Morgunblaðið - 18.08.1982, Blaðsíða 1

Morgunblaðið - 18.08.1982, Blaðsíða 1
32 SÍÐUR 179. tbl. 69. árg. MIÐVIKUDAGUR 18. ÁGÚST 1982 Prentsmiðja Morgunblaðsins. Mitterrand: „Skipulögð skæruliða- starfsemi l'arís, 17. ágúst. AP. „ÞESSI skæruliðastarfsemi í Paris er skipulögð af ikveðnum aðilum til þess að hegna Krakklandi fyrir þá friðar- stefnu, sem landið hefur aðhyllst i Mið-Austurlöndum,“ sagði Francois Mitterrand, Frakklandsforseti, i ávarpi, sem hann flutti í beinni sjón- varpsútsendingu í dag þar sem hann sat fyrir svörum. „Stefna Frakklands í Arabalöndunum getur ekki, hefur ekki og mun ekki mótast af andúð i garð ísraela," sagði Mitterrand ennfremur. Enn ein upp- reisn á Seyc- helles-eyjum Nairobi, Kenya, 17. ágúst. AP. HERMENN úr herliði Seychelles-eyja gerðu í dag vopnaða uppreisn til að knýja á um kröfur sínar þess eðlis að nokkrir herforingjar segi af sér. Þeir tóku á sitt vald útvarpsstöð stjórnar- innar og hóta að taka af lífi yfir 200 gísla ef herinn verði sendur gegn þeim. Fréttum um þessa sérkennilegu uppreisn var komið frá eyjunum gegnum síma og telex-samband við Nairobi, London og aðrar borgir, en enn sem komið er eru allar fregnir óstaðfestar. Hermennirnir segjast ekki hafa neitt á móti forseta eyjanna, France Albert Rene, sem er sósíalisti og kom til valda eftir byitingu er gerð var 5. júní 1977. Hins vegar fara þeir fram á brottrekstur nokkurra ónefndra hershöfðingja. Best að búa í Danmörku Philadelphia, 17. á|pÍ8t. AP. DANMÖRK er ákjósanlegasti bústaöur heimsins, verst er að búa í Eþíópíu og Bandarikja- mönnum til sárra vonbrigða er heimaland þeirra aðeins i 41. sæti af 107 þjóðum, sem nýgerð könnun starfshóps við háskólann í Pennsylvaniu náði til. Noregur varð í öðru sæti í könnuninni, Austurríki í þriðja, þá Holland og Svíþjóð í 5. sæti. íslands var ekki getið í fréttaskeytum. Þó að nokkurt lát hafi verið á loftárásum á Vestur-Beirút nú um skamma hríð, eru enn að finnast lik manna er fallið hafa í valinn i hjarta borgarinnar vegna styrjaldarinnar. símamynd ai*. írland: Haughey seg- ir ekki af sér Ihiblin, írlandi, 17. ágúst. AP. FORSÆTISRÁÐHERRA írlands, ('harles Haughey, sagði í dag að hann myndi ekki segja af sér vegna hneykslis sem leiddi til afsagnar Patrick Connollys saksóknara, en hann var neyddur til þess eftir að maður ásakaður um tvö morð var handtekinn á heimili hans. Haughey hitti blaðamenn að máli í dag og varði þá sína hlið á málinu eftir fremsta megni og neitaði að verða við kröfum þess eðlis að hann kallaði þingið heim úr sumarleyfi til að meðhöndla málið. Hann var greinilega í miklu uppnámi og neitaði að svara hvort vitað væri hvort um einhver tengsl væri að ræða milli Conn- ollys, sem er 55 ára gamall pipar- sveinn, og hins ákærða, Malcolm McArthur sem er 36 ára að aldri og var handtekinn á heimili Conn- ollys sl. föstudag og kærður fyrir morð á hjúkrunarkonu og bónda. Sjá bls. 14 „Connolly saksókn- ari segir af sér embætti“. „Hægt að leysa það sem eftir er á einum sólarhring“ — sagði Ariel Sharon eftir viðræður sínar við Philip Habib í dag Beirút, Tel Aviv, 17. ágúírt. AP. VARNARMÁLARÁÐHERRA ísrael, Ariel Sharon, sagði eftir fund sinn með Philip Habib í Beirút í dag að þeir hafi stigið skref í framfaraátt í mörgum atriðum er varöa lokasamkomu- lag um brottflutning liðsmanna PLO frá Beirút. Sharon sagði í viðtali við ísra- elska útvarpið að þeir hefðu eink- um beint augum sínum að þremur atriðum sem enn er ósamið um: listum yfir þá liðsmenn PLO sem munu yfirgefa Beirút; að Sýrlend- ingar kalli heim liðsveitir sínar frá Beirút og mikilvægasti þáttur- inn að mati Israela er síðan að PLO skili flugmanni nokkrum er þeir hafa haft í haldi frá innrás Israela 1978. Sharon sagði að í öllum þessum atriðum hefði náðst einhver árangur og það sem enn væri ósamið um ætti að vera hægt að leysa á næstu 24 klukkustundum, en hann bætti við að ísraelskar hersveitir í Beirút yrðu samt sem áður að vera vel á verði. Áður hafði verið tilkynnt að skotbardagar hefðu orðið milli liðsmanna PLO og ísraelskra her- manna í Austur-Líbanon, en ekki er kunnugt um mannfall á þeim vígstöðvum. Forsætisráðherra Líbanon, Shafik Wazzan, sagði í dag að lokasamkomulag um brottflutning liðsmanna PLO frá Beirút hefði náðst og bætti við að yfirvöld í Líbanon muni fara fram á það við stjórnvöld í Bandaríkjunum, Frakklandi og Ítalíu að þau sendi alþjóðlegar friðargæslusveitir til Líbanon. Aðspurður um það hvort brottflutningurinn hæfist á laug- ardag eins og talað hefur verið um, sagði hann: „Setjum ekki ákveðin tímamörk. Látum frekar V opnasölusamkomulag Kína og Bandaríkjanna Wmhinjíton, Peking, 17. ápíst AP. RONALD REAGAN forseti Bandaríkjanna tilkynnti i dag að samkomulag hefði náðst milli Bandaríkjanna og Kína varðandi vopnasölu til Taiwan, sem verði takmörkuð í framtíðinni og hætt alveg er fram líða stundir. Forsetinn sagði að samkomulag þetta myndi styrkja „frekari þróun vinsamlegra tengsla milli stjórnvalda og almennings í Bandaríkjunum og Kína“. Stjórnvöld í Kína höfðu hótað að stöðva stjórnmálaleg tengsl landanna í millum ef ekki yrði samþykkt að stöðva endanlega alla vopnasölu til Taiwan, en stjórnvöld í Bandaríkjunum neit- uðu í dag að gefa upp dagsetningu fyrir samkomulagið eins og kín- versk stjórnvöld höfðu krafist. Málgagn kínversku stjórnarinn- ar lýsti samkomulaginu í dag sem upphafi lausnar vandamálsins, en varaði bandarísk stjórnvöld við því að samkomulag þetta gæti haft alvarlegar afleiðingar í för með sér varðandi samskipti Taiw- an og Bandaríkjanna, en Banda- ríkjastjórn hefur ítrekað að tengsl milli þeirra og Taiwan séu ekki bein stjórnmálatengsl. Stjórnvöld í Taiwan lýstu í dag yfir miklum áhyggjum sínum vegna þessa samkomulags og köll- uðu það „alvarleg mistök". verkin tala.“ Alþjóðleg ráðstefna lögfræð- inga, sem hefur fundað á Kýpur að undanförnu, ályktaði í dag að ísraelar væru sekir um stríðs- glæpi í Líbanon og hvöttu ísra- elska hermenn til að óhlýðnast skipunum yfirboðara sinna ef þeir vilji komast hjá að vera taldir ábyrgir fyrir þessum glæpum. Jaruzelski snýr aftur til Póllands Varsji, Póllandi, 17. igúst. Al\ WOJCIECH Jaruzelski hershöfðingi sneri í dag heim frá Sovétríkjunum, en þar hafði hann verið í stuttri heimsókn til að ræða við Leonid I. Brezhnev um ástand mála í heima- landi sínu, samkvæmt heimildum pólsku fréttastofunnar í dag. Fundur þessi var hinn fyrsti er leiðtogarnir hafa haldið frá því herlög tóku gildi í Póllandi fyrir átta mánuðum og sjálfstæða verkalýðshreyfingin Samstaða var bönnuð. Samkvæmt heimildum frá pólsku fréttastofunni mun Jaruz- elski hafa tjáð Brezhnev að gagn- byltingaröfl hefti mjög allar framfarir efnahagsmála innan- lands og mun hann hafa nefnt í því sambandi Bandaríkin sér- staklega, en bætt við því að fram- farir í Póllandi hefðu þegar orðið þó nokkrar. Jaruzelski mun einnig hafa rætt sérstaklega um Samstöðu og neð- anjarðarstarfsemi hennar, en hún hefur nú boðað til friðsamra mót- mæla um allt Pólland þann 31. ág- úst, en þann dag eru liðin tvö ár frá því sjálfstæð verkalýðsfélög voru leyfð þar í landi. Á sama tíma og fundur Jaruz- elskis og Brezhnevs var haldinn, var vatni sprautað með kraftmikl- um útbúnaði á 300 manns eru lágu á hnjánum og báðu bænir við blómakrossinn á Sigurtorginu í Varsjá og er það í annað skiptið frá því á föstudag að lögreglan dreifir mannfjölda er þar hefur safnast saman. Innflytjendur fá sakaruppgjöf W ashington, 17. íjfúst. Al’. FYRSTU meiriháttar breyt- ingarnar á innflytjendalöggjöf- inni i Bandaríkjunum voru sam- þykktar í dag af öldungadeild Bandaríkjaþings. Nái breyt- ingarnar fram aó ganga fela þær m.a. í sér að vinnuveitendur með ólöglega innflytjendur í vinnu verða sóttir til saka. Um leið myndu þessar breytingar færa þeim milljónum ólöglegra inn- flytjenda, sem nú búa í Banda- ríkjunum, sakaruppgjöf.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.