Morgunblaðið - 12.08.1982, Blaðsíða 37

MORGUNBLAÐIÐ, FIMMTUDAGUR 12. ÁGÚST 1982
37
Pílatusar-
þvottur
frammi fyr-
ir þjóðinni
„Segja má að þríeykið, Agnar, Ólafur og Steingrímur, beri að líkindum
mesta ábyrgð á stólmálinu. Ég skora bér með á þá þrjá að gefa stuttorða og
sanna yfirlýsingu um, hvers vegna það dróst i 5 ár að manna umrædd tæki.“
Ingjaldur Tómasson skrifar:
„Undanfarið hafa margir
þeirra, sem ráða og stjórna flug-
málum íslendinga, skrifað mikið
flóð greina í Morgunblaðið, mest
til að klóra í bakkann og afsaka
sig gagnvart þeirri staðreynd og
samkvæmt eigin áliti sömu
manna, að miklar líkur voru á því,
að hið sorglega slys við Esjubrún
hefði ekki átt sér stað, ef viðeig-
andi öryggistæki í Keflavík hefðu
verið í notkun.
Eftir þessar yfirlýsingar lang-
reyndra flugmanna, hefði mátt
ætla að flugmálastjóri, sem tví-
mælalaust ber hér mesta ábyrgð,
hefði kosið þögnina. Nei, ekki al-
deilis. Hinn 31. júlí skrifar hann í
Mbl. um mjög góða byrjun. Nú sé
hann sjálfur búinn að fá alger yf-
irráð yfir mönnunum í stólnum,
sem stjórna hinum mikilvægu ör-
yggistækjum fyrir Reykjavíkur-
flugið, sem að líkum eru gefin
okkur af Bandaríkjamönnum,
ásamt feiknafjármagni í fjöl-
mörgu öðru, sem óþarft ætti að
vera að telja upp. Og í stað þess að
þakka þeim með einu orði, eru þeir
níddir niður í svaðið eins og
vinstra kerfið getur verst upp-
hugsað.
Hví heimtuðu yfirmenn björg-
unarmála ekki yfirstjórn björgun-
arflugvéla hersins, sem bjargað
hafa hundruðum mannslífa hér
við land, án þess að sést hafi nokk-
urt þakkarorð, hvorki frá aðstand-
endum né þjóðarleiðtogum? Enda
alger fordæming vís þeim vinstri-
mönnum, sem voguðu sér að viður-
kenna hið minnsta gott í fari
Bandaríkjamanna.
í sama Morgunblaði, hinn 31.
júlí, lýsir utanríkisráðherra því
yfir, að nú fyrst, eftir að „stóllinn"
hefir staðið auður í 5 ár, hafi tek-
ist samkomulag um að þeir sem
setjist í stólinn „heyri algerlega
undir" flugmálastjóra. Hann á
bæði að ráða mennina og vera
ótvíræður húsbóndi þeirra. Og enn
'\ sama blaði birtist löng greinar-
gerð í 5 liðum frá samgöngumála-
ráðuneyti. Eins og mikilla ráðu-
neyta er siður, þegar gruggug mál
eru á ferðinni, reynir það pílatus-
arþvott frammi fyrir þjóðinni og
segir eins og Pílatus forðum: Við
berum enga ábyrgð á hinu hörmu-
lega slysi.
Segja má að þríeykið, Agnar,
Ólafur og Steingrímur, beri að lík-
indum mesta ábyrgð á stólmálinu.
Ég skora hér með á þá þrjá að
gefa stuttorða og sanna yfirlýs-
ingu um, hvers vegna það dróst í 5
ár að manna umrædd tæki.
Það er alltaf segin saga, þegar
óþverramál eru á döfinni hjá
hinni geysifjölmennu yfirráða-
stétt, að þá upphefst fyrst í stað
mikið jaml og fuður afsakana, og
vill þá gjarnan svo til, að einhverj-
ir ráðamanna segja of mikið, sem
kemur sér illa fyrir þá kerfiskarla
eða stofnanir sem hlut eiga að
máli, eins og skeð hefir nú í stól-
málinu. Svo þegar mesta afsak-
anafumið er þagnað og viðkom-
andi sjá að einhverjir ráðamanna
(hér flugmála) hafa sagt of mikið,
þá skeður það, að einn virtur flug-
maður skrifar grein í Morgunblað-
ið, þar sem fullyrt er að helst eng-
inn beri nokkra sök eða ábyrgð á
margnefndu stólmáli. Svo sé öll-
um fyrir bestu að þetta mál sé
gleymt og grafið — og þar með
féllu skyndilega niður öll skrif um
málið, ekki ósennilega eftir sátta-
fund flugmálayfirvalda.
Mikil árátta virðist vera hjá
mörgum Islendingum, sem komast
til mannaforráða, að stjórna án
nokkurs samráðs við undirmenn
og grípa hvert tækifæri sem býðst
til að klófesta meiri og meiri yfir-
ráð og þar með meira og meira
fjármagn í eigin vasa. Laun þéirra
í hærri stiganum eru yfir 30—40
þúsund krónur á mánuði. Fjöldi
þessara hálaunabelgja er ótrúleg-
ur, efalaust algert heimsmet hjá
jafn fámennri þjóð og okkur Is-
lendingum. Ekki fjölmennari en
nemur starfsmönnum einnar ein-
ustu verksmiðju handan við hafið.
Og það er ekki að undra þótt efna-
hagskerfi okkar riði til falls, þegar
lítið virðist vera hugsað um annað
en fjölga sem mest yfirstéttarlið-
inu ásamt fokdýrum kommisara-
stofnunum.
Aðalstarf núverandi stjórn-
valda virðist hafa verið að auka
óskapnað ríkisbáknsins og troða
þar inn sem flestum sínum fylgis-
mönnum meðan sætt er í valda-
stólum. En vita þeir það ekki,
þessir stjórnarherrar, að þessi út-
belging báknsins færir engin verð-
mæti í þjóðarbúið, þvert á móti er
það nú að sliga efnahagskerfi
okkar. Það er búið að drepa í
dróma alla athafnaþrá manna til
verðmætasköpunar. Og þeir sem
gerast svo djarfir að vera að fikta
við sköpun verðmæta eru jafnvel
ofsóttir af ríkisvaldinu (t.d. Laxa-
lónsmálið). Víst er nú talið að
stjórnin muni innan tíðar geyspa
golunni. Það er svo þjóðarinnar að
gera upp við hana gjaldþrota-
reikninginn í næstu kosningum."
Þessir hringdu . . .
Vantar handrið
við uppkomuna
úr lauginni
Olafia Jónsdóttir hringdi og
hafði eftirfarandi að segja:
— Mig langar til að beina
fyrirspurn til þeirra sem hafa
með Sundhöllina að gera. Geta
þeir ekki látið setja upp hand-
rið við stigana, þar sem komið
er upp úr lauginni? Flísarnar
á gólfinu eru svo glerhálar, að
það er í rauninni stórhættu-
legt að feta sig áfram eftir
bakkanum frá laugarbarmin-
um. Nægilegt væri að strengja
þarna kaðal á milli uppistaða
og einnig mætti hugsa sér kað-
alhandrið á veggnum á móti.
Ég er tíður gestur í Sundhöll-
inni og er oftast logandi
hrædd þegar ég er að koma
upp úr lauginni, því að það er
sannarlega háskalegt að
skrika fótur þarna á glerhál-
um og hörðum flísunum.
GÆTUM TUNGUNNAR
Sagt var: Jón er duglegur, þegar hann er borinn saman við
Pál.
Rétt væri: Jón er duglegur, þegar þeir Páll eru bornir
saman.
Eða: Jón er duglegur í samanburði við Pál.
„Vinningsnúmer í
happdrætti Landsmóts
hestamanna 1982:
Nr. 4220 Altygjaður gæðingur.
Nr. 4952 Vel ættað og glæsilegt tryppi.
Nr. 3145 Norðurlandaferð fyrir tvo, báöar leiðir m. Flug-
leiöum hf.
Nr. 3867 Ferð fyrir tvo til Amsterdam með Arnarflugi hf.
Nr. 4553 Norðurlandaferð fyrir tvo með Samvinnuferö-
um-Landsýn.
Nr. 1887 Folatollur hjá stóöhestinum Sörla 653.
Upplýsingar gefur Guðm. Ó. Guömundsson, Skagfirð-
ingabráut 41, Sauðárkróki, sími heima 95-5213 og á vinnu-
st. 95-5200."
FJOLBRAUTASKÓUNN
BREIÐHOLTI
Frá Fjölbrauta-
skólanum í
Breiðholti
Austurbergi 5, 109 Reykjavík ísland, sími 75600
Skólinn veröur settur í Bústaðakirkju miövikudaginn
1. sept. kl. 10.00. Aðeins nýnemar skulu koma til
skólasetningar. Nemendatöflur veröa afhentar sama
dag í húsakynnum skólans viö Austurberg kl.
13.30—17.00.
Kennarafundur veröur haldinn fimmtudaginn 2. sept-
ember og hefst kl. 9.00. Kennsla samkvæmt stunda-
skrá hefst föstudaginn 3. september. Sama dag fer
fram kynning á skólanum fyrir nýnema og hefst kl.
8.10.
innritun í öldungadeild veröur dagana 23.—27.
ágúst kl. 20.00—22.00. Allir nemendur kvöldskólans
eiga aö koma aö velja námsáfanga og greiöa náms-
gjöld aö upphæö kr. 850.- Kennsla í öldungadeild
hefst mánudaginn 6. september.
Skólameistari.
Alltaf á fóstudögum
FYRSTA OG EINA
GLERMUNAVERKSTÆÐIÐ
HÉR Á LANDI.
HVERNIG FINNST ERLENDUM
VIÐSKIPTA- OG
HAGFRÆÐINEMUM AÐ
STARFA Á ÍSLANDI?
MEIRA EN VENJULEG
SÓLARLANDAFERÐ.
Fjallað um Marbella og Valparaiso
á Mallorka
JptagntiMfiMfe
Föstiulagsblaðid er gott forskot á helgina