Morgunblaðið - 29.06.1982, Blaðsíða 40
ftorjpwMíifoiifo
Gt'tdandaf’inn! Masölubladá hnvrjum degi!
ÞRIÐJUDAGUR 29. JÚNÍ 1982
Þórhallur Ásgeirsson á fundi utanríkismálanefndar:
Las yfirlýsingu til stuðn- V;;;zkw
ings samningi við Sovét Sovétmenn
ÞÓKHALLUK ÁSGEIRSSON, ráðu
ni*ytisNtjóri í viðskiptaráðuncytinu, og
llaraldur Kröyer, sendiherra íslands í
Moskvu, sátu fund utanríkismála-
nefndar Alþingis i gærmorgun, þar
sem rætt var um þau áform ríkis-
stjórnarinnar, að nú í vikunni verði
undirritaður samningur um efnahags-
samvinnu við Sovétríkin. Ráðuneytis-
stjórinn las á fundinum yfirlýsingu til
stuðnings samningnum um efnahags-
samvinnu og stóðu undir henni nöfn
10 manna og fyrirtækja eða stofnana,
en að vísu höfðu ekki allir viðkom-
andi ritað nöfn sín á skjalið.
Á fundi utanríkismálanefndar á
föstudag var ákveðið að kalla við-
skiptaráðherra og ráðuneytisstjóra
viðskiptaráðuneytisins á nefndar-
fund til að gera grein fyrir samn-
ingnum og aðdraganda hans. Tóm-
as Árnason, viðskiptaráðherra, var
utanbæjar í gær og gat því ekki sótt
fundinn.
Skjalið, sem Þórhallur Ásgeirs-
son las upp, er á þessa leið:
„Við undirritaðir, sem setið höf-
um fundi, þar sem uppkast að
samningi um efnahagssamvinnu
við Sovétríkin var til umræðu, telj-
um að í uppkastinu sé ekki að finna
skuldbindingar, sem íþyngjandi séu
fyrir Islendinga.
Við teljum, að samningsuppkast-
ið sé mjög í samræmi við þá samn-
inga um efnahagssamvinnu, sem
hinar Norðurlandaþjóðirnar og
flest Vestur-Evrópuríki hafa gert
við Sovétríkin og engum áhyggjum
hafa valdið.
Þá teljum við, að samkvæmt upp-
kastinu sé það á valdi íslendinga
sjálfra, hversu langt þeir vilja
ganga í samningum við Sovétríkin
innan þessa efnahagssamvinnu-
samnings.
Það er mat okkar, að fyrirhugað-
ur samningur muni auðvelda og
treysta viðskipti okkar við Sovét-
ríkin, og mælum því eindregið með
því, að hann verði samþykktur eins
og hann nú liggur fyrir.
Reykjavík, 27. júní, 1982.“
Undir þessari yfirlýsingu standa
síðan eftirtalin nöfn og er orðið
sign. sett í sviga aftan við nafn
þeirra, sem höfðu undirritað yfir-
lýsinguna, þegar hún var lesin upp í
utanríkismálanefnd í gærmorgun.
Á skjalinu standa einnig þau fyrir-
tækja- eða stofnanaheiti, sem hér
eru birt með nöfnunum: Árni Finn-
björnsson (sign.), framkvæmda-
stjóri hjá Sölumiðstöð hraðfrysti-
húsanna. Gunnar Flóvenz (sign.),
framkvæmdastjóri Síldarútvegs-
nefndar. Sigurður Markússon,
framkvæmdastjóri sjávarafurða-
deildar SIS. Rafn A. Sigurðsson
(sign.), framkvæmdastjóri Norður-
stjörnunnar hf. Þórhallur Ásgeirs-
son (sign.), ráðuneytisstjóri. Hjört-
ur Eiríksson (sign.), framkvæmda-
stjóri iðnaðardeildar SÍS. Jón Júl-
íusson (sign.), deildarstjóri í við-
skiptaráðuneytinu. Pétur Eiríks-
son, forstjóri Álafoss hf. Sig. Örn
Einarsson (sign.), skrifstofustj.
Seðlab. íslands. Haraidur Kröyer,
sendiherra.
Engin ályktun var gerð á fundi
utanríkismálanefndar um málið.
Sjá ummæli Geirs Hallgrímsson-
ar á bls. 3: „Viðskiptin notuð til
þrýstings" og ummæli Alberts Guð-
mundssonar á bls. 2: „Mótmæli
við framkomu ráðuneytisstjóra
sem talsmanns þrýstihóps".
ASÍ og VSÍ:
*
Oformlegar
viðræður
OFORMLEGAR viðræður fóru fram í
gærdag milli fulltrúa Alþýðusambands
Islands og Vinnuveitendasambands fs-
lands um hugsanlegar leiðir til að
halda áfram samningaviöræðum, en
þær sigldu í strand á dögunum eins og
skýrt hefur verið frá vegna þess, að
Vinnuveitendasambandið vildi að
hugsanlegur aflabrestur á seinnihluta
ársins kæmi sem skerðing við vísitölu-
útreikning I. desember og 1. marz.
Fulltrúar aðilar munu síðan hittast að
nýju árdegis í dag, samkvæmt upplýs-
ingum Mbl.
Þegar slitnaði upp úr viðræðum
ASÍ og VSÍ fóru af stað samninga-
viðræður milli ASI og Vinnumála-
sambands samvinnufélaga, VMSS,
og hafa þær staðið yfir undanfarna
daga án þess að drægi verulega til
tíðinda, nema hvað fulltrúar VMSS
lýstu því strax yfir, að þeir sæju ekki
ástæðu til að setja fyrirvara vegna
hugsanlegs aflabrests eins og Vinnu-
veitendasambandið setti fyrir
áframhaldandi samningum. Aðilar
hittust í gærdag hjá sáttasemjara og
áformaður er fundur klukkan 10.00
árdegis í dag.
Þegar Álþýðusambandið sam-
þykkti að fresta boðuðu allsherjar-
verkfalli frá og með 18. júní sl. var
gert samkomulag um það, að ASÍ
gæti boðað verkfall að nýju 2. júlí
nk. með 5 vinnudaga fyrirvara, sem
þýðir, að það kæmi ekki til fram-
kvæmda fyrr enn í fyrsta lagi 9. júlí
nk. Það var hins vegar samdóma álit
þeirra, sem Mbl. ræddi við úr röðum
verkalýðsforystunnar og meðal
vinnuveitenda, að ekki sé líklegt, að
til allsherjarv.erkfalls komi. Menn
myndu væntanlega leita annarra
leiða, ef samningar hefðu ekki tekizt
fyrir 2. júlí nk.
Verð á papriku og tómöt-
um lækkar um 42,2%
í GÆR lækkaði heildsöluyerð á papriku og tómötum frá Sölufélagi
garðyrkjumanna um 42,2%. Áður kostaði hvert kg af tómötum og papriku
45 kr. en lækkar nú niður í 26 kr. hvert kg til verslana, en í verslunum er
frjáls smásöluálagning á þessum vörum.
Að sögn Þorvaldar Þorsteins-
sonar hjá Sölufélagi garðyrkju-
manna er þessi lækkun tilkomin
vegna þess að mikið magn væri
nú á markaðnum af þessari vöru
enda stæði nú yfir háuppskeru-
tími bæði á tómötum og papriku.
Hann sagði ennfremur að papr-
ikuuppskeran hefði aukist mjög
mikið miðað við sl. sumar en
svipað magn væri á markaðnum
af tómötum í ár eins og í fyrra.
Að lokum sagði Þorvaldur að
þetta væri kynningarverð enda
væri nauðsynlegt að lækka verð-
ið og reyna þannig að ná til
nýrra neytenda fremur en að
henda þessari vöru.
VIÐSKIPTAVIÐRÆÐUR fara nú fram í Reykjavík milli fulltrúa Sovétmanna og íslendinga. Þá er í vikunni von
á Manzuhlo, aðstoðarutanríkisviðskiptaráðherra Sovétrikjanna, til Reykjavíkur. í gær voru fjögur sovésk
rannsóknaskip í Reykjavík. Þrjú lágu við Faxagarð: Persey-III, 2.200 lestir, með 80 manna áhöfn, Akhill, 600
lestir, með 30 manna áhöfn og A-Vilkitskiy, 3.000 lestir, með 53 manna áhöfn. Við Ægisgarð var Akademician
Kurcharow, 6.800 lestir, með 140 manna áhöfn. Eru þetta fyrstu sovésku rannsóknaskipin, sem koma til
Reykjavíkur í ár fyrir utan ísbrjótinn Otto Schmidt, sem sigldi úr Reykjavíkurhöfn á mánudagsmorgun. Alls eru
því 303 sovéskir sjómenn í Reykjavík þessa daga um borð i fjórum skipum. í febrúar 1981 voru þrjú sovésk
rannsóknaskip á sama tima í Reykjavíkurhön með 301 mann um borð.
Þá lét Benedikt Gröndal, fyrrverandi utanríkisráðherra og nú nýskipaður sendiherra íslands í Svíþjóð, orð
falla á þann veg, að ferðir rannsóknaskipanna og svo mikið fjölmenni frá Sovétríkjunum í Keykjavík þjónaði
pólitískum tilgangi.
Tölvumálið sent ríkissaksóknara:
Gögn renna stoðum und-
ir kæru Hagstofunnar
RANNSÓKNARLÖGREGLA ríkisins sendi í gær til ríkissaksóknara gögn um
rannsókn í tölvumálinu svokallaða, það er beiðni Klemenzar Jónssonar, hag-
stofustjóra, um rannsókn á því með hvaða hætti Samtök áhugafólks um áfeng-
isvandamálið, SÁÁ, komust yfír nöfn og heimilisföng um 70 þúsund kvenna um
allt land. Hvort um ólögmætan verknað hafí verið að ræóa, þar sem Hagstofan
veitti SÁÁ ekki heimild til hagnýtingar þjóðskrár, hvorki til áritunar gíróseðla
eða annarra nota.
Hagstofustjóri taldi sig hafa
ástæðu til að ætla, að unnið hefði
verið eftir véltækum miðli án sam-
þykkis og vitundar Hagstofu ís-
lands. SÁÁ fékk tölvuvinnslufyrir-
tæki í bænum til þess að vinna list-
ann fyrir sig og beindist rannsókn
RLR fyrst og fremst að hlut þessa
fyrirtækis í málinu.
„Eftir að kæra hagstofustjóra
kom fram fór fram rækileg rann-
sókn af hálfu RLR og niðurstöður
þeirrar rannsóknar hafa verið send-
ar ríkissaksóknara til ákvörðunar.
Við rannsókn málsins komu fram
veigamikil gögn sem telja verður að
renni mjög styrkum stoðum undir
kæruefni Hagstofu íslands í þessu
máli, enda þótt kærðu neiti að hafa
átt saknæma aðild að málinu," sagði
Þórir Oddsson, vararannsóknarlög-
reglustjóri, þegar Mbl. sneri sér til
hans, en hann vildi ekki tjá sig frek-
ar um málið.
Það var þann 12. mars síðastlið-
inn, að RLR barst bréf frá Hagstofu
íslands, þar sem Klemenz Jónsson,
hagstofustjóri, gerði grein fyrir
málavöxtum. Að mati Hagstofunnar
var ekki vafamál, að heimilisföng
kvennanna 70 þúsund hefðu verið
tekin eftir segulbandi þjóðskrár og
sennilega eftir svokallaðri nafna-
skrá til almennra nota, sem hefur
m.a. að geyma nöfn og heimilisföng
allra íslendinga 12 ára og eldri. Hag-
nýting segulbanda og annarra miðla
með efni úr þjóðskrá getur ekki átt
sér stað með löglegum hætti öðru
vísi en fyrir liggi skriflegt leyfi Hag-
stofu Islands.
Forráðamenn tölvuvinnslufyrir-
tækisins hafa stöðugt haldið því
fram, að nafnalistinn hafi verið
handunninn upp úr þjóðskrá og hafi
stúlkur verið ráðnar til verksins.
Hafi svo verið gert, telst það ekki
saknæmt.
Eggjatökumálið:
Gefinn kostur
á dómssátt
RÍKISSAKSÓKNARI hefur sam-
þykkt, að mál tveggja bænda í
Mývatnssveit verði lokið með
dómssátt, enda fallist þeir á að
greiða sekt og sakarkostnað. Mál-
ið er nú í höndum sýslumannsins í
Þingeyjarsýslum.
Tildrög málsins eru þau, að
tveir Belgar voru handteknir
um miðjan mánuðinn með 162
egg og kváðust þeir hafa fengið
eggin ýmist seld eða gefin af
bændum í Mývatnssveit. Af
þeim voru 127 húsandaregg og 3
straumandaregg, en hún er al-
gjörlega friðuð og ólöglegt að
taka egg hennar.
Belgarnir voru handteknir á
Keflavíkurflugvelli þegar þeir
hugðust koma eggjunum úr
landi. Þeir voru kyrrsettir hér á
landi og féll dómur í máli þeirra
16. júní síðastliðinn. Þeir voru
hvor um sig dæmdir í 20 þúsund
króna sekt og gert að greiða all-
an sakarkostnað. Eggin voru
gerð upptæk.