Morgunblaðið - 18.08.1982, Side 31
MORGUNBLAÐIÐ, MIÐVIKUDAGUR 18. ÁGÚST 1982 3 1
11
Meistaraheppni!
— Víkingar lögðu óheppna Eyjamenn
VÍKINGAR færðust skrefi nær ís-
landsmcistaratitlinum í gærkvöldi er
liðið sigraði óheppna Vestmanney-
inga í Laugardalnum. Já, nokkur
heppnisstimpill var á sigri meistar-
anna, og hefðu Eyjamenn i það
minnsta verðskuldað annað stigið.
Heimir Karlsson, markahæsti leik-
maður 1. deildar, skoraði eina mark
leiksins i fyrri hálfleik. Leikurinn
var mjög fjörugur og ágætlega leik-
inn. Liðin spiluðu bæði vel úti á vell-
inum en einhvern brodd virtist
vanta í sóknina, og þá sérstaklega í
fyrri hálfleiknum, en í þeim síðari
voru það Vestmanneyingar sem réðu
gangi leiksins lengst af og gerðu oft
harða hríð að Víkingsmarkinu.
Tíðindalítið var fyrstu mín.
leiksins, en síðan tóku Víkingar
kipp eftir 15 mín. Ómar Torfason
átti fallegt skot sem Páll varði
glæsilega í horn og upp úr því kom
markið. Stefán Halldórsson
spyrnti fyrir markið og þar stökk
Heimir Karlsson vel upp fyrir Pál
markvörð og skallaði örugglega í
netið. Fallegt mark.
Siðan liðu aðrar 15 mín. áður en
mörkin kæmust verulega í hættu,
en fyrir utan vítateiganna tókst
leikmönnum hins vegar ágætlega
upp. Boltinn gekk vel milli manna.
Þremur mín. fyrir hlé fékk ÍBV
síðan gullið tækifæri til að jafna.
Sigurlás fékk góða sendingu inn á
teig, og þar barðist hann um bolt-
ann við Ómar Torfason, og lyktaði
viðureigninni með því að Sigurlás
fékk dæmda vítaspyrnu eftir að
Ómar hafði hrint aftan á hann.
En heilladísirnar voru svo sann-
arlega ekki með Vestmnnaeying-
um í leiknum, boltinn rataði ekki
einu sinni í netið í þetta sinn. Örn
Óskarsson tók spyrnuna og var al-
deilis ekki um neitt lúsaskot að
ræða. En boltinn buldi í þver-
slánni og þeyttist þaðan langt út á
völl.
ÍBV byrjaði svo mun betur í síð-
ari hálfleiknum, en þá léku þeir
undan nokkrum vindi, og var Vík-
ingsvörnin mjög óörugg fyrstu
mínúturnar. Síðari hálfleikurinn
bauð upp á meiri spennu en sá
fyrri, og voru Vestmanneyingar
betra liðið, og mun aðgangsharð-
ari. Víkingar drógu sig aftar, og
var um stöðuga sókn ÍBV að ræða
fyrsta hálftímann.
Svo rennt sé yfir færin í stuttu
máli, þá varði Ögmundur virkilega
vel frá Kára Þorleifssyni, aftur
varð hann að bjarga er Ómar Jó-
hannsson átti þrumuskot af 35 m
færi og síðan skallaði Þórður
Hallgrímsson yfir af stuttu færi
eftir fyrirgjöf Lása.
Áfram sóttu Eyjapeyjarnir og
næst var Ómar Jóhannsson aftur
á ferðinni með glæsilegt skot vel
utan teigs sem fór hárfínt yfir.
Eftir u.þ.b. hálftíma af síðari
hálfleik lifnaði aðeins yfir Víking-
um, og komu þeir meira inn í leik-
inn. Helgi Helgason var klaufi að
skora ekki eftir að Páll Pálma
hafði misst boltann eftir horn en
skot Helga fór í hliðarnetið.
Ómar Jóhannsson svaraði þessu
fyrir hönd Eyjamanna með frá-
bæru skoti úr aukaspyrnu nokkuð
utan teigs strax á eftir. Hann
sendi boltann framhjá veggnum,
en hann hafnaði í hliðarnetinu,
skall þar í aftari stönginni.
Síðustu 5 mín. var eins og
leikmenn ÍBV hefðu gefið upp alla
von og meistararnir fengu síðustu
tvö færin. Fyrst var mikill darrað-
ardans í teig ÍBV eftir horn, og
síðan fékk Heimir Karlsson al-
gjört dauðafæri til að innsigla sig-
urinn stuttu fyrir leikslok. Komst
hann þá aleinn inn fyrir vörnina,
svipað og gegn ÍA á dögunum, en
Páll kom út á móti og varði vel.
Eins og áður kom fram voru
Vestmanneyingar óheppnir að ná
ekki a.m.k. öðru stiginu í þessari
viðureign. Þeir voru mun sterkari
í síðari hálfleiknum, en náðu ekki
að nýta yfirburði sína til marka.
Munaði greinilega mikið um að
Ómar Jóhannsson lék með á ný, og
var allt annað að sjá til liðsins en
gegn Val á dögunum. Þá var Sig-
urlás ógnandi, og var ekki óalgeng
sjón að sjá 2—3 Víkinga á honum.
Ögmundur markvörður var
Staðan
Staðan í 1. deild er þessi eftir leik-
inn í gær: Víkingur 14 6 7 1 22—15 19
KR 14 4 8 2 11—10 16
ÍBV 14 6 3 5 16—13 15
Valur 15 5 4 6 16—14 14
ÍA 14 5 4 5 16—16 14
ÍBÍ 15 5 4 6 22—25 14
Breiðablik 15 5 4 6 13—17 14
KA 15 4 5 6 14—16 13
Keflavík 14 5 3 6 13—17 13
Fram 14 3 6 5 14—15 12
besti maður Víkings í leiknum, og
varði hann nokkrum sinnum mjög
vel. Þá var Þórður Marelsson góð-
ur, en hann var tekinn út af í síð-
ari hálfleik fyrir Gunnar Gunn-
arsson, þegar Víkingar vildu
styrkja vörn sína. Víkingar misstu
Aðalstein Aðalsteinsson út af rétt
fyrir hlé, en hann hafði meiðst
mjög fljótlega í leiknum.
í stuttu máli:
Laugardalsvöllur 1. deild: Vík-
ingur-IBV 1—0 (1—0)
Mark Víkings: Heimir Karlsson
á 16. mín.
Gul spjöld: Snorri Rútsson og
Örn Óskarsson ÍBV og Jóhannes
Bárðarson Víkingi.
Dómari: Guðmundur Haralds-
son, og dæmdi hann virkilega vel,
hfði góð tök á leiknum.
Áhorfendur: 894.
— SH.
’ Elnkunnaglðfln
Lið Víkings:
ögmundur Kristinsson
Þórður Marelsson
Magnús Þorvaldsson
Stefán Halldórsson
Jóhannes Bárðarson
Omar Torfason
Helgi Helgason
Aðalsteinn Aðalsteinsson
Heimir Karlsson
Sverrir Herbertsson
Ragnar Gíslason
Jóhann Þorvarðarson (vm)
Gunnar Gunnarsson (vm)
Lið ÍBV:
Páll Pálmason
Snorri Rútsson
örn öskarsson
Valþór Sigþórsson
Viðar Elíasson
Omar Jóhannsson
Jóhann Georgsson
Sveinn Sveinsson
Kári Þorleifsson
Þórður llallgrímsson
Sigurlás Þorleifsson
Hlynur Stefánsson (vm)
Sigurlás Þorleifsson og Ómar Torfason berjast hér um boltann. Stuttu síðar
hafði Guðmundur dómari blásið í flautu sína og fengu Vestmanneyingar
vítaspyrnu þar sem Ómar hrinti á bak Lása.
, VERÐIÐ
HJA OKKUR
ER
SKORIÐ
NIÐUR
Sjón er sögu ríkari.
STÓRÚTSÖL UM ARK AÐURINN
Kjörgarói, Laugavegi 59, kjallara, sími 28640.
• Buxur á alla fjölskylduna.
• Herraskór.
• Skíöavesti.
• Peysur á alla, konur og karla.
• Bolir.
• Herrajakkar.
• Unglingapils.
• Sokkar.
• Saengurver og barnafatnaður.
• Náttföt og margt, margt fleira.
Alltaf nýjar vörur að bætast við
STÓR-
UTSÖLUMARKAÐURINN
KJÖRGARÐI