Morgunblaðið - 05.09.1982, Qupperneq 3
MORGUNBLAÐIÐ, SUNNUDAGUR 5. SEPTEMBER 1982
47
„Gria höllin“ í Kristjaníu. — I „Fríríkinu Kristjaníu" ól fólk með sér drauma um fegurra og betra mannlíf en
tíðkaðist úti í hinu harða neysluþjóðfélagi. Sumum hefur eflaust tekist að gera þá drauma að veruleika, en aðrir
„virðast ekki lengur hafa neitt að stefna að nema næstu vímu“, eins og segir í viðtalinu.
varð fljótt hvers manns hugljúfi í
Islendinganýlendunni því að hann
hélt öllum uppi á dópi og brenni-
víni. Við höfðum engar áhyggjur af
því hvernig hann færi að því að
vera svona stórmannlegur til að
byrja með, vissum bara að hann var
30 ára gamall og hafði setið inni 11
ár ævi sinnar. Þó fóru að renna á
okkur tvær grímur þegar hann fór
að mæta með heilu bílhlössin af
skartgripum og öðru þýfi og tæma
sjóðina á stofugólfið hjá okkur.
Eftir smátíma gerðum við okkur
ljóst að hann sprautaði sig með
heróíni, innbrotin urðu æ svaka-
legri og allt hans atferli. Hann var
nú samt tekinn með á þorrablót,
íklæddur lopapeysu og vakti mikla
hrifningu viðstaddra. Það má eigin-
lega segja að hann hafi haldið aðal-
ræðuna á þorrablótinu, þar sem
hann dásamaði íslendinga fyrir að
vera gott og hjartahreint fólk og
sagði þá vera einu vinina sem hann
hefði eignast um dagana, en a.m.k.
það síðasta var nú eflaust alveg
rétt.
Þegar hér var komið sögu var
vinskapurinn farinn að vera okkur
nokkuð þungur í skauti. Hann var
farinn að sprauta sig fyrir framan
okkur, en það hafði hann ekki gert
áður, og maður gat átt von á því ef
maður gekk með honum á götu, að
hann ræki hnefann inn um næsta
glugga, opnaði læsinguna, hyrfi inn
og kæmi síðan alblóðugur út með
fangið fullt af ránsfeng og lögregl-
una á hælunum.
Ég bauð honum nú samt í mat á
jólunum, en þegar ég kom heim
þann daginn beið mín lítið bréf sem
í stóð: „Jeg er gáet hjem“. Það þýddi
að honum fannst útivistin vera orð-
in nógu löng og var farinn aftur í
fangelsið, eina heimilið sem hann
þekkti. Ári seinna endurtók sagan
sig. Hann slapp út og leitaði skjóls
hjá Islendingum, en var nú allur
svakalegri en í fyrra skiptið, veif-
andi skotvopnum o.s.frv. En þá var
ég á förum úr landinu og hafði ekk-
ert af honum að segja.
„Allt svo öfgakennt“
Þegar vetraði, kuldinn kom og
ekkert var hægt að fara og ekkert
við að vera, varð allt einhvern veg-
inn svo öfgakennt. Þá komu tveir
íslendingar ekki saman án þess að
allt yrði vitlaust og við vorum hætt
að fá inni á nokkrum stað fyrir
skemmtanir.
Þegar fólk lá ekki í þunglyndi og
sjálfsmeðaumkun var verið að
reykja hass, drekka bjór og slást og
mér fannst dálitið um það að fólk
fyndist það geta látið allt eftir sér
af því að það var statt í
Kaupmannahöfn en ekki heima hjá
sér, væri jafnvel í því að gera sér
upp alls konar tilhneigingar sem
það hafði alls ekki, bara til að fylla
upp i tilgangsleysi tilveru sinnar á
staðnum.
Ég var oft að tala um hve ástand-
ið væri slæmt við félaga mína og
við ræddum það, en þó vildu fæstir
viðurkenna að nokkuð væri að.“
Hverju vildir þú þá kenna um?
„Þessari endalaustu vímuleit og
frekar bjórnum en hassinu. Ég er
alveg á móti því að fá hann hingað
eftir kynni mín af honum í Kaup-
mannahöfn. En flestir vildu kenna
kerfinu um. Að þeirra dómi var rík-
ið einfaldlega ekki nógu gott við þá.
Nú, svo kom sumar með sól og
gullkálfum og þá hýrnaði yfir
mannskapnum. Það varð meiri
hreyfing á fólki og rykið var dustað
af áformunum."
Varð þá eitthvað úr þeim áform-
um?
„Ég veit vart hvað skal segja. Hjá
sumum, t.d. krökkum sem voru að
fást við leiklist og tónlist, má
kannski segja að eitthvað hafi orðið
úr hlutunum, en margt rann líka út
í sandinn.
Svo var auðvitað líka fullt af
„streit" liði, efnilegum náms-
mönnum o.s.frv. Þá sá maður helst
á spilakvöldum úti í Jónshúsi."
Hvað varð um hina? Heldur þú
að þeir hafi tekið út einhvern
þroska við Hafnardvölina, þrátt
fyrir allt?
„Mér fannst ég alltaf vera sér og
standa utan við það sem var að ger-
ast, af því að ég var svo ósátt við
það hvernig þetta fólk fór með tíma
sinn og krafta. En margir hjakka
enn í sama farinu og nokkrir eru
alveg útbrunnir. Svo eru aðrir, sem
eru orðnir ráðsettir, eiga börn og
buru og hús í Þingholtunum."
HHS
Á þriðjudag:
„ÞEIRRA ATVINNA
ER AÐ LJÚGA
SVÍKJA OG STELA“
OGFLEIRA v
stórútsölu
marka*
Húsgagnahöllinni
(aður syningarhöllin Bildshöfða)
Nýjar vörur
teknar fram á morgun
og næstu daga
Vöruúrval
Fatnaður á dömur — herra — unglinga — börn og ungbörn.
Hljómplötur — kassettur. Efni í stórkostlegu úrvali. Gardínuefni —
stórísar — sængurfatnaöur — handklæði — sportvörur alls konar —
íþróttaskór — o.fl. o.fl.
Þetta er markaöur sem enginn getur
látiö fram hjá sér fara — hreint út
sagt ótrúlega góö kjör.
Karnbær — Belgjageróin — Steinar — Hummel-
umboðið — Nylon Plast — Z-brautir — Gluggatjöld hf.