Morgunblaðið - 30.09.1982, Qupperneq 26
26
MORGUNBLAÐIÐ, FIMMTUDAGUR 30. SEPTEMBER 1982
Ljósm.: Kmilía.
Rúmlega 200 nemendur Landakotsskóla, sem rekinn er af kaþólikkum, fóru síðastlióinn laugardag í skólaferða-
lag í logru veðri. Petta er í fyrsta sinn, sem skólinn efnir til slíks haustferðalags, en börnin í skólanum eru á
aldrinum fi til 12 ára. Myndin var tekin er krakkarnir voru að leggja af stað í ferðalagið.
Heybruni á Efra-
Ási í Hjaltadal
Skaganrói, 29. seplember.
I^ugardaginn 25. þessa mánaðar
brunnu og eyðilögðust um 1000 hest-
ar af um 1400, sem voru í fjóshlöðu
að Efra-Ási í Hjaltadal. Bóndinn þar,
Sverrir Magnússon, varð fyrir miklu
tjóni, þó hey og hiaða væru sæmi-
lega vátryggð. Hlaðan var nýtt stór-
hýsi og skemmdist hún töluvert, þar
sem sperrur sviðnuðu og skemmdust
og einnig þakið. Slökkviliðin frá
Sauðárkróki og Hofsósi voru komin
á staðinn og björguðu því sem bjarg-
að varð, ásamt heimamönnum.
Kuldatíð er í Skagafirði, en
snjór er ofarlega í fjöllum. Kýr
eru þó látnar út, sérstaklega þar
sem grænfóður er til. Mjólk hefur
þó minnkað töluvert í samlaginu.
Heyskapur er til muna minni í út-
hluta héraðsins, heldur en var á
síðastliðnu ári, en í framhéraðinu
er hann talinn góður. Slátrun
sauðfjár stendur nú yfir og fall-
þungi talinn misjafn. Lömbin eru
ekki stór, en sæmilega vel feit og
flokkast yfirleitt vel. Þorskafli er
talinn enginn á Skagafirði.
Björn í Bæ.
Neskirkja:
Samverustundir
fyrir aldrað fólk
Skattar sem hlutfall af þjóðarframleiðslu:
Skattar til ríkisins aukast hlutfallslega
en skattar til sveitarfélaga standa í stað
SKATTAR til rikisins, sem hlutfall
af þjóðarframleiðslu, hafa farið vax-
andi á siðustu árum, á meðan skatt-
tekjur sveitarfélaganna hafa nær
staðið í stað, að því er fram kemur í
grein Ólafs Davíðssonar forstjóra
Þjóðhagsstofnunar í Sveitarstjórn-
armálum nýlega. í greininni segir
Ólafur að síðastliðin tuttugu ár hafi
skatttekjur sveitarfélaganna verið
að meðaltali G,8% af vergri þjóðar-
framleiðslu. Sveiflur kringum þetta
meðaltal skýrist einkum af sveiflum
í þjóðarbúskapnum.
Árið 1980 segir Ólafur skatt-
tekjur sveitarfélaganna hafa verið
7,2% af þjóðarframleiðslu, og lík-
lega örlítið hærri hlutfallslega
1981.
Svartsengi:
Affallsvatni dælt
aftur í iður jarðar
Á SVARTSENGl er þessa dagana
unnið að tilraunum með að dæla
vatni niður í borholur á jarðhita-
svæðinu, að því er Sverrir Þórhalls-
son hjá Orkustofnun sagði i samtali
við blaðamann Morgunblaðsins. Til-
raun þessi er meðal annars gerð til
að kanna samgang milli borhola á
svæðinu, og er köldu vatni dælt
niður til að ganga úr skugga um feril
þess í iðrum jarðar á svæðinu.
Sverrir Þórhallsson sagði að
hugmyndin væri að dæla síðar af-
fallsvatni úr virkjuninni niður í
jörðina aftur. Það væri einkum
gert í tvíþættum tilgangi; annars
vegar til að viðhalda þrýstingi á
jarðhitasvæðinu, sem hefði
minnkað við nýtingu orkunnar, og
svo hins vegar til að takmarka
stækkun lónsins sem affallsvatnið
hefur runnið í.
Holan, sem boruð var í þessum
tilgangi í vor, er 1.500 metra djúp
að sögn Sverris, og var hún boruð
sem hver önnur yrkjunarhola, og
var hún látin blása nýlega. En síð-
an er sem sagt ætlunin að láta
hana taka við affallsvatni, sem
þannig er komið aftur niður í iður
jarðar eftir notkun. Þannig er
meðal annars unnt að hafa stjórn
á vatnsborðshæðinni, sem hefur
lækkað við nýtingu jarðhitasvæð-
isins svo sem áður segir.
Að sögn Sverris hefur verið
unnið að margvíslegum rannsókn-
um í Svartsengi í áratug eða svo.
Framan af hefðu rannsóknir eink-
um beinst að því hvernig nýta
mætti orkuna á svæðinu. Nú væri
einnig byrjað á rannsóknum er
fælust í könnun á eðli jarðhita-
svæðisins, sem svo að sjálfsögðu
nýttust einnig við orkunýtinguna.
— Erlendis kvað Sverrir það
þekkt að dæla vatni aftur niður
eftir notkun, og væri það aðallega
gert vegna mengunarvarna. Til-
raunir af þessu tagi hafa á hinn
bóginn ekki verið gerðar hérlendis
fyrr.
Skattar til ríkisins hafi á hinn
bóginn farið vaxandi hlutfallslega
á síðustu tveimur áratugum. Árin
1960 til 1969 var skatthlutfallið
um 22,2% af þjóðarframleiðslu að
meðaltali, en 25,7% á árunum
1970 til 1979. Árið 1980 hafi hlut-
fallið verið 27,3%, og líklega 28%
á síðasta ári. — Samtals hafi
skatttekjur hins opinbera því ver-
ið rösklega 35% af þjóðarfram-
leiðslu í fyrra, og hlutur sveitarfé-
laganna í opinbera búskapnum sé
því um einn fimmti á þennan
mælikvarða. — Þar bendir for-
stjóri Þjóðhagsstofnunar þó á, að
hlutur sveitarfélaganna sé líklega
nokkuð vanmetinn með þessu
móti, því þau eigi iðulega frum-
kvæðið að ýmsum framkvæmdum
og þjónustu, sem síðan er að veru-
legu leyti greidd af ríkinu. Þá
bendir Ólafur Davíðsson einnig á
hve náin samskipti ríkis og sveit-
arfélaga séu á mörgum sviðum, að
erfitt sé oft að greina á milli. Það
komi til dæmis í ljós er skoðaðar
séu tölur um mannafla í þjónustu
hins opinbera. Um 70% þeirra
sem vinna hjá hinu opinbera séu
við starfsemi sem unnin er sam-
eiginlega af ríki og sveitarfélög-
um, rúmlega 20% séu hjá ríkinu
og tæplega 10% hjá sveitarfélög-
um. Þetta hlutfall hafi lítið breyst
síðustu ár.
SÉRSTAKAR samverustundir fyrir
roskið fólk hafa verið haldnar viku-
lega í Neskirkju undanfarin þrjú ár.
Mikill fjöldi listamanna hefur
komið í heimsókn og átt mikinn og
þakklátan hlut í að gera þessar
stundir vinsælar og minnisstæðar.
Haldið verður áfram á sömu braut
á komandi vetri og byrjar starf-
semin nk. laugardag, 2. október.
Ætlunin er að hefjast handa með
því að fara í smá ferðalag og er í
ráði að framkvæma „kirkjuúttekt"
í Mosfellssveit og fá að heyra sögu
staðanna að Mosfelli og Lágafelli.
Lagt verður af stað frá Nes-
kirkju nk. laugardag stundvíslega
kl. 15. (Fréttatilkynning.)
„Dauðinn í fenjun-
um“ í Hafnarbíói
„DAUÐINN í fenjunum" heitir
ensk-bandarísk kvikmynd frá EMI,
sem Hafnarbíó hefur byrjað sýn-
ingar á.
Myndin fjallar um þjóðvarðlið
Louisiana í Bandaríkjunum og æf-
ingaferð þess langt inn í fenja-
skóg, til að reyna á dugnað og út-
hald manna. Hópurinn snarvillist
og hans bíða miklar þrengingar í
fenjunum. Meðlimirnir týna töl-
unni einn af öðrum og margt hef-
ur gerst áður en tjaldið fellur.
Margt að gerast á
Loftleiðum í vetur
Gestir í Blómasalnum fá sér af kalda borðinu.
Einum gesta skammtað af steikinni.
Ljósmyndir Mbl. Emilía.
Margt er á döfinni hjá Hótel
Loftleiðum í vetur. Þar verður
meöal annars boðið upp á vík-
ingakvöld, sælkerakvöld, átthaga-
kvöld, franska viku, enska krá,
ungverska daga, sjávarréttakvöld
og villibráðarkvöld svo eitthvaö sé
nefnt.
Föstudagsskemmtanir verða í
Blómasalnum, þar sem sýnt
verður það sem hæst ber í tísku
og snyrtingu hverju sinni. Auk
þess verða tískusýningar í há-
deginu fyrsta föstudag hvers
mánaðar. Næsta sýning í Blóma-
salnum verður föstudaginn 8.
október. Þá verður íslensk mat-
arkynning í anddyri hótelsins á
hverjum laugardegi klukkan
16-19.30.
Sælkerakvöld verða á fimmtu-
dögum i haust og vetur. Það er
Jónas Kristjánsson ritstjóri sem
ríður á vaðið í dag, fimmtudagin
30. september. Næsti sælkeri er
líklegt að verði Björgvin Hall-
dórsson söngvari. Sælkerarnir
verða annað hvert fimmtudags-
kvöld, en á móti þeim munu mat-
reiðslumeistarar hótelsins sjá
um matinn.
Víkingakvöld verða í Blóma-
salnum á sunnudagskvöldum frá
19—22.30. Þar er gestum meðal
annars boðið upp á þríréttaða
máltíð og að bragða á sérstökum
miði sem víkingablóð nefnist.
Vestmannaeyjakvöld verða í
Víkingasal 1. og 2. október, undir
stjórn Árna Johnsen og verður
þar á borðum ýmislegt, sem
eyjamenn munu kannast við, svo
sem lundi og svartfugl. Vestfirð-
ingakvöld verða 5. og 6. nóvem-
ber og um svipað leyti verða Týr-
ólbúar þar á ferð.
Þá verður sjávarréttakvöld í
Blómasal 29. október.
Vínlandsbar verður breytt í
enska krá dagana 11. til 22. nóv-
ember.
I desember verður jóladagskrá
á sunnudagskvöldum í stað vík-
ingakvöldanna. Aðventukvöld
verður 6. desember, Lúsíuhátíð
12. desember og jólapakkakvöld
laugardaginn 18. og sunnudag-
inn 19. desember. Tískusýningar
verða öll kvöldin.
Meðal þess sem boðið verður
upp á eftir áramótin er síldar-
ævintýri, ostavika, ungverskir
dagar og frönsk vika.