Morgunblaðið - 14.08.1982, Blaðsíða 20
20
MORGUNBLAÐIÐ, LAUGARDAGUR 14. ÁGÚST 1982
Gerði tilboð í Ikarus
„I'AD ER búið að gefa heimild til
þess að gera tilboð, og við höfum
gert það,“ sagði Kristján Guð-
mundsson, bæjarstjóri Kópavogs, í
samtali við Mbl., en hann var spurð-
ur hvort bærinn hygðist gera tilboð í
þrjá strætisvagna af Ikarus-gerð,
sem auglýstir hafa verið til sölu.
Ekki vildi Kristján upplýsa
hvort tilboð hefði verið gert í einn
eða fleiri vagna. Hins vegar sagði
hann að ástand vagnanna væri
ekki gott og virtist sem ekki hefði
verið farið ýkja vel með þá.
Skagafjörður:
Ábæjarkirkja
60 ára
SIDASTLIÐINN sunnudag, 8.
ágúst, var messað í Ábæjarkirkju í
Austurdal af sóknarprestinum, séra
Agústi Sigurðssyni frá Mælifelli.
V'enja er að messa í kirkjunni einu
sinni á sumri, þá um sextándu
sumarhelgina. I ár eru sextíu ár lið-
in síðan kirkjan, sem nú stendur í
Ábæ, var vígð.
Ábæjarkirkja á marga góða
gripi og má þar m.a. nefna 250
ára gamlan kaleik úr tini. Biblía
kirkjunnar er gömul úr Hóla-
prenti hinu forna, er hún nokkuð
snjáð orðin svo ártal sést ekki.
Altaristaflan er einnig mjög
gömul og er máluð á tréspjöld.
Mónika á Merkigili gaf kirkjunni
nýlega vandaðan hökul til minn-
ingar um látinn mann sinn, Jó-
hannes bónda á Merkigili, og
dóttur sína, Elínu á Völlum, sem
lést síðastliðið haust. Að lokinni
messu á sunnudag bauð Mónika
kirkjugestum, sem voru um átta-
tíu, til kaffidrykkju á Merkigili
og var þar að venju veitt af mik-
illi rausn.
Stykkishólmur:
Heyskapur
gengur hægt
Slykkishólmi, 13. ágúst.
HEYSKAPUR hjá bændum hér í
nágrenni hefir gengið heldur hægt
og valda þar um að þurrkleysur og
regn hafa ráðið miklu.
Eftir því sem þeir bændur sem
ég hefi talað við segja er spretta
góð en margir eru ekki nema
hálfnaðir með heyskapinn.
Það lítur vel út með ber í ár og
mætti segja að þetta sumar yrði
með þeim betri að því leyti ef ekki
bestu. Eru berin nú orðin svört og
vantar ekki mikið í fullan þroska.
Fréttaritari
Bíóhöllin:
Dularfullar
símhringingar
BÍÓHÖLLIN mun nú á næstunni
sýna myndina When A Stranger
Calls, sem hlotið hefur nafnið Dul-
arfullar símhringingar í íslenskri
þýðingu. Með helstu hlutverk fara
Charles Durning, Carol Kane, Col-
een Dewhurst, Tony Becley, Rachel
Roberts og Ron O’Nel.
Efnisþráður myndarinnar er sá
að ung skólastúlka tekur að sér að
passa börn á kvöldin. Kvöld eitt er
hún gætir tveggja barna í húsi
einu hjá auðugu fólki hringir sím-
inn í sífellu. Það kemur í ljós að
hringt er úr öðrum síma í sama
húsi og hún dvelur. Hræðilegur
atburður hefur átt sér stað, börnin
sem stúlkan var að passa finnast
myrt. Og í ljós kemur að geðveikur
morðingi gengur laus.
Stuðmenn í miklu fjöri
Stuðmenn að ljúka
töku á kvikmynd
STUÐMENN eru nú að Ijúka síð-
ustu tökum á kvikmynd sinni „Með
allt á hreinu" sem Ágúst Guð-
mundsson leikstýrir.
I myndinni kemur fram mikill
fjöldi leikara. Áætlað er að frum-
sýna myndina núna um jólin.
Stuðmenn ráðgera að spila í Fé-
lagsgarði í Kjós í kvöld á hátíð
sem Ungmennasamband Kjalar-
nesþings gengst fyrir. Þetta verð-
ur að öllum líkindum í síðasta
sinn sem hljómsveitin kemur fram
áður en myndin verður frumsýnd.
Myndin er tekin að lokinni messu í Ábæjarkirkju síðastliðinn sunnudag og
sést hluti gesta, en kirkjugestir voru um áttatíu á þessu sextíu ára afmæli
kirkjunnar.
Séra Ágúst Sigurðsson í höklinum, sem
kirkju.
——*g
, I í
Mónika á Merkigili gaf Ábæjar-
30% sóknarnefndarmanna konur
í SÓKNARNEFNDUM hérlendis
sitja nú 938 manns og af þeim voru
1. marz sl. 284 konur eða 30%. Á
sama tíma voru aðeins 6,2%
sveitarstjórnarmanna konur.
Kosið er til sóknarnefnda þannig
að aðeins hluti nefndarmanna er
kosinn hverju sinni, en aðrir sitja
áfram.
Sóknir landsins eru nú 285 og
eru sóknarmenn, sem fyrr segir
938. Auk þess eru safnaðarfulltrú-
ar í hverri sókn, þannig að 1.223
manns eru kjörnir til forystu í
sóknum landsins. í nokkrum til-
vikum eru safnaðarfulltrúar úr
hópi sóknarnefndarmanna, þannig
að rauntalan er eitthvað lægri.
Af formönnum sóknarnefnda
eru 55 konur eða 19,3%. Safnað-
arfulltrúar eru í hópi kvenna
17,7%. Þá eru nokkrar sóknar-
nefndir einkynja. 85 söfnuðir eða
nærri 30% þeirra sáu ekki ástæðu
til að kjósa konu í sóknarnefnd. 10
söfnuðir hafa einungis konur í
stjórn safnaðarins eða 3,5%.
Austfirðingar kalla mest eftir
starfskröftum kvenna í sóknar-
nefndir. í Austfjarðaprófasts-
dæmi eru konur 47,6% sóknar-
nefndarmanna. í Múlaprófasts-
dæmi eru þær 43,4% í sóknrnefnd-
um og gegna forystu í nær helm-
ingi þeirra.
Fæstar eru konur í Rangár-
prófastsdæmi. Þar eru konur að-
eins 20% sóknarnefndarmanna.
Hið sama gildir og um Skagafjörð
en þar eru hins vegar 20% for-
manna konur.
Reykjavík er fyrir neðan meðal-
tal. Þar eru 26% sóknarnefndar-
manna konur og 12,5% formanna í
sóknarnefndum. Hlutfall Reykja-
víkurprófastsdæmis væri þó enn
lægra, ef Seltjarnarnessókn væri
þar ekki með. í þeirri sókn eru
konur í meirihluta, auk þess sem
formaður og safnaðarfulltrúi eru
konur.
íbúar Fellabæjar fá ekki
löggæzlu frá Egilsstöðum
„OKKDK íbúum Fellabæjar finnst það
óeðlilegt að ekki skuli vera hægt að fá
hingað lögreglu frá Egilsstöðum til
skýrslutöku og annarra lögreglustarfa.
Fra Egilsstöðum og hingað norður yfir
Fljót eru aðeins tveir og hálfur kiló-
metri, en þess í stað verðum við að
sækja lögreglu niður á Seyðisfjörð, en
þangað eru um 30 kílómetrar. Vegna
þessa hef ég kvartað við dóms-
málaráðuneytið og er fulltrúi þaðan
væntanlegur hingað í næstu viku,“
sagði Þráinn Jónsson, hreppstjóri í
Fellabæ, í samtali við Morgunblaðið.
„Okkur finnst þetta einkennileg
ráðstöfun af hálfu dómsmálaráðu-
neytisins, að þó við tilheyrum
Norður-Múlasýslu að lögsagnarum-
dæmi, skulum við þurfa að sækja
lögreglu til Seyðisfjarðar, 60 kíló-
metra leið fram og til baka, þegar
hægara ætti að vera að fá lögreglu
frá Egilsstöðum, fimm kílómetra
leið fram og til baka. Með þessu er-
um við alls ekki að mótmæla störf-
um Seyðisfjarðarlögreglunnar, sam-
skiptin við hana hafa ætíð verið með
ágætum, en það er bæði tímafrekt og
dýrt að hafa þennan háttinn á. Þá er
þetta ekki verulegt vandamál á
sumrin, en á veturna er það hrein-
lega oft vonlaust að komast á milli
Seyðisfjarðar og Fellabæjar vegna
ófærðar.
Reynir við Drangeyjarsund
í DAG um kl. 13 ætlar Kristinn Ein-
arsson sundmaður frá Akranesi að
reyna við Drangeyjarsund.
Syndir hann úr Drangey ef veður
og aðrar aðstæður leyfa og ætti að
verða kominn að Reykjadisk á
Reykjaströnd um kl. 17—18 síðdegis.
Dumbungur var í gær í Skagafirði
en spáin er góð fyrir daginn í dag.
Sagðist Kristni lítast vel á þetta og
nú ætlaði hann helzt ekki að hætta
við.