Morgunblaðið - 16.05.1982, Blaðsíða 46

46
MORGUNBLAÐIÐ, SUNNUDAGUR 16. MAÍ1982
BÆJAR- OG
SVEITARSTJÓRNARKOSNINGAR:
Tcxti HG — Ljósmyndir Kristján
Eskifjörður
Austfjarðaþokan gamalkunna læðist hér inn Eskifjörð og hylur neðsta hluta bæjarins.
Guðmundur Auðbjörnsson, efsti maður á lista Sjálfstæðisflokksins:
Rétt að hvíla fulltrúa Framsóknar og Alþýðu-
bandalags á forystu innan bæjarstjórnarinnar
„ÞAÐ er tvennt, sem við sjálfstæðis-
menn leggjum megin áherzlu á að gert
verði á næsta kjörtímabili. Það er upp-
bygging gatnakerfisins og niðurfelling
eða undanþágur á fasteignasköttum
hjá vissum aðiium. Auk þessa er fjöldi
mála, sem þarfnast úrlausnar því fram-
kvæmdir á kjörtímabilinu hafa verið i
algjöru lágmarki," sagði Guðmundur
Auðbjörnsson málarameistari, efsti
maður á lista Sjálfstæðisflokksins á
EskifirðL
Guðmundur vék síðan nánar að
helztu stefnumiðum Sjálfstæðis-
flokksins og sagði þá meðal annars:
„Skólinn okkar hefur verið í bygg-
ingu í 7 ár og í haust er fyrirhugað
að taka í notkun kennslustofur i
kjallara hans. Við leggjum á það
mikla áherzlu að byggingu verði lok-
ið sem fyrst og þá verði leitað hag-
kvæmra lána til að svo megi verða.
Þá viljum við veg tónlistarskólans
sem mestan. í framhaldi af skóla-
málunum er nauðsynlegt að minnast
á að koma verður upp vinnuskóia
fyrir unglinga, sem þá ynnu meðal
annars að fegrun bæjarins, sem ekki
er vanþörf á. Þá eru dagheimilismál
ofarlega á baugi og greinilegt að úr-
bóta í þeim er þðrf.
Hvað varðar uppbyggingu gatna-
kerfis í bænum og iagningu bundins
slitlags á götur, þá er nauðsynlegt að
gera sem fyrst ítarlega áætlun um
gatnagerð og stefnt verði að því, að á
næstu tveimur kjörtímabilum verði
lokið frágangi gatna í bænum, þær
lagðar bundnu slitlagi og gengið frá
gangstéttum við þær. Þá þarf að
stuðla að áframhaldandi hafnarbót-
um, skapa aðstöðu fyrir minni báta
og fegra umhverfi hafnarinnar með
því að leggja svæðið varanlegu slit-
lagi. Við leggjum áherzlu á að það
verði hafnarsjóður, sem standi undir
öllum framkvæmdum á hafnarsvæð-
inu. I framhaldi lagningar bundins
slitlags á götur og hafnarsvæði verð-
ur að vinna að fegrun bæjarins, en
útliti hans hefur hrakað verulega að
undanförnu. í því tilefni hyggjast
sjálfstæðismenn leita samstarfs fé-
lagasamtaka og atvinnurekenda í
hænum. ! þessu tilefni er það meðal
annars forgangsverkefni að reist
verði sorpbrennsluþró og verður því
verki að vera lokið í sumar. Þá er
nauðsynlegt að losna við brota-
járnshauga og færa fiskhjalla.
Ennfremur þarf að skipuleggja
skógrækt ofan bæjarins og gæti það
orðið til mikillar prýði og auk þess
bundið lausan jarðveg og dregið úr
hættu á aurskriðum.
Þá er það mikilvægt mál, að fast-
eignaskattur efnalítilla elli- og ör-
orkulífeyrisþega verði lækkaður eða
felldur niður. Þá leggjum við til að
undanþiggja beri nýjar íbúðir og
íbúðarhús ásamt lóðarréttindum
fasteignaskatti í tvö ár eftir að afnot
hefjast, sé húsnæðið í eign þeirra,
sem í því búa og ekki stærra en 200
fermetrar. Þetta teljum við mikið
atriði í þá átt að auðvelda ungu fólki
og öðrum húsbyggjendum baráttuna
á þessum erfiðu tímum verðbólgu og
hávaxtastefnu. Með þessu móti væri
stuðlað að aukinni íbúðabyggingu
hér og yrði tvímæialaust til þess að
laða fólk hingað á staðinn. Við telj-
um að tekjutap vegna þessa verði
það lítið að fjölgun íbúa og þá um
leið utsvarsgreiðenda bæti upp mis-
muninn og gott betur. t þessu tilfelli
er rétt að benda á það, að kísilmálm-
verksmiðja í Reyðarfirði er í sjón-
máli og vegna þess mun atvinnu-
tækifærum fjölga verulega hér og
við verðum að vera tilbúnir að taka á
móti fólki og gera því auðveldara en
ella að koma sér þaki yfir höfuðið.
Frammistaða núverandi meirihluta
innan bæjarstjórnar hvað varðar
byggingu leigu- eða söluíbúða er til
skammar og svo slæm að nú eru ein-
staklingar hér að hefja byggingu
raðhúss og blokkar til að mæta þess-
um vanda. Þá er nauðsynlegt í þessu
tilefni að auka og treysta sam-
starf Eskifjarðar og Reyðarfjarðar
með skynsamlega nýtingu fjármuna
að leiðarljósi og kæmi þar til dæmis
til greina sameiginleg sorpeyð-
ingarstöð.
Þá hafa sjálfstæðismenn hér á
Eskifirði ákveðið að stofna bæjar-
málanefnd sjálfstæðismanna hér.
Skal hún gæta hagsmuna bæjarfé-
lagsins í hvívetna og leitast viö að
móta tillögur i hvers konar fram-
faramálum, sem bæjarfulltrúar
sjálfstæðismanna fylgi fram í bæj-
arstjórn. Bæjarmálanefndin skal
vera bæjarfulltrúum Sjálfstæðis-
flokksins til ráðuneytis og ber þeim
að leggja öll helztu mál og erindi,
sem koma til umræðu og afgreiðslu í
bæjarstjórn, fyrir bæjarmálanefnd.
Bæjarfulltrúar eru þá ekki bundnir
af samþykktum nefndarinnar. í bæj-
armálanefndinni skulu eiga sæti
kjörnir bæjarfulltrúar sjálfstæð-
ismanna og varamenn þeirra, form-
aður Félags sjálfstæöismanna á
Eskifirði og viss fjöldi félagsmanna,
sem kosinn skal á almennum félags-
fundi. Þetta álítum við sjálfstæðis-
menn nauðsynlegt til þess að félags-
menn geti betur fylgst fneð því, sem
er að gerast í bæjárstjórn og komið
tillögum sínum á framfæri við full-
trúa sína. í þessu skyni eru fyrirhug-
aðir viðtalstimar bæjarfulltrúa.
Það er lj^st að hér' hefur verið
veruleg stöðnum undanfarið
kjörtímabil og bænum hefUr hrakað
verulega þrátt fyrir mjög góðar tekj-
ur Eskfirðinga og þá um leið bæjar-
ins og hafnarsjóðs. Hér hefur á
tímabilinu verið saltað mikið af síld,
verulegt magn af loðnu brætt og
mikið borizt á land af fiski. Þrátt
fyrir þetta hafa framkvæmdir á veg-
um bæjarins verið í algjöru lág-
marki og útliti hans hrakað veru-
lega. Minni sveitarfélög, með mun
minni tekjur eru farin að draga á
okkur hvað framkvæmdir og útlit
snertir og það er því greinilega
eitthvað verulegt að, sem þarf að
laga, og það erum við, sjálfstæöis-
menn, tilbúnir að takast á við. Sjálf-
stæðismenn á Eskifirði eru einhuga
um að vinna að uppgangi bæjarins,
hver sem úrslit kosninga verða og
hvort sem þeir verða í meiri- eða
minnihluta. Ég vil því hvetja sjálf-
stæðismenn og aðra stuðningsmenn
flokksins til að kjósa hann og kjörn-
ir fulltrúar munu ekki bregðast því
trausti, sem þeim verður sýnt,“ sagði
Guðmundur.
Flokksskrifstofa
tekin á leigu
SJÁLFSTÆÐISMENN á Eskifirði
hafa nú tekið á leigu húsnæði fyrir
flokksskrifstofu. Hafa þeir fengirt
inni í húsi Vilhjálms Björnssonar og
í sjálfboðavinnu unnið að því að
mála það, teppaleggja og búa hús-
gögnum.
Skrifstofan verður að minnsta
kosti starfrækt fram yfir næstu
alþingiskosningar og verður meðal
annars notuð til fundahalds
sjálfstæðisfélagsins og viðtals-
tíma bæjarfulltrúa. Síðastliðið
fimmtudagskvöld var haldinn þar
opinn fundur sjálfstæðismanna,
þar sem efstu menn af framboðs-
listanum kynntu stefnumið
Sjálfstæðisflokksins og svöruðu
síðan fyrirspurnum.
Askell Jónsson
bæjarstjóri:
Skólabygging
og gatnagerð
helztu verk-
efni bæjarins
„ÞAÐ, SEM helzt er á döfinni hjá
Eskifjarðarbæ, er frarahald grunn-
skólabyggingarinnar, sem nú hefur
staðið i 7 ár og lagning nýs bundins
slitlags á Strandgötuna. Þessi verkefni
taka meirihlutann af þvi fé, sem bæjar-
félagið hefur til ráðstöfunar til fram-
kvæmda,“ sagði Áskell Jónsson, bæj-
arstjóri á Eskifirði, er Morgunblaðið
ræddi við hann.
Áskell sagði ennfremur að kostn-
aður við þessar framkvæmdir næmi
1,7 milljónum króna hvað varðaði
Strandgötuna og þáttur bæjarins við
skólabygginguna næmi um 1 milljón.
Það væri síðan fyrirhugað að taka í
notkun handavinnuaðstöðu á neðstu
hæð skólans í haust. Þá væri verið
að Ijúka við frágang á líkhúsi. Erfitt
ástand væri í vatnsveitumálum og
væri stefnt að því að leggja nýja
stofnlögn frá miðlunartönkum
vegna þess að gamla stofnlögnin
væri orðin of lítil fyrir bæjarfélagið.
Einnig væri verið að undirbyggja
tvær götur í nýju hverfi innan við
kirkjugarðinn. Lögð væri á það
áherzla að ganga þannig frá nýjum
götum að þær væru tilbúnar undir
lagningu bundins slitlags, þegar að
þeim kæmi. Þá tæki bærinn þátt í
endurbótum á félagsheimilinu.
Áskell sagði að einnig væri á döf-
inni skipulagning svæðis fyrir aldr-
aða þar sem yrði þjónustumiðstöð,
elliheimili, íbúðir fyrir aldraða og
heilsugæzlustöð síðar meir. Auk
þessa væri alltaf talsvert um smærri
verkefni og teldi hann að bæjarfé-
lagið væri fullsæmt af því, sem gert
hefði verið og væri á döfinni. Heild-
artekjur bæjarfélagsins á þessu ári
væru áætlaðar rúmar 11 milljónir og
rúm 30% þess kæmi til fram-
kvæmda. Það yrði því lítið eftir af
framkvæmdafénu þegar 2,7 milljón-
ir færu í tvö stærstu verkefnin og
launakostnaður vegna 24 fastra
starfsmanna á vegum bæjarins væri
í kringum 3 milljónir. Hvort tveggja
væru aðkallandi verkefni og hann
liti svo á að réttast væri að beina
fremur kröftunum að færri og stærri
verkefnum í einu og þá væri hægt að
gera þau sómasamlega úr garði.
Þetta ár væri með meiri fram-
kvæmdaárum á áætlunarblaði, þó
væri það ætíð svo að fólki fyndist
það ekki nóg. Svigrúm til þess að
gera mikið og margt í einu væri ekki
fyrir hendi og því yrði að taka hlut-
ina fyrir eftir forgangsröð. Það væri
of mikið af útgjöldum sveitarfélaga,
sem væri bundið samkvæmt lögum
og væri því ekki hægt að nota féð til
annars, því síður væri hægt að fjár-
magna framkvæmdir með veru-
legum lántökum i óðaverðbólgu á
meðan um 70% tekna sveitarfélaga
væru ekki verðtryggðar.