Morgunblaðið - 16.05.1982, Blaðsíða 18
18
MORGUNBLAÐIÐ, SUNNUDAGUR 16. MAÍ 1982
AÐ BYGGJA
NÝTT
Á TRAUSTUM GRUNNI
Rætt við Hörð Sigurgests-
son, forstjóra
Eimskipafélags íslands hf.
Mitt hlutverk er að byggja brú á milli nýja og
gamla tímans — hagnýta áratuga langa reynslu í
rekstri þessa trausta fyrirtækis, tengja hana nýrri
þróun. Starfsemi skipafélaga hefur breyst. Flutn-
ingahættir hafa breyst meö tækniþróuninni. Skipa-
félögin leggja áherslu á að flytja vörur frá framleiö-
anda til endanlegs dreifiaðila. Þjónustan er fjöl-
þættari en áöur og meiri áhersla lögö á samfellda
flutningakeöju frá framleiðanda til neytenda. Viö
erum ekki með hugann viö þaö eitt aö skipin sigli
frá einn höfn til annarrar, sagði Hörður Sigur-
geirsson, forstjóri Eimskipafélags ísiands, í upp-
hafi viötals um rekstur og stöðu fyrirtækisins, en
Höröur hefur gegnt forstjórastöðunni í rúm tvö ár.
í skýrslu um rekstur Eimskipafé-
lagsins fyrir árift 1981 kemur fram
að þá hafi starfsmönnum þess fækk-
að um 890 í 860 frá fyrra ári. Hvað
veldur þessari fækkun?
„Lítum á þessa tölu með öðrum
hætti. Frá ársbyrjun 1980 til árs-
loka 1981 fækkaði starfsmönnum
Eimskipafélagsins um 18% ef
metin eru stöðugildi. Skipum
fækkaði um 5 á sama tíma, þau
voru 26 í árslok 1979 en 21 í árslok
1981. Við urðum að bregðast við
nýrri tækni og verjast olíu-
verðsprengingunni. Nú sigla tvö
skip til meginlands Evrópu og
Bretlands í fastri áætlun, en áður
voru 5 skip á þessari leið. A þess-
um tveimur skipum eru 32—34
menn, en áður voru 96 menn á 5
skipum. Þessi hagræðing hefur
haft fækkun í för með sér. Þá er
einnig um breytt vinnubrögð við
lestun og losun skipanna að ræða.
Sú hagræðing hefur einnig fækkað
fólki. Við flytjum nú sama magn
og áður með færri starfsmönnum
og færri skipum."
— Þið hafið verið með skip í sigl-
ingum erlendis. Hvernig hefur það
gengið?
„Við höfum verið að nýta
offramboð á flutningagetu með
þvi að leigja skip í skamman tíma
til útlanda. Þetta hefur ekki skilað
fjárhagslegum ávinningi, hins
vegar höfum við öðlast dýrmæta
reynslu með þessari starfsemi. Við
erum ekki samkeppnisfærir, það
eru t.d. of margir menn um borð í
okkar skipum miðað við keppi-
nautana, og skipin eru ekki nægi-
lega hagkvæm. Við viljum þó
kynnast betur þessum markaði og
tengjast honum meira sé þess
kostur. Hvers vegna ættum við
ekki að vera samkeppnishæfir á
þessu sviði eins og t.d. Danir og
Norðmenn? Því er ekki að leyna að
hér hefur gengið hægt að fá
endurskoðaðar reglur um fjölda
skipverja með hliðsjón af tækni-
breytingum. Við teljum, að það
megi fækka mönnum um borð í
skipunum án þess að draga úr ör-
yggi eða auka álag á einstaka
skipverja um of. Forráðamenn
stéttarfélaga átta sig á þessum
breytingum og gera sér grein fyrir
þeim, en bæði þeir og við vitum, að
það tekur sinn tíma að aðlagast
nýjum háttum í þessu efni.“
— Hver er markaðshlutdeild Eim-
skipafélagsins?
„Hún er mismunandi eftir því
hvort litið er á innflutning eða út-
flutning og einnig eftir vöruteg-
undum. Areiðanlegar tölulegar
upplýsingar liggja ekki fyrir en
við teljum, að í flutningum til og
frá landi sé hlutdeild okkar um
50%. Hún hefur minnkað ef litið
er yfir 5—7 ára tímabil, en ekki á
síðasta ári.“
— Er samkeppnin of hörð?
„Samkeppni bæði innanlands og
erlendis er mjög hörð. Samkeppni
getur verið með margvíslegum
hætti og stundum upp á líf og
dauða. Hér á landi berjast menn
yfirleitt ekki þannig. í stórflutn-
ingum er stöðug samkeppni við
erlenda aðila. í áætlunarflutning-
um er ekki erlend samkeppni. Hún
byrjaði aftur eftir stríðið en lauk
1964. Þá var ljóst að íslensku
skipafélögin skildu betur þarfir
viðskiptavinanna og veittu betri
þjónustu. Hér á landi er t.d. löng
hefð fyrir því að íslensk skipafélög
sjái um vöruafgreiðsluþjónustu,
en vöruhús tiðkast naumast hjá
skipafélögum erlendis og slík að-
staða kostar fé.“
— í skýrslu stjórnarformanns á
aðalfundi Eimskipafélagsins í apríl
sl. kom fram, að í áætlunarsiglingum
væru skipin vel nýtt til landsins en
illa frá landinu. Hins vegar væri
þessu öfugt farið um stórflutninga.
Hvernig ætlar félagið að auka hlut
stórflutninganna í áætlunarsigling-
um?
„Áætlunarsiglingar eru reglu-
bundnar ferðir, sem farnar eru
vikulega eða á 10 daga fresti á
milli aðalhafna. Þá er flutt
stykkjavara og önnur almenn vara
og við þessa flutninga eru skipin
þokkalega nýtt á leið til landsins.
Stórflutningarnir, þegar skip taka
heila farma eða verulegt magn frá
einum aðila, eru frá landinu. Lín-
ur eru að skýrast á milli þessara
flutningahátta. Áður voru skip
þannig úr garði gerð, að þau gátu
sinnt margvíslegum verkefnum,
nú eru skipin sérhæfðari. Við er-
um að reyna að jafna metin þann-
ig að við flytjum meira út með
áætlunarskipunum en áður. Þetta
er erfitt en þó ekki ófram-
kvæmanlegt, t.d. flytjum við nú út
ál meira en áður og frystan fisk í
gámum með áætlunarskipum.
Tökum dæmi: áli er ekið frá
Straumsvík í Sundahöfn og þar
beint um borð í Álafoss eða Eyr-
arfoss. Við munum t.d. aldrei geta
flutt verulegt magn kísiljárns í
áætlunarskipum og frystur fiskur
fer aldrei alfarið í slík skip.“
— Nú hefur Eimskipafélagið gert
samninga við stærstu útllytjend-
urna. Hvernig er að slíkum samning-
um staðið?
„Isal bauð upphaflega út flutn-
inga fyrir sig og tók tilboði Eim-
skips. Síðan hafa þessir samning-
ar verið endurnýjaðir á hverju ári
og hafa þá Alusuisse og ísal kann-
að markaðinn eða leitað tilboða
hjá öðrum til samanburðar. Á
Vesturbær
Skerjafjörður sunnan
flugvallar II
Úthverfi
Stigahlíð 26—97
Ármúli
Gnoðarvogur frá 14—4
Upplýsingar í síma
35408
fflorjjxmbla&iíi
ÞÚ AUGLÝSIR UM
ALLT LAND ÞEGAR
ÞÚ AUGLÝSIR í
MORGUNBLAÐINU
Sjálfboðaliðar ,
á kjördag
D-listann vantar fólk til margvíslegra sjálfsboöa-
starfa á kjördag. Sérstaklega vantar fólk til starfa
sem fulltrúa listans í kjördeildum auk margvís-
legra annarra starfa.
Þeir, sem vilja leggja D-listanum lið, meö starfs-
kröftum sínum á kjördag 22. maí. Hringi vinsam-
legast í síma 82900. Skráning sjálfboðaliöa fer
einnig fram á skrifstofum hverfafélaganna.
V____________________________>
I I i-lisfinn