Morgunblaðið - 22.07.1982, Blaðsíða 39

Morgunblaðið - 22.07.1982, Blaðsíða 39
 MORGUNBLADID, FIMMTUDAGUR 22. JÚLÍ 1982 39 IBK gat hæglega unnio stærri sigur á liði Fram George Kirby, þjálfari Skagamanna vakti kátínu meðal áhorfenda í Kópavoginum í gærkvöldi. Mætti kappinn á völlinn með forláta derhúfu og öskraði síðan hástöfum á menn sína eins og fvrri daginn. Var Kirby á ferðinni inn á völlinn í tíma og ótíma, og er hann hér í einni ferðinni. Einn leikmanna UBK henti af sér legghlífum sínum inn á vellinum, og stöðvaði dómarinn leikinn til að henda legghlífunum út af. Kirby skundaði inn á völlinn og ætlaði að flýta fyrir, en dómarinn var ekki ánægður með hjálpsemina. Lét karlinn þó hafa hlífarnar fyrir rest og hér sést hann hlaupa út af aftur með þær í höndunum. Ljósmynd Guðjón. Skaginn áfram í bikarnum: Sveinbjörn Hákonarson tryggði Skagamönnum sigur með 2 mörkum SKAGAMENN gerðu góða ferð til Kópavogs í gærkvöldi er þeir slógu Breiðablik út úr bikarkeppninni með 2—1 sigri. Komu öll mörk leiksins í fyrri hálfleiknum. Verður sigurinn að teljast fyllilega sanngjarn þar sem Akurnesingar voru mun ákveðnari í fyrri hálfleik, en þeir léku þá undan all snarpri golu, og í síðari hálfleiknum léku þeir skynsamlegar en heimamenn og héldu forystunni örugglega. Vindinn lægði heldur í seinni hálfleiknum og kom það aökomumönnum óneitanlega til góða. Kristján Olgeirsson náði foryst- unni strax á 3. mín. leiksins fyrir ÍA með skoti úr aukaspyrnu af u.þ.b. 20 metra færi. Lyfti hann boltanum skemmtilega yfir varn- arvegginn og fór hann í bláhornið niðri. Hefur Guðmundur markvörður sennilega búist við skoti frá Árna Sveinssyni, sem kom á eftir Krist- jáni að knettinum, og virtist Guð- mundur ekki alveg með á nótun- um. Nokkrum mín. siðar munaði aðeins hársbreidd að ÍA bætti öðru marki við, en Sveinbjörn Há- konarson sendi þá mikið þrumu- skot að marki Breiðabliks, og virt- ist boltinn stefna í netið, en lenti efst í markstönginni og aftur fyrir. Sluppu heimamenn sannar- lega fyrir horn í þetta skipti. Eftir hálftíma leik fengu Blik- arnir algjört dauðafæri. Hákon Gunnarsson fékk þá knöttinn frá Sigurði Grétarssyni, lék á einn varnarmann en skot hans fór hár- fínt fram hjá stönginni. Aðeins tveimur mín. síðar kom svo annað mark frá Kristjáni Olgeirssyni. Árni Sveinsson óð upp vinstri kantinn og sendi fastan jarðar- bolta fyrir markið. Kristján kom þar á fullri ferð og skoraði örugg- lega með föstu skoti af markteig. Nokkrum mín. síðar minnkuðu heimamenn svo muninn. Sigurður Grétarsson lék upp völlinn með knöttinn, gaf á Helga Bentsson, nokkuð fyrir utan teig, og fékk hann aftur. Var hann ekkert að tvínóna við hlutina, heldur sendi mikinn þrumufleyg í mark Akurnesinga. Lenti knötturinn efst í miðju markinu, og virtist Davíð mark- vörður Kristjánsson ekki hafa bú- ist við skoti. Ekkert skorað í síðari háineik Síðari hálfleikur var heldur tíð- indalítill. Breiðablik var meira með boltann en Skagamenn vörð- ust mjög vel og áttu hættulegar skyndisóknir. Langbesta færi hálfleiksins fékk Sigþór Ómars- son, Skagamaður. Guðjón Þórðar- son tók langa aukaspyrnu inn í teiginn, Júlíus P. Ingólfsson skall- aði til Sigþórs, sem var einn á markteig, en á óskiljanlegan hátt tókst honum að koma boltanum framhjá markinu. Blikarnir fengu ekki umtalsverð færi, þeir voru meira með boltann eins og áður kom fram, en léku ekki nógu skynsamlega. Dældu háum boltum alltof mikið inn á teig ÍA þar sem Sigurður Lárus- son og Jón Gunnlaugsson höfðu flesta bolta. Á köflum náðu Blik- arnir upp léttu þríhyrningsspili, en það var bara alltof sjaldan. Bestu menn ÍA í leiknum voru þeir Árni Sveinsson, Sigurður Lárusson og þá átti Sigurður Jónsson, sem aðeins er 15 ára gamall, ágætan leik og sýndi skemmtilega takta. Sigurður Grétarsson kom ágætlega frá leiknum í liði UBK og einnig var Jóhann Grétarsson sprækur, en hann kom inn á sem varamaður. Arnþór Óskarsson dæmdi leik- inn og leyfði hann fullmikið. Not- aði hann engin spjöld í leiknum en vissulega hefði verið ástæða til þess. „Viö stefnum að sigri í Bikar- keppni KSÍ að sjálfsögðu og þetta var stórt skref í átt að titlinum sem við stigum í kvöld er við sigruðum Fram 3—0," sagði Einar Asbjörn leikmaður ÍBK í gærkvöldi er lið hans haföi sigrað Fram með yfir burðum 3—0, og var sigur ÍBK mjög sanngjarn. Staðan í hálfleik var 2—0. Það var jafnræði með liðunum fyrstu 15 mínútur leiksins, þrátt fyrir að lið ÍBK léki undan nokkr- um vindi. En síðan tók ÍBK leik- inn í sínar hendur, var meira með boltann og átti hættulegri mark- tækifæri. Á 30. mínútu leiksins fór boltinn inn fyrir marklínuna eftir þvögu í markteignum, og sáu áhorfendur og leikmenn það greinilega. En dómari leiksins, Sævar Sigurðsson, var á öðru máli svo og línuvörður leiksins og mark var ekki dæmt. Mínútu síðar skorar ÍBK fyrsta markið. Þar var að verki Einar Ásbjörn eftir glæsilega horn- spyrnu Daníels Einarsson. Einar potaði boltanum í netið af stuttu færi. Á 42. mínútu skoraði Kristinn Jóhannsson, sem braust upp hægri kantinn. Gaf á Daníel, sem sendi til baka á Kristinn, sem komst inn á markteiginn. Lyfti hann boltanum örugglega og glæsilega yfir Guðmund, mark- yörð Fram. I síðari hálfleiknum var um ein- stefnu að ræða hjá ÍBK. Á 61. mínútu skoraði Óli Þór eftir fal- lega sendingu frá Magnúsi Garð- arssyni. Óli skaut föstu skoti af um 12 metra færi beint í netið. IBK átti bæði skot í stöng og þverslá og mórg góð færi, en ekki urðu mörkin fleiri í leiknum. Bestu menn voru ÍBK Einar Ás- björn og Gísli Eyjólfsson. Þá var Þorsteinn öruggur í markinu. Lið IBK — Fram 3:0 ÍBK lék mjög vel, allir börðust vel og voru ákveðnir í að sigra. I slöku Fram-liði barðist Hall- dór Arason einna best. Leikmenn fundu aldrei réttan takt í leiknum og eru því nú úr leik í bikarkeppn- inni. Vigdís/ÞR. Útimótið í handknattleik: Valur vann Breiðablik meö 11 mörkum ÍSLANDSMÓTIÐ í útihandknatt- leik hófst í fyrrakvöld og er það leik- ið við Haukahúsið í Hafnarfirði. Þrír leikir fóru fram fyrsta kvðldið og aðrir þrír i gær. í fyrrakvöld áttust við Haukar og Fram í meistaraflokki kvenna og sigruðu Framarar örugglega í þeim leik með 13 mórkum gegn 9. Þá iéku Haukar og Breiðablik í kariaflokki og fóru Haukarnir með sigur af hólmi úr þeirri viður- eign, skoruðu 15 mörk en UBK 13. Staðan í hálfleik var 10—8 fyrir Hauka. Þá sigruðu KR-ingar Gróttu 23—19 eftir að hafa leitt 13—12 í hálfleik, og stóðu Gróttu- strákarnir lengi vel í KR. í gærkvöldi var aftur einn leik- ur í kvenna- og tveir í karlaflokki. í kvennaflokknum unnu Vals- stelpurnar stöllur sínar úr 'FH með 14 mörkum gegn 10, eftir að hafa verið yfir 8—3 í leikhléi. FH vann HK í karlaflokki 26-20 (15-9), og Valur fór létt með lið Breiðabliks, skoraði 27 mörk gegn 16. Valsarar leiddu 14-8 í hálfleik. Bikarkeppni KSI: Vikingar sigruóu KA komust áfram Víkingar sigruðu KA norður á Akureyri í gærkvöldi 3—1, í bikar- keppni KSÍ, eftir að staðan í hálfleik hafði verið 1—0. Leikur liðanna var fremur lélegur en Víkingar þó held- ur sprækari og verðskulduðu sigur- inn í leiknum. Keppnin í einkunnagjöfinni spennandi NÚ ÞEGAR 1. deildarkeppnin í knattspyrnu er rúmlega hálfn- uð er greinilegt að keppnin í einkunnagjöf Morgunblaðsins er að verða jafnari og meira spennandi en áður i sumar. Vrni Sveinsson og Ólafur Björnsson eru enn í tveimur efstu sætunum, en síðan kemur hópur leikmanna í hnapp og geta þeir örugglega komið til með aö blanda sér í toppbarátt- Ögmundur Kristinsson, Vikingi, hefur leikið vel i markinu. una á næstunni. Listinn yfir nokkra efstu menn lítur þannig ú i: Árni Sveinsson ÍA 7,1 Ólafur Björnsson UBK 6,8 Ögmundur Kristinsson Vík. 6,5 Ragnar Margeirsson ÍBK 6,5 Ómar Jóhannsson ÍBV 6,4 Heimir Karlsson Víkingi 6,4 Valþór Sigþórsson ÍBV 6,4 Sigurlás Þorleifsson ÍBV 6,4 Þórður Mareisson Víkingi 6,3 Þorsteinn Bjarnason fBK 6,3 Sigurður Björgvinsson ÍBK 6,2 Gústav fialdvinsson ÍBÍ 6,2 Fyrri hálfleikurinn var þófkennd- ur og lítið um marktækifæri. Eina mark hálfleiksins kom á 15. mínútu, þá gerðu varnarmenn KA sig seka um slæm mistök og boitinn barst til Heimis Karlssonar sem var einn og óvaldaður á markteig og hann þakk- aði gestrisni heimamanna og skoraði af öryggi með góðu skoti. Víkingar léku undan talsverðri golu í síðari hálfleiknum og voru þá mun betri og frískari en í þeim fyrri. Á 61. mínútu leiksins skor- uðu Víkingar sitt annað mark. Boltinn barst hátt í loft upp fyrir framan mark KA. Aðalsteinn markvörður hugðist grípa knött- inn en missti hann frá sér til Sverris Herbertssonar sem skor- aði með viðstöðulausu skoti í markhornið uppi, af stuttu færi. Á 75. mínútu minnkar KA mun- inn í 2—1. Boltinn barst fyrir mark Víkings og þar urðu slæm mistök hjá varnarmönnum og Ragnar Rögnvaldsson skoraði af stuttu færi. Einni mínútu síðar innsigla Víkingar sigurinn. Vörn KA svaf á verðinum og Sverrir Herbertsson fékk stungubolta inn fyrir vörnina. Hann nýtti færið til fullnustu og skoraði með góðu skoti utan úr teignum. Besti maður Víkings var Sverrir Herbertsson, sem barðist vel og skoraði tvö góð mörk. Annars var liðið jafnt að getu. Enginn skaraði fram úr í liði KA og réði meðal- mennskan ríkjum. RE/ÞR. Sjá íþróttir bls. 26

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.