Morgunblaðið - 16.05.1982, Blaðsíða 41
MORGUNBLAÐIÐ, SUNNUDAGUR 16. MAÍ1982
41
Hefur þú lengi haft áhuga á
þessari íþrótt?
„Segja má að hér sé að rætast
gamall draumur hjá mér, að koma
upp fullkominni aðstöðu til vaxt-
arræktar. í 14 ár hef ég rekið
póstverslunina Heimaval, fyrst
með öðrum störfum en síðustu 3
árin sem aðalstarf. Heimaval hef-
ur eingöngu flutt inn tæki til lík-
amsþjálfunar, t.d. Bullworker-
tæki og fleira og hef ég selt hundr-
uð slíkra tækja á ári. Hins vegar
virðist líkamsrækt af þessu tagi
hafa verið feimnismál. Oft óskuðu
kaupendur eftir því að ekki kæmi
fram á pakkanum hvert innihaldið
væri, né hver sendi það, svo eng-
inn þyrfti að vita að þeir væru að
kaupa Bullworker-tæki. Þannig
hafa fjölmargir stundað þessa
íþrótt í kyrrþey. En þegar við
fengum þennan sænska þjálfara
og vaxtarræktarmann hingað í
haust kom í ljós hópur fólks sem
var tilbúinn að stunda þessa íþrótt
og vantaði hreinlega samfélag við
aðra. Við fengum 15 manna hóp til
að sýna með honum í haust, en á
íslandsmótinu á dögunum var
kominn fram hópur 40 keppenda.
Og nefna má að í dag er alþjóða-
samband vaxtarræktarmanna 5.
fjölmennasta samband íþrótta-
manna í heiminum í dag.“
Fcimnin er að hverfa
Feimnismál segir þú og svo
virðist sem nokkurrar tortryggni
hafi einnig gætt í garð þessarar
íþróttar, er engin hætta á að vaxt-
arrækt fari úr böndunum?
„Ég held að sú tortryggni sem
margir hafa alið gagnvart vaxt-
arrækt sé að hverfa. Menn eru
hættir að vera feimnir og eru þess
í'stað hreyknir af að stunda vaxt-
arrækt. Þar sem vaxtarrækt er
stunduð undir eftirliti þjálfaðra
manna er engin hætta á ferðum,
menn fara i æfingar stig af stigi
eftir því sem getan leyfir og þegar
við seljum þjálfunartæki fylgir
þeim íslenskt rit um þjálfun og
meðferð alla.“
j‘-
Félög fatlaðra
boða frambjóð-
endur á fund
Nokkur félög fatlaðra hafa tekið
sig saman um að boða frambjóðend-
ur í komandi borgarstjórnarkosning-
um á sinn fund. Þar munu talsmenn
allra flokkanna halda stutta ræðu og
sitja fyrir svörum um málefni fatl-
aðra.
Fundarstjóri verður Sigurður
Magnússon, framkvæmdastjóri
Styrktarfélags lamaðra og fatl-
aðra. Túlkað verður yfir á tákn-
mál.
Fundurinn verður haldinn
þriðjudaginn 18. maí kl. 20.30, í
Domus Medica við Egilsgötu.
Þau félög sem standa að þessum
fundi eru Sjálfsbjörg, félag fatl-
aðra í Reykjavík og nágrenni,
Blindrafélagið, samtök blindra og
sjónskertra, Félag heyrnarlausra,
Styrktarfélag lamaðra og fatlaðra
og Styrktarfélag vangefinna.
Stykkishólmur:
Kór Árbæjarskóla
var vel fagnað
SlykkÍMhólmi, 5. mai.
FYRIR skömmu kom hingað til
Stykkishólms skólakór Árbæjar-
skóla ásamt skólastjóra Jóni Árna-
syni og söngstjóranum Jóni Stefáns-
syni. Hélt kórinn tónleika hér í Fé-
lagsheimilinu við mikinn fögnuð
áheyrenda. Það fór ekki milli mála
að þessi kór er bæði vel þjálfaður og
fágaður og hefir lagt mikið starf í
æfingar enda útkoman eftir því. Þá
söng kórinn við guðsþjónustu í
Stykkishólmskirkju þennan sama
dag.
Við þökkum góða heimsókn og
árnum kór og aðstandendum hans
allra heilla í starfi.
FrétUriUri
Víbró
valtarar
Mjög handhagir
og auðveldir í notkun
Leitið upplýsinga
MERKÚR Hl
SUNDABORG 7 <24 REYKJAVÍK SÍMI: 82530
3
E1
Ný plastgróóurhús
frá Plastprent hf:
#
Odyr, sterk og
, auðveld
i uppsetningu
Plastprent hefur nú hafið fram-
leiðslu á nýjum plastgróðurhúsum.
Húsin eru ódýr, sterk og það er
bæði auðvelt og fljótlegt að setja
þau upp. Plastgróðurhúsin eru
fáanleg í mörgum mismunandi
stærðum, allt frá 4,8 m2 upp í 39 m2
og jafnvel enn stærri. Þau henta
því vel hvort sem er fyrir garðyrkju-
menn, bændur eða garðeigendur.
Tvö plastgróðurhús hafa verið sett
upp hjá Skógræktarfélagi Reykja-
víkur í Fossvogi, þar sem hægt er
að skoða þau á opnunartíma
stöðvarinnar.
Ptastprent hf.
HÖFÐABAKKA 9 SÍMI 85600