Morgunblaðið - 23.07.1982, Blaðsíða 2
2
MORGUNBLAÐIÐ, FÖSTUDAGUR 23. JÚLÍ 1982
Nýja forsetabifreiðin, Cadiliac Fleetwood Brougham. Á innfelldu mynd
inni má sjá, hvernig bifreiðin lítur út að innan. M;ndir Mbl. ól.K.M.
Ný forsetabifreið
Forsetaembættið hefur keypt
nýja bifreið fyrir forseta íslands.
Bifreiðin er amerísk, af gerðinni
('adillac Fleetwood Brougham
Sedan délegance, árgerð 1982. Bif-
reiðin er 5,60 metrar á lengd, um 2
metrar á breidd og vegur um 2
tonn óhlaðin. Hún kom til landsins
með m/s Arnarfelli i fyrradag og
er í vörugeymslu Sambandsins við
Holtagarða.
Að sögn Bjarna Ólafssonar
hjá Véladeild Sambandsins kem-
ur bifreiðin til með að kosta ná-
lægt 700 þúsund krónum kcmin
hingað til lands, sem er það sem
hver sá sem vill eignast svona
bifreið þarf að borga fyrir hana,
því forsetaembættið mun ekki fá
niðurfellingu á aðflutningsgjöld-
um af bifreiðum sínum.
Skrifstofa forseta upplýsti, að
hér væri um eðlilega endurnýjun
á bifreiðum embættisins að
ræða, en það hefur til sinna af-
nota tvær bifreiðir. Verður önn-
ur þeirra, 7 ára gömul Mercedes
Benz bifreið, seld, vegna kaup-
anna á nýju bifreiðinni, en
venjulega er hver bifreið ekki
lengur en 6 ár í eigu embættis-
ins. Hin bifreið embættisins er
af Buick gerð.
„Þetta er aðför
að Flugleiðum“
— segir Hannibal Valdimarsson um
ákvörðun Steingríms Hermannssonar
„ÉG er undrandi á þessari kenningu
Ktcingríms Hermannssonar um
nauðsyn á samkeppni. Ég hélt að við
ættum í það harðri samkeppni út á
við, að það þyrfti ekki við það að
bæta,“ sagði Hannibal Valdimars-
son, fyrrverandi samgönguráðherra,
þegar hann var spurður um þá
ákvörðun Kteingrims Hermannsson-
ar að svipta Flugleiðir flugleyfunum
til Amsterdam og Diisseldorf.
Hannibal var samgönguráðherra
þegar fyrst var hafist handa ura að
reyna sameina Flugfélag íslands og
Loftleiðir og vann hann mikið að
sameiningu félaganna.
„Ég er harmi lostinn yfir
ákvörðun Steingríms. Mér finnst
þetta vera aðför að Flugleiðum og
því er ég bæði hryggur og reiður
yfir þessum aðförum," sagði
Hannibal Valdimarsson ennfrem-
Verzlunarráð íslands er flutt inn í ný húsakynni, Hús verslunarinnar við Kringlumýrarbraut. Verzlunarráðið er
fyrsti eignaraðilinn sem flytur inn i húsið, og er aðsetur þess á 7. hæð þess, en húsið er 14 hæða hátt, hæsta hús
á íslandi. — Myndin er tekin á fundi framkvæmdastjórnar ráðsins i gær. Talið frá vinstri: Vilhjálmur
Ingvarsson, framkvæmdastjóri ísbjarnarins hf., Jóhann J. Ólafsson stórkaupmaður, Árni Árnason
framkvæmdastjóri Verzlunarráðs, Ragnar Halldórsson, forstjóri ísal, formaöur ráðsins, Hörður Kigurgestsson
forstjóri, Kimskipafélags íslands hf., og Guðmundur Arnaldsson, hagfræðingur Verzlunarráðs. Á myndina
vantar Eggert Hauksson, framkvæmdasstjóra Plastprents hf.
Verzlunarráð flutt í Hús verslunarinnar
„Afstaða mín
er óbreytt“
— segir Halldór E. Sigurðsson fv. samgönguráðherra
MORGUNBLAÐIÐ hafði í gær sam-
band við Halldór E. Kigurðsson,
fyrrverandi samgönguráöherra, og
spurði hvort hann væri sammála
ákvörðun Kteingrims Hermannsson-
ar um að svipta Flugleiðir flugleyf-
um til Amsterdam og Diisseldorf.
„Ég svara þessu ekki. Ég hef áður
gert grein fyrir minni afstöðu í þessu
máli og hún er óbreytt, því svara ég
þessu ekki nú,“ sagði Halldór E.
Kigurðsson.
Það var í ráðherratíð Halldórs
E. Sigurðssonar sem samgöngu-
ráðherra, sem Flugfélag Islands
og Loftleiðir voru sameinuð í
Flugleiðir h.f. og þá lýsti Halldór
E. Sigurðsson því yfir að samein-
ingin væri til þess að styrkja ís-
lenzkan flugrekstur. Markaðurinn
væri ekki stærri en það, að hann
þyldi ekki tvö flugfélög.
Tekinn með 210
grömm af hassi
NÍTJÁN ára piltur var handtekinn á
Keflavíkurflugvelli á miðvikudags-
kvöldið þegar hann reyndi að smygla
210 grömmum af hassi. Hann var að
koma frá Amsterdam og vakti athygli
tollþjóna. Við leit i handtösku fundust
210 grömm af hassi.
Piltur þessi hefur ekki áður komið
við sögu fíkniefnalögreglunnar, en
hins vegar verið tengdur fíkniefnum.
Hann hefur verið látinn laus, þar
sem mál hans þykir að fullu upplýst.
Andvirði fíkniefnanna á svörtum
markaði nemur eitthvað um 40 þús-
und krónum.
Skreiðargámurinn var í
Hamborg í fjóra mánuði
ENN ER ekki Ijóst hvar meint mis-
ferli með farmskírteini útgefin af
Eimskipafélagi íslands vegna
skreiðarsendinga til Nígeríu getur
hafa átt sér stað. Eftir því, sem
Morgunblaðiö hefur komizt næst,
munu þeir islenzku aðilar, sem að
þessum sendingum stóðu, ekki grun-
aðir um misferli.
Samkvæmt upplýsingum Morg-
unblaðsins eru þau fyrirtæki, sem
aðild eiga að málinu auk Eim-
skipafélagsins, G. Albertsson, út-
flutningsverzlun og vörumiðlun;
Finmar Traders Ltd., Boulevard
Victor Hugo, París og G.M. Iheaku
Stores (Nig.) c.o., Nígeríu. G. Al-
bertsson seldi útflytjandanum,
Finmar Traders, skreið, sem flutt
var út með Eimskipafélaginu til
Hamborgar 5. ágúst 1981. Það,
sem athygli manna beinist hvað
mest að nú, er það að umræddur
skreiðargámur kom til Hamborg-
ar um það bil 10. ágúst, en var
ekki sendur áleiðis til Nígeríu fyrr
en 22. desember. Var gámurinn
því í Hamborg í rúma fjóra mán-
uði.
Morgunblaðið hafði vegna þessa
samband við Hörð Albertsson hjá
G. Albertssyni og vildi hann ekki
tjá sig um málið, en sagði fyrir-
tæki sitt hafa selt Finmar Traders
skreið, sem flutt hefði verið út
með Eimskipafélaginu þann 5.
ágúst 1981. Sagði hann fyrirtæki
sitt vera með fullkomlega hreinan
skjöld í þessu máli.
Þá reyndi Morgunblaðið að ná
sambandi við Finmar Traders, en
fyrirtækið fannst ekki í uppgefnu
heimilisfangi. Ekki reyndist held-
ur unnt að ná sambandi við eig-
anda fyrirtækisins, sem er Breti
með ríkisfang á Bahamaeyjum.
Algjört yfirvinnubann
á kaupskipaflotanum
Verkfall boðað 3. og 4. ágúst nk.
HAMNINGANEFND yfirmanna á
kaupskipum hefur afráðið að boða til
algjörs yfirvinnuhanns yfirmanna á
kaupskipaflotanum frá og með fimmtu-
deginum 29. júlí nk. á svonefndu
„heimahafnarsvæði" við Faxaflóa og
auk þess á Grundartanga, á Akureyri, í
Grindavík og Þorlákshöfn. Auk yfir-
vinnuhannsins þá hefur verið boðað til
verkfalls á kaupskipaflotanum í inn-
lendum höfnum dagana 3. og 4. ágúst
næstkomandi.
Með algjöru yfirvinnubanni er átt
við að ekki sé heimilt að vinna í og
við kaupskip á tímabilinu frá klukk-
an 17.00—8.00 og í hádeginu frá
klukkan 12.00 til 13.00. Frá 14. júní
sl. hefur verið í gildi yfirvinnubann
við lestun og losun kaupskipa, en nú
hefur verið afráðið að láta bannið
einnig ná til allrar vinnu um borð í
skipum, auk þess sem kaupskipum er
ekki heimilað að láta úr höfn utan
dagvinnutíma, að því er segir i
fréttatilkynningu frá Farmanna- og
fiskimannasambandi íslands.
Kjarasamningur yfirmanna á far-
skipum við skipafélögin rann út hinn
15. maí sl., líkt og samningar við
flesta aðra launþega. Ákveðið var að
samningaviðræður skyldu hefjast
hinn 15. mars, og því lögðu yfirmenn
á kaupskipum kröfur sínar fram
seinni hluta mars og óskuðu við-
ræðna við vinnuveitendur svo leiða
mætti kjaradeilu þessara aðila til
lykta hið bráðasta. Skriður komst
ekki á viðræður fyrr en að gerðu
samkomulagi ASÍ og VSÍ í byrjun
júlí, segir ennfremur í fréttatilkynn-
inguni.
Radarskermurinn á Keflavíkurflugvelli:
Tækid tengt til
Reykjavíkur
á næsta ári
Skýrsla um málið tilbúin í dag
„Ég kallaði flugmálastjóra og
hans menn á minn fund i dag, og
óskaði eftir skýrslu um þetta mál frá
upphafi. Kkýrslan á að liggja fyrir á
morgun, föstudag, og fyrr vil ég ekki
tjá mig um þetta mál,“ sagði Ktein-
grímur Hermannsson samgönguráð-
herra i samtali við blaðamann Morg-
unblaðsins í gærkveldi. Steingrímur
var spurður álits á þeim ummælum
Leifs Magnússonar í útvarpsþætti í
gær, að vandamálið um notkun rad-
arskerms á Keflavíkurflugvelli verði
að leysa þegar nú fyrir helgi.
„Þetta vandamál er eldra en
seta mín í embætti samgönguráð-
herra," sagði Steingrímur, „eða
frá því í júní 1979. Þetta er vand-
ræðamál sem verður að leysa sem
fyrst, og það ber að harma að það
skuli ekki þegar hafa gerst.
En ég get bætt því við, að nú
hefur tekist samkomulag við Al-
þjóða flugmálastofnunina, um að
hún greiði helming kostnaðar við
tengingu við þennan skerm til
Reykjavíkur, þannig að unnt á að
vera að hafa full not af honum
hér. Þetta er fyrirtæki upp á 900
þúsund dollara, sem við greiðum
að hálfu á tíu árum. Ég stefni að
því að þetta fari inn á fjárlög 1983,
og að koma megi þessu tæki upp
næsta vetur. Það breytir því þó
auðvitað ekki að leysa verður
þetta vandamál á Keflavíkur-
flugvelli. En í framtíðinni verður
tengingin til Reykjavíkur full-
nægjandi, og við þurfum ekki á því
að halda að komast að skerminum
í Keflavík," sagði Steingrímur að
lokum.
INNLENT