Morgunblaðið - 22.07.1982, Blaðsíða 5
MORGUNBLAÐIÐ, FIMMTUDAGUR 22. JÚLÍ1982
5
Greinargerð frá Flugleiðum:
Einhliða ákvörðun ráðherra mun
valda Flugleiðum verulegu tjóni
Morgunblaðinu barst í gær eftir-
farandi greinargerð frá Flugleiðum:
„Vegna umræðna í fjölmiðlum
um einhliða ákvörðun samgöngu-
ráðherra að svipta Flugleiðir
leyfi til áætlunarflugs til Amst-
erdam og Diisseldorf, vilja Flug-
leiðir taka fram eftirfarandi:
1. Samgönguráðherra færir þau
rök fyrir ákvörðun sinni, að ekki
hafi tekist samkomulag milli
Arnarflugs og Flugleiða um skip-
an flugs frá íslandi til annarra
landa. Forsendur þeirra hug-
mynda sem hafa komið fram um
slíkt samkomulag hafa meðal
annars verið þær, að Flugleiðir
láti Arnarflugi í té ýmiss konar
aðstöðu, þjónustu og þekkingu,
sem þarf til framkvæmdar áætl-
unarflugs Arnarflugs. Þar á með-
al að starfsmenn frá Arnarflugi
verði ráðnir til flugafgreiðslu-
starfa á Keflavíkurflugvelli, en
starfsmönnum Flugleiða verði
fækkað að sama skapi. Flugleiðir
geta að sjálfsögðu ekki fallist á
að segja upp sínu fólki, sem
þarna hefur starfað um langt
árabil, til að rýma fyrir nýju
starfsfólki Arnarflugs.
Flugleiðir hafa á undanförnum
árum keypt eða þróað ýmsar
tölvuforskriftir vegna þarfa áætl-
unarflugs. í tillögum að sam-
komulagi var gert ráð fyrir að
Flugleiðir „skuldbindi sig til að
mæta þörf Arnarflugs fyrir auk-
na þjónustu á þessu sviði vegna
áætlunarflugs o.fl.“. Samkvæmt
þessu eiga Flugleiðir að sam-
þykkja að láta afskiptalaust
áætlunarflug samkeppnisaðila,
en jafnframt láta honum í té
sérhæfða reynslu og þjónustu á
verðlagi er miði við dreifingu
fastakostnaðar.
2. Því er haldið fram að verð á
flugferðum til Hollands, Þýska-
lands og Sviss hafi verið „óeðli-
lega lágt í sumar“, eins og fram-
kvæmdastjóri Arnarflugs kemst
að orði í viðtali við Tímann. í
þessu sambandi er rétt að minna
á, að Flugleiðir hafa jafnan
kappkostað að gefa fólki kost á
ferðum á eins hagkvæmum far-
gjöldum og unnt er. Má þar nefna
helgarferðir innanlands og utan
sem í boði eru á vissum árstím-
um. Þegar tækifæri hafa gefist
hafa Flugleiðir jafnan gefið
landsmönnum kost á ýmsum sér-
tilboðum í einstakar ferðir til
annarra landa. Fram til þessa
hefur félagið ekki sætt ámæli
fyrir að halda fargjöldum í lág-
marki og nýta sérstök tilvik til
enn frekari lækkunar í einstakar
ferðir. Þetta fyrirkomulag hefur
verið við lýði og breyttist ekki
með tilkomu áætlunarflugs Arn-
arflugs. Þegar tilmæli bárust frá
samgönguráðuneytinu nú í sumar
að fylgja fargjaldareglum strang-
lega, lýstu Flugleiðir því þegar
yfir, að félagið væri reiðubúið til
slíks, enda myndi þá hið sama
gilda um Arnarflug. Það kom
hins vegar í ljós að Arnarflug var
ekki reiðubúið að fara að boði
ráðuneytisins.
3. í Morgunblaðinu 21. júlí er
haft eftir samgönguráðherra að
Flugleiðir hafi einokun á flugi til
Skandinavíu og Bretlands. Þetta
er alrangt. Um er að ræða gagn-
kvæma samninga milli landanna
um flugréttindi. Nægir að minna
á, að SAS heldur nú uppi reglu-
bundnu áætlunarflugi fjórum
sinnum í viku milli íslands og
Danmerkur. Önnur erlend flugfé-
lög hafa haldið uppi áætlunar-
flugi til og frá landinu um lengri
eða skemmri tíma en síðan hætt
því þar sem þetta flug þótti ekki
arðþært. í linnulausum áróðri
Arnarflugs gegn Flugleiðum hef-
ur Flugleiðum verið stillt upp
sem „einokunarstofnun". Sam-
kvæmt þessu ætti þá einhliða
ákvörðun samgönguráðherra um
skiptingu flugleiða að falla undir
„skipta einokun".
4. Samgönguráðherra hefur í
fjölmiðlum orðið tíðrætt um
„milljóna styrk“ ríkisins til
Flugleiða. Því er rétt að undir-
strika, að hér er um að ræða
tímabundna aðstoð vegna
Norður-Atlantshafsflugsins m.a.
í formi niðurfellingar lendingar-
gjalda vegna þessa flugs. Þessu
flugi er haldið fjárhagslega að-
skildu í samræmi við samþykkt
Alþingis og kemur því Evrópu-
flugi Flugleiða ekki við. Enda
hefur ekki verið sótt um neina
styrki eða aðstoð vegna áætlun-
arflugsins til Evrópulanda.
5. Framkvæmdastjóri Arnar-
flugs segir í viðtali við Morgun-
blaðið, að Alþingi sé búið að
ákveða að tvö félög annist milli-
landaflug. Hið rétta er að Alþingi
hefur ekki tekið neina ákvörðun
um millilandaflug tveggja félaga
og því síður ákveðið neitt um
áætlunarflug Arnarflugs milli
landa.
6. Samþykki aðalfunda Flugfé-
lags íslands og Loftleiða árið
1973 fyrir stofnun Flugleiða
byggist meðal annars á yfirlýs-
ingum stjórnvalda þess efnis að
félaginu yrði, af hálfu íslands,
falin framkvæmd áætlunarflugs
á millilandaleiðum. Á grundvelli
gefinna yfirlýsinga og leyfa
stjórnvalda hafa Flugleiðir tekið
á sig gífurlegar fjárfestingar í
bættum og fullkomnari tækja-
kosti (Boeing 727-200-þotan) til
að tryggja betur fullnægjandi
þjónustu á millilandaleiðum. Við-
unandi lágmarksnýting er for-
senda fyrir því, að unnt sé að
halda slíkum tækjum áfram í
þjónustu landsmanna.
Ennfremur vilja Flugleiðir
taka fram, að félagið hefur starf-
rækt söluskrifstofur í Amsterd-
am og Dusseldorf um langt ára-
bil. Núverandi Amsterdam-flug,
sem hófst vorið 1981, var ákveðið
og tilkynnt stjórnvöldum áður en
Iscargo, og síðar Arnarflug,
ákváðu slíkt flug.
Flugleiðir hafa um langt árabil
varið miklum fjárupphæðum í ís-
landsauglýsingar í Hollandi, og
ómaklegt að slík grunnfjárfesting
skuli með valdþoði færð öðru
fyrirtæki. Þegar er komið í ljós,
að sú einhliða ákvörðun ráðherra
að bola Flugleiðum frá Amster-
dam og Dússeldorf, mun valda fé-
laginu verulegu tjóni þá mánuði
sem eftir eru þar til ákvörðun
ráðherra tekur gildi."
Ferðamenn
vilja fá
farseðla
sína fyrr
„ÞAÐ ER greinileg pressa frá
fólki, ad fá farseðlana fyrr og
það er búið að vera þannig í
nokkurn tíma,“ sagði Örn Stein-
sen hjá Ferðaskrifstofunni Út-
sýn, þegar Morgunblaðið hafði
samband við hann og spurði
hvort eitthvaö bæri á að íslensk-
ir ferðamenn á leið til útlanda
sæktust eftir að fá farseðla sína
fyrr en áður hefði verið, til þcss
að geta fyrr tekið út þann gjald-
eyri sem leyfilegt er að hafa
með sér, vegna hræðslunnar við
gengisfellingu.
„En það hefur ekki verið
hægt að sinna því sérstaklega,
vegna þess mikla álags, sem er
á fólkinu," sagði Örn ennfrem-
ur.
Hjá ferðaskrifstofunni Ur-
val fengum við þær upplýs-
ingar að eitthvað bæri á þessu
í sambandi við sólarlanda-
ferðirnar, en ekki væri hægt
að merkja það þegar áætlun-
arflugið ætti í hlut.
Hún er komin!
nýja sólóplatan hans Björgvins
Besta og vandaðasta plata hans til þessa
Einnig fáanleg
á kassettu
FALKINN
SUÐURLANDSBRAUT 8 SÍMI 84670 - LAUGAVEGI 24 SÍM118670 - AUSTURVERI SÍMI 33360
HEILDSÖLUDREIFING SÍMI 84670