Morgunblaðið - 07.04.1982, Blaðsíða 22

22
MORGUNBLAÐIÐ, MIÐVIKUDAGUR 7. APRÍL 1982
Stríðshugur
í Bretlandi
I»ndon, 6. apríl. AP.
MIKILL stríöshugur hefur gripið um sig í Bretlandi eftir töku
Falklandseyja og málið hefur endurvakið þjóðarstolt Breta.
I viðtalsþáttum í útvarpi og
bréfum til dagblaða hefur mikið
verið rætt um „þessa hraustu
stráka", brezku landgönguliðana
sem börðust við argentínska land-
gönguliðið áður en þeir voru yfir-
bugaðir, og í bjórkrám er mikið
talað um hvernig það verði að
senda brezk herskip aftur til
orrustu.
Samkvæmt skoðanakönnun í
sjónvarpi voru 70% þeirra sem
spurðir voru hlynntir því að arg-
entínskum herskipum yrði sökkt
ef það reyndist nauðsynlegt til að
ná aftur Falklandseyjum.
Þótt deilan snúist um einangr-
aðar eyjar þar sem kindur eru 300
sinnum fleiri en eyjaskeggjar láta
menn heillast af hugsanlegum
átökum. „Britannia ræður ríkj-
um,“ stóð á spjaldi sem einhver
hélt á þegar flotinn var kvaddur í
Portsmouth. „Þetta er alveg eins
og í gamla daga,“ sagði ung kona.
„Við létum þá finna fyrir því við
Trafalgar og gerum það aftur,"
sagði einn þeirra sem fylgdust
með brottför flotans.
Jafnvel The Times, sem venju-
lega er varkárt blað, sagði í for-
ystugrein: „Við erum allir Falk-
lendingar núna.“ „Þegar innrás er
gerð í brezkt yfirráðasvæði er það
ekki aðeins árás á land okkar
heldur þjóðarandann."
„Við gefum þeim á ’ann“ sagði
The Sun í fyrirsögn og á innsíðu
stóð „Orrustan um eyjarnar“ yfir
mynd af landgönguliða sem sést
stíga í land. The Standard birti
teiknimynd af kafbátaforingja
skjóta kjarnorkueldflaug af mis-
gáningi á Buenos Aires.
Tesco-kjörverzlanahringurinn
sagði í dag að allar argentínskar
vörur í verzlunum þess yrðu fjar-
lægðar og ákveðið hefur verið að
enginn argentínskur matur verði
fram borinn í mötuneyti Neðri
málstofunnar. „Mér finnst að
móðir þjóðþinganna ætti að ganga
á undan með góðu eftirdæmi,“
sagði yfirmaður matseldar þing-
manna.
Þó eru ekki allir Bretar hlynntir
stríði. í kommúnistablaðinu
Morning Star mátti sjá fyrirsögn-
ina „Við segjum: stöðvið þennan
flota." Tony Benn, fyrrverandi
orkuráðherra, sagði í dag að hann
væri mótfailinn valdbeitingu til að
fjarlægja Argentínumenn.
Einhverjir írar stríddu Bretum
í ölkrá í Portsmouth á því að deil-
ur um yfirráðarétt væru stundum
flóknar, eða þannig væri það á
Norður-írlandi. Kráareigandinn
hallaði sér fram yfir barborðið og
lýsti því yfir að málið væri útrætt.
Sex ráðherrar
reknir í Bólivíu
U Pk, 6. apríl. AP.
CELSO Torrelio Villa Bólivíuforseti setti sex ráðherra af í
dag og óbreyttir borgarar komust í meirihluta í stjórn hans í
fyrsta skipti síðan herinn tók völdin í júlí 1980.
Allir ráðherrarnir 18 sögðu af
sér, einni viku eftir að yfirstjórn
hersins lagði til að nokkrar breyt-
ingar yrðu gerðar á stjórninni, en
Torrelio ákvað að 12 þeirra skyldu
halda áfram störfum, þeirra á
meðal Gonzalo Romero utanrík-
isráðherra og innanríkisráðherr-
ann, Romulo Mercado ofursti. Nú
eiga 10 óbreyttir borgarar sæti í
stjórninni, en átta borgarar.
Torrelio vék tveimur mjög um-
deildum herforingjum, Javier Al-
coreza ofursta, sem var fjármála-
ráðherra, og Armando Reyes
hershöfðingja, sem var varnar-
málaráðherra og er frændi forset-
ans.
Talsmaður bandaríska sendi-
ráðsins sagði að breytingarnar
væru ekki róttækar, en málamiðl-
un á grundvelli krafna andstæðra
hópa í heraflanum.
Ríkisstjórnin varaði Torrelio
við því í sameiginlegu afsagnar-
bréfi að „fresta endalaust" lausn á
vanda sem við væri að glíma í
efnahagsmálum, stjórnmálum og
þjóðfélagsmálum.
Stjórnarkreppan fylgir í kjölfar
afsagnar forseta seðlabankans,
Guido Salinas, á laugardaginn
vegna ásakana um að dollara-
varasjóður hefði verið seldur emb-
ættismönnum og vinum ríkis-
stjórnarinnar áður en stjórnin til-
kynnti gengisfellingu 5. febrúar.
Jenkins og Williams í
slag um Ieiðtogaembætti
l/ondon, G. april. AP.
SÓSÍALDEMÓKRATAR í Bretlandi hyggjast nú ganga til leiðtoga-
kosninga í kjölfar velgengni kosningabandalagsins í Hillhead í Glas-
gow fvrir skemmstu. Helstu keppinautarnir um útnefninguna eru Roy
Jenkins og Shirley Williams.
Vegna hinnar hörðu gagnrýni, að mynda næstu ríkisstjórn. Því
sem ríkisstjórn Margareth er nauðsynlegt að velja leiðtoga,
Thatcher hefur orðið fyrir nú sem allra fyrst, sem gæti orðið
síðustu daga vegna Falklands- forsætisráðherra ef sá möguleiki
eyjamálsins telja sósíaldemó- gæfist.
kratar sig eiga góða möguleika á
Átök harðna í
Nýju Delhi, 6. apríl. AP.
VORHLÝINDI virðast hafa leitt til harðnandi bardaga í Afghanistan sam-
kvæmt fréttum frá diplómötum í Kabul. Jafnframt hefur Khalil Ahmed
Abawi verið skipaður varaforsætisráðherra og formaður ríkisskipulagsnefnd-
arinnar, sem Sultan Ali Keshtmand forsætisráðherra var áður í forsæti fyrir.
Skólastjóri verzlunarskólans í voru skotnir til bana í Kabul á
Kabul og vinsæll trúarleiðtogi föstudaginn.
voru ráðnir af dögum á fimmtu- Skæruliðar gerðu eldflaugaárás
daginn. Tveir afghanskir hermenn á höllina Chekel Setoun í Suður-
lcoigfó
Argentínskir landgönguliðar
á verði vid bækistöðvar Falk-
landseyjafélagsins í Port
Stanley.
Maöur í fréttunum:
Pym: rólegur
maður á hverju
sem gengur
FRANCIS Pym, hinn nýi utanríkisráöherra Breta, er sextugur
að aldri, maður grannvaxinn og hefur haft orð á sér fyrir að
hafa alltaf verið rólegur á hverju sem gengur, hvort heldur í
stríðinu, þegar hann var ungur liðsforingi, eða síðan hann
varð reyndur stjórnmálamaður, og hann hefur náð stöðugt
meiri frama þrátt fyrir ágreining við Margaret Thatcher for-
sætisráðherra.
Falklendingar á ferli á götum Port Stanley umkringdir landgönguvögnum Argentínumanna. Innfellda myndin er af
Mario Benjamin Menendes hershöfðingja, sem hefur verið skipaður herstjóri á Falklandseyjum.
Uggur í Argentínu
í kjölfar
BuenoH Aires, 6. apríl. AP.
ALLIR Argentínumenn hafa fagnað töku Falklandseyja og
telja að þeir hafi alltaf átt þær. En sigurvíman er smám
saman að gufa upp og komu brezka flotans er beðið með ugg.
sigurvímu
Öll blöðin fögnuðu töku eyjanna
með stórum fyrirsögnum og töl-
uðu um „sögulega endurheimt"
þeirra. Ekki er talað um „innrás" í
Argentínu og ef minnzt er á
„hernámslið" er spurt á móti:
„Hvernig getum við hernumið
okkar eigið yfirráðasvæði?"
Allir stjórnmálaflokkar birtu
yfirlýsingar þar sem „endurheimt-
inni" er fagnað, þótt þeir hafi
gagnrýnt sex ára stjórn herfor-
ingjanna.
Peronista-leiðtoginn Deolindo
Bittel hyllti forsetann, Leopoldo
Galtieri hershöfðingja, þótt hann
sé ósammála honum í svo til öllum
málum. Verkalýðssambandið
skoraði á ættjarðarvini að taka
þátt í fagnaðarlátum á Plaza de
Mayor, þótt leiðtogar þess hafi
Kabul og aðalstöðvar stjórnar-
flokks marxista í hverfinu Dar-
ul-Aman í marzlok.
Bardagar geisuðu einnig á
þremur svæðum nálægt Kabul í
síðustu viku og í Kandahar, ann-
arri stærstu borginni, og héruðun-
um Parwan og Wardak.
verið handteknir fyrir að skipu-
leggja opinber mótmæli.
Galtieri fyrirskipaði að um 200
af þeim 2.000, sem handteknir
voru í óeirðum á þriðjudaginn,
yrðu látnir lausir. Ríkisstjórnin
hóf mikla áróðursherferð í útvarpi
og sjónvarpi, sem hún ræður yfir.
Argentínski fáninn var sýndur í
sjónvarpinu þegar fréttir um tök-
una voru sagðar og í útvarpi var
leikið hergöngulag með viðlaginu
„Las Malvinas Argentinas".
Það hæðnislega var að fagnað-
arlætin fóru fram á sama torginu
og fimm þúsund óeirðalögreglu-
menn beittu kylfum, táragasi og
gúmmíkúlum gegn andófsfólki að-
eins þremur dögum áður.
Alvarlegur samdráttur hefur
orðið í efnahagslífi Argentínu,
Skæruliðar hafa látið til sín
taka á 15 kílómetra kafla þjóðveg-
arins í norður frá höfuðborginni
til Paghman og þar hefur þrívegis
slegið í brýnu. Skæruliðar stöðv-
uðu umferð að vild og hörfuðu
ekki fyrr en fjölmennt stjórnar-
herlið kom á vettvang.
12% vinnufærra manna eru at-
vinnulausir, en það er mesta at-
vinnuleysi í tíu ár, og kaupmáttur
hefur rýrnað. „Nú verður ríkis-
stjórninni þakkað fyrir að endur-
heimta Malvinaseyjar, en ekki
kennt um mestu efnahagskreppu
aldarinnar," sagði argentínskur
bókari.
Leigubílstjóri nokkur sagði að
fólk skildi ekki alvöru málsins og
líkti átökum við Breta við viður-
eign manns með riffil og manns
með vélbyssu. Annar Argentínu-
maður lét í ljós ósk um stuðning
erlendra ríkja ef til styrjaldar
kæmi og taldi meiri von um aðstoð
Rússa en Bandaríkjamanna.
Fimm dóu
í eldgosi
Jakarta, <i. apríl. AP.
KLIMIOS, sem braust út í Indón-
esíu hefur kostað fimm manns
lífið. Að auki hafa þrír særst.
Fundust lík hinna látnu undir
húsum, sem hrunið höfðu í ná-
grenni eldfjallsins.
Tugþúsundir íbúa voru flutt-
ir í burtu af gossvæðinu til að
koma í veg fyrir frekara
manntjón. Eldfjallið, sem er á
Vestur-Jövu er annað stærsta
eldfjallið í Indónesíu. Fjögur
þúsund manns létu lífið í
mesta gosi eldfjallsins, Gal-
unggung, sem varð 1896.
Afghanistan