Morgunblaðið - 12.08.1982, Blaðsíða 19
MORGUNBLAÐIÐ, FIMMTUDAGUR 12. ÁGÚST 1982
19
Samtök óháðra ríkja:
Franski kappakstursmaðurinn Didier Pironi grætur af sársauka meðan gert er að sárum hans til bráðabirgöa
eftir að hann lenti í árekstri á æfingu fyrir Grand Prix-keppnina sem fór fram í Hockenheim. Pironi brotnaði á
báðum fótum og handleggsbrotnaði.
Halda Indverjar toppfundinn?
Nýja Delhi, Indlandi, II. ápíst. AP.
ÍRAKSTJÓRN hefur nú formlega
beðið Indland að halda sjöunda
toppfund Samtaka óháðra ríkja,
sem átti að hefjast í Bagdad fyrri
hluta næsta mánaðar, samkvæmt
upplýsingum frá talsmanni stjórn-
valda í Indlandi í dag.
Stjórnvöld á Indlandi hafa sam-
þykkt að halda fundinn ef það er
vilji meðlimanna.
Saddam Hussein, forseti írak,
lagði einnig til í bréfi til Indiru
Gandhi forsætisráðherra að
utanríkisráðherrar ríkjanna
hittist í Bagdad eins og ráðgert
hafði verið annan og þriðja sept-
ember til að ákveða nýja dag-
setningu fyrir fundinn. Hann
bauðst einnig til að halda fund-
inn sem ráðgerður er árið 1985 í
írak.
Eina skilyrðið sem Indland
setur er að öll ríkin séu sammála
um að halda fundinn þar, en ír-
an, Sýrland og Libýa hafa öll til-
kynnt að þau muni ekki taka
þátt í honum verði hann haldinn
í írak.
Bretland:
Samúðarverkfall
hjá prenturum
London, II. ágúst. AP.
ENGIN dagblöð komu út í Englandi
í dag eftir að 1000 prentarar hófu 24
klukkustunda samúðarverkfall til
stuðnings við kröfur starfsfólks
sjúkrahúsanna.
Verkfall þetta lamaði útgáfu
allra þeirra níu landsmálablaða
sem eru prentuð í London, en eig-
endur þeirra segja að prentun þess
hluta blaðanna sem fer fram í
Englandi hafi farið fram eftir
áætlun í gærkvöldi.
Verkfall starfsfólks á sjúkra-
húsum hefur haft þau áhrif að 60
prósent allra ríkisrekinna sjúkra-
húsa sinna nú aðeins neyðarþjón-
ustu.
Farið er fram á 12 prósent
launahækkun, en stjórnin sem
þegar hefur hækkað tilboð sitt í
tvígang neitar að fara hærra en
7,5 prósent á laun hjúkrunarfræð-
inga og 6 prósent á laun annars
starfsfólks, sem er liður í baráttu
þeirra við verðbólgu.
Leiðtogi stærsta verkalýðsfé-
lags starfsfólks á sjúkrahúsum
segist hafa hvatt prentara til að
halda áfram störfum sínum og
fara ekki í samúðarverkfall þar “
sem slíkt gæti haft í för með sér
minnkandi stuðning almennings
við málstað þeirra.
180 látizt á flótta
frá Austur-Berlín
Berlín, II. á|0JNt. AP.
Mannréttindasamtök í Vestur-
Berlín sögðu í yfirlýsingu í dag að
180 manns hefðu fallið fyrir kúl-
um kommúnista ellegar látizt er
þeir stigu á jarðsprengjur, frá því
að Berlinarmúrinn var reistur fyrir
21 ári.
Hópur þessi kennir sig við 13.
ágúst, en þann dag árið 1961
hófu kommúnistar að reisa múr-
inn. Tveir hafa látizt á þessu ári.
Fjöldi þeirra sem komizt hefur
frá Austur-Berlín til Vestur-
Berlínar hefur minnkað en er
samtals 188 þúsund. Það sem af
er þessu ári hafa aðeins 110
komizt vestur yfir, enda hefur
eftirlit mjög verið hert af hálfu
Austur-Þjóðverja.
Skriðuföll
á Formósu
Taipei, II. ágúsi. AP.
NÍTJÁN manns að minnsta kosti
dóu þegar mikil skriða féll á þorp á
Taiwan í dag og hreif með sér
hreysi og kofa og hvað sem fyrir
varð. Miktar rigningar á þessu
svæði hafa hleypt af stað hinum
verstu skriðuföllum á Taiwan, þótt
ekki sé vitað um mannskaða fyrr
en nú.
Ný
sending
in.ia f i.i v.ci ii11( i