að í desem-
ber sl. hefði iðnaðarráðherra veitt
bankanum leyfi fyrir nýju útibúi í
Garðabæ. Væri ætlunin að það
yrði fyrst um sinn rekið í stjórn-
unarlegum tengslum við Hafnar-
fjarðarútibúið, enda staðsett á
markaðssvæði þess. Skýrði hann
frá því að útibúinu hafi verið til að
byrja með valinn staður í bygg-
ingu sem Pharmaco hf. er að reisa
við Bæjarbraut, gegnt bensínstöð
Skeljungs og hafi þegar verið und-
irritaðir samningar um það.
Gunnar J. Friðriksson, formað-
ur bankaráðs, sagði það fyrst og
fremst vera stefnu bankans með
fjárfestingum sínum, að auka af-
kastagetuna í þeim útibúum sem
bankinn hefur haft um árabil.
Mundi það vonandi leiða til þess
að rekstrareiningarnar yrðu
stærri og hagkvæmari í framtíð-
inni.
Reikningar bankans
Bragi Hannesson bankastjóri
gerði grein fyrir reikningum
bankans fyrir árið 1981. Skýrði
hann frá því að í árslok 1981 hafi
heildarinnlán bankans numið
357,5 m.kr. og hafi þau aukist um
66,1% á árinu. Árið 1981 hafi verið
fjórða árið í röð sem innlán bank-
15
ans hafi aukist verulega að raun-
gildi. Raungildisaukning innlán-
anna, miðað við lánskjaravisitölu,
hafi verið 12% á síðasta ári. Eigið
fé bankans hafi í árslok 1981 num-
ið 38,9 m.kr., og hafi það hækkað
um 66,2% á árinu. Hafi aukning
eiginfjárins því verið nánast hin
sama og innlánsaukningin. Meðal-
fjöldi starfsfólks Iðnaðarbankans
hafi verið 127 árið 1981, saman-
borið við 121 árið áður. Sé þá mið-
að við fjölda slysatryggðra vinnu-
vikna. Tekjuafgangur til ráðstöf-
unar eftir afskriftir árið 1981 var
6,2 m.kr., samanborið við 4,4 m.kr.
árið áður.
I loks máls síns sagði Bragi
Hannesson: „í stuttu máli má
segja að árið 1981 hafi verið
Iðnaðarbankanum á margan hátt
hagstætt ár. Bankanum tókst að
auka heildarútlán sín um tæp 90%
án þess að rýra lausafjárstöðuna
við Seðlabankann, með því að
auka endurkaup frá Seðlabanka
um 138% og útlán verðdeildar
bankans um 310%, þrátt fyrir
nokkru minni innlánsaukningu en
sem nemi meðaltali bankanna.
Auk þess var afkoman á síðasta
ári hagstæðari bankanum en mörg
undanfarin ár.
Á aðalfundinum var samþykkt
að auka hlutafé bankans um
42,11% með útgáfu jöfnunarhluta-
bréfa, til jafns við hækkun vísitölu
jöfnunarhlutabréfa, sem ríkis-
skattstjóri gefur út. Einnig var
samþykkt að greiða 5% arð til
hluthafa.
Iðnlánasjóður
Ragnar Önundarson aðstoðar-
bankastjóri gerði grein fyrir
starfsemi Iðnlánasjóðs árið 1981.
Á árinu voru afgreidd samtals 343
lán að fjárhæð 93,6 m.kr. Til sam-
anburðar hafi verið afgreidd 352
lán árið áður að fjárhæð 55,8 m.kr.
Eigið ráðstöfunarfé sjóðsins á ár-
inu var 42,8 m.kr.
Tekjuafgangur Iðnlánasjóðs
1981 var 16,6 m.kr. Bein framlög
til sjóðsins, iðnlánasjóðsgjald,
framlag ríkissjóðs og framleiðslu-
gjald af áli námu samtals nokkurn
veginn sömu tölu eða 16,5 m.kr.
Sagði Ragnar þessa tölu sýna að
Iðnlánasjóður hefði getað verið án
beinna framlaga á árinu 1981.
í bankaráð Iðnaðarbanka ís-
lands hf. voru kjörnir: Davíð Sch.
Torsteinsson forstjóri, Sveinn
Valfells verkfræðingur og Gunnar
Guðmundsson rafverktaki. Til
vara: Magnús Helgason forstjóri,
Leifur Agnarsson framkvæmda-
stjóri og Sveinn A. Sæmundsson
forstjóri. Iðnaðarráðherra skipaði
þessa: Kjartan Olafsson ritstjóra
og Sigurð Magnússon rafvéla-
virkja. Til vara: Guðrúnu Hall-
grímsdóttur matvælaverkfræðing
og Guðjón Jónsson járnsmið.
Endurskoðendur voru kjörnir
Haukur Björnsson framkvæmda-
stjóri, Sveinn Jónsson löggiltur
endurskoðandi og Þórleifur Jóns-
son framkvæmdastjóri.
Bankastjóri er Bragi Hannesson
og aðstoðarbankastjóri er Ragnar
Önundarson.
Frá aðalfundi Iðnaðarbankans. Talið frá vinstri: Gunnar J. Friðriksson, Víglundur Þorsteinsson,
Bragi Hannesson, Ragnar Önundarson og Sveinn Hannesson.