Morgunblaðið - 23.07.1982, Page 18

18
MORGUNBLAÐIÐ, FÖSTUDAGUR 23. JÚLÍ1982
Reykjavík — Akureyri:
Styttir leiðina
um 45 km að
i
fara Grjótháls
Á TÍMIIM orkukreppu og benzín-
sparnaAar vilja menn fara stytztu
leiðina til þess að spara sem mest og
cvða sem minnstu. Margir eru þeir,
sem þurfa að leggja leið sína milli
Norðurlands og Vesturlands um
Holtavörðuheiði. Gjarnan er tekið til
þess, hve langt er á milli höfuðstaða
Norður- og Suðurlands. Með til-
komu sumarvegar yfir Grjótháls,
milli |>verárhliðar og Norðurárdals,
þá er unnt að stytta leiðina um 45
km., sé farið um Dragháls, Hestháls,
upp Bæjarsveit, yfir Hvitá hjá Kljá-
foss og yfir í Þverárhlíð.
Að sögn Elísar Jónssonar,
rekstrarstjóra Vegagerðar ríkis-
ins í Borgarnesi, þá hafa þeir verið
að lappa upp á veginn yfir Grjót-
háls undanfarið, svo hann er fær
öllum minni bílum yfir sumartím-
ann. Það var vegarslóði þarna yfir
en núna er þetta vel fært. Er farið
af Þverárhlíðarvegi brúna yfir
Litlu-Þverá, þar sem stendur
Grjót 525. Sá vegur ekinn inn und-
ir bæinn Grjót og beygt þar af
veginum upp á Grjótháls. Þar er
skilti sem stendur á Hóll 525. Þá
er ekinn vegurinn yfir Grjótháls,
sem er um 6 km langur og komið á
Norðurárdalsveg við Hafþórs-
staði. Séu menn að koma að norð-
an, þá beygja þeir af „eittvegin-
um“ hjá Króki í Norðurárdal, fara
framhjá Hóli og beygja þar til
vinstri hjá skilti Grjót 525.
Elís sagði þessa leið vera fallega
þar sem horft væri niður í Þver-
árhlíðina eða Norðurárdalinn, sem
ekki gæfist annars staðar tæki-
færi til. Þessi stytting væri veru-
leg, og því sjálfsagt fyrir menn að
notfæra sér þessa leið. Menn
styttu gjarnan leið sína um 30 km
með því að fara Dragháls og
Hestháls, en með því að fara upp
Bæjarsveit yfir Hvítá hjá Kljá-
fossi, og fara ekki yfir Norðurá
hjá Haugum, heldur yfir Grjót-
háls þá stytti það leiðina um 15
km svo þarna væru þá komnir 45
km samtals.
Bátur frá Bátasmióju Guðmundar á athafnasvcði Snarfara við Elliðaárvog. l.jósm. Mbl. ól. K. M»en.
Bátasmiðja Guðmundar:
Hraðskreiður handfærabátur
HJÁ bátasmiðju Guðmundar í
Hafnarfirði hefur verið gerð ný út-
færsla á bát, sem gerir það að
verkum að hann er hraðskreiðari
heldur en aðrir álika.
Að sögn Guðmundar Lárus-
sonar, er unnt að taka í hann eitt
tonn af afla án þess að hann
missi niður mikinn gang. Tómur
gengur hann um 30 mílur en með
tonnið, gengur hann um 26 míl-
ur. Lengdin á Drífu er 6 metrar
og er báturinn 2,66 rúmlestir. Er
báturinn knúinn 136 hestafla vél
frá „Vélar og Tæki“. Er það
BMV díselvél 439 kg. Sjálfur
vegur báturinn með vél um 1.400
kg og fólksbíll getur dregið hann
upp.
Þessi bátur er allur úr trefja-
plasti og hugsaður fyrir menn,
sem eru á handfæraveiðum um
kvöld og helgar. 4 menn geta set-
ið í honum og tveir sofið. Kostar
báturinn frá 60 þús.
Skálholtshátíð
á sunnudaginn
— fyrsta vísitasía biskups
hefst í Arnesprófasts-
dæmi að hátíðinni lokinni
SKÁLHOLTSHÁTÍÐ verður á
sunnudag, 25. júlí. Biskup íslands,
herra Pétur Sigurgeirsson, prédikar
við hátiðarmessu, dr. Sigurður Páls-
son, vigslubiskup, Sr. Sveinbjörn
Sveinbjörnsson, prófastur, og sr.
Guðmundur Óli Ólafsson þjóna fyrir
altari.
Meðhjálpari er Björn Erlends-
son. Jón Sigurðsson og Lárus
Sveinsson leika á trompet, Jón H.
Sigurbjörnsson á flautu og organ-
leikari verður Haukur Guðlaugs-
son. Skálholtskórinn syngur, söng-
stjóri Glúmur Gylfason. Dr.
Róbert S. Ottósson raddsetti eða
hljómsetti alla þætti messunnar.
Að lokinni Skálholtshátíð hefst
fyrsta vísitasía Péturs Sigurgeirs-
sonar í Árnesprófastsdæmi.
Ferðir á Skálholtshátíð verða
frá Umferðarmiðstöðinni klukkan
11 á sunnudag og til baka að aust-
an klukkan 18. Kaffiveitingar
verða í matsal skólans.
Að lokinni messu verður sam-
koma í kirkjunni, þar verður sam-
leikur á flautu og orgel, kórsöng-
ur, ritningarlestur og bæn, al-
mennur söngur og Gísli Sigur-
björnsson forstjóri mun flytja
ræðu.
Arbók Akureyrar
1981 er komin út
Hjá Bókaforlagi Odds Björns-
sonar er nýútkomin Árbók Akur-
eyrar fyrir árið 1981 og er það
annar árgangur bókarinnar.
Árbók Akureyrar er 216 blað-
síður og mikill fjöldi ljósmynda af
flestum helstu atburðum á Akur-
eyri árið 1981 er í bókinni, alls yfir
eitt hundrað myndir.
Ritstjóri bókarinnar er Guð-
brandur Magnússon blaðamaður
og segir hann m.a. í formála:
„Með útgáfu Árbókar Akureyr-
ar er Bókaforlag Odds Björnsson-
ar að skrá sögu Akureyrar sam-
tímans. Það hefur lengi staðið til
að skrifa sögu Akureyrar fortíðar-
innar, gerðar hafa verið ályktanir
í bæjarstjórn, haldnar ráðstefnur
„Titanic fórst
einnig í íshafí“
Eldurinn í skemmtiferðaskipinu Evrópu
á dögunum stórmál í þýzkum blöðum 1 gær
llamborg, 22. júlí.
ÞÝSKIR fjölmiðlar greindu í dag
frá eldi um borð í stolti þýzka flot-
ans, Evrópu, er skipið var statt 4,8
sjómílur undan strönd íslands
fyrir nokkru, en frá þessu hefur
verið sagt í fréttum hérlendis. í
stærsta blaði Þýzkalands, Bild, er
óhappið aðalfrétt dagsins og þar er
greint frá eldsvoðanum undir fyrir-
sögninni: „Eldur og ringulreið um
borð í draumaskipinu Evrópu." í
Hamburger Abendblatt segir hins
vegar skipstjórinn, Werner Bocls,
að hvorki farþegar, áhöfn né skipið
sjálft hafi verið í hættu er eldur
brauzt út við skammhlaup í aðal-
raflögn skipsins.
Vegna skammhlaupsins segir í
Bild Zeitung, að tölvustýrt aðal-
rafkerfi Evrópu hafi slökkt á
sér, en ratsjá og loftskeytasam-
band gekk fyrir neyðarafli. Bild
segir svo frá atvikinu:
„Skipstjóri Evrópu, Werner
Boels (58), vakti 600 farþega
skipsins með hátalarakerfinu:
„Gjörið svo vel að klæðast og
fara út á ganga skipsins. Eldur
hefur gert vart við sig í vélar-
rúmi. Vinsamlegast haldið ró
ykkar." úti blés sex hnúta vindur
yfir sex metra háum öldum
Norður-Atlantshafsins. Hvorug
skipsvélanna bærði á sér. Það
var kyrrt en megnan þef brennds
gúmmís lagði um ganga Evrópu.
Nokkrir farþegar höfðu farið í
björgunarvesti. Konur hrópuðu
og skelfdir eiginmenn hlupu á
eftir þeim. Margir höfðu farið í
tvenn föt. Aðrir farþegar sátu
niðurlútir hjá hálffrágengnum
töskum sínum.
Einn farþeganna fékk grát-
kast og kona ein öskraði, að Tit-
anic hefði einnig farist í íshafi.
Eftir tvær klukkustundir réð
áhöfnin niðurlögum eldsins.
Skipstjórinn bauð gestum veit-
ingar og hið 35.000 tonna skip
hélt með 20% vélarafli til hafnar
í Reykjavík þar sem viðgerð fór
fram.
Skipafélagið Hapag-Lloyd
sendi flugvél með varahluti frá
Bremen, 600 kíló af rafmagns-
köplum og farþegar fengu tvo
daga endurgreidda vegna við-
gerðarinnar í Reykjavík." .
— IJ
og fundir, en ekkert orðið úr fram-
kvæmdum." Og síðar segir hann:
„Sumir halda því fram að til-
gangslaust sé að rýna aftur í for-
tíðina, það sem gildi hafi sé að
hugsa fram á við. Þetta er mis-
skilningur. Þekking á fortíðinni er
okkur nauðsynleg til að við getum
notfært okkur reynslu og þekk-
ingu genginna kynslóða til fram-
tíðaruppbyggingar. Þannig getur
sagan hjálpað okkur.“
í Árbókinni eru fréttir sem
tengjast Akureyri raktar í tíma-
röð, en einnig eru í bókinni grein-
ar um ýmis málefni sem hátt bar
á árinu. Þar eru m.a. greinar um
verkmenntaskóla, fjallað er um
launadeilu fóstra við bæjaryfir-
völd, greint er frá undirbúningi
kvennaframboðsins, sagt frá
biskupskosningu séra Péturs Sig-
urgeirssonar og prestskosningum
sem fylgdu í kjölfarið. í kafla um
atvinnulífið er greint frá rekstri
Slippstöðvarinnar, skýrsla um
sjávarútvegsfyrirtæki í bænum,
vikið er að verslunarmálum, iðn-
aði og sérstök grein er um
samvinnuhreyfinguna. í
menningarkaflanum er t.d. sagt
frá tilraun til útgáfu ópólitísks
fréttablaðs, undirbúningi þess að
stofna útibú Ríkisútvarpsins á
íog m
. , toiNs Ars
, I MÁli oq VtVNC.ll M
1981
Akureyri, taldar eru upp allar
bækur sem út komu á Akureyri,
leikdómur séra Bolla Gústavs-
sonar í Laufási um Jómfrú
Ragnheiði er þarna, yfirlit mynd-
listasýninga og tónleika. Sérstak-
ur kafli er um íþróttir þar sem
vikið er að flestum greinum.
Einnig eru greinar um hesta-
mennsku, bridge og frímerkja-
söfnun. Látinna Akureyringa er
getið og fleira sem of langt mál
yrði upp að telja.
Þeir sem þess óska geta pantað
Árbók Akureyrar frá Bókaforlagi
Odds Björnssonar á Akureyri.
Frédatilkynning.
Raðsmíðaáætlun ríkisstjórnar:
Aðeins 5 sóttu um lán
til smíða á 8 vertíðarskipum
SVO VIRÐIST sem áhugi manna
til að láta smíða ný skip innan-
lands fari nú minnkandi, þar sem
mjög fáir sóttu um að fá að láta
smíða skip eftir raðsmíðaáætlun
ríkisstjórnarinnar, en þau skip,
sem áætlað er að smíða, eru á
þriðja hundrað tonn að stærð og
eru hugsuð sem endurnýjun á
vertíðarflotanum.
Upphaflega hafði ríkisstjórn-
in áætlað að 10 skip af þessari
stærð yrðu smíðuð hjá íslenzk-
um skipasmíðastöðvum á næstu
tveimur árum, en stjórn Fisk-
veiðasjóðs ákvað að binda lán-
veitingar til nýsmíðinnar við 8
skip. Atti að lána til smíði fjög-
urra skipa á þessu ári og 4 skipa
á næsta ári. Snemma sumars
var auglýst eftir lánsumsóknum
og rann umsóknarfrestur út
hinn 15. júlí síðastliðinn. Sam-
kvæmt þeim upplýsingum, sem
Morgunblaðið fékk í Fiskveiða-
sjóði í gær, þá voru það aðeins 5
aðilar, sem sóttu um lán til
smíði á þessum 8 skipum.