Morgunblaðið - 13.07.1982, Blaðsíða 43

MORGUNBLAÐIÐ, ÞRIÐJUDAGUR 13. JÚLÍ1982
23
Sjð breytingar á liði Frakka:
Pólverjar hrepptu þriðja sætið
— Þrjú mörk á jafn mörgum mín. tryggðu þeim sigur yfir Frökkum
PÓLVERJAR skoruðu þrjú mörk á jafn mörgum mínútum í
leiknum við Frakka um 3. sætið í HM-keppninni á laugardag-
inn, og sigruðu í leiknum með þremur mörkum gegn tveimur.
Besti árangur þessara þjóða í HM-keppninni áður, var er þær
náðu þriðja sæti, Pólverjar 1974 er þeir sigruðu Brasilíu og
Frakkar 1958.
Michel Hidalgo, þjálfari Frakka, gerði sjö breytingar á liði
sínu frá því í leiknum við Pjóðverja í undanúrslitunum. Hann
hvíldi nokkra af sínum bestu mönnum, þ.á m. Michel Platini.
Aðeins tvær breytingar voru á pólska liðinu frá þvi í leiknum
gegn Ítalíu, Bonjek kom inn aftur, eftir að hafa verið i
leikbanni og Szarmach lék í stað Smolarek, sem nú var í
banni.
Þrátt fyrir að aðeins fjórir úr
venjulegu byrjunarliði Frakka
hæfu leikinn voru þeir sterkara
liðið til að byrja með. Pólverjar
fengu að vísu fyrsta marktæki-
færið. Þeir hófu leikinn og Kupce-
wicz átti skot í hliðarnetið eftir
aðeins nokkrar sek. og án þess að
nokkur Frakki hefði komið við
boltann.
En fljótlega tóku Frakkarnir við
sér, og áttu þeir leikinn alveg
fyrsta hálftímann. Bestu færi
þeirra fengu Girard, sem skaut
rétt framhjá, og Tigana, sem
skaut föstu skoti frá vítateignum
en markvörðurinn varði með því
að slá knöttinn yfir slá. Þeir tóku
síðan forystuna á 13. mín.
Tigana sendi á Girard, og
þrumuskot hans af 22 metra færi
réð Mlynarczyk ekki við. Litlu
munaði að Soler bætti marki við
einni mín. síðar. Hann hafði betur
í baráttu við tvo Pólverja, eftir að
hafa fengið langa sendingu fram
en skot hans fór rétt yfir.
í næstu sókn Frakka varði
markvörðurinn mjög vel gott skot
Bellone úr aukaspyrnu.
Eftir þetta urðu Pólverjarnir
atkvæðameiri en áður og voru
Frakkarnir nokkrum sinnum
Pólland
Frakkland
3:2
heppnir að fá ekki á sig mark.
Castenada, sem nú lék í marki
Frakka, bjargaði frá Kupcewicz,
og strax á eftir gerði Boniek harða
hríð að markinu, en Tresor tókst
að bjarga frá eftir mikla pressu.
Stuttu síðar áttu Pólverjar aft-
ur dauðafæri. Szarmach breytti
stefnu knattarins en Boniek skaut
á markið og fór knötturinn í
stöngina. Hrökk hann síðan aftur
til Szarmach en hann náði ekki til
boltans, sem lenti í örmum Cast-
enada markvarðar. ,
Pólverjar komast
yffir ffyrir hlé
Á 44. mín. jafnaði Szarmach
loksins. Hann skoraði með góðu
Michel Hidalgo, þjálfari Frakka:
„Allt of stutt á
milli leikjanna"
HIDALGO, þjálfari Frakka,
neitaði því eftir leikinn, að
hann hefði vcikt iið sitt viljandi
fyrir leikinn. „Leikmenn mínir
eru ekki í góðu ástandi. Þeir
eru allir svo þreyttir, og jafnvel
þótt við hefðum komist í úrslit,
hefðu a.m.k. þrír ef ekki fjórir
misst af þeim leik vegna
meiðsla."
„Við förum ekki vonsviknir
frá Spáni,“ sagði Hidalgo.
„Við höfum staðið okkur vel,
átt margar góðar stundir og
þá höfum við sýnt heiminum,
hve góð frönsk knattspyrna
er. En miðað við það, sem við
sáum í dag, áttu Pólverjar
skilið að vinna þriðja sætið.
Þeir eru með gott lið, sem
bera þarf virðingu fyrir."
Hidalgo deildi á hve stutt-
ur tími var á miili undanúr-
slitanna og leiksins um þriðja
sætið, aðeins 48 klst. „Þegar
maður hefur verið svo nálægt
því að komást í úrslitaleik-
inn, er maður niðurdreginn.
Þetta eru óviðunandi aðstæð-
ur. Það ætti ekki að láta
bjóða sér það að spila aðeins
48 klst. eftir mikilvægan
leik.“
Antoní Pi*chnícz»k, þjélfaH Pótvwja:
„Frábær
árangur"
POLSKI þjálfarinn, Antoni Piechn-
iczek, neitaöi aö halda fréttamanna-
fund eftir leikinn. „Það er alltof
helv. heitt hér inni,“ sagði hann.
En þegar hann var að fara burt
frá leikvanginum náði blaðamað-
ur að spjalla við hann. „Ég er
mjög stoltur yfir því að við náðum
þriðja sætinu, og ég lít á það sem
frábæran árangur hjá þessu unga
liði mínu. Mér fannst við leika
mjög vel í kvöld.“
Landslið Póllands sem náði þriðja sæti í keppninni á Spáni. Liðið kom verulega á óvart með
góðum árangri, þar sem leikmenn náðu ekki að æfa saman sem skildi fyrir keppnina.
vinstri fótar skoti, sem lenti í
stöng, og þeyttist þaðan í netið. Á
síðustu mín. hálfleiksins skoruðu
Pólverjar aftur, er Majewski
skallaði í markið eftir horn-
spyrnu. Castenada náði boltanum
ekki þegar hann kom fyrir markið
og Pólverjinn átti ekki í erfiðleik-
um með að skora.
Strax á fyrstu mín. síðari hálf-
leiksins skoruðu Pólverjar þriðja
mark sitt í leiknum og var Kupce-
wicz þar að verki. Var það úr
aukaspyrnu af löngu færi, skotið
lenti alveg út við stöng án þess að
markmaðurinn næði því.
Eftir markið fóru Frakkarnir
aftur í gang og pressuðu að marki
Pólverja. Soler misnotaði gott
færi, Larios átti þrumuskot rétt
yfir markið, en besta færið fékk
Belloni á 57. mín. er markvörður-
inn bjargaði meistaralega frá hon-
um.
Góð færi á
báða bóga
Castenada varði vel' skalla frá
Szarmach frá vítapunkti, og Lato
var nálægt því að skora stuttu síð-
ar en boltinn fór rétt framhjá
stönginni. Tigana, sem átti frá-
bæran leik á miðjunni hjá Frökk-
um, skaut naumlega framhjá frá
vítateigslínunni og rétt á eftir
varði pólski markmaðurinn mjög
vel frá Girard.
Couriol skallaði hátt yfir pólska
markið eftir góða sendingu Amor-
os á 73. mín. en einni mín. seinna
fór hann betur að ráði sínu er hon-
um tókst að minnka muninn fyrir
Frakka.
Tigana átti þá langa sendingu á
Couriol og hann sendi knöttinn ör-
ugglega framhjá markmanninum.
Sjö mín. fyrir leikslok skipti
Hidalgo Didier Six inn á fyrir Tig-
ana. Six breytti leik liðsins, þó
ekki nóg til að knýja fram sigur,
en Frakkar voru samt einu sinni
nálægt því að jafna. Bakvörðurinn
Amoros óð þá upp vinstri kantinn
og skaut á markið af 25 m færi.
Markvörðurinn hafði greinilega
pkki búist við skoti, en náði þó að
slá boltann yfir á síðustu stundu.
Var það síðasta færi leiksins, og
stóðu því Pólverjar uppi sem sig-
urvegarar er Antonio da Silva
Garrido, dómari frá Portúgal,
flautaði til leiksloka. Þeir jöfnuðu
þar með sinn besta árangur í HM
frá upphafi, þriðja sæti 1974 eins
og fram kom í upphafi.
Frakkar urðu að gera sér fjórða
sætið að góðu, en geta þó unað
glaðir við sitt því fáir spáðu þeim
svo góðu gengi í keppninni og raun
ber vitni. En ef á keppnina er litið
í heild má segja að þeir hafi átt
enn meira skilið. Álit margra er
að þeir hafi leikið næstskemmti-
legustu knattspyrnuna í keppn-
inni, á eftir Brasilíumönnum, og
miklir klaufar voru þeir að tapa
fyrir V-Þjóðverjum í undanúrslit-
unum, svo mikið er víst.
En hvað um það, Frakkar fara
ekki óánægðir frá Spáni, og sagði
Hidalgo þjálfari þeirra, að þeir
hefðu átt mjög góðar stundir og
hefðu sýnt heiminum hve góð
frönsk knattspyrna væri.
Þrátt fyrir breytinguna á liðinu
léku Frakkarnir mjög svipað og
þeir höfðu gert í keppninni, stutt
nett spil þeirra kom Pólverjum oft
í vanda, en Pólverjarnir voru
sterkari ef á heildina er litið.
Verður að telja árangur Pólverja í
keppninni frábæran miðað við að-
stæður. Vegna ástandsins í Pól-
landi gat liðið ekki æft saman sem
skildi áður en haldið var til Spán-
ar en engu að síður hafa þeir náð
svona langt.
Liðin voru þannig skipuð í
leiknum: Pólland: Mlynarczyk,
Dziuba, Janas, Zmuda, Majewski,
Matysik (Wojcicki á 46. mín.),
Kupcewicz. Buncol, Lato, Szarm-
ach, Boniek. í'rakkland: Casten-
ada, Amoros, Mahut, Tresor, Janc-
ion (Lopez á 64. mín.), Tigana (Six
á 83. mín.), Girard, Larios, Cour-
iol, Soler, Bellone.
25.000 áhorfendur voru á leikn-
um, sem var leikinn í 28 gráðu
hita í Alicante.
• Pólverjinn snjalli, Gregorz Lato, sem hér liggur meiddur á vellinum, lék
mjög vel með landsliöinu i HM-keppninni á Spáni. Lið hans náöi þriöja sæti
í keppninni og jafnaði þar meö sinn besta árangur frá upphafi, þriöja sætiö í
kcppninni í Þýskalandi 1974. Lato er einn af fáum leikmönnum í heiminum
sem náð hafa því takmarki aö leika 100 landsleiki, en því náöi hann ásamt
ítalanum Dono Zoff á Spáni.
'Ri