Morgunblaðið - 29.06.1982, Blaðsíða 3

MORGUNBLAÐIÐ, ÞRIÐJUDAGUR 29. JÚNÍ1982
3
Geir Hallgrímsson um efnahagssamninginn við Sovétmenn:
Viðskiptin notuð til þrýstings
„VIÐ sjálfstæðismenn í utanríkis-
málanefnd Alþingis erum andvígir
gerð þessa almenna efnahagssamn-
ings vid Sovétríkin,“ sagði Geir
Hallgrímsson, formaður utanríkis-
málanefndar í gær, eftir að fundi
nefndarinnar lauk í gær en þar
geröu embættismenn grein fyrir
þessum samningi. „Nefndin ályktaði
ekki um samninginn, en að mati
okkar sjálfstæöismanna hefði verið
eðlilegt, að greina frá honum á Al-
þingi og gefa mönnum færi á að
ræða efni hans og aðdraganda þar,
áður en rikisstjórnin ákvað að undir-
rita samninginn."
Geir Hallgrímsson sagði, að
gengið væri til þess að rita undir
samninginn í þessari viku fyrir
þrýsting vegna viðskiptaviðræðna,
sem fram fara við Sovétmenn nú í
vikunni. Þessi almenni efnahags-
samningur væri gerður undir því
yfirskyni, að hann stuðli að þróun
viðskipta og fjölbreytni þeirra. Þá
sagði Geir Hallgrímsson: „í því
felst pólitísk stefnubreyting að
gera slíkan almennan efnahags-
samning. Sovétmenn hafa sett
fram óskir eða kröfur um samning
um efnahagssamvinnu um nokk-
urt árabil, líklega síðan 1975 eða
1976 og hefur þessum kröfum
jafnan verið hafnað."
„Ég sé engin rök fyrir því, að
breytt sé um stefnu að þessu leyti
nú,“ sagði Geir Hallgrímsson
„hvorki efnahagsleg né viðskipta-
leg. Við sjálfstæðismenn teljum,
að viðskiptasamningurinn frá
1953 og seinni bókanir á grund-
velli hans dugi alfarið um versl-
unarviðskipti okkar við Sov-
étmenn. Það hefur nú fengist
tæplega 30 ára reynsla af þeim
samningi og hún bendir síður en
svo til þess, að viðskipti milli þjóð-
anna hafi strandað á því, að ekki
hafi verið í gildi samningur um
almenna efnahagssamvinnu. í af-
stöðu okkar sjálfstæðismanna í
utanríkismálanefnd felst ekki
andstaða við eðlileg viðskipti við
Sovétmenn."
„Þau rök hafa verið færð fram
fyrir gerð þessa efnahagssamn-
ings,“ sagði Geir Hallgrímsson „að
svipaðir samningar hafi verið
gerðir við önnur Vestur-Evrópríki.
Hvað sem því líður höfum við Is-
lendingar til þessa ekki talið það
þjóna hagsmunum okkar að gera
slíkan samning. Við höfum talið
fullnægjandi frá okkar sjónarmiði
að hafa áðurgreindan viðskipta-
samning frá 1953, menningar- og
vísindasamvinnusamning frá 1961
og samning um vísinda- og tækni-
samvinnu á sviði sjávarútvegs frá
1977.
Þegar því er haldið fram, að nú
þurfi að gera sérstakan samning
um efnahagssamvinnu, er í raun
annað hvort verið að segja, að
Sovétmenn hafi ekki staðið við
viðskiptasamninginn, eða að þeir
hóti að draga úr viðskiptunum við
íslendinga nema efnahagssamn-
ingur sé gerður. Hvorug rökin
skapa viðunandi forsendu fyrir
gerð þessa nýja samnings."
„Við sjálfstæðismenn teljum
fráleitt,“ sagði Geir Hallgrímsson
„að verslunarviðskiptin séu notuð
til að þrýsta Islendingum til að
gera samninga um önnur atriði
eins og almenna efnahagssam-
vinnu. Umræddur efnahagssamn-
ingur hefur verið í undirbúningi í
um það bil eitt ár, hins vegar er
ekki ljóst hver tók ákvörðun um _
þá stefnubreytingu að hefja gerð
samningsins né hvenær sú ákvörð-
un var tekin. Svo mikið er víst, að
alþingismönnum hefur verið hald-
ið þar fyrir utan.“
Þyrla frá varnarliðinu sótti ellefu ára gamla stúlku upp á Akranes á sunnu-
dag og flutti hana til Reykjavíkur. Þyrlan lenti á lóð Borgarspítalans um
klukkan 17.30. Stúlkan datt af hestbaki og hlaut höfuðmeiðsl.
Mynd MbL A-S.
Það þarf engan að undra
þótt Daihatsu Charmant
á 114.800 (með öllu)
sé
Viö getum
þó enn látið
þá, sem láta
hendur mák
standa fram
Daihatsu Charmant LC, er frábær fjölskyldubíll í lúxusklassa á sama tíma
og sparneytni hans er rómuö, og alhliöa hagnýtni.
Tryggið ykkur gæðabíl á ævintýralegu veröi.
Viðurkennd gæði, viðurkennd þjónusta og valið er auövelt og öruggt.
DAIHATSU UMBOÐIÐ ÁRMÚLA 23. SÍMI 85870—31979.