Morgunblaðið - 14.08.1982, Blaðsíða 10

10
MORGUNBLAÐIÐ, LAUGARDAGUR 14. ÁGÚST 1982
Bflar
Sighvatur Blöndahl
1'ElIGKOT-bílaverksmiðjurnar
frönsku hafa löngum verið þekktar
fyrir frekar íhaldssama fram-
leiðslu, þ.e. hinar ýmsu gerðir hafa
verið lítið breyttar óvenjulega
lengi. I'að vakti því nokkra athygli
þegar verksmiðjurnar kynntu fyrir
nokkrum misserum hugmyndir
sínar varðandi framleiðslu á l'eu-
geot 305 og I'eugeot 505, en þeir
eru tiiluvcrt frábrugðnir hinni
hefðbundnu framleiðslu, allir mun
nýtízkulegri og skemmtilegri í út-
liti. A dögunum rcynsluók ég Peu-
geot 505-bílnum, nánar tiltekið
GK-útfærslunni, sem knúin er 4
strokka, 1.971 rúmsentimetra, 96
hcstafla vél. Ég þurfti ekki að aka
bílnum lengi til þess að komast að
því, að hann er verulega skemmti-
legur í akstri og það fer vel um
ökumann og farþcga.
HIJRÐIR - SÆTI
Bíllinn er fjögurra dyra og er
ágætt að ganga um þær, hvort
heldur er að framan, eða aftan.
Þegar maður sezt inn verður
maður strax var við, að mjög er
vandað til sætanna, sérstaklega
frammi í. Þau eru hæfilega
mjúk, klædd þægilegu tau-
áklæði, auk þess sem þau styðja
vel við bak viðkomandi. Að vísu
má ekki gleyma því, að hver hef-
ur sinn smekk í sambandi við
sæti. Einum þykir gott að sitja í
sæti, sem öðrum finnst ekkert
sérstakt. Það vakti ennfremur
athygli mína, að mjög vel sést út
úr bílnum. Maður situr tiltölu-
lega hátt og póstar eru þunnir og
skyggja lítið á. Það sama er
reyndar uppi á teningnum fyrir
farþega, sem sitja aftur í. Þeir
sjá mjög vel út og það fer reynd-
ar mjög vel um þá. Það þarf ekk-
ert að kvarta yfir rýminu fyrir
fætur viðkomandi. Ekkert er því
til fyrirstöðu, að þrír fullorðnir
ferðist í bílnum aftur í, þannig
að bíllinn stendur alveg undir
því að vera 5 manna.
RÝlVf I PEDALAR
Rými það sem ökumaður hefur
er óvenjulega gott. Armpúðar
innan á hurðum eru vel staðsett-
ir fyrir minn smekk, en það er
auðvitað persónubundið hvernig
fólk vill hafa þá. Pedalar eru
ágætlega staðsettir og langt er á
milli þeirra, sem kemur í veg
fyrir hættuna á því, að stíga á
tvo þeirra samtímis, sem óneit-
anlega vill brenna við í sumum
bílategundum. Ástigið á brems-
urnar er létt og þær tóku hæfi-
lega fljótt við sér. Það má reynd-
ar segja það sama um kúpling-
una, að hún er mjög létt og slítur
á ágætum stað.
MÆLABORÐ
Ef litið er á mælaborðið í heild
sinni er það smekklegt og stíl-
hreint. Stjórntæki eru öll innan
seilingar, nema ef vera kynni
hluti af stjórntækjum miðstöðv-
ar, sem mættu vera heldur nær.
I mælaborðinu er að finna þá
mæla og þau tæki, sem nauð-
synleg eru. Hraðamælirinn er
með „trimmar", þá eru stórir og
góðir mælar fyrir hita og benzín.
Hins vegar sakna ég óneitanlega
olíumælis, en aðeins er um að
ræða viðvörunarljós, sem kvikn-
ar ef olía fer að minnka. Ljósa-
rofi er vel staðsettur til vinstri
handar á stýrinu, en í honum er
bæði stjórnun stefnuljósa og að-
alljósa, og auk þess er í honum
flautan, sem mér finnst ókostur.
Það er hálf óhönduglegt, að ýta á
Peugeot 505.
PEUGEOT 505
reynsluekið
• Góðir aksturseiginleikar • Kraftmikill • Rúmgóður
Ijósarofann ef maður þarf
skyndilega að flauta. Alltaf
finnst mér nú þægilegast að
hafa hana í stýrishjóli sjálfu.
Hægra megin utan við stýris-
hjólið er svo rofi fyrir þurrkurn-
ar og er ekkert að honum að
finna. Þær eru að sjálfsögðu
tveggja hraða og auk þess með
„letingja“. Þær eru ágætlega
stórar og hreinsa því vel af rúð-
unni.
MIÐSTÖÐ
Miðstöðin er til hægri í mæla-
borðinu og eins og áður sagði
mætti hluti af stjórntækjum
hennar koma heldur nær til
þæginda. Hún er fjögurra hraða,
sem er frekar óvenjulegt. Hún
virkar annars mjög vel. Hitar
bílinn upp mjög snarlega og
fljótt tekur af rúðunum. I sama
panel og miðstöðin er í eru
ennfremur rofar fyrir „neyðar-
blikkljós", upphitun í afturrúðu
og þokuljós að aftan, en það er
mikill kostur að hafa slíkt ljós.
GÍR - VÉL
Bíllinn er fjögurra gíra og er
gírstöngin mjög vel staðsett, auk
þess sem hnúðurinn er þægi-
legur. Mér fannst bíllinn virka
vel í öllum gírum, þótt vinnslan
væri hlutfallslega bezt í 2 gírn-
um. Þá er mjög gott að skjótast
um í umferðinni í þriðja gír, án
þess að skipta niður. Nú, fyrst ég
er farinn að tala um skiptinguna
og vinnsluna, þá kom það mér á
óvart hversu vel bíllinn vann
með þessa vél. Um er að ræða
liðlega 1.200 kg bíl með tæplega
2.000 rúmsentimetra vél. Bíilinn
er tiltölulega snöggur upp og
vinnslan er ennfremur góð, þeg-
ar á brattann er að sækja. Þess
má reyndar geta, að hægt er að
velja auk þessarar vélar dísilvél
og síðan er STI-útfærslan með
elektrónískri beinni innspýtingu
við umrædda benzínvél, sem
eykur kraft bílsins til muna, eða
um 14 hestöfl.
AKSTURSEIGINLEIKAR
Aksturseiginleikar bílsins eru
góðir, hvort heldur ekið er inn-
anbæjar á malbikinu, úti á landi
á steyptum vegum, eða þá á möl-
inni. Það kom mér reyndar á
óvart hversu lipur hann er í inn-
anbæjarumferðinni. Beygjuradí-
usinn er alveg ágætur af svo
stórum bíl að vera. Bíllinn er
með sjálfstæða fjöðrun allan
hringinn, sem er mikill kostur.
Enda kom það í ljós, þegar hon-
um var ekið greitt úti á malar-
vegunum, að hann svaraði mjög
skemmtilega. Mér finnst sam-
einast mjög vel í einum bíl góðir
aksturseiginleikar á steypunni
og á möl, en af skiljanlegum
ástæðum er frekar erfitt að sam-
eina þetta.
Um farangursrými bílsins er
það að segja, að það er í meðal-
lagi, hvorki stórt né lítið. Hins
vegar er mjög gott að ganga um
það, skottlokið er tiltölulega
stórt. Vélarhúsið er einnig til-
tölulega stórt og lokið opnast
vel, þannig að hönduglegt er að
komast að hlutum til að gera við
þá, þegar þess gerist þörf. Loks
má geta þess, að ljósin á bílnum
eru öll frekar stór og sjást því
vel. Sérstaklega fannst mér
afturljósin koma vel út.
Ef litið er á heildina í lokin er
ekki hægt að segja annað en bíll-
inn hafi komið vel út. Hann er
rúmgóður, kraftmikill og akst-
urseiginleikar hans eru mjög
góðir, hvort heldur ekið er á
steypu eða möl.
Aksturseiginleikar Peugeot 505 eru góðir.
I.)ÓNmynd Mbl. Krintýán.
Peugeot
Gerð: Peugeot 505 GR.
Framleiðandi: Peugeot.
Framleiðsluland: Frakkland.
Innflytjandi: Hafrafell.
Verð: 185.000,-.
Afgreiðslufrestur: Til á lager.
Lengd. 4.580 mm.
Breidd: 1.730 mm.
Hæð: 1.450 mm.
Hjólhaf: 2.740 mm.
Þyngd: 1.210 kg.
Burðargeta: 550 kg.
Dráttarþyngd: 1.300 kg.
Benzíneyðsla: 10—11 lítrar (mæling
Mbl.)
Benzíntankur: 56 lítrar.
Fjöðrun: Sjálfstæð fjöðrun á hverju
hjóli.
Bremsur: Diskar að framan, en
tunnur að aftan.
Stýri: Vökvastýri.
Vél: 4ra strokka. 1.971 rúmsenti-
metri, 96 hestafla/5.200 snúninga.
Hjólbarðar: 175 SR 14 radial.
Mælaborðið er stílhreint.
Gott rými i vélarhúsi.