Morgunblaðið - 16.05.1982, Blaðsíða 19
MORGUNBLAÐIÐ, SUNNUDAGUR 16. MAÍ 1982 J 9
Fremst á þessari loftmynd er athafnasvæði Eimskipafélagsins í Sundahöfn.
sama grundvelli hefur verið samið
við járnblendiverksmiðjuna á
Grundartanga. Og við Sölumið-
stöð hraðfrystihúsanna er samið
árlega."
— Það er stefna félagsins að selja
meiri hluta skipa sinna á næstu fjór-
um til fimm árum og kaupa ný í
staðinn. Hvaða ákvarðanir hafa ver-
ið teknar í þessum efnum?
„Meðalaldur skipa Eimskips er
11 ár. Við teljum, að þetta sé alltof
hár meðalaldur, aðeins með nýjum
skipum og betri tækjabúnaði get-
um við veitt þá þjónustu, sem nú
er krafist. Þessi markvissa stefna
um að endurnýja skipaflotann
hófst með kaupum á Alafossi og
Eyrarfossi. Nú er verið að semja
um kaup eða leigu á skipum til að
annast gámaflutninga til N-Am-
eríku. Þetta verða tvö skip sem
koma í staðinn fyrir Bakkafoss,
sem hefur verið seldur, og Berg-
lindi, sem fórst. Af 19 skipum ætl-
um við að endurnýja 13 á næstu
4—5 árum, en auðvitað miðast
framkvæmd þeirrar áætlunar við
fjárhagslegt bolmagn. í kjölfar
nýrra skipa til N-Ameríkusiglinga
koma svo áform um endurnýjun
skipa til Norðurlandasiglinga."
— Hver er þróunin í flutningum á
frystum fiski?
„Þar er stefnt að pallaflutning-
um. Nú er svo komið, að þau
frystihús innan SH, sem fram-
leiða 90% af framleiðslumagni
SH, eru þannig úr garði gerð, að
unnt er að flytja framleiðsluna á
pöllum og beita við það lyfturum.
Við erum að leita að um 2000
tonna skipi til að hefja frysti-
flutninga á þessum pöllum. Þetta
er mikið átak, sem krefst nýrra
skipa. Unnið er að þessu í náinni
samvinnu við SH og frystihúsin."
— En hvad um farþegaskip?
„Níu ár eru liðin frá því að
Gullfoss var seldur. Viðhorfin
hafa breyst síðan. Menn hafa
meiri áhuga en áður á að ferðast
sjóleiðis og taka bílinn með sér. í
júlí 1981 hóf Eimskip í samvinnu
við Hafskip og færeyska skipafé-
lagið athugun á rekstri farþega-
og bílaferju á milli íslands og Evr-
ópu. í ljós kom, að rekstur slíkrar
ferju gæti staðið undir sér í 3—4
mánuði yfir sumartímann. Ekki er
talinn grundvöllur fyrir skipa-
kaupum með þetta verkefni ein-
vörðungu í huga, og var því hafin
leit að leiguskipi til þessara flutn-
inga, með það að markmiði að
reksturinn hæfist á árinu 1982.
Þar sem hentugt skip fékkst ekki í
tæka tíð, var ákveðið að félögin
tvö, Eimskip og Hafskip, ynnu
áfram að þessu verkefni, og er
stefnt að því að hefja rekstur árið
1983, ef hentugt skip fæst. Það
væri mjög æskilegt að samvinna
tækist við erlenda aðila um þetta
verkefni, svo að skipið mætti nýta
jafnt um sumar sem vetur. Mér
finnst það þjóðernislegt metnað-
armál, að íslendingar eigi sjálfir
og reki skip til farþegaflutninga."
— Viltu lýsa því nýja rekstrar-
kerfi, sem á að gera skip félagsins
sjálfstæðari rekstrareiningar?
„Á fyrrihluta árs 1980 voru
gerðar miklar breytingar á skipu-
lagi fyrirtækisins i landi og þá var
valdi dreift og ábyrgð. Nú á að
halda áfram á sömu braut. Ætlun-
in er að ákvarða betur valdsvið
stjórnenda á skipum þ.e.a.s.
rekstrarlegt valdsvið. yið viljum
líta á skipin eins og t.d. fram-
leiðsludeild í iðnfyrirtæki. Gerð
verður kostnaðaráætlun fyrir
rekstur skips til eins árs í senn í
samráði við stjórnendur skipsins
eða alfarið af þeim og miðar áætl-
unin við hugmyndir um verkefni
skipsins. Innan ramma áætlunar-
innar fá stjórnendur skipsins
meira vald en þeir hafa nú til að
sjá um rekstur þess, t.d. innkaup,
viðhald og hve oft það er málað
svo að dæmi séu tekin. Þetta kerfi
hefur verið reynt erlendis, svo sem
hjá DFDS og gefist vel.“
— Er hér um kaupaukakerfi á
skipunum að ræða?
„Nei. Hér er um það að ræða að
ákvarða skýrar valdsvið og
ábyrgðarsvið stjórnenda skip-
anna. Við ætlum að reyna þetta
fyrst á fjórum skipum og höfum
þegar sent menn til Danmerkur til
þjálfunar og þekkingaröflunar."
— Hvaða hugmyndir hafið þið um
kaupaukakerfi í hafnarvinnunni.
Hvernig hefur Dagsbrún tekið þeim
hugmyndum?
„Samstarf hefur tekist milli
skipafélaga við Reykjavíkurhöfn
um að vinna að kaupaukakerfi í
hafnarvinnunni, og er þetta
áhugamál bæði skipafélaganna og
Dagsbrúnar. Unnið er að undir-
búningi í samvinnu við Dagsbrún,
en það tekur nokkurn tíma að búa
til kerfið, framkvæma nauðsyn-
legar tímamælingar og athuga
alla þætti málsins. Þegar grund-
völlurinn er fundinn, verður vænt;
anlega sest niður til samninga. í
þessu sambandi er rétt að vekja
athygli á því, að gífurleg breyting
hefur orðið á vinnubrögðum við
höfnina. Þar hefur tæknin rutt sér
til rúms eins og annars staðar. Við
höfum þó ekki sagt upp mönnum,
en hins vegar er ekki ráðið í störf
þeirra sem hætta fyrir aldurs sak-
ir.“
— Um mitt þetta ár á öll starfsemi
Eimskipafélagsins að vera komin úr
gömlu höfninni inn í Sundahöfn.
Þetta hlýtur að breyta miklu. Hverju
helst?
„Þessi breyting er þegar orðin.
Síðan á miðju ári 1981 koma skip
okkar ekki lengur í gömlu höfnina.
Það breytir auðvitað bæjarbragn-
um í Reykjavík. Við Sundahöfn
hefur Eimskip tekið 18 hektara
lands á leigu. Þar er geymslurým-
ið tæpir 73 þús. fermetrar, þar af
um 17 þús. fermetra innigeymslur.
í sumar verður þar reist 580 fer-
metra verkstæði fyrir viðhalds-
deild fyrirtækisins. í henni starfa
18 manns og sinna minni háttar
viðgerðum á skipum og viðhaldi á
tækjakosti vöruafgreiðslunnar.
Gert er ráð fyrir að á þessu svæði
megi einnig reisa frystigeymslur
og aðrar sérhæfðar geymslur. Við
höfum nýlega leigt Reykjavíkur-
borg lóðina við Skúlaskála við
Skúlagötu undir bílastæði og höf-
um auglýst Skúlaskála sjálfan til
leigu. Athafnasvæðið við Sunda-
höfn veitir færi á miklum umsvif-
um, sem auðvitað hljóta þó að
takmarkast af fjárhagslegri getu.
Það er í mörg horn að líta, þegar
hugað er að smíði vörugeymslna.
Við reiknuðum það til dæmis út, að
við hefðum getað sparað að reisa
3000 fermetra skála miðað við
þarfir á næstu tveimur árum, ef
frumvarpið um tollkrít hefði verið
samþykkt á Alþingi."
— Þú talaðir um ný skip og nýja
hafnaraðstöðu en hvað um aðal-
skrifstofuna, hafa ekki orðið breyt-
ingar þar?
„Jú, eins og ég sagði áður gerð-
um við skipulagsbreytingar í árs-
byrjun 1980, og ég tel, að af þeim
hafi t.d. leitt, að við leitum nú
meira til viðskiptavinanna en þeir
til okkar. Við stefnum að víðtækri
tölvuvæðingu á sem flestum svið-
um. Og mikil áhersla er lögð á
endurmenntun eða endurþjálfun
starfsfólks. Á hverjum degi þessa
árs verða t.d. að meðaltali þrír
starfsmenn fyrirtækisins á ein-
hvers konar námskeiði. Að því er
stefnt, að hjá Eimskip verði fyrir
hendi víðtæk þekking á alhliða
rekstri skipafélags, þekking sem
kemur viðskiptavininum til góðs.
— Eru viðhorfin almennt að
breytast í rekstri fyrirtækja á íslandi
með nýjum mönnum?
„Já. Ég lít á sjálfan mig sem
einn í hópi fyrstu kynslóðar at-
vinnustjórnenda, ef nota má það
orð yfir þá menn, sem ráðnir eru
til þess að stjórna rekstri fyrir-
tækja, án þess að þeir eigi sjálfir
hlut í fyrirtækjunum, hafi beinna
fjárhagslegra hagsmuna að gæta
sem eigendur. Þessi hópur manna
verður sífellt fjölmennari og mót-
ar á sinn hátt viðskipta- og at-
vinnulífið."
Bj.Bj.
J
PÚSTKERFI, HLJÓÐKÚTAR
PAKKNINGAR, KLEMMUR
I
Til afgreiðslu af lager fyrir ýmsar gerðir fólksbíla og vörubíla
SMÁSALA HEILDSALA
(fflmnaust h.f
SlÐUMÚLA sImi 82722