Morgunblaðið - 29.06.1982, Blaðsíða 13
MORGUNBLAÐIÐ, ÞRIÐJUDAGUR 29. JÚNÍ 1982
13
Laugarásbíó
sýnir í strætinu
LAUGARÁSBÍÓ hefur nú hafið
sýningar á „On the Nickel“ eða
í strætinu, eins og kvikmyndin
nefnist á íslensku.
Þar segir af Sam, en hann er
miðaldra óreglumaður í Los
Angeles sem elur manninn í
strætinu vegna drykkjuskapar
og leti. Eina markmiðið í líf-
inu er að berjast fyrir næstu
flösku.
Höfundur handrits, fram-
leiðandi og leikstjóri er Ralph
Waite. Með aðalhlutverk fara
Ralph Waite, Donald Moffat
og Hal Williams.
Kór Öldutúnsskóla
og Listahátíð:
Örnólfur bað
Egil afsökun-
ar á sunnudag
MORGUNBLAÐINU hefur borist
eftirfarandi frá framkvæmdastjórn
Listahátíðar:
Frá framkvæmdastjórn Lista-
hátíðar.
Vegna fréttar í Morgunblaðinu
sl. sunnudag um að Listahátíð
hafi svikið og hundsað Kór öldu-
túnsskóla, vill framkvæmdastjórn
Listahátíðar taka fram eftirfar-
andi:
Listahátíð óskaði eftir því við
Egil Friðleifsson, að Kór Öldu-
túnsskóla syngi úti meðan á hátíð-
inni stæði. Samkvæmt upplýsing-
um Örnólfs Árnasonar fram-
kvæmdastjóra, sem nú dvelst er-
lendis, hafði Egill Friðleifsson
hins vegar ekki viljað að kórinn
kæmi fram einn, heldur í tengsl-
um við einhver önnur útiatriði.
Af öðrum útiatriðum varð þó
ekki af ýmsum ástæðum. Hins
vegar hefur skort á að fram-
kvæmdastjóri Listahátíðar hefði
nægilegt samband við stjórnanda
kórsins, svo að hann fengi að
fylgjast með framvindu mála.
Sl. sunnudag hringdi fram-
kvæmdastjórinn til Egils Frið-
leifssonar erlendis frá og bað
hann afsökunar á þessu.
Með þökk fyrir birtinguna.
Framkvæmdastjórn
Listahátíðar.
ÞÚ AUGLÝSIR UM
ALLT LAND ÞEGAR
ÞÚ AUGLÝSIR í
MORGUNBLAÐINU
Golfklúbbur stofn-
aður í Bolungarvík
Rolungarvík, 25. júní.
Á SL. SUMRI var hafinn undirbún-
ingur að stofnun golfklúbbs hér í
Bolungarvík, þá var kosin undirbún-
ingsnefnd sem tók þegar til við gerð
bráðabirgðavallar, en í skipulagi
bæjarins er gert ráð fyrir golfað-
stöðu á svokölluðum söndum sem
eru í mynni Syðridals. Þar telja sér-
fræðingar ákjósanlegan stað fyrir
golfvöll.
Þessi bráðabirgðavöllur er sex
holur, en nú er unnið að gerð níu
hola vallar sem gengið verður frá
samkvæmt ströngustu kröfum.
Um síðustu helgi fengu klúbbfé-
lagar Þorvald Ásgeirsson kylfing
úr Reykjavík, til að leiðbeina golf-
áhugafólki bæjarins.
AIls tóku um 50 manns þátt í
þessu námskeiði, konur og karlar
á öllum aldri.
I vor var stofnfundur Golf-
klúbbs Bolungarvíkur haldinn og
kosin þriggja manna stjórn, en
hana skipa: Pálmi Guðmundsson,
Jón Björn Sigtryggsson og Óskar
Þorsteinsson.
Klúbbfélagar stefna að því að
halda 3 til 4 golfmót í sumar, og
verður hið fyrsta haldið innan
skamms, það verður sérstakt
opnunarmót vallarins og þar verð-
ur kylfingum úr nágrannabyggð-
um boðin þátttaka. Gunnar H.
Jón Björn púttar, Þorvaldur Ásgeirsson leiðbeinandi fylgist með.
ÞURNNUR
AUdNHBMMN
IHOUáNDI
Það er nánast sama hvers þú leitar - þú finnur allar útgáfurnar í Amsterdam!
Fólk,verslun, tíska, menning, listir, veitingahús, skemmtistaðir, kaffihús,
- Amsterdam á þetta allt - alls staðar að úr heiminum.
Arnarflug flýgur til Amsterdam alla sunnudaga og miðvikudaga. Hafðu samband við
söluskrifstofuna - Amsterdamflugið opnar þér ótal leiðir til styttri eða lengri ferða um Amsterdam,
Holland eða Evrópu - sprengfullum af spennandi dægradvöl fyrir þig og þína.
Amsterdam áœtlunin - frábœr ferdamöguleiki
Hafið samband við Söluskrifstofu Arnarflugs eða ferðaskrifstofurnar.
Flugfélag með ferskan blæ
3fARNARFLUG
Lágmúla 7, sími 84477
it