Morgunblaðið - 30.07.1982, Blaðsíða 10
10
MORGUNBLAÐIÐ, FÖSTUDAGUR 30. JÚLÍ 1982
Laugavegurinn
— miðstöð verslunar og viðskipta á Islandi
Laugavegurinn í Reykjavík er
langstærsta verslunargata lands-
ins. Þar eru saman komnar verslan-
ir í nánast öllum greinum verslunar
og þjónustu, en undan eru skildar
þær verslanir er selja stærstu hlut-
ina, byggingavörur, bílasölur og
fleira í þeim dúr. En við Laugaveg
er miðstöð fataverslunar í landinu,
að minnsta kosti ef Bankastræti og
Austurstræti eru talin með, sem
eru eins konar framhald Laugaveg-
arins, eða öfugt eftir því hvernig á
það er litið.
Þá er við þessar götur miðstöð
bankastarfseminnar í landinu, og
allir helstu bankar eru staðsettir
við línuna Laugavegur, Banka-
stræti, Austurstræti. Þá eru fjöl-
mörg matsöluhús og kaffistofur á
þessum slóðum, bókabúðir, forn-
bókaverslanir, lyfjabúðir, leik-
fangaverslanir, búsáhaldaverslanir,
bakarí og fleira og fleira.
Þessi langa verslunarleið, frá
Hlemmtorgi niður í Aðalstræti, er
einstök í sinni röð á íslandi, en
minnir ef til vill helst á Strikið í
Kaupmannahöfn. Hér er þó aðeins
lítill hluti göngugata, bílar fara víð-
ast sínu fram, enda fjölmenni ekki
eins mikið hér og í Höfn og veður-
far rysjóttara. Þó eru margir þeirr-
ar skoðunar að gera ætti Laugaveg
að göngugötu. Þessi mikla verslun-
aræð liggur mjög vel við samgöng-
um gangandi fólks. Á öðrum endan-
um er Hlemmur, miðstöð strætis-
vagnasamgangna í bænum og á hin-
um endanum er önnur stærsta
miðstð almenningssamgangna í
höfuðborginni, Lækjartorg. Eftir
Arni JnnsKon í Kúnst i verslun sinni, en hann hefur verslað á Laugaveginum allt frá árinu
1953.
Hreyfí mig
ekki héðan
— segir Arni Jónsson í Kúnst, sem
hefur verslaö við Laugaveg í 29 ár
„Já, ég er nú búinn að versla hér allt frá
1953, eða í tuttugu og níu ár, svo ég hef
orðið vitni að ýmsum breytingum á þess-
um tima,“ sagði Arni Jónsson í versluninni
Kúnst er blaðamaður rakst þar inn í vik-
unni. „Laugavegurinn hefur breyst geysi-
mikið á þessum tíma,“ sagði Árni enn
fremur, „til dæmis eni nær allir ibúarnir
horfnir. Þegar ég var að byrja bjó hér
fjöldi fólks, til dæmis í flestum ris- og
kjallaraíbúðum, en nú eru fáir orðnir eftir.
Þá hafa verslanirnar hér einnig
breyst mikið. Einkum er áberandi hvað
allar „þyngri" verslanir eru farnar héð-
an, svo sem byggingavöru- og húsgagna-
verslanir, en „léttari" verslanir komnar
í staðinn. Hér fer til dæmis fram mest-
ur hluti fataverslunar í landinu, hér eru
skóbúðir, gjafavöruverslanir, gullsmiðir
og úrsmiðir og fleira í þeim dúr. Það
hefur ótvíræðan kost fyrir viðskiptavin-
ina að hafa þetta með þessum hætti, því
fólk vill ganga á milli og kynna sér verð
og úrval áður en það kaupir. Þetta sama
gerist einnig í öðrum greinum verslun-
ar, til dæmis hópast byggingavöruversl-
anir saman í öðrum götum, svo sem
Skeifunni, Ármúla og víðar."
Og verslun eins og þín, með gjafavör-
ur, á hún ekki annars staðar heima en
við Laugaveginn?
„Nei, það held ég ekki, af fyrrnefnd-
um ástæðum. Hér eru margar verslanir
af þessu tagi, sem þó eru ekki með sömu
vörur, og því kemur fólk og skoðar í
mörgum búðum áður en keypt er. Marg-
ar verslanir á sama stað eru því fólki til
hjálpar. Svo er hitt líka að hér eru mjög
góðar samgöngur, strætisvagna-
miðstöðvar við hvorn enda götunnar, og
einir 18 strætisvagnar fara hér um á
klukkustund og talið er að gangandi fólk
á hverjum klukkutíma skipti þremur til
fjórum þúsundum á góðum degi. Við
Laugaveginn er mikið um að vera og
eðlilegt að þar sé margt fólk. Nei, ég vil
ekki breyta götunni í göngugötu. Það er
ekki hægt að bera okkur saman við
Strikið í Kaupmannahöfn, þótt við
gjarna vildum, bæði erum við of fá og of
norðarlega á hnettinum til þess að það
sé hægt. Það á að varðveita Laugaveg-
inn sem verslunargötu, það er vaxandi
skilningur á því hjá borgaryfirvöldum,
en gatan myndi deyja ef hún yrði
göngugata," sagði Árni að lokum.
Það er ekkert
fararsnið á okkur
— segir Brynjólfur Björnsson í Brynju á
Laugavegi, sem starfrækt hefur verió frá 1919
„Þessi verslun hefur verið starfrækt allt
frá árinu 1919, en þar af hefur faðir minn,
Björn Guðmundsson, rekið hana í þrjátíu
ár,“ sagði Brynjólfur H. Björnsson, versl-
unarstjóri í byggingavöruversluninni
Brynju á Laugavegi 29, í samtali við blaða-
mann Morgunblaðsins, nú í vikunni. „Því
er ekki að leyna að hér hefur margt breyst
á þeim tíma sem verslunin hefur verið hér
á Laugaveginum," sagði Brynjólfur enn-
fremur. „í upphafi er þetta byggingavöru-
vcrslun í útjaðri bæjarins, en núna verslum
við með minni áhöld og tæki til bygginga-
vinnu í miðborginni.
Þróunin hefur orðið sú, að við höfum
hætt að versla með stærri hluti til hús-
bygginga, ef undan eru skildar trésmíða-
vélar, sem þá eru oftast seldar án þess
að þær komi endilega hér inn í búðina.
En Brynja er enn byggingavöruverslun,
þar sem einkum er leitast við að sinna
þörfum gangandi vegfarenda um Lauga-
veginn, þeim er hér starfa og þeim er
búa í nágrenninu. Hér eru á boðstólum
alls kyns vörur til bygginga og viðgerða,
verkfæri, naglar, skrúfur og allt sem
nöfnum tjáir að nefna."
Og þið hafið ekki í hyggju að færa
ykkur um set?
„Nei, ég býst ekki við að við gerum
það, þó vitaskuld hafi sá möguleiki verið
ræddur. En við kunnum vel við okkur
hér. Laugavegurinn er helsta verslun-
argata landsins og hér er líf og fjör, ys
og þys, og okkur fellur það vel. Já, það er
rétt, að umferðin er mikil hér, og nauð-
synlegt er að bæta úr bílastæðaskortin-
um, til dæmis með skipulagningu auðra
lóða til þess eða byggingu bílageymslu-
húsa. En ég er ekki hlynntur því að
Laugavegi verið lokað fyrir bílaumferð.
Til þess er gatan of löng, og veðráttan
hér of rysjótt. Það var reynt um tíma að
takmarka hér af bílastæði, og það leiddi
þegar í stað til minnkandi verslunar.
En við verðum hér vafalaust áfram,
hver sem þróunin verður. Það kemur að
því að farið verður að byggja upp gömlu
húsin í miðbænum í auknum mæli, og þá
verður aftur aukin þörf fyrir verslun
eins og Brynju. Þá erum við líka að
byggja á lóð okkar frá Laugavegi niður
að Hverfisgötu, svo ýmislegt er á döf-
inni. Hér er að vísu mikið af tískuvöru-
verslunum eins og er, en það getur allt
breyst aftur. Það er ekkert fararsnið á
okkur," sagði Brynjólfur að lokum.
Feðgarnir Brynjólfur Björnsson og Björn Guðmundsson í versluninni Brynju, sem eitt sinn var
í útjaðri bæjarins en er nú í miðborginni.